Nahihilo na ako kaka-basa ng mga synopsis ng mga romance novels dito sa bookstore. Puro cliche stories naman, wala man lang pa-Mystery effect. Ewan ko ba, gustong gusto talaga ng mga tao ang mahirap yung babae, mayaman yung lalake, mga nobelang mala-Cinderella. Grade six ako nagsimula magbasa ng mga romance pocketbooks, grabe kilig ko noon, siguro kasi ignorante pa ako. Pero kapag pala namulat ka sa hirap ng buhay at sa mga kwento ng mga taong nabigo sa pag-ibig, magbabago pananaw mo. Halimbawa na lang ang ate ko, nasa tamang edad naman siya nag-asawa pero medyo hirap pa din sila.
May savings naman sila pero di pa din sapat. Grabe din sila mag-aaway ng brother-in-law ko. Sabi nga ni Mama, di biro mag asawa kaya dapat pumili ng mabuting kapareha kasi panghabang buhay na. Ibinalik ko na ang English pocketbook na hawak ko kasi nag-vibrate na ang phone ko, malamang bestfriend ko ito, si Marissa.
Marissa: Ali san ka na? After ng dalawang reader ako na mag-babasa.
Ali: Jeep na ko malapit na. Pasensya na. Natuwa kasi ko sa book sale.
Marissa: Lagi naman tayo nandiyan. Bilisan mo na! Kailangan ko suporta mo.
Ali: Okay bibilisan ko na maglakad. See you!
Poetry Reading Group
Ah garahe pala ang set-up ng poetry reading session nila Marissa ngayon. Inikot ko ang mga mata ko sa mga magagandang sasakyang nakapaligid. May mga modern at my vintage din. Sayang di ko dala camera ko. Wala naman nabanggit si Marissa na ganitong setting.
Nakita ko na si Marissa, nandoon na sya sa harap. Aligaga na ang lola mo. Malapitan na nga. Parang maze kasi, ang daming maliliit na bilog na mesa. At lahat yun puno ng tao. Wala ng bakante. Hindi ko na mabilang ilang beses ako nagsabi ng "excuse me". Nang makarating ako sa bestfriend ko. Laking tuwa ng lola mo.
"Kala ko di ka na makakarating eh!" Sabi ni Marissa na nangingilid na ang luha.
"Ano ka ba. Support kaya ako. Ano ba gusto mo Nana or Rafaela? Haha!" Sagot ko sa kanya, gamit ang mga characters ng isang sikat na mobile game. Di na sya nakasagot kasi tinawag na sya. At siya na ang mag-babasa.
"Upo din Miss, para makita namen," sabi ng isang lalaki sa bandang likod, umupo agad ako sa upuang inalisan ni Marissa, "yaaan, salamat ha!"
Nakakairita naman yung lalaki na yun! Di ko na nilingon. Binabawasan ko na kasi ang pagpatol ngayon sa mga walang kwentang bagay. Para sa peace of mind ko.
May nakita akong papel sa mesa. Listahan pala ito ng mga pagkakasunod sunod ng mga babasa. Ang babasahin ni Marissa eh, Having a Coke with You by Frank O’Hara. Bakit kaya nya napili yun? Ang dami namang pwede. Nagsimula ng magbasa si Isang, yan ang palayaw nya. Napakunot noo ako kasi nakatingin si Isang sa likod ko, habang binabasa nya ung tula. Napapalingon na din sa likod yung mga nasa harap kasi dun nakatingin si Isang. Tapos ayun naghiyawan na sila ng, "uy iba na yan!" at "new loveteam!"
Nag-palakpakan kame nung natapos na si Marissa. Sya na pala ang last na magbabasa kaya nag-tayuan na ang mga tao.
"Okay lang ba pagbasa ko, Ali?" Tanong sa akin ng bestfriend ko. Pero hindi siya nakatingin sa akin, kundi sa bandang likuran ko. Tiningnan ko na nga din sino ba yun. Grupo ng mga lalake. Parang rakista o banda ata sila.
"Sino dun crush mo?" Dererso kong tanong kay Isang.
"Shhh ang ingay mo naman! Basta yung butas sa tuhod ang pantalon." Sagot nya at saka ako hinila sa old model nyang Toyota Corolla EE series.
Sinusian nya yung pinto sa driver's side tapos tinanggal nya yung lock sa side ko. Pagkasara ko pa lang ng pinto rumatrat na sya ng kwento.
"Pangalan ni crush, Aidan. Vocalist sya ng banda nila. Tapos yung tatlong kotse naka-display kanina, kanya yun. Yayamanin sya bes!"
Napahikab ako ng di sinasadya. Hopeless romantic talaga 'tong bestfriend ko. Yan ang napapala ng lagi nag-babasa ng romance pocketbooks.
"Anung bagong book mo?" Tanong niya habang nakatingin sa unahan ng kotse.
"Wala. Nagdesisyon ako na bibili na lang ako ng vinyl records. Sayang kasi player na iniwan ng ate ko." Sagot ko sa tanong nya. Pumunta na kasi ibang bansa ate ko.
"Anong bibilihin mong album?" Patuloy na tanong ni Isang. Her eyes still on the road.
"Iniisip ko pa. Dami ko kasi nagustuhan sa Reputation album ni Taylor Swift. Yung 1989 din maganda at ang latest yung Lover. Pero baka 1989 na lang, siguro mura na yun ngayon." Ang haba ng paliwanag ko.
"Bes, sa tingin mo malaki possibility na maging kame ni Aidan?" Seryosong tanong nya sa akin. At tumingin na sya sa direksyon ko.
"Bes twenty five years old na tayo pareho. Gusto mo ba gamitan ko ng F.L.A.M.E.S yung name nyong dalawa?" Biro ko kay Isang at natawa naman sya.
"Sige reality check tayo. Nagpakita na ba sya sayo na interesado sya?" Seryosong tanong ko sa kanya.
Nalungkot ang bestfriend ko. Umiling lang sya.
"There's your answer." Katwiran ko sa kanya.
*****
Mga 8:30pm ako na-hatid ni Isang sa bahay namin. Kumain lang ako dinner at sinaksak ko na vinyl player ni Ate. Ang meron lang ako dito nag-iisang vinyl album ng Beatles. Pinapatugtog ko na habang nagbibihis ako.
Ginagawa ko ding pampatulog ang music nila. Papatayin ko na lang kapag nawawala na diwa ko. Tapos yun tulog na ko.
Napa-dilat ako, lumilindol ata?
"Bes?" Tinig ni Isang. Niyu-yugyug nya pala kama ko!
Nag-taklob ako ng kumot. Anu na naman kaya kailangan nya? Saka anong oras na ba? Kaloka itong bestfriend ko. Insomniac kasi.
"Diba kanina tanong mo kung nagpakita na ba si Aidan kung interesado siya sa akin? Pwes! eto na yun! Niyaya nya ko sa bahay nila sa Baguio!" Paliwanag ng bestfriend ko. Sobrang excited nya, boses pa lang.
Di ko na narinig ang iba niyang sinabi kasi nakatulog na ko. Niyugyog nya ulit yung kama ko.
"Bes, kailangan ko uli suporta mo dito. Samahan mo naman ako sa Baguio." Paawa effect niyang sabi.