Papunta na ako sa Acadia University. Ngayon pa lang ako mag e-enroll. Nauna na ang dalawa kong kaibigan. Nakalimutan ko kasi na enrollment pala tapos hindi man lang nila sinabi sa'kin. Ang ba-bait talaga nila kahit kailan.
Buti na lang nakaabot pa ko.
Si Dorothy naman kasi pinag-transfer pa kami sa school na pinapasukan niya, e, last year na lang din naman namin 'to ng High school.
"Ang sya-syala." Bulong ko sa sarili ko.
Ang bo-bongga kasi ng mga suot nila, e, mag e-enroll lang naman. Hindi ako na-informed na rampahan pala ang pag e-enroll, e, 'di sana nag gown ako 'di ba? Grand entrance!
Mga naka-dress 'yung iba at halatang mamahalin. 'Yung iba mga naka-tuxedo pa. 'Yung totoo? School pa ba 'to o party house?
"Patingin ng I.D. mo sa dating school." Inabot ko sa kanya 'yung hinihingi.
Buti na lang palagi akong maganda. Naimbento ang salitang maganda, simula nu'ng ipinanganak ako.
"Safara Dutseeker?" Nakangiti akong tumango. Ako nga! Ang magandang si Safara, charot. "Sundan mo ang pilang 'yon." Turo niya doon sa pila ng mga estudyanteng nag aayos ng mga mukha nila at buhok.
Sumunod ako sa pila at parang na-o-op ako. Ang sya-syala kasi ng mga suot nila tapos ako simpleng pantalon lang at shirt.
Habang naka-pila ako, may humahawak sa baywang ko.
Hinayaan ko lang nu'ng una pero pumangalawa pa.
"Walanghiya! Bastos! 'Wag mo kong hawakan sa baywang! Lumayo ka! Manyakis!" Sa sobrang inis ko nasampal ko siya.
Naka-tagilid na ngayon ang mukha niya at pinag-titinginan na kami ng lahat.
"Omygosh!"
"Why did she slapped him!?"
"She's dead!"
"Alam mo g'wapo ka sana kaso bastos ka!" Pumasok na ko sa loob para mag pagawa ng bagong I.D.
*****
Pagkatapos kong mag enroll, bumili muna ako sa canteen ng makakain bago maglakad papuntang gate.
Pinag-titinginan pa ako ng mga tao. Ang hirap talagang maging maganda.
"Hey!" May bigla na lang humigit ng braso ko kaya nalaglag 'yung kinakain ko. "Why did you slap me!?"
Tiningnan ko siya ng seryoso kahit gusto ko ng matawa.
"Dahil manyakis ka! Hindi porket g'wapo ka, pwede ka ng manghawak ng baywang ng kahit na sino!" Nakatingin lang siya ng masama sa akin.
Psh!
"I'm not a pervert." Inis na saad niya. "I won't touch your waist. Hindi ka ganu'n ka-sexy para lang bastusin ko." Bigla na lang siyang umalis sa harapan ko.
E, 'di manyakis nga siya!
Pinag-tatawanan tuloy nila kong lahat dito. Nag enroll lang ako tapos kung ano-ano ng nangyari. Paano pa kaya kapag papasok na ko?
Bwiset na manyak 'yon! May araw ka din sa'kin! Manyakin ka sana ng mga bakla!