Chapter Two
           " Kumusta na ang pakiramdam mo?  ",
           " Maiden Yellina!..", gulat na sambit niya. Yumukod siya rito.
           " Ayos ka lang ba? Sinabi sa akin ni Eerin ang nangyari sayo ", anito.
           " Mabuti na po ang pakiramdam ko. "
           " Napansin kong napakalungkot mo at tila malalim na iniisip. May bumabagabag ba sayo? "
            " W - wala po.." , tanggi niya.
            " Wag kang mahiyang ipagtapat sa akin ang iyong dinaramdam ", nakangiting anito at hinaplos ang buhok niya.
            " Pakiramdam ko ho kasi...hindi ako kabilang dito. Parang...nag - iisa ako sa gitna ng kawalan. Kakaiba ako sa lahat ng naririto..ang kulay ng aking buhok, wala akong pakpak at hindi ko rin alam kung...ano ang silbi ko sa daigdig.. " malungkot na aniya.
           " Gusto mo bang maging tulad namin? "
            Maang na napatingin siya rito.
            " Hindi nasusukat sa panlabas na anyo lamang ang kagustuhan ng isang nilikha.. na matulungang  magkatagpo ang dalawang pusong itinakdang. magmahalan",
           " Posible po ba talaga yon? "
           " Bibigyan kita ng pagkakataon upang mapatunayan ang iyong sarili. Ipapadala kita sa isang misyon. Isang pares lamang ng taong itinakda ang iyong panain at isang pares din ng pakpak ang siya mong gantimpala. Sa ganon ay maaari ka ng mapabilang sa mga anghel ng Santuaryo. "
           " T - talaga po?  M - maraming salamat po! " , tuwang aniya.
           " Kung ganon, tinatanggap mo ang aking hamon? ", nakangiting tanong nito.
           " Opo... Maiden Yellina. Gagawin ko ang lahat ng aking makakaya.."
           " Tandaan mo Janna. Ang ano mang hindi makita ng iyong mga mata ay maaaring marinig ng iyong tenga at maramdaman ng iyong puso .."
                                             
            " Janna! ", tawag sa kanya ni Eerin. " Kumusta na ang pakiramdam mo? "
            " Ayos na ako..Teka, san ka nga pala galing? "
            " Tumulong ako sa pag - aani ng love arrow sa hardin. "
            " Ah, ganon ba? ", tanging naisagot niya.
            " Ayos ka lang ba talaga? ", anito. " Mukhang malalim ang iniisip mo "
            " Eh kasi... binigyan ako ng misyon ni Maiden Yellina. Kapag nagtagumpay ako, pagkakalooban niya ako ng mga pakpak at magiging isa na akong ganap na cupid "
             " Talaga??  Naku, magandang balita yan hindi ba?  Binabati kita kung ganon!  "
             " S - salamat Eerin. "
             " Eh bakit hindi ka ata masaya? " takang tanong nito.
             " Kasi.. m- may problema eh."
             Sa sobrang kasabikan niya kanina, nakalimutan niyang hindi niya nga pala nakikita ang twinflame. Wala siyang espesyal na kakayahan na meron ang mga love angel.
            " Uh... Eerin? Posible bang ... malaman ko parin kung sino ang mga itinakda kahit na ------ ang ibig kong sabihin sa pamamagitan ng pandinig o ... pakiramdam? "
            " Huh? ... Bakit mo naman natanong? "
            " May sinabi kasi sa akin kanina Maiden Yellina... na ang hindi nakikita ng mga mata ay maaaring marinig ng iyong mga mata ay maaaring marinig ng iyong mga tenga at maramdaman ng iyong puso.."
            " Bakit Janna ... hindi mo ba nakikita ang twinflame? " duda nito.
            Hindi siya nakasagot.
            " Marahil dahil sa pagkawala ng alaala mo, nakalimutan mo rin kung paano gamitin kung paano gamitin ang iyong kakayahan sa paghahanap ng twinflame... Eh kung samahan na lang kaya kita? "
           " Tingin ko... dapat ko itong gawin mag - isa Eerin. Gayunpaman nagpapasalamat ako sa kabutihan mo at sa tiwala mo sa akin kahit hindi naman tayo sigurado kung isa nga ako sa inyo.
            " Sigurado akong isa kang cupid Janna. Nararamdaman ko iyon. At pagkatapos ng iyong misyon, tinitiyak kong babalik ka rito ng matagumpay. Magiging isa ka ng ganap na cupid. Pangako yan. "
            " Salamat Eerin ", tanging nasabi niya at yumakap rito.
                                           
                   Isinukbit niya sa kanyang balikat ang sisisdlan ng pana. Pagkatapos ay isinuot niya sa kaliwang kamay ang love alarm bracelet. Dadamputin niya na sana ang kanyang palaso nang humahangos na dumating si Eerin at biglang yumakap sa kanya.
             " Uh... Eerin, bakit?... "
             " G - gusto ko lang sanang...", anito ng bumitiw sa kanya. Hindi ito makatingin sa kanya at mabilis ang paghinga.
             " May problema ba Eerin? Parang balisa ka kasi e."
             " K - kinakabahan ako Janna.. "
             " Hay ano ka ba? Ako dapat ang kinakabahan at hindi ikaw ", nakangiting aniya.
             " Hiling kong magtagumpay ka Janna..." tila naiiyak na anito. " Pangako, susubaybayan kita mula sa durungawang ulap. Kung mahihirapan ka, tawafin mo lang ako.. "
             " Eerin, ayos lang ako. Pangako, gagawin ko ang lahat ng aking makakaya kaya wag ka ng mag - alala."
              Dumating din si Maiden Yellina at sabay siyamg hinatid ng mga ito sa lagusan tungo sa daigdig ng mga mortal.
              Pinagtitinginan siya ng iba pang mga anghel doon. Bakas ang pagtataka sa mukha ng mga ito. Lalo siyang nanliit. Hindi rin siya tiyak sa kanyang sarili kyng magagawa niyang magtagumpay sa kanyang misyon. At hindi rin mawala wa isip niya ang mga sinabi ni Maiden Yellina. Bagama't marami na siyang kaibigan doon na tinanggap siya bilang kauri, alam niyang may. dapat siyang patunayan.
                                               
                 Muntik na siyang mapasigaw sa gulat nang magsimulang umilaw ang kanyang love alarm. Sabagay, wala namang makakarinig sa kanya kung sakali...
                 Sa park kung saan sila nagpunta ni Eerin din siya nagpasyang maghanap. Inilibot niya ang paningin at sinikap linawan ang mga mata. Lakad - takbo ang ginawa niya sa paglibot sa parke, tinititigan mabuti ang bawat makakasalubong na tao. Paikot - ikot siya pero hindi niya talaga makita kung sino sa napakaraming naroon ang nagtataglay ng liwanag. Hanggang sa tumigil na sa pag - ilaw ang love alarm. Napaupo siya sa damuhan. Marahil ay nakaalis na ang isa o parehong taong itinakda.
             Ngunit ilang saglit lang ay muling umilaw ang kanyang bracelet. Naalala niya ang tagubilin ni Maiden Yellina.
            " ... Ang ano mang hindi makita ng iyong mga mata ay maaring marinig ng iyong tenga at maramdaman  ng iyong puso ..."
            Ipinikit niya ang mga mata at. nakiramdam sa paligid. Naririnig niya ang mga tinig ng mga tao, ang bahagyang ihip ng hangin, ang pagpagaspas ng mga dahon... at isang nakabibinging tunog na nakapagpadilat sa kanya. Kumabog ang kanyang dibdib at nakaramdam siya ng takot. Lumingon siya sa kanyang likuran at nakita niyang isang bata lalaki ang muntik ng mabundol ng isang sasakyan. Busina pala ang narinig niya... pero bakit ganon na lang amg naramdaman niya?
             " Wala na akong pag - asa ... ", aniya sa sarili.
             " Janna! ", anang  tinig na nagpalingon sa kanya.
             " Eerin?.. anong ginagawa mo dito? " takang tanong niya.
             " Nakahanap ka na ba? "
             Nakayukong  umiling siya.
             " Tingin ko hindi ko talaga-----"
             " Kung ganon gamitin mo to ", anito at inilagay sa palad niya ang isang tila maliit na aklat.
             " Ano to? " maang na tanong niya.
                                          
               " Yan ang Matchbook Janna. Makikita mo dyan ang mga larawan ng mga mag - soulmate. Sa kaliwa ang lalaki at sa kanan sa tabi nito ang babaeng kapareha niya. Kusa yang bubukas sa pahinang naglalarawan ng taong nadedetect ng alarm.. ", pabulong na paliwanag nito.
             " P- pero ipinagbabawal ang paggamit nito.. "
             " Sisiguraduhin ko na hindi ito malalaman sa Santuaryo, Janna "
             " Paano to napunta sayo? Umamin ka! "
             " Pumuslit ako sa Loverary ", nakayukong anito.
             " Eerin! Delikado ang ginawa mo! Tiyak na mapaparusahan ka!  ", sermon niya rito.
             " Gagawin ko ang lahat para magtagumpay ka sa iyong misyon Janna. Gusto kong maging isa kang cupid para magkasama tayo...at hindi ka na malungkot. "
             " Eerin.." tanging nasabi niya at niyakap ito.
             " Kailangan ko nang umalis Janna. Baka napansin na nila ang pagkawala ko. "
             " Mag - iingat ka Eerin. Salamat.."
                                           
               Nagdalawang - isip siyang gamitin ang Matchbook ng sa ikatlong pagkakataon ay umilaw muli ang love alarm niya. Ngunit naisip niya ang sakripisyong ginawa ni Eerin para sa kanya. Sinuong nito ang panganib at handang maparusahan para lamang magtagumpay siya sa kanyang misyon. Ayaw niyang masayang iyon at ayaw niya ring umuwi ng bigo.
              Hinawakan niya sa kanang kamay ang Matchbook. Nagliwanag ito at bahagyang lumutang. Bumukas iyon at muling lumapag sa kanyang palad. Tinitigan nya ang mga larawang naroon.
             " Ang larawan sa katapat ng lalaki ang soulmate niya. "
             Inilibot niya ang paningin. Agad niyang nakita ang napakakisig na binatang nasa larawan. Naalala niyang ito rin ang binatang nakita nya nung kasama niya si Eerin. Hindi nya alam kung bakit bigla na lang siyang kinabahan habang papunta ito sa direksyon niya.
            " Siguro .. nasasabik lang ako na matapos ang misyon ko. Tama.. "
            " Marco! ", dinig nyang tawag ng isang tinig mula sa kanyang likuran.
            Nilingon niya iyon at nakita niya ang isang babaeng nakangiti at papalapit rin sa direksyon niya. Agad niyang namukhaan ang magandang babae. Ito ang nakalarawan sa tapat ng larawan ng makisig na binata na tinawag nitong Marco.
            " Makisig at maganda. Akalain mo naman na kayo na any lumapit sa akin ", nasisiyahang aniya.
            Pinana niya ang babae. Sapul!  Natawa siya. Kinuha niya ang kapares na pana at iniumang iyon sa binata. Bumuwelo muna siya bago pinakawalan amg pana.
            Nanlaki ang mga mata niya ng makitang yumuko ang lalaki upang magsintas ng sapatos. Nilagpasan ito ng pana at sa halip ay tumama sa likod ng isa pang lalaking nasa kabilang bahagi ng parke at nakaupo sa isang bench.
            " O---- HIN…DE!!!! ", aniya at nasapo ang magkabilang pisngi. " Anong ginawa ko?????  "