Nang matapos ang klase nila sa Organizations and Management ay agad na hinila ni Bea si Liz papuntang canteen para kumain ng snacks. Katulad ng nakasanayan ay si Liz ang umorder ng pagkain nila habang si Bea naman ang siyang humanap ng kanilang magiging pwesto. Pinili ni Bea ang pandalawahang mesa na nasa bandang gilid na kung saan hindi ito masyadong pansin ng karamihan.
Nang lumapit si Liz sa mesang inookupa ni Bea dala ang mga pagkaing inorder niya ay pinakatitigan siyang maigi ni Bea na para bang binabasa nito kung anong nasa utak niya habang inuumpisahan na nitong kainin ang pagkaing kalalapag lang niya sa mesa.
“Oh? Bea‚ bakit ganiyan ka makatingin? May problema ba?” takang tanong ni Liz habang salubong ang kilay na nakatingin kay Bea.
“Wala‚” tipid na sagot ni Bea habang hindi pa rin niya inaalis ang titig niya kay Liz.
“Wala naman pala. E bakit—”
“Walang problema pero may kailangang linawin‚” putol ni Bea sa iba pang sasahin ni Liz saka binitiwan niya ang hawak niyang tinidor at itinigil niya ang pagkain ng carbonara.
Hinintay na muna ni Bea na makaupo si Liz sa katapat niyang upuan bago niya ito pinaningkitan ng mga mata at pinaulanan ng tanong.
“Ngayon‚ Liz‚ sabihin mo sa akin kung anong nangyari at kung anong relasyon ninyo ng lalaking naghatid sa ‘yo kanina‚” seryosong saad ni Bea habang hindi pa rin niya inaalis ang tingin niya kay Liz upang obserbahan ang bawat kilos nito at subaybayan ang magiging sagot nito.
Bea gave Liz a ‘dont-you-dare-lie-on-my-face’ look‚ dahilan upang sunod-sunod na mapalunok si Liz at mabilis itong mag-iwas ng tingin.
“Ito naman‚ parang host sa isang talk show kung umasta‚” pabirong sabi ni Liz na mukhang may balak pang lumusot at ilihis ang usapan.
“Just answer my question‚” may diing sabi ni Bea na puno ng awtoridad kaya wala ng nagawa pa si Liz kundi ang balingan siya ng tingin at sagutin ang tanong niya.
Nagpakawala ng malalim na buntong-hininga si Liz bago siya nagsimulang magkuwento kung ano ba talaga ang nangyari at bakit niya kasama sa pagpasok niya kanina ang lalaking tinutukoy ni Bea at kung bakit bitbit nito ang mga libro niya.
“...so ayon na nga‚ dahil sa pagmamadali ko ay hindi ko siya napansin at nasagi ko siya. Bilang paghingi ng apology dahil hindi rin niya ako nakita at dahil nahulog niya ang mga gamit ko ay siya na mismo ang nagdala nito at inihatid niya pa ako sa classroom‚” kuwento ni Liz habang hindi na siya makatingin kay Bea nang diretso.
“Iyong totoo?” mariin at istriktong tanong ni Bea at pinakatitigan niyang mabuti si Liz para basahin ang ekspresyon sa mukha nito at alamin kung nagsasabi ba ito ng totoo o hindi.
Magkasama na sila ni Liz mula pagkabata kaya hindi siya nito maaaring pagtaguan o paglihiman ng kahit ano. Isang tingin lang niya sa mukha at mata nito ay agad na niyang mababasa ang tumatakbo sa isipan nito.
“E ‘yon na nga ‘yon e. Ano pa bang gusto mo?” iritang sagot ni Liz at umarte pa siyang naluluha siya para lang tantanan siya ni Bea.
“I know you so well‚ my dear friend‚” Bea said in a matter-of-fact voice.
Nanatili namang mailap ang tingin ni Liz kaya mas lalo lang nakukumpirma ni Bea na may hindi nga ito sinasabi sa kaniya.
“I can tell if you are telling the truth or not. And right now‚ you’re lying‚ Aliza Calderon‚” Bea added and she intentionally mentioned Liz’s complete name to make her realize that she’s d*mn serious and that she should be serious too.
Hindi maipinta ang mukha ni Liz nang muli siyang tumingin sa direksyon ni Bea. Halatang hindi niya nagustuhan ang pagtawag ni Bea sa kaniya sa buo niyang pangalan.
“Kailangan ba talagang tawagin mo ako sa complete name ko? Saka ang pangit kaya ng Aliza. Pwedeng—”
“Tell me the truth. Now.” Sinadya ni Bea na diinan ang huling sinabi niya kasabay ng pagtalim ng tingin niya kay Liz.
“Oo na‚ oo na. Iyong totoo ay hindi ko rin alam kung bakit siya nag-insist na ihatid ako at bitbitin ang mga gamit ko‚” pag-amin din ni Liz sa huli na ikinataas ng isang kilay ni Bea.
Magsasalita sana si Bea patungkol sa lalaking pinag-uusapan nila nang maunahan siya ni Liz.
“But still‚ he’s such a gentleman. Aminin mo‚ Bea‚ gentleman siya. ‘Di ba? ‘Di ba?” tuwang-tuwang sambit ni Liz at tinusok-tusok pa si Bea sa tagiliran na gawain niya kapag kinikilig siya.
Bigla na lang kumulo ang dugo ni Bea dahil sa inasal ni Liz. Kung hindi siya nagkakamali‚ ang lalaking nakilala pa lang nito ang dahilan ng kilig nito at hindi siya tanga para hindi mahulaan kung saan ito patungo at kung anong kahahantungan nito na hindi niya hahayaang mangyari. Magunaw na ang mundo pero hindi niya pahihintulutang magpakatanga na naman ang kaibigan niya at muli na naman itong lumuha ng balde-baldeng luha.
“Stop!” pigil ni Bea kay Liz kasabay ng paghampas niya sa mesa gamit ang kaniyang dalawang kamay‚ dahilan upang gulat na mapatanga sa kaniya si Liz at mabitin sa ere ang kamay nitong kanina pa tumutusok-tusok sa kaniyang tagiliran.
Bea doesn’t care if she’s getting too much attention. Hanggang tingin lang naman ang mga tao sa paligid nila dahil alam na ng mga ito ang mangyayari sa oras na nakialam sila at nakarinig si Bea ng kahit anong hindi maganda mula sa kanila. Takot lang nilang masuwag ng sungay ni Bea.
“What’s with your reaction?” takang tanong ni Liz na salubong na ang mga kilay at nakakunot na rin ang noo.
“Alam ko ‘yang ngiting ‘yan‚ Liz‚ and I'm telling you‚ sasaktan ka lang ng lalaking ‘yon. Kaya pwede ba? Kahit ngayon lang ay umiwas ka sa lalaki at huwag kang basta-bastang nagtitiwala at nagpapaniwala sa mga ipinapakita at sinasabi sa ‘yo ng tao. He’s a guy and his kinds will always be a cheater‚ a player‚ a heartbreaker and a jerk. Kaya ngayon pa lang ay sinasabi ko na sa ‘yong layuan mo ang lalaking ‘yon‚” mahabang pangaral ni Bea kay Liz.
Bea may sound like a strict mother to Liz but who cares? She’s doing this for her. She doesn’t want Liz to get hurt for the nth time because the pain of seeing her devastated is killing her.
“Pero—”
“No more buts. Just do what I asked you to do. It’s for your own good‚” putol ni Bea sa sana’y sasabihin ni Liz para hindi na humaba pa ang argumento nila.
Agad na humaba ang nguso ni Liz dahil sa sinabi ni Bea. “Ito naman‚ ang kj at ang nega. Hindi mo pa nga kilala ‘yong tao e‚” nakangusong maktol ni Liz.
“Exactly!” Bea snapped at Liz. “Hindi ko siya kilala at ganoon ka rin. So we can’t be so sure kung matino nga ‘yan at kung totoo ang ipinapakita niya sa ‘yo‚” Bea said in a matter-of-fact voice.
Inis na humalukipkip si Liz dahil sa sinabi ni Bea saka nakataas ang kilay na sinalubong niya ang tingin ni Bea na ngayon ay pinandidilatan na siya para lang isiksik sa kukote niya ang mga sinasabi nito.
“E paano nga natin malalaman ang tunay niyang pagkatao kung ngayon pa lang ay lalayuan ko na siya at hindi bibigyan ng chance para patunayang totoo nga ang pinapakita niya?” pagdadahilan pa ni Liz na mas lalong nagpakulo ng lahat ng dugo ni Bea sa katawan.
“So may balak ka pa talagang kilalanin siya?” hindi makapaniwalang tanong ni Bea.
“Sana‚” pabulong na sagot ni Liz na malinaw pa ring narinig ni Bea.
Hindi na napigilan pa ni Bea ang pagtaaas ng kilay niya sa kaniyang narinig.
“And what’s next? After you get to know him better‚ what will you do? Ano? Magiging kayo?” sunod-sunod na tanong ni Bea sa nang-aakusang boses.
“Haist! Ito naman‚ ang advance mag-isip. Hindi pa nga nanliligaw ‘yong tao e‚” wika ni Liz at pabirong inirapan si Bea.
“Stop kidding around‚ Liz. I’m serious‚” may diing wika ni Bea at pinatalim niya ang tinging ipinupukol niya kay Liz para mas lalong mag-sink in kay Liz na seryoso nga siya at walang lugar sa usapan nila ang pagbibiro nito.
“E seryoso rin naman ako at alam kong seryoso rin siya sa ‘kin‚” confident na sagot ni Liz na ikinaawang ng bibig ni Bea.
“How can you be so sure? Bakit? Kilala mo na ba ang buong pagkatao niya?” nakataas ang kilay na tanong ni Bea kay Liz sa nanghahamong boses.
Bea can’t believe it. Napakabilis magtiwala ni Liz gayong kakikilala lang nito sa lalaking paksa ng kanilang usapan.
“Hindi pa. Kaya nga kikilalanin ko siya e‚” kinikilig pang sagot ni Liz na halatang nagpipigil lamang na mapangiti dahil nasa harapan niya si Bea.
“No. You won’t do that‚” mahigpit na pagtutol ni Bea.
Bea won’t allow anyone to hurt Liz once again. What she’s been through is already too much. Bea is sure as hell that Liz can’t take it anymore if she’ll suffer from another heartbreak.
“Pero‚ Bea—”
“I said no!” Hindi na napigilan pa ni Bea ang pagtaas ng boses niya dahil sa katigasan ng ulo ni Liz.
Hindi maiwasan ni Bea ang madismaya sa nagiging takbo ng usapan nila ni Liz. Hanggang ngayon pala ay hindi pa rin maintindihan ni Liz na kaya lang siya pinagbabawalan ni Bea ay para din sa kaniya. Bea just want what’s best for her and that guy is not best for her. He will just break her heart into pieces.
“Bea‚ naman. Magtiwala ka naman sa akin o. Hindi lahat ng lalaki ay katulad ng mga naging ex ko o katulad ng papa mo‚” nakasimangot na saad ni Liz.
Agad na nagbago ang ekspresyon ni Bea dahil sa sinabi ni Liz. Ang kaninang nagtitimpi at nagpipigil niyang mukha ay napalitan ng galit na ekspresyon na ngayon na lang ulit nasilayan ni Liz makalipas ang ilang taon.
“Don’t you dare mention that person in front of me‚” may tono ng galit na babala ni Bea kay Liz.
“Person? Is that how you address your father?” hindi makapaniwalang tanong ni Liz habang may nanlalaking mga matang nakatingin kay Bea.
“I told you not to mention nor talk about him in front of me!” bulyaw ni Bea kay Liz sa sobrang pagkainis niya dahil sa pagbanggit na naman nito sa taong ayaw na ayaw niyang napag-uusapan o mabanggit man lang.
“Pero—”
Sa inis ni Bea ay marahas siyang tumayo mula sa kaniyang pagkakaupo at walang emosyon niyang tiningnan si Liz.
“Fine. Bahala ka sa buhay mo. Makipagmabutihan ka sa lalaking ‘yon kung gusto mo. If you want‚ pwede mo rin siyang jowain. ‘Yan naman ang gusto mo‚ hindi ba? Just don’t you ever cry again. Huwag na huwag kang magngangangawa sa harapan mo. I already warned you. Kaya wala na akong pakialam kung masaktan ka at lokohin ka na naman ng panibagong lalaki. It’s your life and you can do whatever you want. Sige na‚ una na ako. Tapusin mo na ‘yang pagkain mo at sumunod ka na lang sa classroom kapag tapos ka na‚” mahabang sabi ni Bea bago siya nagmamadaling umalis ng canteen para pumunta ng banyo para doon ilabas ang galit niya na pilit na kumakawala dahil lang sa simpleng pagbanggit ni Liz sa taong pinakakinamumuhian niya.
Bea stayed in the comfort room for almost half an hour before she decided to attend her remaining classes.