Chapter 4
             " Eerin! ", bati niya. " Nakakatuwa no? Hindi ko akalain na sasang - ayon ang mga maiden sa mungkahi natin ."
             Kasalukuyan silang nasa Arrow Garden at pinagmamasdan ang ibang mga anghel na nagdidilig doon.
             " Hindi ko rin alam kung bakit pero ... parang nasasabik na ako sa bago kong misyon. Parang nakakaramdam ako ng kakaibang kasiyahan ", patuloy nya.
             Hindi ito sumagot. Nanatili lang itong nakayuko.
              " Uy Eerin! Hindi ba' t madalas ka naman sa mundo ng mga mortal? Turuan mo naman ako kung paano kumilos ng naaangkop .. para hindi nila ako paghinalaan. "
              " Matalino ka naman Janna kaya sigurado akong masasanay ka kaagad. At isa pa, wala rin naman silang ipinagkaiba sa atin sa anyo at salita. Maliban sa pakpak at kapangyarihan ", mahinang sagot nito pero di siya nililingon.
             Pinihit siya nito paharap sa kanya. Nakita niyang umiiyak ito.
              " Eerin! Bakit ka naman umiiyak? ", natatawang tanong niya.
              " Syempre malulungkot ako sa pag - alis mo! "
              " Pansamantala lang naman ito, hindi ba? Babalik ako. Magtagumpay man ako o hindi, babalik ako, pangako ."
              Yumakap ito sa kanya at ganon rin siya rito.
               " Ah alam ko na! Hintayin mo ko rito sandali ha ", anito at nagmamadaling umalis.
              " Teka ----- ", pigil niya ngunit nawala na ito.
            Agad din naman itong nagbalik at sa pagkakataong iyon ay may dala na itong kahon. Tumabi muli ito sa kanya at binuksan ang kahon. Mula roon ay inilabas nito ang isang hugis pusong salamin na halos singlaki lamang ng isang palad.
              " Dalhin mo ito sa iyong pag - alis. Maaari nating makausap ang isa' t isa sa pamamagitan nito ", ani Eerin at iniabot sa kanya ang salamin.
              " T - talaga? Salamat Eerin! ", masayang aniya.
                Itinago niya iyon sa malapad na lasong nakatali sa bewang niya. Siyang dating ni Rieca.
               " Janna, ipinapatawag ka na sa konseho "
               " Sige  ", aniya at yumakap muna ng mahigpit kay Eerin bago sumunod kay Rieca.
                                           

                " Isasagawa namin ang banal na pagsasanib ng kapangyarihan upang magkaroon ka ng katawang lupa gaya ng sa isang tao ngunit sa limitadong panahon lamang ", ani Maiden Ayesha. " Makikita, mahahawakan at makakausap ka tulad ng isang mortal. "
                Kinakabahan siya. Nakatayo siya sa gitna ng bulwagan at napapalibutan ng apat na Maiden. Sa paanan niya ay may mga talulot ng bulaklak na ikinalat sa hugis ng kalahating araw at kalahating buwan. Ang kinatatayuan naman ng mga maiden ay tila mga bituin. Sa paanan din ng mga ito ay may apat na tila babasaging sisisdlan. Ang isa ay naglalaman ng pulang likido, isa ay tila tubig, ang isa ay may lamang lupa at ang isa ay walang laman.
               " Aray!  ", daing niya ng biglang bumila ng isang hibla ng kanyang buhok si Maiden Althea at inilagay iyon sa sisidlan na walang laman.
               " Kailangan ng isang bahagi mo bilang espiritu para sa apat na elemento ", anito.
              " Tutulungan ka naming madaling matagpuan ang binatang iyon. Mabubuhay ka sa katauhan ng isang estudyante mula sa ibang bayan na lumipat ng paaralan ", anaman ni Maiden Aliyah.
              " Tatlumpung pilak na hibla sa iyong buhok ang magsisilbing simbolo ng iyong palugit. Sa bawat pagsikat ng buwan, isang hibla ang malalagas mula rito. Ngunit oras na may pagsabihan ka na isa kang cupid, agad na babalik sa dati, isang espiritong walang katawan ", seryosong ani Maiden Althea.
             " Janna ", anaman ni Maiden Yellina. " Dapat mong tandaan na hindi madali ang pagiging isang tao. Makakaramdam ka ng gutom, pagka - uhaw.. lungkot, takot at kasiyahan. Ngunit hindi ka maaaring makaramdam ng pag - ibig sa sinumang mortal kung nais mong magtagumpay. Dapat mong isaisip ang tunay na dahilan kung bakit ka naroon, iyon ay walang iba kundi ang iyong misyon ."
             " Sigurado ka na ba sa nais mong mangyari? ",
             " Opo, Maiden Ayesha "
             " Siguraduhin mong hindi ka papalpak. Sayang ang lahat ng ito kung ------"
             " Maiden Althea, mag - umpisa na tayo ", ani Maiden Aliyah.
             Itinutok ng mga maiden ang mga palad sa kanya. Pinalibutan sila ng mga ulap at nagliwanag ang mga simbolo sa sahig.
             " Dugo para sa buhay ... luha para sa damdamin, lupa para sa katawan at kaluluwa na may dalisay na hangarin. Sa kapangyarihang iginawad ng mga alagad ng kalangitan, saksi ang Santuaryo ng pag - ibig, at pinagsama - samang elementong bubuo sa isang nilalang ng daigdig, ipagkaloob ang aming hiling! ", sambit ni Maiden Yellina.
               Mula sa mga palad ng mga ito ay lumabas ang napakatinding liwanag at bumalot sa buo niyang katawan. Sa sobrang liwanag ay napapikit siya at hindi na alam ang mga sumunod na pangyayari.
                                            
            " Miss?  Hoy Miss! "
            Napatuwid siya ng upo ng makarinig ng malakas na paghampas sa lamesa. Nang idilat niya ang mga mata ay isang may katabaang babae ang nakita niya sa kanyang harapan. Nakapamewang ito at nakakamot ang noo. Inilibot niya ang paningin. Mukhang nasa kainan siya.
           " Gaya ng nakikita mo Miss. Canteen ito. Kainan hindi tulugan! Tsaka wala ka bang klase ha? Anong oras na a! ",
            " P - pasensya na po..", aniya at tumayo. Napansin niyang kakaiba ang kasuotan niya. May nakasukbit na sisidlang yari sa tela sa kanyang balikat. Meron ding nakasabit na manipis na tela na may karugtong na parisukat na kulay puti. May larawan siya roon. At may mga nakasulat din. Sa pagtataka niya, marunong siyang bumasa! Marahil ay binigyan rin siya ng kakayahan ng mga Maidens.
           " Janna Santillano.. ", basa niya.
           " Hindi ko tinatanong! ", mataray na sagot ng babae. " At ano yang buhok mo, bakit ka nagpakulay ka ng kapiraso? "
           Napatingin siya sa buhok niya. Lampas siko ang haba niyon at sa bahagi malapit sa leeg niya ay mga pilak na hibla na pareho ang haba sa kanyang itim na buhok.
           " Ah.. eh.. ",  
           Ito kasi yung simbolo ng palugit ko sa daigdig ninyo.
          " Hay naku!  Ang mga kabataan nga naman!  Kung anu - anong pinapauso!  Kala mo naman maganda! Hmp!  Dyan ka na nga! ", anito at umirap pa bago siya tinalikuran.
           Ang sungit naman!  Parang si Maiden Althea..
          Palakad na sana siya nang maalala ang salaming binigay ni Eerin.
           " Naku nasan na kaya yun? "
           Kinapa - kapa niya ang bewang pero wala na roon ang malapad na laso kung saan niya inipit ang salamin. Binuksan niya ang dalang sisidlan at nakahinga ng maluwag ng makita roon ang hinahanap. Kinuha niya iyon at tiningnan.
            " Eerin? Eerin?.. ", bulong niya rito.
            Lumitaw ang mukha ni Eerin sa repleksyon ng salamin sa labis na pagkamangha niya.
            " Eerin! ", tuwang aniya.
            " Hinaan mo lang ang boses mo Janna! ", saway nito. " Baka isipin ng mga tao nababaliw ka na ."
            " Oo nga pala.. teka, san ba ko dapat pumunta ngayon? "
            " Dahil isa kang estudyante..dapat kang pumasok sa klase mo ", anito.
             " Pero paano ko naman malalaman kung saan yung ------ aray!!  ''
              Napasalampak siya sa sahig dahil sa lakad ng pagkakabangga sa kanya. Nabitawan niya tuloy ang salamin. Agad niyang dinampot iyon, mabuti na lang at hindi nabasag.
              " Naku miss! Sorry ha? ", anito at tinulungan siyang makatayo. " Nagmamadali kasi ako kasi male - late na ko sa klase.. nasaktan ka ba? ''
              " Hindi.. ayos lang ako ", aniya at pinasok ang salamin sa kanyang sisidlan.
              " Teka, nalaglag pala yung i.d mo ", anito at dinampot ang parisukat na bagay na napigtal pala mula sa pagkakakwintas sa kanya. " Huh? Magkaklase tayo? Transferee ka ba? Ngayon lang kita nakita rito eh. "
              " Anong ibig mong sabihin? ", takang tanong niya.
              " Ito oh. Nakasulat sa I.d mo. Parehas tayo ng section. "
              " Ibig sabihin ba, parehas tayo ng lugar na dapat puntahan? "
              " Oo.. parang ganun nga----- ah basta! Kung gusto mo, sumabay ka na sakin kasi male - late na talaga tayo. "
              " Ah .. sige ."
               Hinila siya nito upang makasabay siya sa pagtakbo nito. Nang marating nila ang silid ay sobramg pagod na pagod siya. Ganito pala maging tao, madaling mapagod. Muli siyang hinarap ng lalaki.
             " Dito ka muna sa may pinto ha? Hintayin mong tawagin ka ni Ma' am para magpakilala ok? ", bilin nito.
             Tumango siya.
                                             
               " Valenciana, Jaren "
               " Present ma' am! ", sagot nito na humihingal pa habang nakatayo sa pintuan ng classroom nila.
               Tinapunan ito ng matalim na tingin ng kanilang teacher.
               " Ah, ma' am. Meron po atang  new student diyan sa labas ", muling ani Jaren at tinungo ang upuan nito na walang iba kundi sa tabi niya.
               " Pasalamat ka at nasa dulo ng  listahan ng attendance ang pangalan mo ", buska niya.
               " Bakit ka ba kasi nahuli? ",
               "  Kawang - gawa pre ", anito sa pagitan ng paghingal.
               " Huh.Yan ang isang bagay na napaka - imposible mong gawin ", aniya.
               " Actually, nagawa ko na ", anito at isinenyas na tumingin sya sa unahan. " Tinulungan ko ang isang estranghera na matagpuan ang tamang landas ."
             Sinunod niya ito at ibinaling niya ang tingin sa unahan at nakita niya roon ang isang babaeng mahaba ang buhok at may katamtamang height at built.
              " Ok class, she is your new classmate ", anang guro. " Hija, ipakilala mo ang iyong sarili. "
              " Si Ma' am parang kaluluwa lang ang kausap, espiritu ipakilala mo ang iyong sarili! ", bulong ni Jaren.
              " Ha.ha. Wala na bang mas corny pa diyan? ", aniya.
             " Magandang umaga.. ang pangalan ko ay Janna Santillano. Ikinagagalak ko kayong makilala ", anang babae.
              " O sige hija, maupo ka na. Marami pang bakanteng upuan sa bandang likod ."
              " Salamat po ma' am ", sagot nito at binaybay na ang hilera ng mga upuan.
               Nagulat siya ng huminto ito. sa tapat niya at tinignan siya. Tila nakakita ito ng multo sa paraan ng pagkatulala nito sa kanya.
*