Hanggang sa pag-uwi ay patuloy pa rin sa pangangaral sa akin si Lara na 'wag na 'wag ko raw lalapitan ang lalaki na 'yon. Hindi ko siya maintindihan kaya kunot na kunot ang noo ko habang nakikinig sa kaniya.
"Sino ba kasi 'yon?" hindi ko na napigilang magtanong.
Natigil siya sa pagsasalita at hindi niya ako makapaniwalang tiningnan.
"Seriously, Sashi? Kailan ka ba pinanganak at hindi mo siya kilala?"
Inosente ko siyang tinaasan ng kilay. Sino ba kasi siya? Bayani ba siya para kilalanin ko? Malaki ba ambag niya sa Pilipinas para makilala ko?
Nawawalan nang pasensyang bumuntong hininga si Lara. "Jacob Cuevas!" tinaas niya ang dalawang kilay niya na parang nag-eexpect siya na makilala ko ang pangalan na 'yon pero nanatili akong nakatingin sa kaniya, wala pa ring alam. "Gosh, Sashira! You don't really know him?"
Umirap siya at nagsimulang sabihin sa akin kung sino ang lalaking iyon.
His name is Jacob Cuevas. At the age of twenty-nine he was already a very successful businessman. But aside from that, according to Lara... he's also a womanizer. He's using his power, money and handsome face to lure women. He's also kinda familiar to me but then I realized that I already saw him on the magazines, he's famous. Maraming nali-link na babae sa kaniya.
Well, it's not surprising na gano'n siya dahil sino ba naman ang hindi luluhod sa harapan niya?
Of course, that' me! Hinding-hindi ako magkakandarapa sa kaniya kahit siya pa ang matitirang lalaki sa buong mundo. I don't like men like him.
Simula nang araw na iyon ay araw-araw nang may dalang balita sa akin si Lara tungkol kay Jacob Cuevas. Naiimbyerna na nga ako, eh.
"Sashira my friend!" malaki ang ngiti ni Lara nang tumabi siya sa pag-upo sa akin sa sahig.
"Ano na naman ang kailangan mo?" sabi ko habang pinupunsan ang kamay kong may bahid pa ng painting, kasalukuyan kasi akong nagpipinta.
Napairap siya dahil sa sinabi ko. "Ito naman, porke ba pumunta ako rito may kailangan agad? Hindi ba pwedeng bumisita ako dahil may chika ako sa 'yo?" sabi niya sabay tawa.
"Tss." Alam ko na kung ano ang sasabihin niya.
Niligpit ko na lang ang mga gamit ko at umupo sa sofa habang patuloy pa rin sa paglinis sa kamay.
"Ang KJ nito, palibhasa kasi loner," bulong niya na hindi ko naman naintindihan.
"May sinasabi ka?" tinaasan ko siya ng kilay. Umiling naman siya at tumabi sa akin pagkatapos ay bigla na namang ngumisi.
"Alam mo bang may bagong girlfriend na naman si Jacob Cuevas?" tanong niya.
Umirap ako sa aking isipan. Iisipin ko na talaga na may gusto siya kay Jacob dahil lagi na lang siyang updated.
"Oh, tapos?" walang pakealam kong sabi. Ano namang pake ko?
Sumimangot si Lara. "Hay naku, ang boring mo talaga, 'no? Kaya ka palaging mag-isa, eh."
Inismiran ko siya. "Andyan ka naman, eh," sabi ko at sumandal sa sofa.
Inirapan niya ako. "Tss. Eh ako nga lang ang nag-iisang kaibigan mo, eh. Mula no'ng namatay ang parents mo ay mas lalo mo lang nilalayo sarili mo sa mga tao."
Natahimik ako.
Totoo naman 'yon, kahit no'ng buhay pa sila mama at papa ay gusto ko lang talagang mapag-isa dahil... wala lang. I just want to be alone. Feeling ko kasi pinaplastik lang ako kapag sinusubukan kong makipagkaibigan. Kaya no'ng namatay ang mga magulang ko ay mas lalo ko lang kinulong ang sarili ko.
"Mabuti pa sumama ka na lang sa akin. Punta tayong bar at maghahanap tayo ng mga kaibigan. Mga kaibigan lang, promise!" bumungisngis siya at tinaas pa ang kaliwang kamay bilang pangako.
Napangiwi ako. "Ayoko. 'Tsaka ayoko ng mga kaplastikan, 'no. Okay na 'yong isang kaibigan basta mapagkakatiwalaan ko," tamad kong sabi.
Umirap ulit siya. "Ah basta, sasama ka sa akin sa ayaw at sa gusto mo. Halika na!"
Hindi na ako nakapagprotesta pa dahil hinatak na ako ng baliw kong kaibigan. Hinila niya ako papuntang kwarto ko. Nagulat pa ako dahil hindi ko namalayan no'ng pumasok siya kanina ay may dala na pala siyang mga gamit.
Pinaningkitan ko ng mata si Lara pero nginisihan niya lang ako at pilit na pinaupo sa harap ng salamin para ayusan ako.
Ilang minuto ang lumipas ay inis na inis na siya sa akin dahil iniiwas ko ang mukha ko kapag lalagyan na niya ako ng make up. Kanina ko pa nga sinasabi sa kaniya na ayaw ko pero iniirapan lang niya ako saka pinapatuloy ang pagmake up sa akin.
"Ano ba, 'wag ka na kasing malikot, Sashira!" inis na sabi niya.
Napangiwi ako nang hawakan niya ang baba ko para mapirme na ang mukha ko at hindi makagalaw.
"Kailangan pa ba 'to?" tanong ko.
"Syempre! Para naman makahanap ka na rin ng boyfriend— este kaibigan," sabi niya saka bumungisngis. "Promise, kaibigan lang talaga, Sashi."
Napairap ako at hinayaan na lang siya kung ano ang gusto niyang gawin sa mukha ko. Wala naman kasi akong choice kun'di ang sumunod.
"Ayan, tapos na!" magiliw niyang sabi at niligpit ang mga ginamit na make up at pinaharap niya ako sa malaking salamin. "Ang ganda mo talaga."
Tiningnan ko ang sarili ko sa salamin at gano'n na lang ang pagkamangha ko nang makita ang sarili. Baka maganda lang pagkakamake up sa akin ni Lara? Hindi makapal ang make up na bagay na bagay sa akin.
Napangiwi naman ako nang bumaba ang tingin ko sa aking dress. Maiksi kasi. I mean, hindi naman masyadong maiksi dahil hanggang tuhod ko naman ang dress pero hapit na hapit naman sa katawan ko at napakahaba ng hiwa nito banda sa dibdib dahilan para kita ang cleavage ko.
"Ito talaga ang susuotin ko?" tanong ko na ikinangiwi niya.
"Syempre. Alangan namang magsuot ka ng pambahay doon. Eh 'di para kang tanga no'n!" umirap pa siya kaya inirapan ko rin siya. Arte!
"Halika na nga!" sabi niya sabay hatak na naman sa akin.
***
Nagsasayawan, nagme-make-out, nakakasilaw na ilaw, at malakas na tunog ng musika. 'Yan ang bumungad sa amin pagkapasok pa lang namin sa bar kung saan ako dinala ni Lara. Ignorante kong iginala ang paningin sa paligid. Hindi ko maiwasang manibago pero at the same time ay mamangha. First time ko sa ganitong lugar kaya para akong tuta na naliligaw kung hindi ko lang kasama si Lara.
"Ganito pala rito?" tanong ko habang nililibot ng tingin ang paligid. Hatak-hatak ako ni Lara papunta doon sa may mga nakahilerang upuan, bar counter ata yo'n.
"Oo, kaya masanay ka na dahil palagi na tayong pupunta dito!" medyo malakas ang boses niya dahil sa music. Umorder agad siya ng maiinom namin nang nakarating sa bar counter.
Ibinigay ni Lara sa akin ang kulay pulang inumin, hindi ko alam kung ano ang tawag dito pero mukhang hindi naman matapang. Hindi rin kasi matapang ang amoy nito. Iba naman ang inumin na inorder ni Lara at mukhang matapang iyon.
Habang umiinom kami ay nararamdaman kong parang may nakatitig sa akin o sa amin kaya luminga-linga ako pero wala naman akong makita na nakatingin banda rito. Nagkibit-balikat na lang ako at nagpatuloy sa pag-inom.
Nakailang inom pa lang ako ay parang umiikot na ang mundo ko. Lasing na ata ako. Tiningnan ko si Lara pero parang ginagawa lang niyang tubig ang alak na iniinom niya.
Nasubukan ko namang uminom dahil nagdadala rin minsan sa bahay si Lara lalo na kung may okasyon pero hindi pa rin talaga ako nasasanay kaya ganito na lang ako gadali kung malasing.
Kinalabit ko si Lara, mapupungay na ang kaniyang mga mata nang balingan niya ako. "Uwi na tayo," sabi ko at papikit-pikit pa dahil nahihilo ako sa nagsasayawang ilaw, dagdagan pa ang maingay na music at ang malilikot na mga tao.
Lumitaw ang pag-alma sa mukha ni Lara pero nang nakita niya ang mukha kong medyo lasing na ay napabuntong hininga siya.
"Pangit mo naman ka-bonding. Wala pa nga tayong tatlong oras dito tapos uuwi agad tayo? Hindi pa nga tayo nakakasayaw, eh." ngumuso siya. "Pero mas mabuti pa ngang umuwi na tayo dahil mukhang lasing ka na. Ayaw naman kitang buhatin pauwi, 'no. Ang bigat mo kaya!"
Hindi ko na lang pinagtuunan ng pansin ang sinabi niya at tumayo na lang. Muntik pa akong matumba pero buti na lang ay nahawakan ko si Lara. Natawa ako dahil sa reaksyon niyang nabibigatan sa akin.
Habang naglalakad kami palabas ay ramdam ko pa rin na may nakatingin sa amin pero hindi ko napagtuunan ng pansin iyon dahil sa pagkahilo at nagpatuloy na lang sa paglalakad.
Pumara na kami ng taxi at agad sumakay roon. Pagkauwi namin ay dumiretso na ako sa kwarto habang si Lara naman ay mukhang dito na muna matutulog. Pumasok na ako sa banyo at nagshower para naman mahimasmasan nang konti.
Pagkalabas ko ng banyo ay nakita ko si Lara na nakahiga sa kama ko.
"Hindi ka magsho-shower?" tanong ko sa kaniya habang pinapatuyo ang buhok ko.
"Magsho-shower na," pagod na sabi niya at pumasok na sa banyo.
Pagkatapos kong magpatuyo ng buhok ay humiga na ako sa kama, hindi ko na nahintay si Lara na matapos dahil agad na akong nilamon nang antok.