Di ako kumibo. Ayoko madamay sa mga ganyang eksena. Saka wala akong pera! Nag-iipon pa lang ako.
"Promise bes pag sumama ka, tulungan kita makabili ng vinyl record ni T.S." Pang-uuto ni Isang. Tinanggal ko ang kumot ko.
"Ilang araw ba tayo doon?" Mabilis akong bumangon. Inilabas ko na yung medium sized backpack ko.
"Two days lang daw, sabi ng tropa ni Aidan." Paliwanag ng bestfriend ko.
Naglagay ako ng pang-apat na araw na damit sa bag ko. Tapos yung Converse ko na low cut na ang suot ko. Nagdala na din ako ng sandals, just in case.
"Pwede mo ba dalin camera mo bes?" Tanong uli nya. "Ako hahawak ha. Props ko para okay ang porma ko hahaha!"
Kinuha ko yung camera ko na bigay ni ate. Saka ko inabot kay Isang. "Paki-ingatan, di ko kaya bumili ng DSLR." Babala ko sa kanya.
Nag-jeggings na lang ako na ripped kasi lahat ng pantalon ko nasa labahan pa. Call center agent kasi ko. Di mahigpit sa company namen kahit anu suot mo basta disente dapat. May certificate ako ng Interior Design seminar, kaso mahirap sa field na yun. Palakasan din.
Hay naku! Wala na pala ako malinis na jacket. Kaya ayun nagdala na lang ako ng cardigan na walang laban sa lamig. At least may dalang panglamig!
Madali naman kausap ang mga magulang ko sa mga ganitong bagay lalo na pag si Marissa kasama ko. Diyos ko po! Tiningnan ko cellphone ko, alas tres ng madaling araw! Matindi ang tama ni Isang sa lalaki na iyon ah. Ang aga aga pa! Pero para sa vinyl records, laban tayo!
Kinakarga na nila yung mga musical instruments dun sa puting van. Siguro dun din kame sasakay kasi mga "taga palakpak" lang naman kame. Umupo na ko sa gutter kasi antok na antok pa ko. Ayun si Isang kasama yung dalawa pang babae nakikipag-kwentuhan dun kay Aidan. Pakiramdam ko pumipintig yung ulo ko. Grabe! Napaka-mahal ng vinyl para gawin ko ito!
Di ko na talaga kaya. Kaya kinuha ko na headset ko at nagpa-tugtog ng Taylor Swift. Paborito ko ngayon Get away car eh. Lalo na yung bridge part. Tapos pumikit uli ako. Katabi ko naman bag ni Isang kaya panigurado di ako maiiwan. Hinayaan ko na lang yung lyrics ng kanta sakupin ang pag-iisip ko.
Nagsasakayan na yung mga tropa nung Aidan kaya tumayo na ako. Tinanggal ko yung isang side ng headset para naririnig ko yung mga pinagsasabi ng tao sa paligid. Siguro kailangan ko na ng kape para mawala itong pulsating headache ko? May kasama na syang hilo eh. Wala pang laman tiyan ko. Sana may balak itong mga tao na ito kung saan kami kakain.
Nilapitan na ako ni Isang. Ngayon ko lang napansin, nakapalan nya make-up nya. Panalo sa blush-on! Sana lang worth it itong Aidan na ito kasi kawawa naman ang bestfriend ko.
"Bessss, kay Aidan tayo sasakay. Eeeek kilig diba? Tengene nemen! Hahaha!" Kinikilig na sabi sa akin ni Isang. "Bes okay lang ba sayo dun ka magisa sa puting van?"
Ganun? Puro lalaki kasama ko? Anu nangyari sa bestfriend ko?!
"Kasi apat lang kasya sa kotse ni Aidan. Syempre di naman ako magpapatalo sa dalawang malandi na yun!" Sabi ni Isang habang nakatingin dun sa dalawang babae na kausap pa rin si Aidan.
"Competition ba ito bes?" Binulong ko sa bestfriend ko.
"Syempre 'no! At di ako magpapatalo sa dalawang malandi na yan!" Determinadong sabi ni Isang. Napapikit na lang ako kasi tumibok na naman ulo ko. Nalimutan ko magdala ng water bottle. Para maka-inom ng Paracetamol. Mamaya ko na nga lang problemahin. Sasakay na ko sa van.
"Teka muna, sa akin na lang sakay lahat ng babae!" Announcement ni Aidan ng sasakay na ko sa van.
"Hoooo madaya ka! Iyo na lahat!" Pabirong sigaw ng isa sa miyembro ng banda nila. "Di marunong mag-share! Diba sharing is caring? Hoooo!"
Napa-baba tuloy ako sa van. Iba na talaga itong sakit ng ulo ko. Gusto ko na matulog ng mawala na. Napaka-gulo ng mga tao na ito!
Tiningnan ko si Isang. Hinila nya na ako papalapit sa kotse ni Aidan.
Tumayo muna ko sa ilalim ng puno kasi nagtatalo pa sila Isang at yung dalawang babae kung sino ang uupo katabi ni Aidan sa harap. Iniisip ko tumakas kaya ako? Di naman ata worth it ang vinyl records para magtiis ako dito!
In the end, ako ang nasa harap. Para daw fair. Madaming alam itong tatlong babae na ito. In fairness malinis kotse ni Aidan. Amoy lemon. Sumandal na ko at kinandong ko bag ko. Nilabas ko yung cardigan ko kasi ang lamig ng aircon. Tapos tinalukbong ko na sa mukha ko. Sana matapos na itong araw na ito!
Nagising ako stop over na. Wala ng tao sa kotse kundi ako na lang. Nasa seven eleven na kaya sila? Shit! Binaba ko muna bag ko. Kailangan ko din bumili! Kaso pabalik na sila. Lahat may mga dalang coffee cup at paper bag.
"Itsura mo bes. Ang gulo-gulo ng buhok mo! Pumasok ka na nga. Binilan na kita. Ayusin mo nga sarili mo." Nakangiting sabi ni Isang at inabot sa akin ang coffee cup. Nag-sisakay na kame uli. Sabi ko iihi lang ako sandali at lumabas na ako ng kotse.
Pagbalik ko nakalagay na sa coffee cup holder yung kape ko at inabot sa akin ni Isang yung hotdog sandwich ko.
"Hoy Marissa sabihan mo naman yang friend mo mag-patugtog sya ng may silbi sya!" Comment nung isang bruha habang nag-lalagay ako ng dressing sa sandwich ko.
Tiningnan ko na lang si Isang. Kung anu sasabihin nya.
"Sige bes magpa-tugtog ka na lang diyan ng kahit ano. Walang magrereklamo ha! Iba trip na music ng bestfriend ko! May marinig lang ako kahit kanino, patay kayo sa 'kin!"