3rd Person Pov.
"I think Ana sumobra na tayo" ani ni Daneleigh sa kapatid na nakaupo sa vanity nito. Bahagyang tumawa ang kapatid niya sa kanya at may ngisi sa mukhang tumingin sa hawak-hawak nitong hikaw....ang hikaw na sinasabi niyang nawawala.
"it's never too much until we make her leave." ibinaba ni Analiza ang hawak nitong hikaw at pumunta sa kama nito.
"Hindi mo ba nakita ang mukha niya kanina? Nakakaawa kaya." daretsong sabi ni Daneleigh. "kaya naman siguro natin siyang paalisin dito ng hindi kinukuha yung pera niya" sabi pa nito.
"sige paano?" napatahimik si daneleigh "alam mo sis, hindi ko naman anong kunan siya ng pera, si mommy yun. Ang plano ko lang ay siraan siya sa mata ni mommy pero ang ginawa ni mommy kinuha niya ang pera ni ella. Gusto ko lang mapaalis yang si ella. Hindi kaba nahihiya kayna Lara?" sabi pa ni analiza patukoy sa mga kaibigan nila na nagpunta sa kanila.
"hmmm well slight? Because it feels like na they're looking down on us nung pumunta sila dito" totoo sa sariling saad ni Daneleigh.
"at dahil yun kay ella. Epal na Ella. Hindi manlang ayusin ang pag arte bilang muchacha." gigil na sabi ni Analiza "basta gagawa tayo ng paraan para mapaalis si ella dito, okay?" sabi pa ni analiza tumango na lamang sa kanya si daneleigh.
Rafaela Amber Reyes
Matagal akong nakipagtitigan sa kisame bago ako bumangon, ang sakit padin ng mata ko dahil sa pag-iyak kanina. Tumayo na ako at binuhat ang kama ko pabalik sa frame nito at ibinalik ang bedsheet at mga punda ng unan bago humiga muli. Para talaga akong pagod na pagod, para akong walang ganang kumilos. Tumingin ako sa maliit na bintana at nakitang maliwanag na. Umaga na pala.
Napabuntong hininga nalang ako bago pinilit ang sarili ko na bumangon para kumain ng almusal. Tumayo ako at marahang sinipa sa gilid ang mga gamit ko na nakakalat. Kinuha ko sa sahig ang instant food ko at inilagay ito sa oven na pinaglumaan na. Habang inaantay ang pagkain ko umupo muna ako sa kainan ko. Humalukipkip ako at idinukdok ang mukha sa lamesa pero saglit lang ay inangat ko din ang ulo ko at sumandal na lamang sa upuan. Napangiwi nalang ako at napangalumbaba ng makita ang kalat ng gamit ko.
"ayoko na dito. Nakakapagod na" bulong ko sa sarili ko. "bayan!" busangot at inis kong ginulo ang buhok ko. Nakakainis kasi kahit gusto kong umalis dito, hindi naman ako makakaalis dahil wala akong trabaho, mauubos lang ang pera ko sa upahan. Ang mahal pa naman ng mga upahan. Isa pa hindi din naman ako papaalisin ni lady marelyn dito. 
Nang marinig ko ang tunong ng oven sinyales na tapos na ang pagkain ko ay tumayo na ako at kinuha ito. Tahimik lamang akong kumain at nang matapos ay niligpit ko na ang pinagkainan ko at nag simula ng maglinis ng mga gamit ko na nakakalat sa sahig.
Pinulot ko ang backpack ko na ginagamit ko sa trabaho para itabi na ito nang makita ko ang isang punting panyo. Naalala ko na ito yung panyo na may naglagay sa lamesa ko ng hindi ko alam. Dinampot ko ito at nakapa ulit ang baraha sa loob. Binuklat ko ang panyo at ngayon ko lang napansin ang naka burdang initial ng pangalan dito.
"D.V?" mahinang bigkas ko. Wala naman akong kilala sa mga katrabaho ko dati na may pangalang nagsisimula sa D or V. Napatingin naman ako sa barahang hawak ko at napaisip nalang kung totoo kaya ang mga nakasulat dito. Para kasing scam pero wala namang masamang subukan diba?
El Olimpo Masion
Hiring personal maid.
Interested?
Cell phone No. : 0995#######
Address: #################
Monthly Allowance: 50k monthly
Umupo ako sa kama ko at kinuha ang cellphone ko. Mas okay ng subukan kaysa baliwalain. Kung totoo nga to at hindi scam sana naman tumatanggap pa sila kasi halos mag iisang buwan na 'tong nasa bag ko lang at hindi ko pinapakielaman. Mag mula kasi nung nawalan ako ng trabaho hindi ko na binuksan itong bag. Sana talaga hindi to scam at sana tumatanggap pa sila at sana din hindi pa sila nakakahanap. Kung magkataon na tanggapin nila ako ang laki ng sweldo ko!
"hello?" sabi ko ng may sumagot.
"yes, who is this?" sagot ng isang boses babae. Inilayo ko saglit ang cellphone ko at napatingin dito na may kunot ang noo. Parang pamilyar kasi ang boses niya.
"ito po ba yung El Olimpo Mansion?" tanong ko muli.
"yes, sino to?"
"Rafaela Reyes po. Hiring pa po ba kayo ng personal maid?" pagtatanong ko.
"what did you say? Personal mai—ah! Ah! Okay I remember. Oo, hiring pa. If you want to apply, just go to the address and someone will accompany you to your boss" dare-daretsong sabi ng babae.
"boss amp. Hibang ka?" rining kong sabi sa background. Boses lalaki.
"what?" sabi ng babae sa nag salita. Napakunot nalang ako ng biglang tumawa ang kausap ko sa kausap nito sa background. Para namang nanloloko lang tong kausap ko.
"hello? Scam ba to?" daretsong tanong ko. Napakunot ako lalo ng tumawa ito.
"sige, think that way pero hindi 'to scam. Nasayo naman kung mag aapply ka o hindi. You could go for it or just leave it" sabi ng babae sa akin. Hindi ko talaga alam pero pamilyar talaga ang boses nitong babae sa akin. Hindi ko lang maalala kung saan ko siya narinig.
"dami mong alam" sabi muli ng lalaki sa background.
"umalis kana nga dito" sabi ng babae sa lalaking kasama niya. Napakamot nalang ako sa noo ko.
"Ah. okay po, sige po. Kailan po ba pwede pumunta?" sabi ko. "sugurado po ba kayong hindi scam to?"
"anytime sa saturday, try to map the mansion para masigurado ka." sabi niya.
"Sige po. Salamat po" ibinaba ko na ang tawag dahil kahit kailangan ko ng trabaho nag dadalawang isip padin ako dito. Meron kasi parte sakin na parang nag sasabi na scam siya pero naiisip ko din na wala naman masama kung susubukan ko, hindi naman siguro sila masasamang tao diba na may balak ibenta mga lamang loob ko? Jusme wag naman sana.
Binuksan ko ang map sa cellphone ko at sinearch ang address ng mansion pero walang lumalabas. Ang lumalabas ay ang blue sapphire. Pinindot ko ito at ipinakita sa akin ang isang gate ng village. Napaawang at napatakip nalang ako ng bibig dahil mukhang village ito ng mayayaman batay sa litratong nakikita ko.
3rd Person Pov.
"Ayoko na. Nag bago na isip ko." Kunot noong ibinaba ng dalaga ang cellphone nito sa tabi niya "binabaan ako amp. Ako dapat mag bababa, hindi siya." umirap ang dalaga at muling kinuha ang cellphone at tumayo.
"saan ka pupunta?" tanong ng binatang naka dekwatro sa isang sofa na ayaw siyang lubayan dahil wala itong magawa.
"secret" sagot ng dalaga.
"dito kalang, uuwi sina auntie ngayon" sumimangot ang dalaga.
"kaya nga ako aalis kasi uuwi sila" iritadong sabi ng dalaga at naglakad paalis ngunit binilangan siya ng binata na kinainis nito.
"isa."
"dalawa!" sabat ng dalaga at humarap sa binata. "wag mo nga akong mabilang-bilangan, marunong din ako mag bilang" busangot na saad nito.
"Dami mong sinasabi" napangiwi ang dalaga dito
"Wag kana umalis, dito ka nalang"  Napatigil ang dalaga at pigil ang ngiting tumingin sa likuran nito ng mabosesan ang boses ng bagong dating na binata. Napailing nalang at napatawa ng mahina ang binatang nakaupo sa nakita nitong inakto ng dalaga.
"ayoko" daretsong sabi ng dalaga na pinipilit ang sarili na mag mukhang malamig dito. Nagpatuloy na sa pagalis ang dalaga ngunit ng lalagpasan na niya ang binata ay hinawakan siya nito sa palapulsuhan niya. Napangisi nalang ang dalaga at muling humarap sa pinanggalingan nito.
"okay hindi na ko aalis, bukas nalang." agad na wika ng dalaga at bumalik sa pwesto nito na ngiting-ngiti. Dahilan para pag tawanan siya ng binatang nakaupo.
"rupok" bulong ng binatang nakaupo at napailing sa dalaga na may ngiti sa labi.