"Bilisan mo hanggang alas kwatro lang daw si Sir!" 
Binilisan ko 'yung pag kopya dahil kinukulit na ako nung president namin. Paano kasi ako makakapag-pasa agad e' ang pangit ng sulat ni Flynn. 
Umalis si Sir sa kalagitnaan ng quiz namin kasi bigla siyang tinawag for meeting, kaya nagkaroon kami ng chance na makapag kopyahan. Ang buong akala ko, mapapadali ang buhay ko pero parang kinalaykay ng manok 'yung sulat ni Flynn.
"Girl bilisan mo diyan, may dadaanan pa akong papel sa faculty ni ma'am para ipa-xerox!" Sabi niya habang nag lalaro ng Mobile Legend sa tabi ko. Para siyang boss kung ipatong niya 'yung paa niya sa armchair.
"Flynn ibaba mo nga 'yang paa mo! Tandaan mo nakapalda ka, madilim!" Sigaw ng president namin at inirapan lang siya ni Flynn. Natapos na ako kaya pinasa ko na 'yon agad sa president namin.
"Tangina talo nanaman! My gosh bumalik na ako sa epic kinginang buhay 'to!" Pagmamaktol ni Flynn kasi natalo siya sa rank game. Patago akong tumawa baka may lumipad na upuan sa harap ko. 
"Tara na nga! Tangina rin nitong professor na 'to, ako pa uutusan mag pa-xerox ang dami niya nang utang doon sa shop! Ako 'yung ginigisa nung nag babantay doon e'," reklamo ni Flynn. Kinuha ko 'yung bag ko at sabay kaming lumabas ng room.
Si Flynn 'yung may hawak ng susi ng room kaya pag late kami bumalik sa room, sa labas sila mag k-klase. Tiniis namin 'yung sinag ng araw, nasa kabilang building pa kasi 'yung faculty ni Ma'am.
"Goodafternoon anak, o' eto na 'yung paper. Ilan ba kayo sa klase?" Bungad na tanong ni Ma'am pagkarating namin sa faculty room. Rinig ko 'yung buntong hininga ni Flynn, siniko ko siya nung bigla siyang umirap.
"Wag mo 'kong tawaging anak, 'di tamad ang nanay ko." Bulong ni Flynn at siniko ko siya dahil sa sinabi. Mabuti nalang at hindi naring ni Ma'am 'yung binulong niya.
Napakamainitin talaga ng ulo nito pag natatalo sa laro. Sino ba naman kasi hindi maiinis, bumagsak ka sa epic tapos inutusan ka pa ng professor mo!
"Trenta po," walang ganang sagot ni Flynn. Hindi ko rin kasi maintindihan 'to si ma'am palagi nalang si Flynn ang inuutusan. 
Oo matanda na si ma'am, hindi niya na nga kayang mag klase sa room namin kaya kami ang lumilipat ng room kung saan kaya niyang puntahan. Pero 'yung murahin na si Flynn nung nag babantay sa printing shop kasi panay ang utang ni ma'am hindi na ata tama 'yon.
"Sabihin mo lista nalang sa pangalan ko, bayaran ko nalang lahat sa swelduhan sa akinse." Sabi ni ma'am at hindi na kami nag taka. Gigil na lumabas si Flynn sa faculty ni ma'am.
"What's your plan now? Last na lista na daw nung nakaraan," bulong ko at sunod-sunod ang pagdadabog niya sa hagdan hanggang sa makalabas kami ng buidling.
"Ano pa nga ba, edi aabonohan ko nalang. Abuloy ko na 'yon sa kaniya, mukhang malapit naman nang kunin." Inis na sabi ni Flynn at siniko ko siya dahil ang lala ng sinabi. 
"Huy professor parin natin 'yon, isa pa matanda na kaya wag mong patulan." Sermon ko, inis niya naman akong binalingan ng tingin. Mukhang gigil talaga siya dahil bumagsak siya ng epic rank.
"Kinginang paniniwala 'yan! Pag matanda hindi na dapat patulan kahit ikaw 'yung tama?!" Inis na sabi niya at mas naunang mag lakad sa akin kaya binilisan ko 'yung lakad ko para makasabay ako sa kaniya.
"Aishh! Flynn pag bigyan mo na, kahit anong gawin ikaw parin ang mali. Iisipin nilang wala kang respeto sa matanda." Pilit ko siyang pinapangaralan. Reality check, ganito ang kultura ng Pilipinas. Pag matanda kailangan i-respeto, wala kang karapatan na ipaglaban ang sarili mo pag tama ka kasi kahit anong gawin mo ikaw parin ang lalabas na mali.
"Whatever!" Sigaw niya at lumabas na kami ng school. Malapit lang naman dito 'yung printing shop, tabi lang nung mga bilihan ng school supplies. Pagkarating namin doon, mataray na babae ang bumungad sa amin.
"Trentang kopya lista daw po muna kay ma'am Felicia! Alam ko na ang sasabihin mo, wala na kaming kinikita, imbis na pera ang maipon namin listahan ang naiipon!" Anang babae at akmang kukinin ang listahan ng utang ni Ma'am.
"Tignan niyo nakaraang taon pa 'to dito! Ito nakaraang buwan trentang kopya rin. Ito rin, ayan!" Turo niya sa listahan at napasabunot nalang si Flynn sa buhok niya dahil sa pagkairita.
"Ang dami mong kuda may binigay na pambayad!" Pabalang na sagot ni Flynn at tumabi ako sa kaniya para pakalmahin siya. Mukhang napahiya 'yung babae kaya hindi na siya nag salita.
Inis na nilapag ni Flynn 'yung papel at pambayad. Pumunta siya sa kabilang store at mukhang bibili ng yellow pad dahil kailangan namin 'yon. "Hija eto na, sabihan mo 'yang si ma'am niyo na bayaran na 'yung nasa listahan." Anang babae at tumango nalang ako.
Kung kanina nasa bilihan lang siya ng school supplies, nandoon na siya sa nag titinda ng fishball. Pumunta ako sa gawi niya at kumakain na siya, hindi manlang nag aya.
"Kuya magkano 'to?" Napatingin ako sa gilid ko nung may biglang bumangga sa akin at muntikan ko nang mabitawan 'yung pina-xerox ni ma'am. 
"So guys nandito kami ngayon sa nag bebenta ng fishball, nasa kabilang street lang kung nasaan 'yung pinapagawa naming vape shop." Lumingon ako sa likod nung may biglang nag salita. 
Akala ko tao ang kausap niya pero camera pala. Nag v-vlog siya, hindi ako pamilyar sa kaniya dahil puro mga make-up vlogs lang naman 'yung pinapanood ko.
"Ate bibili ka ba?" Tanong nung bumagga sa akin kanina. Napatitig ako sa kaniya dahil nakuha ng malalim niyang dimples 'yung atensyon ko. Amoy na amoy ko rin 'yung pabango niyang mukhang mamahalin.
"Ate?" Tanong ulit nung lalake at bumalik lang ako sa ulirat nung kinalabit niya ako. Napailing lang ako at akmang aalis na pero biglang nag salita si kuyang nag v-vlog.
"Guys nag vi-video lang ako dito meron nang kinalabit si Lelouch na babae!" Malakas na sabi ni kuyang nag v-vlog sa camera. Ipinangtakip ko 'yung papel na hawak ko sa mukha ko nung biglang itapat sa aming dalawa 'yung camera.
"Si boss Dogs, ma-issue." Sabi nung lalaking malalim 'yung dimples at humalakhak 'yung boss Dogs na sinabi nung lalake.
"Guys si Lelouch binata na! Kaya pala ako niyayang kumain ng fishball dito para makaharvat ng chiks!" Sabi nung boss Dogs sa harap ng camera. Nakakahiya hindi ko alam ang gagawin ko, hindi ko alam kung paano ako makakawala dito.
"Lelouch magpakilala ka naman," kantyaw nung isa pa nilang kasama. Marami pala sila, may tatlo pa silang kasama. Patuloy lang sila sa pang-aasar at gusto ko nang mag palamon sa lupa dahil sa hiya.
Mahiyain ako pag dating sa camera, ayokong vinivideohan ako kaya hindi ko alam kung paano ako makakaalis dito. 
"Guys tanungin natin si ate kung ano 'yung pangalan niya." Sabi ni boss Dogs sa camera at itinapat sa akin. Hindi ko alam kung ano 'yung gagawin ko at na-estatwa ako sa tinatayuan ko. 
"Y-yralance..." Nahihiya kong sagot at muling niyang tinapat ang camera sa sarili. 
"Yralance... Lelouch nga pala," pagpapakilala sa akin nung lalaking may malalim na dimples at inilahad niya sa akin 'yung kamay niya. Dahan-dahan ko 'yung tinanggap at nakipag-kamay ako sa kaniya.
Nag hiyawan naman 'yung mga kasama niya lalo na 'yung boss Dogs. "Guys alam ko na 'yung title ng vlog na 'to! Kalabit!" Sabi niya habang nakaharap sa camera. Nanatili lang ako at hindi alam ang gagawin.
"Kuya Dogs!" Napatingin kami lahat sa likod nung may narinig kaming boses. Si Flynn 'yon at taka ko siyang tinignan. 
"Idol na idol kita!" Sigaw ni Flynn habang may hawak na shake, kaya pala bigla siyang nawala dahil kanina. "Picture tayo," sabi ni Flynn at agad na kinuha 'yung cellphone niya sa bulsa. 
"Thank you," sabi niya pagkatapos makipag picture sa vlogger. "Kuya Dogs lagi po akong nanonood ng tips mo sa ml. Pati stream nanonood ako." Sabi ni Flynn at binaba na ni boss Dogs 'yung camera.
"Duo tayo lods, bumalik ako ng epic. Miya best pick ko!" Sabi ni Flynn na parang kaibigan lang ang kausap niya. 
"Tayo ate laro tayo paangatin kita hanggang mythic," sabat nung isang lalake at nag tawanan sila. Nanatili kay boss Dogs 'yung mukha ni Flynn, mukhang siya lang 'yung kilala niya sa lahat.
"Marksy dumadamoves ka nanaman a'!" Sabi ni Lelouch na nasa tabi ko, patuloy lang sila sa pagkain sa fishball hanggang sa magpaalam na sila sa amin dahil babalik na daw sila sa shop na pinapagawa nila. 
Dama ko 'yung ginhawa nung umalis sila, sana maayos ako sa camera dahil nakakahiya! "Kilala mo 'yun?" Tanong ko kay Flynn na nakangiti habang nag lalakad. "Oo! Idol ko 'yon sa ml!" Sabi niya at pumunta na kami sa building kung nasaan malapit ang faculty ni ma'am Felicia.
Hanggang sa klase, hindi nakikinig si Flynn at pinost pa sa IG 'yung picture nilang dalawa nung idol niya habang nag k-klase. Wala masyadong nakikinig kay Ma'am Felicia dahil panay ang basa niya lang sa papel na hawak namin.
Pumasok lang kami sa klase niya para lang mag self study. Natapos ang klase namin kay ma'am Felicia na ang kalahati ng klase ay tulog ang iba naman ay naglalaro sa cellphone. Pagkatapos ko ring basahin 'yung binigay niyang papel, nag cellphone na rin ako.
Naalala ko kanina si Lelouch, ang ganda naman ng pangalan niya. Ang bango niya, 'yung mata niyang mapungay, hindi naman siya 'yung sobrang payat okay naman 'yung katawan niya. Pero nag  focus talaga 'yung mata ko sa dimples niyang nakakatunaw.
Gusto ko siyang I-stalk sa social media pero maraming Lelouch sa mundo. Ayaw ko namang tanungin kay Flynn kasi baka iba ang isipin niya. Uwian na kaya kinuha na namin 'yung bag namin at umalis na sa room.
Nakikitira lang ako sa condo ni Flynn malapit lang sa school kaya tipid na sa pamasahe. May kaya naman ang pamilya nila kaya thankful ako na naging kaibigan ko 'to. Sapat na kasi 'yung budget ng magulang ko para sa tution ko lang, kaya pinagkakasya ko 'yung pera ko sa pang araw-araw.
Nagluto lang ako ng Sinigang para sa hapunan namin. Si Flynn na ang nag hugas dahil ako ang nag luto. Pumunta na ako sa banyo sa may guest room dahil iyon ang ginagamit kong kwarto. 
Pagkatapos kong maligo at mag skincare, umupo ako sa study table ko para muling basahin 'yung lesson na kanina naming binasa sa klase ni ma'am Felicia. Nang inantok ako natulog agad ako.
Kinabukasan pag pasok, agad akong nilapitan ng mga kaklase ko dahilan para kumunot ang noo ko. "Yra! Ang ganda mo sa vlog ni Dogs a'!" Sabi ni Caleb kaklase ko. Kaya pala may kumpulan sa likod dahil sabay-sabay nilang pinapanood 'yung vlog ni boss Dogs. Akala ko kung ano 'yung pinapanood nila.
"Tangina kinikilig ako!" Sigaw ni Bryan habang nanonood ng vlog. "Yra bagay kayo ni Lelouch!" Sigaw ni Bryan at umupo ako sa upuan ko. Pati si Flynn nanonood rin nung vlog kaya nakinood na rin ako.
"Aray!" Sigaw ko nung bigla niyang hinila 'yung buhok ko. "Talipandas ka, bumili lang ako ng shake lumandi ka na agad." Hindi ko pinansin 'yung sinabi ni Flynn dahil napako sa cellphone 'yung paningin ko.
Para kaming nasa teleserye dahil ang ganda nung pagkaka-edit nung time na nakipagkamay siya sa akin. "Wala na, na-fall na!" Bulong ni Flynn dahilan para bumalik ako sa ulirat. Nag simula na 'yung klase kaya nung lunchbreak nalang nila ako ulit inasar.
"Flynn fishball tayo," pag aaya ko kay Flynn. Walang reaksyon ang mukha ko dahil baka mahalata niya ang plano ko. Nagbabakasakali akong makita ko siya ulit. Napahawak ako sa armrest ng inuupuan ko nung pinanliitan niya ako ng mata.
"I smell something fishy," sabi niya pero sa huli pumayag na rin. Pumunta kami sa nag bebenta ng fishball sa labas school. Nakailang order na ako ng kikiam pero wala pa rin 'yung hinahanap ko.
Hanggang sa mabusog ako, hindi sumipot 'yung hinahanap ko. Pagkatapos kong mag bayad, pinatong ko 'yung wallet ko sa tabi ng lagayan ng sauce ng fishball dahil itatali ko 'yung shoelace ng sapatos ko. 
"Yra tara na! Nag text si president kanina pa daw nandoon si Sir sa labas ng room!" Sabi ni Flynn na mukhang kinakabahan dahil nasakaniya 'yung susi ng room. 
Dahil sa pagmamadali nakalimutan ko 'yung wallet ko kaya binalikan 'yon, nandoon 'yung ipon ko kaya kahit na murahin ako ni sir dahil late ako wala akong pake. Lakad takbo na 'yung ginawa ko para maabutan ko 'yung wallet ko.
"Yralance!" Rinig kong sigaw at lumingon ako sa gilid ko. Nakita ko si Lelouch na may hawak na vape. Taka ko siyang tinignan at tumakbo siya palapit sa akin. Natulala ako dahil para nag slow-mo 'yung pag takbo niya, sumasabay 'rin 'yung talbog buhok niya.
"N-naiwan mo, sinubukan kitang habulin kanina pero hindi ako pinapasok ng guard ng school." Hinihingal na sabi niya at hinawakan niya ang kamay ko at siya ang nag lagay ng wallet ko sa palad.