Braille Onix Yu's Pov
"So iklaklaro ko lang. Si Ollie talaga ang dancer nyo?" tanong ko ulit
Kinukulit kasi nila akong sumama sa sayaw nila. Since dalawa lang kami ni Rodnie na lalaki. Para daw mas maging masaya
Paano naman magiging masaya kung maaapakan ko ang paa ng partner kong hindi ko naman nakikita?
"Oo nga, at si Kara at Mira ang second na magaling, pangatlo si Zealan at Xiera, pang-apat ako" sagot din naman ulit ni Lanie
"Nakalimutan mo si Rodnie" pabulong na paalala ni Xiera
"Syempre sya ang pinakamagaling sa boys" sabat ni Zealan na ikinatukso namin sakanila
Halata kasing kay Zealan lang sumusunod itong si Rodnie, kaya alam na din naming may gusto sya dito
"Ano, Boy? Sama ka. Tuturuan ka naman namin eh" pangungumbinse parin ni Xiera
Mukhang hindi nila ako titigilan hanggat hindi ako pumapayag ah
"Si Viel? Sasama ba sya?" naitanong ko nalang
Ilang araw ko na ding hindi nakakausap ang isang yun eh, simula ng makausap ko si Mira at mapalapit ako sakanya, sya nalang palagi ang nakakausap ko
"Sinong naghahanap saakin?" rinig kong pasok nito at humikab pa
"Kakagising mo lang sleeping Viel?" tanong ni Ollie
"Sleep walking" pabirong sagot nito
Dumaing nanaman tuloy ito. Paniguradong binatukan
"Kakagising ko na nga lang, binabatukan nyo pa ako" complain nito na ikinailing ko nalang
"Wag kasing pilosopo"  sermon ni Xiera
"Hindi yun pilosopo, slow lang kayo" pabulong na sagot nito
Mukhang hindi na nila yun narinig, dahil hindi na nila sya pinagalitan
Alam namang masasaktan lang sya, sumasagot pa. Similarity nila ni Mira.
"Ano, Boy? Sama ka na kasi" pilit ulit ni Xiera
Napabuntong hininga nalang muna ako, nang...
"AHHHH!"
"Lanie, bakit?" alalang tanong ni Ollie
"AHHHH! WAG KAYONG LALAPIT!" pagwawala nito na ikinakunot ng noo ko
Anong nangyayari?
"MULTO SA MGA LIKOD NYO! WAG KAYONG LALAPIT!" Pagwawala nito
Multo? Sa pagkakaalam ko umaga pa ah. Kaya paanong magkakaroon ng multo?
"Zealan! Zealan. Tignan mo ako! Kumalma ka lang" rinig ko ang boses ni Viel sa tabi ko na parang nagpapanic
"V-viel.. anong nangyayari?" kinakabahang tanong ko
"Rodnie! Wag!" sigaw din nila Mira at Xiera
"Ollie!" sigaw ni Kara
Narinig ko ang yabag nito na parang tumakbo palayo
Ano ba talagang nangyayari?
Patuloy sa pagwawala si Lanie, habang pilit namang kinakalma ni Viel si Zealan. Ang ingay din nilang tinatawag si Rodnie na parang nag-aalala para dito
"Ano bang nangyayari sainyo?! Manahimik kayo" nagpapanic na sigaw ni Xiera
"Xie, Kumalma ka" tayo ko at pilit na kinapa kung nasaan sya
"I-ikaw ba ito?" alalang tanong ko ng may makapa ako
"Si Viel, ak--"
"VIEL!" sigaw din ni Mira at Zealan na ikinakaba ko
Kasabay ng pagsigaw nila, naramdaman ko ang paghina ng katawan ni Viel, kaya agad ko itong sinalo
"Viel, gising! Gumising ka please.." mukhang lapit ni Mira na kumuha mula saakin
Hindi ko maiwasang malungkot para sakanila, alam ko na ngayon ang sakit na narcolepsy, dahil pinasearch ko ito kay Ryan ng makausap ko sya.
Ang mga taong may ganung sakit, para silang time bomb. Palaging nakakatulog, hindi kontrolado ang sariling katawan. Mapapalayo sa pamilya dahil lalong lalala ang sakit nila kapag walang therapy. At kahit magtherapy pa sila. Hindi na sila gagaling
"Mira, nakatulog lang sya" pagpapagaan loob ni Kara "Ihatid nalang natin sya sa kwarto"
Nakarinig ako ng mga yabag na parang may mga taong lumabas.
Sino naman?
"But.. what about the others? Si Rodnie, umaatake ang ADHD nya. Ganun din si Zealan sa anxiety disorder nya, habang puyat at wala pang tulog si Xiera, at si Lanie..."napaiyak ng tuluyang sagot nito
So yun ang nangyayari..
Napabuntong hininga ako, malaki ngang problema ito, ang tanong paano namin lulusutan?
Alam ko na
"Ipahiga nyo dito si Viel, babantayan ko sya. Sundan nyo ang iba na mukhang umalis, tapos pag may nahuli kayong isa sa kanila, dalhin nyo dito. Make sure to lock the windows and doors para hindi sila makaalis ulit" utos ko sakanila "Better kung itatali nyo sila dito sa kama" mahinang sipa ko sa paa ng kama
"Sige, ikaw muna ang bahala kay Viel. Wag mo syang gagalawin" may halo pang pagbabanta na turan ni Mira
Hindi naman ako naoffend dahil doon. Pero aaminin kong napangiwi ako
Hindi din naman kasi ako ganung klaseng lalaki, besides. Hindi si Viel ang type kong babae.
------------------------------------------------------------------
Miracle Destiny Chen's Pov
Nasaan na ba ang mga yun?
Palinga-linga kami ni Kara habang hinahanap ang mga kaibigan naming tumakbo kung saan.
"Maghiwalay tayo, Kar. Titignan ko ang 4th at 5th floor. Tignan mo sila sa mga kwarto at second floor" utos ko na ikinatango nya din naman
"Mag-iingat ka" paalala nya pa
"Ikaw din" tango ko at tumakbo na papunta sa kanan, habang sya sa kaliwa
Nasaan na ba kasi sila?
"Ahhh! Ayoko na" nanlaki ang mga mata ko ng marinig ang boses ni Rodnie
Agad akong tumakbo at lumabas sa fire exit
Shit!
Talagang pinupush ng gagong to na tumalon mula sa 3rd floor ah. Pwes... hindi ko sya pagbibigyan!
"Siraulo ka talaga kahit kailan, wag mong iwan si Zealan!" mabilis na lapit ko dito at hinampas ang ulo nya
Sapat na lakas lang para makatulog sya, success naman. Good thing nag-aral ako ng kungfu dati. Alam ko din ang acupuncture,  haha!
Sinalo ko naman sya bago pa sya tuluyang matumba. At kahit na mabigat, pilit ko syang kinaladkad papunta sa kwarto ni Boy.
Paggumaling talaga ang isang to, babayaran nya ang pagliligtas ko sa buhay nya, pakshit! Ang bigat!
Binuksan ko din naman agad ang pinto at pinasok ang walang malay na Rodnie doon. Nakita kong kumunot ang noo ni Boy na parang naalerto
"It's Mira, dala ko na si Rodnie" sagot ko nalang sa nasa isip nya
Again, kinaladkad ko nalang ulit ito malapit sa kama at buti nalang nakasuot ako ng belt ngayon. Yun ang ginamit kong lubid para itali ang kamay ni Rodnie sa paa ng kama
"Saan nga pala makakakuha ng pampatulog na gamot?" baling ko sakanya, habang hinihigpitan ang pagkakatali kay Rodnie
Naalala ko kasing baka si Xiera na ang susunod kong makikita, mas maganda kung matagal syang makakatulog. Mawala-wala man lang eyebags ng bruhang yun
"H-huh?" tila natakot atang tanong nito
Kaya hindi ko maiwasang mapangisi, inaamin kong medyo cute tong si Boy. Pero... hindi ko sya type, haha! Masyadong good boy ang dating nya para saakin. Napailing nalang ako sa naiisip at reaction nya
"It's for Xiera" sagot ko nalang at tumayo "Sige, I'll continue hunting the others. Pakiramdaman mong mabuti si Rodnie baka magisng, magwala ulit" chineck ko din naman ang bintana bago lumabas at nilock ang pinto mula sa labas
Si Kara kaya? May nakita na?
• • • • • • • • • • • •
Kara Saki Konami's Pov
"Lanie?"
"Rodnie?"
"Xiera?"
"Ollie?"
"Zealan?"
tawag ko habang chinicheck ang mga kwarto nila isa-isa
Napakunot ang noo ko ng makitang bukas ang ilaw ng kwarto ni Ollie. Kaya agad akong pumunta doon at pumasok
"Oll?" tawag ko pero walang sumagot
Aalis na sana ako, dahil mukhang wala sya dito ng marinig kong may nagsusuka sa banyo. Mabilis naman akong pumunta doon at nanlaki ang mata ko ng makita si Ollie na hinang-hina na
"Ollie Yoe!" alalang lapit ko sakanya
Hinagod ko ang likod nya para mailabas nya na lahat at maalalayan ko na syang umalis, pero parang walang katapusan ang pagsusuka nya
Ano bang nangyayari sa mga kaibigan ko? Una si Lanie, tapos si Zealan at Rodnie. Ngayon naman si Ollie. Si Xiera ang bilis nagalit, dahil ata yun sa kakulangan nya ng tulog. Tapos si Viel na kakagising lang hinimatay ulit. Naku naman!
"Ayos.. lang.. ako" tapik nya sa kamay kong nasa balikat nya "Wag.. kang.. umiyak jan"
Huh? Hindi naman ako umiiy--oh.
Napahawak ako sa pisngi ko at basa nga ito. Ni hindi ko namalayang napaiyak na ako sa sobrang pag-aalala sakanila.
"Anong bang nangyayari sayo? Ang dami mo ng nasuka" ayos ko din sa buhok nya para hindi ito madumihan
"A-acid" sagot nya at sumuka sya ulit
"Kukuhanan kita ng tubig, wag mong pipiliting isuka lahat kung wala ka ng maisuka" paalam ko
Tumango lang naman sya at nagsuka ulit
Tubig na ang sinusuka nya, dahil hindi naman madami ang kinakain nya, kaya nga ganyan sya kapayat eh. At kasalanan yun ng gago nyang ex-boyfriend
Saaming lahat si Ollie ang pinakamature, kahit na si Lanie ang pinakamatanda. Kaya nga sya ang palaging nagagalit kapag may tanga saamin lalo na kapag nagkakagusto. Except ako na hindi pa naman nagkagusto. Dahil nga bawal akong maistress at baka ikamatay ko ang heartache. Literally
Pero sya din kasi talaga ang unang naging tanga sa pag-ibig. Susunod nalang siguro si Xiera na may gago din, pero boyfriend nya parin hanggang ngayon. Galit sila sa mga tanga at martyr pero ganun sila. Atleast nagbabago na ngayon si Ollie, yun nga lang halatang takot parin syang tumaba dahil baka husgahan ulit sya.
Kumuha nalang ako ng maligamgam na tubig at chocolate na nagpapakalma sakanya kapag ina-acid sya, tsaka yun dinala sa cr
"Halika na muna, magmumog ka at uminom ng tubig" alalay ko sakanyang tumayo at pumunta sa sink,  hanggang sa sofa ng kwarto nya kung saan pinasandal ko sya
Binigay ko na din ang chocolate nya na kinain nya din naman agad.
"Gusto mo ng biscuit?" alalang tanong ko pero umiling lang sya
"Gusto kitang dalhin din sa kwarto ni Boy, para bantayan ka nya. Pero sa tingin ko mas mabuting ipahinga mo muna. Kumain ka na din at kailangan ko pang hanapin din ang iba" paalam ko
"Bakit? Nasaan ba ang iba?" naalertong tanong nya
"Hindi ko pa alam, kaya hinahanap namin sila ni Mira. Pero wag kang mag-alala. Mahahanap din namin sila" pilit kong ngiti
Sana lang talaga may nahanap na si Mira, lalo na si Rodnie at Lanie na parehong aggresibo sa oras na ito
• • • • • • • • • • • •
Miracle Destiny Chen's Pov
"WAAAAH! Please! PARANG AWA NYO NA WAG KAYONG LALAPIT" rinig kong pamilyar na sigaw ng isang tao na ikinangisi ko
Si Lanie!
Malalaki ang mga hakbang kong pumasok sa kwarto, kung saan ko sya narinig
"Lan?" tawag ko
"Mira!" tawag din naman nito
Napangiti ako ng makitang nasa sulok sya. Sa wakas, may nahanap nanaman ako
"M-mira.. ang dami nila. Wag mo silang titignan nakakatakot ang mga mukha nila" mangiyak-ngiyak nitong sumbong sa mga nakikita nyang multo
Its part of having a schizophrenia ang magkaroon ng illusions. Ang kailangan kong gawin para madala ko sya sa kwarto ni Boy is either, I sedate her or... sabayan ko ang trip nya
Pero...
"Sorry, Lanie..." napangiwing ngiti ko, bago ko tinusok ang dala kong injection sa bandang balikat nya
I chose the sedate one. Tamad akong magkwento ng multuhan, baka hindi pa sya sumang-ayon saakin at tumakbo ulit. Mahirapan pa akong maghabol
"M-mira.. a-anong--" niyakap ko naman sya bago sya makatulog
"Two down, three to go" napabuntong hininga nalang ako habang iniisip kong paano ko naman madadala si Lanie sa kwarto ni Boy
Shit! Yun ang nakalimutan kong pag-isipan! Ang bigat pa naman ni Lanie...
• • • • • • • • • • • •
Kara Saki Konami's Pov
Napangiti ako ng makita si Rodnie na natutulog sa sahig habang nakatali ang kamay sa paa ng kama ni Boy, gamit ang isang sinturon
"Si Mira talaga kahit kailan" napapailing na komento ni Ollie
Inalalayan ko syang pumunta sa kwarto. Para may makasama si Boy, tutal guminhawa na raw ang pakiramdam nya ng kaunti
"How are you feeling, Ollie?" alalang tanong ni Boy na prenteng nakaupo sa gilid ng kama nya
"Better, mamaya kakain na ako" medyo matamlay na sagot nito
Pero napangiti din naman kami ni Boy sa sinabi nya
"Good to know,  kung nagugutom ka. Kumuha ka lang jan sa mini-fridge"
"Sige, mamaya" tango lang naman ni Ollie
"Sigurado ka bang ayos kalang, Ollie?" tanong ko ng maisipan kong kailangan ko pang hanapin ang iba
Hindi naman pwedeng si Mira lang ang umikot, kailangan ko din syang tulungan.
"Oo naman, sige na hanapin mo na sila" paninigurado nya ding ngiti "Baka mamaya si Mira makahanap sakanila, papatulugin nya silang lahat" biro pa nito na ikinatawa ko din
Tama sya, wala pa namang pasensya si Mira. Saaming lahat si Mira ang hindi aakalain ng lahat na may sakit, at sa puso pa. Kung hindi din sya naoperahan sa puso last month, baka nawalan na din kami ng kaibigan.
Kaya malaki ang pasasalamat namin ng may magdonate ng puso sakanya, kamag-anak nya pa nga atang nadisgrasya eh. Yun nga lang. Naging mas palaban na sya simula ng mabigyan ng pangalawang buhay
Tinanguan ko nalang ulit sila, bago lumabas at nilock ang pinto. Hindi naman sa wala akong tiwala, pero mabuti na ang sigurado
Hindi ko parin alam kung nasaan sila Lanie, Xiera at Zealan.. hays. Nasaan na ba kasi ang mga yun?
* * * * * * * * * * * * *
Marviel Kismet Chen's Pov
"Nagigising na sya" rinig kong boses ni Ollie
Marahan ko namang minulat ang mga mata ko.
Anong nangyari?
"Boy?" naninibagong tawag ko ng makita ko sya
Tipid naman syang ngumiti, habang nakalingon saakin at blankong nakatingin
"How are you feeling? May masakit ba sayo?" hindi nawala ang ngiting tanong nya, pero nag-aalala
"Fine, sila Zealan?" kunot-noong tanong ko ng mapansing wala sila sa kwarto
Nasaan na ang mga yun? Hindi naman ako nakatulog ng sobrang tagal diba?
"Umatake ang mga sakit nila" sagot ni Ollie na ikinalingon ko sakanya. Bumangon nalang ako, habang inalalayan din naman ako ni Boy sa pagbaba sa kama nya "Nagwawala ngayon sa buong hospital, don't worry hinahanap na sila ni Mira at Kara"
"A-ano?" gulat ko syang nilingon
Bakit parang chill lang sila dito?!
Tsaka si Mira at Kara lang ang naghahanap? Paano naman yung iba? Baka malala yung pag-atake ng mga sakit nila makagawa sila ng ikapapahamak nila!
"Kailangan natin silang tulungan" Hindi pwedeng nandito lang kaming nakaupo, lalo na at yung dalawa lang na bagong opera pa ang naghahanap
Malakas si Mira alam ko yun, pero hindi pa sya magaling! Takte naman! Ano bang iniisip nya?!
"Viel, hindi pwede" hindi ko pinansin ang pagsuway ni Ollie at naglakad papunta sa pintuan, para malaman na nakalock ito
"Bwisit" napapikit na turan ko at naglakad papunta sa bintana na nakita kong ikinalaki ng mata ni Ollie
"Viel, tumigil ka nga!" halatang naiinis ng saway nito
Aaminin kong natatakot ako sakanya dati, lalo na kapag nakikita kong seryoso na sya. Pero seryoso na din ako sa mga oras na ito. Kailangan kong hanapin si Mira.
Or atleast makatawag ng nurse o doctor na makakatulong saamin...
Kaya tulad ng ginawa ko kanina, hindi ko nalang sya pinansin at tinanggal ang lock ng bintana
Akmang aakyat na ako ng hilain nya ako sa braso
"Nahihibang ka na ba?! Paano kung makatulog ka bigla? Hindi ka na namin maliligtas kung mahuhulog ka!" mahigpit na hawak nya sa braso ko na ikinatingin ko lang sakanya
Sa tingin nya hindi ko alam yun?!
Sa tingin nya ganun ako katanga?!
Siguro nga! Pero hindi yun ang iniisip ko. Kasi ang iniisip ko, mas mabuting mapahamak ako saving my sister, than sitting in the bed and doing nothing.
Paano kung atakihin din si Mira? Or worst. Paano kung may mapahamak na sakanila? Sila Zealan...
Wala pa si Lanie at Zealan ang may pinakamalalang kondisyon, sila ang possibleng mapahamak kapag umatake ang mga sakit nila. Kaya hindi pwede.
Hindi pwedeng umupo lang ako...
"Sorry, Oll. Babalik ako, promise" pilit ang ngiting tanggal ko sa kamay nya at umakyat na ulit sa bintana, tsaka ito mabilis na sinara at nilock
Hindi ko maiwasang kabahan ng makita ko kung saan ako mahuhulog.
Takte! Wag kang makakatulog, Viel. Kailangan ko pang mabuhay para makita ko kung sino ang magiging asawa ng mga kaibigan kong baliw!