"Good job Yra!"
Pinunasan ko 'yung pawis ko at nag lakad pabalik sa gawi ni coach. Katatapos lang namin mag training at nag laro rin kami ng isang set. Kami ang nanalo at kitang-kita sa mukha ni coach na namangha siya sa naging performance ko.
"The real Yra is back!" Puri sa akin nung team captain namin nung tinipon kami ni coach. Ngumiti nalang ako dahil hindi ko alam ang dapat kong gawin, hindi naman kasi ako sanay sa papuri.
"Sabi sa 'yo hija nanibago ka lang, hindi ako nagsisi na pinagmalaki kita!"  Puri ni coach sa akin at nag palakpakan naman 'yung mga kasama ko. 
"Grabe ka Yra! Buwis buhay save, walang nasabi 'yung mga palo ko lagi mong na sa-save!" Sabi nung team captain namin. "Hindi ko nga rin mawindang e', laging nababasa 'yung mga set ko!" Nakabusangot na sabi nung setter namin.
"Dahil diyan manlilibre ako!" Sigaw nung team captain namin at inayos ko naman 'yung mga gamit ko. Ganito talaga sila pag maganda ang performance namin, nanlilibre 'yung team captain namin minsan si coach pag bagong sweldo.
Isa 'to sa mga nagustuhan ko, strikto sila pag nasa laro pero mag ka-kaibigan naman kami pag nasa labas. "Ay wrong timing ka hija, may meeting kami kasama si dean kasi balak nilang dito ganapin 'yung una nating laban," nanghihinayang na sabi ni coach.
"'Yung meeting 'yung wrong timing coach! Kung kelan pagod ka sa pag le-lead sa amin doon sila mag se-set ng meeting?" Nakangiting sabi ng team captain namin, napabuntong hininga nalang si coach.
"Gano'n talaga hija trabaho e', pero makita ko lang nag i-improve kayo okay na ako doon." sabi ni coach at nag yaya nang lumabas dahil pupunta pa siya sa meeting.
"Girls sa'n tayo?" Tanong nung setter namin, silang dalawa nung team captain 'yung mag bestfriend. Nakasunod lang ako sa kanila, wala naman akong close sa kanila dahil si Flynn lang ang tanging kaibigan na nakakausap ko ng matagal dito sa school.
Speaking of that girl? Kumusta na kaya siya? Ang sabi niya pupuntahan daw niya mamaya si kuya Rhoenel sa shop. Wala daw siyang pake kung mangamoy vape daw siya makita niya lang 'yung crush niya.
"Y-yra..." Napatingin ako sa gilid nung may sumabay sa akin sa paglalakad. Tumingin ako sa kaniya at siya 'yung narinig ko kahapon na nag salita ng masama tungkol sa akin. 
"Bakit?" Pinilit kong ngumiti para hindi siya mailang, wala naman na sa akin 'yung sinabi niya dahil ginamit ko 'yong bilang inspirasyon para mag patuloy ako. 
"S-sorry nga pala sa nasabi ko kahapon, alam kong narinig mo 'yon kasi sinadya ko. Pero hindi ko naman intensyon na sabihin 'yon... I think kailangan mo lang talaga makatanggap ng ganong salita para makapag focus ka." Mahabang lintaya niya. 
Parang mali 'yung sinabi niya, hindi kailanman naging magandang rason ang sabihan mo ng masama ang isang tao para makapag focus siya sa kung ano ang ginagawa niya. Para sa akin mas mabuti parin 'yung sabihan mo 'yung tao in a good way at hindi siya masasaktan.
"Tinatanggap ko 'yung sorry mo, pero hindi magandang paraan 'yung sabihan mo ng masama 'yung ibang tao para lang makapag focus sila." Nakangiting sabi ko at napapahiyang tumungo siya.
"Tara na? Sayang 'yung libre," pag aya ko dahil nakalayo na 'yung iba naming teammates. Nag sorry rin sa akin 'yung isa niyang kasama dahil sila 'yung nag uusap kahapon. Sabay kaming tatlo na pumasok sa isang unli wings restaurant.
"Kuya pwede po bang pag dugtungin 'yung dalawang lamesa kasi hindi mo kami kasya?" Request nung team captain namin at tumango 'yung lalaki. "Upo kayo!" Pinaupo niya kami at nag simula na silang umorder.
"Kumusta na pala kayo nung boyfriend mo? Grabe 'yung kasikatan no'n a', laging pinag uusapan 'yon doon sa room namin." Nakangiting bulong ni Aiza new friend ko. 
Napapansin ko masyado siyang interesado kay Lelouch. "Magkaibigan lang kami," nakangiting sagot ko at pinanliitan niya ako ng mata. 
"Bawal sabihin 'no?" Pamimilit niya, ganito ba talaga 'to? Kung kami lang talaga Aiza ipag sisigawan ko!
Hindi na kami nag usap ulit nung dumating na 'yung mga pagkain namin. Habang kumakain, tumunog 'yung cellphone ko kaya tinignan ko kung sino 'yung nag text. Binuksan ko agad nung nakita ko 'yung pangalan ni Lelouch.
From: Lelouch
Sa'n ka, pumunta ako sa gym niyo wala nang tao doon? Buti pinapasok ako nung guard.
Tinanggal ko 'yung plastic gloves ko at nag reply. Nararamdaman kong nakatingin sa akin si Aiza pero hindi ko na siya pinansin. 
To: Lelouch 
Dito sa restaurant malapit sa convinience store, nanlibre si team cap:) Sorry hindi kita nasabihan.
Maya-maya tumunog 'yung cellphone ko kaya tinignan ko 'yon ulit. Nag kukwentuhan lang naman 'yung mga kasama ko at hindi naman ako maka-relate sa topic nila kaya nakipag text nalang ako kay Lelouch.
"Yra kanina pa kita tinatawag!" Nag angat ako ng tingin nung narinig ko 'yung pangalan ko. "Team cap, busy si best libero may jowa kasing sikat, miss niya na daw!" Sabat naman ni Aiza at napunta sa akin lahat ng atensyon nila.
"Napanood ko 'yung vlog ni boss D, 'yung Lelouch ba 'yung jowa mo?" Mapang asar na tanong nung isa naming kasama, sinimulan na nila akong tuksuhin at hindi ko alam kung paano ko ipagtatanggol 'yung sarili ko.
"Nandito ka lang pala," napatingin ako sa likod ko nung may humawak sa balikat ko. Si Lelouch iyon at nakasuot siya ng Blue danim pants at simple Black shirt. Sinamahan niya iyon ng accesories at converse ang suot niyang sapatos.
Nakaayos rin ang buhok niya patalikod at umaalingasaw ang mabango niyang amoy. "Dito lang pala 'yung restaurant na sinasabi mo, doon ako sa kabilang convinience store pumunta." Sabi niya at pinisil ang balikat ko.
"Girl kung ganiyan ka-gwapo 'yung kikitain ko, talagang aalis na ako sa volleyball." Bulong ni Aiza sa katabi niya at kinikilig na binalingan ako ng tingin. 
"Uhm girls, pwede ko munang mahiram si Yra? We have plans kasi e'," sabi ni Lelouch at nagtatakaka ko naman siyang tinignan. Nakangiting tumango naman 'yung mga kasama ko.
Hinila na ako ni Lelouch palabas ng restaurant. "Ano okay ba?" Nakangiting tanong niya, nagtataka ko siyang tinignan. Anong probleam nito, ba't parang ang saya niya naman ngayon?
"Napabilib mo ba 'yung coach mo?" Hindi na nawala ang ngiti sa labi niya. May usapan nga pala kami na sasabihan ko siya kung napabilib ko ba si  coach. Ngumiti ako dahil naalala ko 'yung mga puri niya sa akin kanina.
"Oo!" Sigaw ko at hindi inaasahang mayayakap ko siya. Ilang segundo bago niya ako ginantihan ng yakap. "Bumalik na daw 'yung dating galaw ko!" Masayang sabi ko pagkatapos kong humiwalay sa pagkakayakap sa kaniya.
"May utang ka sa 'kin a'!" Sabi niya at hinampas ko ang braso niya. Okay may utang ako sa kaniya dahil sinamahan niya akong mag practice. "Tara sa shop, nandoon si Flynn." Aya niya at tumango lang ako, gusto ko na rin bumisita sa shop para mabantayan ang kalandian ni Flynn doon.
Pagkarating namin sa shop, bumungad sa amin si Flynn na kinakausap si Kuya Rhoenel sa counter. 4 na lalaki ang nasa loob at isang babae na nakatalikod.
"Lelouch ba't ang tagal mo? Diba kakain pa tayo ng fishball?" Tumalikod 'yung babae at 'yun 'yung fangirl na laging nag papansin kay Lelouch sa livestream niya.
Taka kong tinignan si Lelouch at gano'n rin ang reaksyon niya. "Chantal may napagusapan ba tayo?" Nagtatakang tanong ni Lelouch, hindi lang ako nakakabisita dito may usapan na pala silang ganiyan?
"Lelouch diba sabi mo sa akin nung nakaraang sabado, next week nalang kasi may susunduin ka?" Nagulat ako sa sinabi nung babae, alam kong ako 'yung sinundo ni Lelouch kasi 'yon 'yung time na umiyak ako dahil sa volleyball.
"Flynn umuwi ka a'! Una na 'ko may gagawin pala ako." Pagpapaalam ko at tumalikod na, akmang pipihitin ko na 'yung pinto pero hinawakan ni Lelouch ang kamay ko.
Bakit niya pa ako inaya dito kung may plano na pala siya kasama 'yang Chantal na 'yan? At' saka diba dapat kami ang kakain ng street food t'wing sabado? Naging busy lang ako iba na ang kasama niya?
Pagkalabas ko ng shop doon lang ako nakalanghap ng sariwang hangin. Hindi ko pinansin si Lelouch na kanina pa tinatawag ang pangalan ko. Binilisan ko ang lakad ko pero masyado siyang makulit at sinundan parin ako.
"Ano ang problema mo?!" Inis na tanong ko, diretsyo siyang nakatingin sa mata ko at binabasa niya ang laman ng utak ko. Nang hindi siya sumagot nag patuloy ako sa paglalakad at gano'n parin ang ginawa niya. 
Ba't ba ang kulit niya, hindi ba niya nakuha 'yung sinabi kong uuwi na ako dahil may gagawin pa ako? "Yra kung ano ang iniisip mo, nagkakamali ka diyan..." Sabi niya habang nakasunod parin sa akin.
"So paano mo ipapaliwanag sa akin 'yung narinig ko kanina? Lelouch nanggaling na sa babae na may pinangako ka sa kaniya!" Inis ko siyang binalingan at hindi parin nag babago ang reaksyon niya.
"Diba may utang ka pa sa 'kin? Gusto kitang kasama kumain ng streed food kaysa sa kaniya," nanatiling malumanay ang boses niya pero hindi 'yon sapat para bumigay ako. 
"Nangangako ka ta's hindi mo rin pala tutuparin, anong klaseng lalake ka!" Sabi ko at tinalikuran siya. 
"Anong klaseng lalake ako? Kaya kong sirain ang ipinangako ko makasama ka lang..."  
Bumilis ang tibok ng puso ko at hindi ko alam ang irereact ko. Dapat ba akong matuwa o dapat ba akong mainis dahil doon sa babaeng sumasapaw!
"Yra kung gusto mo talagang tuparin ko ang pangako ko kay Chantal pwede bang pag hayaan mo na akong ihatid ka muna?" Kalmadong sabi niya.
Hindi ako sumagot at nag lakad, sumabay siya sa akin hanggang sa makarating kami sa condo. Tahimik kaming sumakay sa elevator hanggang sa makarating kami sa unit. Bubuksan ko na sana 'yung pinto pero hinawakan niya ang kamay ko.
"Goodnight and congrats dahil napabilib mo 'yung coach mo." Sabi niya habang pinipisil ang dalawang kamay ko.  
"Alam mo? Hindi ako ang magulang mo pero naiiyak ako sa tuwa pag nakikita kitang masaya sa pangarap mo." Sabi niya habang patuloy na pinipisil ang mga kamay ko.
"Kita nalang tayo bukas," sabi niya at binitawan ang kamay ko. Pinagsisihan kong tinulak ko siya palayo dahil pinairal ko ang galit ko. Pumasok ako sa unit at pagkasarado ko ng pinto sumandal ako doon.
"Napakatanga mo self, mas gusto ka nga kasama tinulak mo pa palayo," bulong ko at napasabunot sa sarili kong buhok.
Pagkatapos kong kumain, pumunta na ako sa kwarto ko at nag pahinga. Hindi ko na hinintay si Flynn dahil sigurado akong lasing nanaman 'yung babaeng 'yon.
Kinabukasan mag isa akong pumasok dahil tulog nanaman si Flynn. Pagkarating ko sa room bumungad sa akin si Bryan na abot tenga ang ngiti. "Goodmorning Yralance!" Bati niya at tumango lang ako.
"May ka partner ka na ba sa research?" Tanong niya at binigyan ko siya nang nag tatakang tingin. Hindi pa ba obvious? 
"Si Flynn," sabi ko at humalakhak siya. "May iba nang ka-partner si Flynn," tumatawang sabi niya at mas lalong kumunot ang noo ko. Paanong nangyaring nag hanap siya ng ibang ka-partner e' dati nang kami ang laging magkasama pag may ganiyang gagawin?
"Nakipag pustahan kasi ako sa kaniya, pag natalo ko siya sa ML ikaw ang magiging ka-partner ko sa research!" Proud na sabi niya at mukhang nakuha ko nama na kung sino ang nanalo sa pustahan na 'yon.
Bwisit 'yang babaeng 'yan, lasing na nga gabi-gabi nakuha pa akong ipambayad pusta. "Oo na! Kailan tayo mag sisimula?" Pumayag nalang ako dahil baka singilin pa ni Flynn ang pag tira ko sa condo niya.
"Sa sat G ka?" Sabi niya at tumango ako. Wala rin naman kaming training sa sabado kasi may pupuntahan si coach. 
Gaya ng dati, hindi na kami nag kita ni Lelouch dahil busy kami sa mga sarili naming buhay. Pumayag rin ako na sa sabado namin trabahuin 'yung research namin dahil tiyak akong hindi na ako kukulitin ni Lelouch dahil may kasama na siyang iba.
Sumapit ang sabado at nag handa na ako para pumasok sa saturday class namin. Napagplanuhan namin ni Bryan na sa library kami tatambay pagkatapos ng klase para doon namin gawin ang research namin.
Gano'n nga ang ginawa namin pagkatapos ng klase, pumunta kami sa library at ginamit ang mga computer doon. "Hoy bobo dito ka diyan ako," sabi ko kay Bryan at nakangiti siyang sumunod.
"Ba't ang saya mo naman ata? Kalbaryo kaya 'tong gagawin natin," sabi ko at tumawa lang siya. Binuksan ko na 'yung computer ko.
"Kahit anong kalbaryo pa 'yan, basta magkasama tayo kakayanin natin 'yan." Sabi niya at tumawa ako nang malakas kaya sinita kami ng nag babantay doon.
"Baliw amputa, Bryan ikaw ba 'yan! Gaguhin mo nga 'ko mas maganda 'yung ganong Bryan hindi 'yung para kang pare ng simbahan!" Sabi ko at nakatanggap ulit ako ng sita sa nag babantay.
"Gumawa nalang tayo, pinangako ko pa naman kay Flynn na wag kitang papabaayan bumagsak dito." Sabi niya at tumawa ako. Parang ang lakas ata ng trip ko ngayon at saktong kasama ko si Bryan kaya siya ang pag t-tripan ko.
"Ayaw kong gumawa," sabi ko at napatingin naman siya sa akin. "Gusto mong patayin ako ni Flynn?" Nag taas siya ng kilay at pinigilan ko ang tawa ko.
"Ayaw ko talagang gumawa, pwede ikaw nalang?" Sabi ko at napasapo siya sa noo niya bago siya tumango.
Nagulat ako dahil pumayag siya. "Pero kiss mo muna ako," sabi niya at hinampas ko ang braso niya. "Ulol!" Sabi ko, ano siya sinuswerte? Gagawa nalang ako.
Nang mag gabi na niyaya niya na ako na umuwi na. May nagawa naman na kami kahit konti at siya na daw ang bahala sa iba. I do-double check ko nalang 'yung gawa namin at lalarga na kami.
"Paano pag bumagsak tayo sa research?" Tanong ko sa kaniya habang nag lalakad kami palabas ng school. Nakahawak siya sa strap ng bag niya at tumingin siya sa akin. 
"Edi sa ospital rin ang bagsak ko dahil sa bugbog ni Flynn." Sabi niya at humalakhak ako ng malakas. Nag tawanan pa kami hanggang sa makalabas kami ng school. Masaya rin namang kasama 'to gago nga lang madalas.
"Hatid na kita sa sakayan ng trycicle," tumango ako sa sinabi niya. Pagod na pagod ako ngayong araw kaya sasakay nalang ako sa trycicle. Naglakad na kami papunta sa sakayan hanggang sa may matanaw akong hindi inaasahan na tao.
Nakatayo si Lelouch sa poste habang nakatitig sa aming dalawa ni Bryan. "Yra ingat ka, mauna na 'ko, ako na rin bahala sa research natin." Sabi ni Bryan at iniwan akong nakatayo sa harap ni Lelouch.
"Kumusta school?" Tanong niya. May iba't ibang mood talaga 'tong si Lelouch ngayon nasa mood niyang maging tatay.
"Okay lang," sagot ko at tumango naman siya. Pinasakay niya ako sa trycicle at tumabi siya sa akin. 
"Manong sa kabilang kanto lang po, dalawa." Sabi niya at nag bigay ng bayad sa driver. Tahimik lang kami habang nasa byahe. Ba't parang feeling ko nag taksil ako sa kaniya? Wala namang mali kung mag kasama kami ni Bryan.
Nakarating na kami sa condo at hinatid niya ako hanggang sa harap ng pinto. Tumigil ako doon at humarap sa kaniya. Hindi parin nag babago ang reaksyon ng mukha niya at nanatili iyong serysoso.
"Talagang gusto mong gumanti?" Nag lapat siya ng maliit na ngiti. 
Nagulat naman ako dahil sa sinabi niya, anong ganti? Bakit ako gaganti? Nagtataka ko siyang tinignan at bumuntong hininga siya bago niya hawakan ang dalawa kong kamay. 
"Nasaktan na 'ko, okay na ba sa 'yo 'yon?" Sabi niya habang minamasahe ang dalawa kong kamay. Hindi ko alam ang iaakto ko nung nalaman kong nasaktan ko siya. Hindi ko intensyon saktan siya pero 'yung konsensya ko ang papatay sa akin.
Pagkatapos niya akong pilitin mag practice para mag improve ako sa volleyball ganito ang igaganti ko sa kaniya? Anong klaseng kaibagan ako? Nadurog 'yung puso ko nung nawala 'yung maliit na ngiti sa labi niya at nag pakita ang totoo niyang nararamdaman.
"Yra please wag mo akong gantihan sa puso... Doon kasi ako mahina," bulong niya.