Rafaela Amber Reyes pov.
"Manong para ho" bumaba na ako ng tumigil ang jeep at naglakad na papasok ng mall. Mag gro-grocery lang ako dito tapos uuwi na din ako agad kasi grocery lang naman inutos sakin dito ni lady marelyn.
Nang matapos ako maglinis kanina ng kwarto ni lady marelyn, mag linis ng garahe, at magluto ng pagkain nung mag kapatid pati nung kaibigan nila ay gumayak naman na ako para mag grocery.
Hindi padin umuuwi si lady marelyn, siguro mamaya pang alasais ang uwi niya. Pati yung dalawang kaibigan ng kambal hindi padin umuuwi. Jusme lang, dapat mamaya pa akong alasdos aalis para mag grocery kaso hindi ko kinaya yung dalawa nilang kaibigan. Sobrang uminit ulo ko sa kanila kaya maaga na lang akong umalis kasi baka pag hindi ako nakapagtimpi lima na kaming magsabunutan do'n.
Ikumpara ba naman daw ako sa kasambahay nila. Yung isa pa nilang kaibigan panay pa sabi na tanggalin na ako kasi wala naman daw akong silbi, parang hindi daw ako katulong umasta. Nakakainis kasi bawat galaw ko pinapansin nila kahit nga damit ko pinansin nila, bakit daw hindi ako maayos manamit paano daw kung may bisita na dumating, bakit daw wala akong uniform. Yung dalawa naman walang ginawa, as expected. Alam ko naman gusto-gusto pa nila at tuwang-tuwa pa sila na ginaganun ako ng kaibigan nila. Tsk.
Kumuha ako ng isang cart at isang basket ng makarating ako sa grocery. Yung cart para sa mga pinapabili ni lady marelyn, yung basket naman ay para sa sarili kong pagkain. Inilagay ko lang sa ilalim ng cart yung basket at kinuha na ang listahan ng grocey sa shoulder bag ko.
Nag simula muna ako sa pag kuha ng mga gamit panlaba bago ako kumuha ng mga panluto, mga pagkain at iba pang gamit na pang personal. Kumuha naman ako para sa sarili ko ng mga instant food at mga dilata. Huli akong pumunta sa junk food area para sa snacks nila. Mahilig kasi sila kumain ng snacks habang nanonood.
"wag ka ngang kuha ng kuha. Magagalit nanaman sayo si avy. Sabihin hindi mo naman kakainin bili ka ng bili" napatingin ako saglit sa lalaking nag salita, parang familiar kasi ang avy na pangalan sa akin. Hindi ko lang matandaan kung saan ko narinig.
"Pera ko naman gagamitin ko" sabi ng lalaki na malapit sa akin. Napatingin ako dito at sa cart niya, punong-puno ng snacks and drinks.
Kinuha ko ang cellphone ko sa bag ng maramdaman kong mag vibrate ang cellphone ko. Pag tingin ko ay tumatawag pala si miya sa akin.
"hello" saad ko ng masagot ang tawag.
"hello?! Girl hello!?" may pagka sarkastikong sabi nito.
"oh anong gusto mo? Bye?" sagot ko dito.
"naiinis ako sayo ha." sabi nito napangiti naman ako. Hindi ko kasi sinabi sa kanya na natanggal na ako sa trabaho, sabi ko lang sa kanya ay uuwi na ako. Ilang linggo na ang nakakalipas at hindi ko padin sinasabi sa kanya, iniisip ko kasi ay baka bawiin ni manager ang sinabi niya pero hindi naman nangyari. Pinaasa ko lang ang sarili ko sa wala.
"sasabihin mo na ba? May ginawa kang mali noh?"
"ayoko chismis mo lang ako eh" sagot ko
"chismis? Eh ikaw nga lang kaibigan ko. Ayos kalang?" bahagya akong natawa.
"oo na sasabihin ko na." sabi ko
"punta ka dito" sabi niya pa
"saan?" tanong ko.
"dito sa café"
"sa heart café? Nasa trabaho kaba? Sira ka talaga. Nasa trabaho ka tapos nakikipag usap ka sakin."
"break ko. Punta ka dito ha?"
"oo sige. Basta libre mo, wala na ko pera eh" saad ko.
"luh ayoko nga"
"edi ayoko din, bahala ka dyan. Mag kita nalang tayo sa kanto dyan, sa tusok tusok ni manong drei. Parang ewan kasi kape lang ang mahal mahal pa, mag 3 in 1 nalang ako girl" napatingin ako sa lalaki ng marinig ko itong tumawa pero hindi naman ito nakatingin sa akin
"ay teh gumaganyan kana ha" natatawang saad niya "natanggal kalang ganyan kana" natawa ako.
"joke lang. Sige na bye na"
"Dito ka nalang pumunta, ililibre kita."
"sa café? Osige papunta na. Bye"
"bye" sabi niya. Ibinaba ko na ang tawag at pumila na ako sa cashier at habang nakapila chinecheck ko lahat ng pinamili ko kung kompleto ba at inilagay na sa cashier. Nang matapos ay lumabas na ako at nagtungo sa terminal ng taxi. Balak ko na umuwi muna bago mag pumunta sa café, nakakahiya naman sa mga customer dun ang dami kong dalang plastik.
Nang makauwi ako ay nakita ko ang kambal sa sofa at nanonood. Inayos ko ang mga napamili ko at bumaba sa kwarto ko para ilagay ang mga napamili ko. Lumabas din ako agad at inilock ang pinto.
"aalis ako" sabi ko sa dalawa.
"sige lang, kahit wag kana bumalik" saad ni analiza. Napailing nalang ako dito at lumabas na. Wala padin si lady marelyn, mukhang mamayang gabi pa nga ang dating niya.
Sumakay lang ako ng jeep papuntang café at nang makarating ay pumasok na ako agad. Napangiti nalang ako ng malanghap ko muli ang amoy ng café, nakakamiss tuloy mag trabaho dito. Nag tungo ako sa bakanteng table sa dulo. Nangunot naman ang noo ko sa lalaking malapit sa table ko, dalawang table ang pagitan namin. Nag babasa kasi siya ng magazine na sobrang lapit sa mukha niya. Baka sobrang labo lang ng mata, napangiti nalang ako at inantay si miya.
Saglit lang at nag ring ang phone ko at nakita si miya na tumatawag kaya sinagot ko agad.
"nasaan kana?" bungad niya sa akin
"nandito na" sagot ko. Nakita ko naman siyang lumabas ng dressing room at tumingin sa labas. "dnakaupo na ako dito sa dulo" sabi ko. Ngumiti naman ako sa kanya ng lumingon siya sa gawi ko at makita ako. Ibinaba ko na ang tawag. Pumunta si miya sa counter at may kinuha na plastic. Inilagay niya sa lamesa ang plastic ng makaupo siya sa harapan ko.
"bakit naka take out?" tanong ko.
"gusto ko lang" sagot niya. Nag kamustahan muna kami ni miya dahil ilang linggo na din kaming hindi nag kikita, halong mag iisang buwan na. Ganun din ang araw na natanggal ako sa trabaho. Apat na taon na kaming mag kakilala ni miya, apat na taon din akong nag trabaho sito sa café. Dito na kami nag kakilala ni miya.
"nga pala nakapasa ako sa LNU, but" pinigilan ko ang kamay niya sa pagpalakpak "wala akong pera pang tuition fee" sabi ko. Ibinaba naman niya ang kamay niya.
"bakit hindi ka nag apply ng scholarship?" tanong niya.
"hindi ako pwede sa scholarship nila kasi puro line of 9 ang tinatanggap nilang grade sa card. Girl isa lang line of 9 ko, p.e pa" natawa siya sa sinabi ko.
"ako din nakapasa sa SHU" namangha at naastigan ako sa sinabi niya. Ang SHU at LNU kasi ang sinubukan ko pero hindi ako nakapasa sa SHU. "nakapasa din ako sa LNU, bleeh" napanguso ako.
"scholar?"
"of course!" napasinghap nalang ako. Ang daya! Sana ako din. Hindi mayaman si miya, may kaya lang din sila pero hindi gaya ko ay pinagpa talaga siya sa katalinuhan yun nga lang ay ubod ng kulit.
"LNU ka nalang! Sama tayo, sige na para naman may kasama na ko" saad ko at pinaglapat ang palad ko.
"namomoblena ka sa tuition mo diba? Pinag iisipan ko pa nga kung saan ako mag eenroll" sabi pa niya na ikinainggit ko.
"LNU ka nalang please"
"next week sabihin ko" pinaningkitan ko ito ng mata at ngumiti at tumango.
"ngayon sabihin mo na sakin bakit kaba natanggal? Ano bang ginawa mo?" napasimangot ako ng maalala yung nangyari sa vanderbilts company building.
"naalala mo na pinadeliver mo ko sa vanderbilts nung araw yun?" tumango siya "nabangga ko yung may-ari nitong café, natapon sa kanya yung iniinom niya inumin. Hindi ko naman sinasadya, nag sorry naman ako pero tinanggal niya padin ako." nalungkot ang mukha ni miya.
"alam mo kung pano niya sinabi sakin na tanggal na ko? Sabi niya lang 'you're fired' tapos naglakad na siya paalis, nilagpasan ako na parang wala lang. Ang dali niyang binitawan yung salita niya na hindi niya manlang inisip yung tinanggalan niya ng trabaho. Dahil lang sa aksidente nag tanggal siya ng empleyado."
"yun lang ang nangyari kaya ka natanggal?" sabi niya
"oo yun lang" sagot ko at ngumiwi.
"halika na, mall nalang tayo. Kalimutan mo na yan, window shopping na lang tayo" tumayo siya at kinuha ang kape niya at hinawakan ako sa palapulsuhan. Agad ko din kinuha ang kape ko at nagpahatak sa kanya.
3rd person Pov.
Pag labas ni ella at miya ng store ay ang pag pasok naman ng tatlo binata at isang dalaga sa café. Pinagtinginan agad sila pag pasok dahil sa itsura nila at porma. Hinanap nila ang kaibigan nila at nang nakita nila ito ay nag tungo agad sila dito.
Rafaela Amber Reyes pov.
Nakangiti akong pumasok ng gate sa saya dahil sa tagal ng bonding namin ni miya pero nawala din agad ang ngiti sa labi ko ng makita ang kalat ng snacks sa sala. Nakakalat ang mga pinagbalatan at kinainan nila. Wala ang kambal dito sa sala kaya iniisip ko na nasa kwarto nila sila. Dinambot ko ang mga kalat sa sahig at kinuha ang mga plato at mga baso na nasa lamesa. Itinapon ko ang mga basura at inilagay sa lababo ang plato at baso. Inalis ko ang shoulder bag ko at inilapag ito sa hapagkainan at kumuha ng walis upang mag walis sa sala. Nang matapos ay bumaba muna ako upang magpalit ng damit at umakyat muli upang magluto na.
Nang matapos akong magluto ay saglit lang ay dumating na si lady marelyn. Pinagbuksan ko lamang ito ng gate at nag hain na pagbalik ng bahay. Kumain naman na muna sila at hindi muna umakyat si lady marelyn kaya naglagay lang ako ng ulam at kanin sa baunan at bumaba na din. Nagugitom na din kaso ako, ayoko naman na puro instant food ang kainin ko dahil alam ko ay masama din yun.
Nang matapos akong kumain ay hinugasan ko na ang pinagkainan ko at nag ayos kwarto. Inaayos ko ang mga pinamili ko ng magulat ako sa biglang pagkalabog ng pintuan ko sa pag bukas at pumasok dito si lady marelyn na masama ang tingin sa akin. Kinabahan naman ako at agad na napaisip kung may ginawa ba akong mali kahit alam ko sa sarili ko na wala naman akong ginagawang mali. Nagawa ko naman lahat ng inuutos niya.
"naglinis kaba talaga ha?" bungad nito habang nag lalakad patungo sakin.
"opo kaninang umaga bago po ako mag grocery"
"talaga?" napaatras ako ng lumapit ito sa akin
"op—aray! Lady marelyn!" napasigaw ako ng bigla niya akong sabunutan at kaladkarin paakyat. Agad na nagbadya ang mga luha sa mata ko dahil sa sakit ng nararamdaman ko. Nag tungo kami sa second floor habang hawak hawak niya padin ang buhok ko. Nag mamakaawa ako na bitawan niya ako pero lalo niya lang hinihigpitan ang pag kakahawak sa akin. Marahas na binitawan niya lamang ako ng makarating kami sa kwarto niya dahilan para mapaupo ako sa sahig.
Napa awang nalang ako ng bibig ng makitang ang gulo ng kwarto ni lady marelyn. Mula sa kama niya hanggang sa mga gamit niya sa vanity.
"nag linis po ako kanina" tumingin ako kay lady marelyn, napahawak nalang ako sa ulo ko ng subukan kong tumayo pero nahilo ako kaya napaupo akong muli.
"pagod ako ella. Pagod ako. Tapos ganito maabutan ko sa kwarto ko? Pinaparamdam mo na ba galit mo sakin ha!? Nag rerebelde kana ba!?" mariin ako napapikit sa nagagalaiting sigaw nito.
"hindi po. Sorry po, lilinisin ko na po" humawak ako sa tuhod ko pansuporta upang makatayo at kagat labing humarap kay lady marelyn "sorry po" napapahid ako ng luha ko. Patalikod na ako ng tawagin ni Analiza si Lady marelyn mula sa kwarto niya.
"Mommy! Nawawala yung earrings ko!" masamang tumingin sa akin si lady marelyn at pumasok sa kwarto ng anak niya. Agad akong sumunod dito na kinakabahan at nanlalamig, natatakot na baka mapag-bintangan.
"mommy that's my favorite one" sabi pa ni analiza
"baka na misplaced mo lang" sabi ko at napalunok. Napaiwas nalang ako ng tingin ng masamang tumingin sa akin si lady marelyn.
"No i didn't. Dito ko lang inilalagay yun." itiniro ni analiza ang drawer niya sa vanity.
"pumasok kaba kanina dito?" tanong ni lady marelyn sakin.
"hindi po" sagot ko. Hindi ako pumasok sa kwarto nila dahil may bisita nga silang dalawa.
"sigurado ka?" tumango ako kay lady marelyn. "darlings, check her room" nanlaki ang mata ko sa sinabi nito, ang kambal naman ay hindi nag dalawang isip at agad na bumaba. Agad din naman akong sumunod sa kanila.
"lady marelyn, hindi po ako kukuha ng earrings ni Analiza" sabi ko kay lady marelyn na nakasunod sa amin.
"malay ko ba kung kinuha mo kahapon tapos sinanla mo kanina" sagot nito na ikinatigil ko. Bakit sila ganito?
Pag dating ko sa kwarto ko ay hindi ko na alam kung ano pang mararamdaman ko. Ang bilis ng panyayari, parang binagyo ang kwarto ko sa gulo. Yung bed foam ko wala na sa kama, yung bedsheet ko nakaalis kahit na yung mga punda sa unan ko. Yung bag ko na ginagamit sa trabaho nakakalat na sa sahig ang mga laman.
"mommy hindi ko makita" sabi ni Analiza
"tignan niyo yung bag na ginamit niya kanina" napatingin ako kay lady marelyn na nakatayo sa harapan ko. Bigil hininga akong nagbabakasakali na sana ay hindi sila mag punta ng banyo. May malaking pera kasing laman ang bag ko, nag withdraw ako kanina para sana pang downpayment muna sa LNU. Napayuko ako ng pumasok si daneleigh sa cr at lumabas na dala ang bag ko. Nanghihina na ako, humahapdi na mga mata ko.
Ibinigay ni daneleigh kay lady marelyn ang bag ko. Binuksan ni lady marelyn ang bag ko at kinuha ang wallet ko habang tinitignan bawat sulok at bulsa ng bag ko. Nang wala siyang makita ay binuksan niya ang wallet ko.
"daming pera ha?" ngising tumingin si lady marelyn sa akin habang hawak nito ang pera ko.
"lady marelyn, withdraw ko po yan. Pang down payment ko po yan" naluluhang saad ko.
"it doesn't look like that to me. Halata kasing pera galing sa sanlaan" inihulog niya ang bag ko sa sahig pati ang wallet ko.
"yung earrings ko mommy" sabi ni Analiza.
"eto na yung earrings mo dear. Ginawa na niyang pera" tumalikod na si lady marelyn at maglalakad na palabas pero humarang ako sa pintuan.
"lady marelyn paniwalaan niyo naman po ako. Wala po akong pinagkukunan ng pera, pang tuition ko po yan. Hindi ko po alam yung earrings ni Analiza. Hindi po ako pumasok sa kwarto nila." napahikbi ako "maniwala po kayo, please po"
"Kahit umiyak kapa ng balde-balde dyan walang maniniwala sayo dito. Wala kang kakampi dito." itinulak ako nito paalis sa dinaraan niya, ang dalawa naman ay sumunod na sa nanay nila. Napaupo nalang ako sa sahig at napaiyak.
Tumayo ako sa kinalalagyan ko at nag lock ng pinto. Humiga ako sa kama ko at itinakip sa mukha ang unan ko. Umiyak lang ako ng umiyak hanggang sa napagod ako sa kakaiyak at dalawin ako ng antok na may tanong sa aking isipan kung bakit nangyayari sa akin ang mga ito.