NAKAPASA si Chelo sa exam na ikinatuwa ng kanyang ama at ng kaibigan. Nang araw ding iyon ay isinama siya ng ama sa malaking bahay nito upang ipakilala sa lahat. Gusto niyang maramdaman nitong ipinagmamalaki niya ito bilang anak sa lahat ng nakakilala sa kaniyang angkan.
"Bakit kailangan mo pa siyang itira dito at ipakilala sa lahat?!" galit na tanong ni Margarita nang makita ang bastardang anak ni Lexter.
"Hindi ka ba nahihiyang malaman ng mga tao na nagtaksil ka sa iyong asawa? Ano na lang ang mukhang ihaharap namin ni Margarita sa aming mga amega? Isa itong malaking kahibangan at kahihiyan!" segunda ng ina ni Lexter na halos lumabas na ang litid ng ugat sa leeg dahil sa galit.
Si Chelo ay tahimik at nakayuko lang sa isang tabi habang pinapakinggan ang pag-uusap ng mga ito. Nasasaktan siya sa mga naririnig lalo na sa sinabi ng kanyang tunay na abuela.
"Tama na!" Galit na sigaw ni Lexter sa mga naroon na lahat ay tutol sa naging pasya niya. Ang kanyang ama ay tahimik lamang pero alam niya na hindi din ito sumasang-ayon sa kanyang nais.
Natahimik si Margaret at ang beyanan na babae. Kapag ganoon ang boses ng asawa ay hindi nila ito pwedeng sabayan.
"Sa ayaw at sa gusto ninyo, dito siya titira at kilalanin ng lahat na anak ko!" nag-iigtingan ang mga litid ng ugat ni Lexter sa kaniyang leeg.
"Pumapayag ako na dito siya titira sa isang kundisyon!" ani Margaret sa mahinang tinig ngunit ingrata pa rin ang dating.
"Ano iyon?" baling ng tingin ni Lexter dito.
"Wala siyang mamanahin sa kayamanan at hindi mo siya maaring ipakilala sa alta sosyudad na anak mo siya. Maaring malaman ng ilan pero hindi mo siya maaring ipakilala sa lahat ng pormal." Nakataas-noo na pakipag-usap ni Margaret sa asawa.
"May karapatan siya sa kayamanang mayroon ako dahil anak ko rin siya." Naging mahinahon na ang boses ni Lexter pero may bahid pa ring galit ang tono ng pananalita nito. Hindi niya nagustohan ang gustong mangyari ng asawa.
"Pa, okay lang po kung wala akong mamanahin dahil hindi naman po mahalaga iyon sa akin." Hindi na nakatiis na sumabat si Chelo upang hindi na lumawig pa ang diskusyon.
Panabay na napaismid ang ina at asawa ni Lexter sa narinig. Para sa kanila ay isang langaw ang dalaga at marumi ito.
Naaawang nilapitan ni Lexter ang anak at niyakap. Sumang-ayon na lang din siya sa kagustuhan ng asawa upang matapos na ang usapan. Pero may iba siyang plano at siguraduhin niyang hindi magmukukhang kawawa ang anak kapag siya ay nawala sa mundong ibabaw.
"Patawarin mo ang papa mo, anak! Noon at magpahanggang ngayon ay hindi kita nabibigyan ng maayos at buong pamilya." Hindi ni Lexter mapigilan ang mapaluha. Inakay niya ang anak patungo sa maging silid nito.
"Huwag niyo na po akong intindihin, Papa. Hayaan niyo po at gagawin ko ang lahat upang matanggap nila ako. Pero may isa lang po sana akong pakiusap." Humarap siya sa ama at piping nagdasal na sana pagbigyan ang kaisa-isa niyang hiling.
"Say it, anak at ibibigay ko lahat ng makakaya ko upang makabawi sa mga pagkukulang ko sa iyo!"
"Maari po bang dito rin titira si Lhea? tukoy niya kay leo. "Matalino po siya at makakatulong siya sa aking pag-aaral." Todo dasal ang dalaga na sana ay pumayag ang kanyang ama at hindi na kontrahin ng kanyang madrasta at lola.
"Iyan lang ba?" Nakangiting tanong ni Lexter dito. Kilala niya si Leo, sang-ayon siya na makakatulong nga ito sa kaniyang anak sa pag-aaral. Alam niyang ito ang naghikayat kay Basya na pag-aralin muli ang kaniyang anak.
"Opo!" nangni-ningning ang mga mata ng dalaga dahil sa pagkasabik na marinig ang sagot ng ama.
"Sige, aayusin ko ang bagay na iyan." Nakangiting sagot ni Lexter sa anak. Maging siya ay masaya dahil sa nakikitang tuwa sa mga mata ng anak.
Sobrang saya ng dalaga nang pumayag ang ama kaya niyakap niya ito ng mahigpit. Nakikita naman ni Margareta ang lahat na lihim nakikinig mula sa nakaawang na pinto. Matatalim ang mga tinging ipinukol sa likod ng babaeng nakatalikod mula sa kinatatayuan nito..
"Mommy, Daddy I'm home!" Masiglang bati ni Angelica mula sa entrance ng pintuan.
"Dumating na ang kapatid mo! Halika at ipakilala kita sa kanya. Tiyak na matutuwa siya na makita ka!" nagagalak na turan ni Lexter at muling inakay ang anak palabas ng pinto.
Mabilis na tumalilis ng lakad si Margaret palayo sa pintuan at sinalubong ang anak na bagong dating.
"Hindi po ba siya katulad nila?" may pag-aalinlangang tanong ni Chelo sa sama, ang dalawang ginang ang kanyang tinutukoy.
"Kasing bait mo siya anak kaya huwag kang mag-alala. Iwan mo na ang bag mo riyan at ang katulong na ang bahalang mag-ayos ng gamit mo sa kabinet." Inakay na ni Lexter ang anak palabas ng pinto. Hindi alam ni Angelica ang tungkol sa pagtira doon ng kapatid nito dahil gusto niyang surprisahin ito.
"My Angel! How's your day?" magiliw na salubong ni Margaret sa anak at niyakapa ito ng mahipit matapos siyang halikan nito sa pisngi.
Naudlot ang pagtatanong ni Angelica sa ina nang bumungad sa harapan niya ang ama at may kasamang babae na kahawig niya at kaedaran.
"Siya po ba ang kapatid ko?" Nakangiti na tanong nito sa ama habang nakatingin sa babae na halatang nahihiyang tumingin sa kaniya.
"Siya nga, Hijaha, ano ang masasabi mo?" Nakangiti ring tanong ni Lexter dito.
"Wow, amazing! We're look a like! Walang halong ka plastikan na kumento ni Angelica.
Napasimangot si Margaret nang makita ang tuwa sa mukha ng anak. Mukhang nawala na rin sa isip nito na naroon lang siya sa tabi nito.
"Saan pa nga ba magmamana?" nakangisi at mayabang na turan ni Lexter.
"Wala ng iba kundi sa iyo, Dad! Umakbay pa dito si Angelica at marahang tinapik ang balikat ng ama.
Nakangiting pinapanuod ni Chelo ang mga ito. Nakaramdam siya ng inggit sa kapatid dahil sobrang close sa kanilang ama samantalang siya ay ngayon lang makakasama ito. Sobrang ganda nito at ang kinis ng balat. Hindi tulad niya na kulay morena ang kutis dahil na rin lumaki sa bukid. Kilala niya ito sa larawan at kwento ng abuela pero ngayon lang nakaharap.
"Welcoma home, Sis!" Ibinuka ni Angelica ang dalawang braso, walang pag-aalinlangan na niyakap ang kapatid ng mahigpit at hinalikan ito sa pisngi.
"Thank you!" kiming sagot ni Chelo dito at nahihiya siya sa kaniyang amoy. Langhap niya ang bango ng kapatid. Pero nabawasan ang agam-agam dahil sa mainit na pagtanggap sa kanya ng kapatid. Hindi katulad ng ina nito na lantaran ang pagpapakita ng galit sa kanya.
"Don't worry, im here to teach you everything! Huwag mo na lang pansinin ang kasungitan ni Mommy!" ibinulong ni Angel ang hulig sinabi sa kapatid.
Sinimangutan ni Margaret ang anak nang lumingon ito sa kaniya at kumindat. Ayaw din naman niyang maging maldita ang anak. Pero ayaw niyang maging malapit ito sa kapatid nitong putok sa buho.
"Halika at ipakita ko sa iyo ang room ko then you can get whatever you want from my belongings." Excited na inakay nito ang kapatid sa kanyang silid. Nakalimutan nang magpaalam sa ama na masaya silang pinapanuod.
"Wow!" Humahangang inilibot ni Chelo ang paningin sa loob ng silid ng kapatid. Mukhang pang prensisa ang ayos ng kuwarto nito. Nasa gitna ang malaking bed na sobrang lambot, ang wardrobes nito ay malaki at mas mataas pa sa kanya. Nang buksan nito iyon ay lalo siyang napahanga sa mga naka hangers na damit. Sa kabila ay mga accessory."
"You like it?" masayang tanong ni Angelica, "pili ka ng gusto mo, magka-size lang naman tayo kaya tiyak na kakasya lahat iyan sa iyo."
"Angelica!"
Napalingon ang dalawa sa pintuan kong saan naroon si Margareta at bakas sa estrokatang mukha nito ang galit.
"Why you let her come inside your room and see your things? Hindi natin alam ang ugali ng bastardang iyan, baka nakawin ang mamahalin mong damit at alahas!" walang pakundangang sita nito sa anak.
"Ma! Don't treat her like that! asik nito sa ina, tumingin siya sa kapatid at humingi ng pasensya.
"Manang-mana ka sa iyong ama na maawain at sinasamantala ng isang tulad ng babaeng iyan!" inis na wika ni Margareta.
"Thank you for the compliment, Mom!" Nakangising sagot ni Angelica sa ina. Nagpasalamat siya at hindi niya namana ang ugali nito at ng kanilang lola.
Inirapan ni Margaret ang namimilosopong anak. Upang hindi tuloyan masira ang kaniyang araw ay iniwan na niya ang mga ito.
"Don't mind her," apologetic na wika nito sa kapatid nang makaalis ang ina.
"Okay lang ako, masasanay rin ako sa kanila." Nakangiting sagot ni Chelo sa kapatid pero halatang malungkot pa rin.
"Sige na! Pili ka na ng gusto mo." Ibinalik ni Angelica ang sigla ng boses upang hindi mailang sa kanya ang kapatid.
Kumuha ng isang simpling damit si Chelo upang pagbigyan ang kapatid. Palagay na ang loob niya dito at sana lang ay hindi magbago ng pakitungo sa kaniya.
"C'mon, get more!" hindi mapagkailang masaya ito at kinagagalak ang pagkaroon ng kapatid kahit magkaiba ang kanilang ina.
Napilitang sundin ang gusto ng kapatid kahit wala siyang hilig sa gamit na mamahalin.
Kinabukasan ay sinundo ng kaniyang ama ang kaibigang si Leo upang doon na rin tumira.
"So tama nga ang chimis na mabait ang unica iha ng mansion na ito." Taas-kilay na kumento ni Leo habang namamasyal ang paningin sa paligid ng bahay. Wala ang bruhang madrasta ng dalaga kung kaya madali ito nakapasok roon.
"Galing sa kanya itong damit na suot ko." May pagmamalaki na inilahad ng dalaga ang suot na bisteda sa kaibigan. Kahit hapit sa katawan ay komportable ang pakiramdam niya dahil lampas tuhod iyon.
"Ang taray, kahit pangbahay na damit ay mamahalin. Ang sexy mo, Gurl!" Maarteng puna ng bakla sa suot ng kaibigan.
"Pumayag na sila na dito ka titira pero doon ang silid mo sa squatter area ng mga katulong, okay lang ba sa iyo?" nahihiyang tanong niya sa kaibigan.
"Kahit sa Guard house pa ako patirahin ay okay lang!" bakas ang kakaibang ngiti sa labi ng bakla dahil sa kakaibang takbo ng isip nito.
"Lalandi ka na naman, gustong-gusto mo doon dahil may fafa!" Inirapan ng dalaga ang kaibigan.
Tumawa lang si Leo, pinayagan naman siya ng ina na samahan si Chelo roon at tutor ng dalaga ang maging trabaho sa mansion. Hindi naman lugi ang mga ito sa kanya sa pagpasahod dahil sadyang matalino siya at valedictorian na gumaraduate sa elementary, magpa-hanggang ngayon ay nasa kanya ang korona.
"Huwag mo na lang pansinin at patulan kapag nagpasaring sa atin si Senyora Margareta upang walang gulo." Paalala ni Chelo sa kaibigan. Senyora ang kanyang tawag dito dahil iyon ang kagustuhan ng huli.
"Mabuti na lang at hindi nagmana sa kanya ang kapatid mo." Nakaingos na kumento ni Leo. Sikat si Angelica sa paaralang pinapasukan nito. At siya ay kailangan na ring lumipat sa pribadong eskwelahan bilang scholarship upang makasama ang kaibigan.
"Ang bunganga mo baka may makarinig sa iyo at isumbong tayo." Saway nito sa kaibigan. Loyal ang mga katulong sa bahay sa kanyang madrasta kaya nag-iingat siya upang hindi ito magalit sa kanila.
"Maiba nga pala tayo, alam mo ba na mayroong bagong darating na professor sa paaralan na papasukan natin?" kinikilig na pagbabalita ni Leo sa kaibigan.
"Eh ano naman kung bago?" Tikwas ang dalawang kilay na balik-tanong ni Chelo dito.
"Gaga, baka gusto mong ahitin ko iyang kilay mo?" puna niya sa kilay ni Chelo dahil tinalbogan ang katarayan ng kaniyang kilay.
Agad namang pumantay ang kilay ng dalaga at ngumiti sa kaibigan.
"Bata pa daw at galing U.S.A, naku baka dumugo ilong natin kung siya ang maging professor natin!" eksaheradong pagpapatuloy na pagkukuwento ni Leo sa kaibigan.
"Normal lang na galing sa ibang bansa ang maging guro sa school na iyon dahil pang international." Naka nguso na sita ni Chelo sa kaibigan.
"Tseee! Iyang nguso mo naman ang tapyasin ko mamaya." Banta ng bakla sa dalaga.
Nag e-enjoy ang dalawa habang wala pa ang kontrabida. Ang ilan sa katulong na napapadaan sa gawi nila ay umiirap tanda na hindi gusto ng mga ito ang kanilang presensiya doon.
NILISAN ni basya ang kubong naging tirahan nila Chelo ng maraming taon. Nasa paligid lamang siya ngunit hindi nagpapakita sa mga tao.
Ang tatlong lalaki ay pinagpapawisan agad pagkalabas ng NAIA 3 terminal dahil sa init at nanibago ang mga ito sa klema. Bitbit ang maliliit na de gulong bag ay parang mga artista na pinagmamasdan ng mga taong naroon. Ang mga mata ni Leeyol ay naging matalas ang tingin sa paligid at pilit inaamoy sa hangin ang bawat tao na nadadaanan. Nagbabaka-sakali na isa sa kanila ang hinahanap. Ngunit nairita lamang siya sa bandang huli dahil humina na ang kaniyang pang-amoy tulad ng bilin ng mangkukulam.