MAAGANG natapos ang photo shoot nila sa GF kaya dumeretso na si Vince sa isa pa niyang trabaho sa isang bar na pagmamay-ari ng kaibigan niyang si Matt. And Undercover bar o kilala din bilang UDC bar. Isa siyang bar tender doon at kung minsan ay nagfle-flare tending din siya.
"O tol, ang aga mo naman ata ngayon. Walang pictorial?" tanong ni Matt sa kanya.
"Maaga natapos," sagot niya. "Bihis lang ako." Sagot niya at pumasok nga sa may locker para magbihis ng uniform niya.
"Tol, hindi ka muna ba magpapahinga?" tanong pa ni Matt ditto, nakaupo kasi ito sa gilid ng bar counter at umiinom ng juice.
Pag sa umaga hanggang sa hapon ay kainan ang lugar pero pagsapit na ng 6 ng gabi ay nagiging inuman na ito, at dahil hapon palang… konti lang ang tao sa lugar at nagpupunta lang dun para mag-chill o kaya naman ay doon na hihintayin mag-6.
"Hindi na tol, hindi naman ako pagod eh." Sagot lang niya habang siya na ang gumawa sa trabaho ng isang impleyado doon na magbunas ng mga baso.
"Ibang klase ka rin tol, anong tingin mo sa sarili mo, si superman? Chance mo na nga ngayon na magpahinga eh." Wika pa ni Matt.
"Di rin naman ako makakapagpahinga sa bahay eh." Sagot niya. "Nga pala, kumusta si myloves?" tanong nito na ang tinutukoy ay ang kakambal ng kaibigan.
Nasanay na siyang 'myloves' ang itawag sa babae simula nang iyon na ang lagi niyang pang-asar sa babae noong college pa sila. Nagging best friend narin niya ito at hinahayaan na siyang tawagin siya ng ganoon kahit pa maraming nakakarinig.
"Ayun, busi-bisihan sa GARAC niya," sagot lang nito.
"Successful naman ang GARAC niya, diba? Ang dami ngang pumupunta doon eh." Wika naman ni Vince. "Mas mabuti narin yung ibaling niya ang atensiyon niya sa ibang bagay, kesa ang magmukmuk lang sa bahay niyo, diba?"
"Oo naman, mabuti nga hindi na siya parang lantang gulay eh." Wika pa ni Matt.
"Eh yung baby nila ni Billy? Kumusta? Legal na ba?" tanong pa nito.
"Hindi pa, inaayos palang nila mama yung papeles para sa adoption. Mabuti nalang at meron yung batang iyon. Kahit papano nachi-cheer-up si Mart. Anyways… ikaw ba?" tanong nit okay Vince.
"Anong ako?" tanong pa ni Vince pabalik ditto.
"Ikaw… yung love life mo, wala ka bang natitipuhan man lang sa mga models na kasama mo sa GF? Sa gaganda ng mga modelo doon at puro mga fresh and young pa? Nakita ko nga yung magazine ng new faces ng GF eh, lahat sila magaganda and hot." Wika pa ni Matt.
"Eh hindi naman ako pumunta doon para maghanap ng shota eh, pumunta ako doon para magtrabaho. Isa pa, sino bang nagtulak sa akin na pasukin yung pagmomodelo? Diba ikaw? Kahit alam mong wala akong hilig sa ganun." Sagot ni Vince.
"At least nakapasa ka, kita mo nga ngayon at nakikita na kita sa mga magazine ng GF, tiyaka isa pa tol, malaki-laki naman kita mo dun, diba?" wika pa ni Matt.
"Kung sabagay tama ka, maano lang naman kung ngumiti at magproject sa camera. Tiyaka may mga libreng damit pang nakukuha doon, kaya tiba-tiba rin." Sagot pa ni Vince.
"Tol, winawala mo naman yung usapan eh, ano na? Wala ka bang natitipuhan kahit isa doon?"
"Wala nga, ang kulit nito." Sagot pa ni Vince.
"Ang hina mo naman tol, pinapalibutan ka na nga ng mga chicks doon eh. Tsk tsk." Wika pa ni Matt.
"Hindi kasi ako gaya mo, na kayang makipagrelasyon sa kanila just to satisfy my needs as a man. Hindi ko kasi kayang paglaruan lang ang mga feelings nila." Wika nalang niya ditto.
"Uy, uy, hindi ko sila pinaglalaruan ah. In fact pinagbibigyan ko pa nga sila sa gusto nila eh." Pagtatama naman ni Matt.
"Pinagbibigyan? Matapos ang isang gabi, dedma na? Tsss," wika naman niya ditto.
"Pinagbibigyan ko sila kasi sila naman ang lumapit at nangfle-flirt sa akin. I'm just a man with needs, marupok lang ako kaya pinagbibigyan ko lang sila." Wika pa ni Matt.
"Yuck tol, magtigil ka nga, baka kung san pa mapunta yung usapan." Bati nito ng pamunas sa kaibigan na natawa sa ginawa niya.
"Ikaw nag-umpisa eh." Sagot pa nito nang natatawa.
Natigil sila nang may marinig silang sumigaw na lalake sa hindi kalayuan kaya napalingon sila ditto. Nakita nila ang isang nakatalikod na babae na base sa ayos ng mga ito, mukhang nagagalit yung lalake dun sa babae at yung babae, kahit nakatalikod sa banda nila ay halatang umiiyak dahil sa balikat nito. Gabi narin pala at marami nang taong nasa bar.
"Didn't I tell you to stop bugging me? Anong pakialam ko diyan sa anak mo?" galit na sigaw ng lalake ditto. May kasama pa ang lalake sa table nila na ilang babae at mga lalake din.
"She is also your daughter," sagot ng babae kahit na umiiyak. "She just needed you to have time with her. Hindi naman siguro masama iyon diba? Hindi kita sinisingil na sustentuhan siya. But just have time with her kasi kailangan rin niya ng ama."
"You have a daughter, dude?" singit ng isang lalake.
"Of course none, baliw lang tong babaeng to, kaya sinasabi niyang ako ang tatay ng anak niya. You know me dude, sa dinami-dami ng mga girl na nakasama ko, nag-iingat ako." Proud na wika pa ng lalake sa nagtanong.
"She seems so serious about telling you that you're the father of her daughter." Wika naman ng katabi ng lalake na isang babae.
"No babe, just don't mind this crazy girl here." Wika pa nito at muling tinignan yung babaeng nakatalikod sa kanila. "Get lost," sigaw nito at tinulak pa kaya napaupo na yung babae.
"What's going on here?" singit na ni Matt sa kanila. "Miss okay ka lang?" baling nito sa babae at tinulungang tumayo.
"Yeah," sagot lang ng babae nang mahina. "I'm sorry," wika pa ng babae at tumakbo palabas.
Doon lang nakita ni Vince yung itsura ng babae kahit saglit lang dahil tumakbo rin ito palabas ng bar. Napatigil siya sa pagpupunas nang masino yung babaeng iyon kaya aagd niyang sinundan ng tingin.
"Crazy bastard," iling ni Matt nang makabalik na ito sa pwesto kanina at mukhang naayos na yung gulong nangyari.
"Tol, saglit lang a." paalam niya at agad lumabas ng bar counter.
"Uy san ka pupunta?" habol na tanong ni Matt pero hindi na niya sinagot.
Lumabas siya ng bar para sundan yung babae, luminga-linga siya sa paligid pero hindi na niya makita o maaninagan man lang ang babae.
"Baka nga hindi siya yun," wika nalang niya sa sarili at pabalik na sana sa loob ng bar nang may marinig siyang tinig ng bata.
"Mama, mama it's okay." Wika ng batang babae at nanggagaling iyon sa pagitan ng kotse sa may parking kaya dahan-dahan siyang lumapit doon.
"I'm sorry baby, ang tanga kasi ni mama eh." Rinig niyang iyak ng isang babae. "Alam kong wala nang pag-asang tanggapin niyang anak ka niya pero lumapit parin ako." Wika ng babae.
Nakaupo ang babae sa nakabukas na pinto ng kotse habang nasa harap niya ang batang lalake na sa tantiya ni Vince ay nasa edad 6 o 6 na ito. Kahit naka-side view ito ay nakilala niya parin kung sino ang babae dahil sa ilang linggo narin silang magkatrabaho.
"Mama, you don't have to cry, its okay po sa akin if I don't have a papa." Wika ng bata habang pinupunasan ang luha ng ina sa pisngi nito.
"Ang stupid kasi ng mama mo eh, batukan mo nga ako baby para magising ako." Wika pa niya ditto na pilit ngumingiti pero alam ni Vince na hindi iyon totoo.
"Gusto mo ako bumatok sayo?" singit na niya ditto kaya nagulat ang babae at agad na yinakap ang batang kausap. Nanlaki ang mga mata nito nang makita siya at para itong takot na takot dahil napapahigpit na ang yakap nito sa anak niya. "Anak mo?" tanong pa ni Vince sa babae. Hindi ito sumagot, bagkus ay napayuko nalang ito. "Hey it's okay, baka hindi na makahinga yang anak mo sa higpit ng yakap mo. Hindi ko naman kayo sasaktan." Wika niya pa sa babae.
"A-are you going to tell t-them?" kinakabahang tanong pa ng babae na nakayuko parin.
"Tell who?" tanong niya. "Aaah, sa trabaho ba? Depende." Sagot niya ditto kaya napatingin sa kanya ang babae. "Teka, kumain na ba kayo?" tanong nalang niya ditto. Umiling lang ang babae bilang sagot. "Tara, kain muna tayo sa malapit na restaurant, baka kanina pa gutom yang baby mo." Yaya nalang niya, wala na kasi siyang ibang maisip para medjo kumalma ang babae. Akala niya ay aapila ang babae pero tumayo na ito at sinara ang kotse tiyaka binuhat ang bata matapos punasan ang mga luha sa mukha at mata. Sa kalapit na kainan nalang sila pumasok at omorder ng pagkain. "Kain lang kayo, make sure mabusog yang bata. My treat." Wika pa ni Vince sa kanila. Tahimik lang niyang pinagmamasdan ang mag-ina na tahimik lang ring kumakain. Hinahayaan lang ng babae na kumain mag-isa ang anak at mukhang sanay rin itong bahala na kung kumain. "Ilang taon na siya?" biglang tanong niya sa babae.
"6," sagot ng babae. Tumingin sa kanya ang bata kaya nginitian niya ito.
"Anong pangalan mo baby?" tanong niya sa bata.
"Catherine po, Catherine Jane Chan, pero Ceejay nalang po." Pakilala ng bata na medjo nahihiya pa kaya napangiti ulit si Vince.
"Hi Ceejay, ako naman si Vince, kasama ako ng mama mo sa trabaho." Pakilala niya ditto.
"Opo, nakita ko po kayo sa picture kasama po si mama." Sagot pa ng bata. "Sabi ni mama, friend niya po kayo." Napayuko naman ang babae sa sinabi ng anak nong mapatingin siya ditto.
"Oo naman, sige lang Ceejay, kain ka lang." wika pa niya sa bata.
Matapos silang kumain ay yinaya niya muna ang mag-ina na maglakad-lakad sa katabing park para mahimasmasan sila sa pagkain bago umupo. Ilang minuto lang ay naglalaro na mag-isa ang bata sa palaruan habang sila Vince at ang babae ay nakaupo sa bench na naroon at pinapanood ang bata.
"Ba't hindi mo sinabing may anak ka pala?" tanong ni Vince sa babae kapagkuwan.
"Mahihirapan akong makapasok dun pag nalaman nilang may anak na ako. Sabi ng kaibigan ko, itago ko nalang raw muna. Hindi raw kasi tumatanggap ang GF ng model na isa nang ina." Paliwanag nito. "Wala na kasi akong ibang mapasukang trabaho na may malaking kita kahit na hindi naman as in 8 hours shift ang gugugulin. I have to work for my daughter."
"Yung kanina sa bar, yun ba ang tatay ni Ceejay?" tanong pa ni Vince.
"Yeah, pero ayaw niyang aminin." sagot nito na may kahalong buntong hininga. "Wait, nandun ka?" tanong pa nito. Nagkibit-balikat lang siya habang pinapakita rin ditto ang suot niyang uniform.
"Bartender and flare tender ako dun paminsan-minsan pag hindi gaanong busy sa photo shoot. Sa kaibigan ko kasi yung bar na yun, kaya nakakabalik-balik ako doon anytime na free ako." Sagot niya at napatango naman ang babae. "Okay lang bang tanungin sayo kung bakit mo pa pinuntahan yung lalakeng yun, kahit na halatang hindi niya naman ata maakong anak niya si Ceejay?"
"I was just hoping na bumalik siya at maging ama sa anak namin." Sagot nito matapos humugot ng hininga. "I'm still hoping and keep on praying na magising siya one day at bubuuin ang pamilya namin."
"Bakit pa? Kung halata namang hindi niya talaga gustong magkapamilya? Tignan mo nga kanina may bagong babae siya." Tanong pa ni Vince. "Ang mga ganong tipo, wala nang pag-asang magbago."
"Nagbabakasakali lang naman," sagot nito at napatingin ulit sa batang nag-lalaro mag-isa. "As much as possible I don't want him to experience what I've experience. I came from a broken family too. When I was still in high school, okay pa, kasi sinusutentuhan pa nila ako, but when they have their own family, parang nakalimot narin silang may isa pa silang anak. I saw how happy they are to their new families', kaya I didn't bother them and decided to go on my own. I worked for my college. Mahirap, kasi para akong kawawa, pakiramdam ko, there is something in me kaya sila lumalayo. My previous boyfriend too, before that guy from the bar, iniwan niya rin ako nong nalaman niyang working student ako at sinusutentuhan ko ang sarili ko. Until I accepted the fact na, no one loves me, beside of my best friend. As much as possible I don't want Ceejay to grow up like that." Kwento niya at biglang nagpunas ng pinsngi dahil may nahulog na luha sa pingi nito.
Nakatitig lang si Vince sa babae habang pinapakinggan ito.
"Alam mo kung ano pang nakakatawa? Pinangako sa sarili ko noon na kapag ako ang magkakapamilya, I will do my best na pangalagaan ito at hindi hahayaang mangyari yung nangyari sa parents ko, but here I am now… things is even worse, dahil akala ko mahal niya ako, yun pala…" wika pa nito na napasinghot. "Sorry, nagdradrama na tuloy ako sayo." Paumanhin niya pa at nagpunas ng mata.
"Hindi mo naman na siguro kailangang habulin yung gagong lalakeng iyon para lang hindi lumaking masaya ang anak mo, sapat na yung pagmamahal na maibibigay mo sa kanya bilang nanay niya. Hindi na niya kailangan ng isang amang tulad nun, na wala rin namang kwenta. Oo nga at buo ang pamilya niyo, nandiyan siya sa tabi mo pero puro pasakit naman ang kaya niyang ibigay, mas mahirap at mas masakit iyon. At wag mo ring isiping iniiwan ka ng mga tao dahil may mali sayo, o kaya naman hindi ka karapat-dapat mahalin. Ang mga magulang mo, lalo na ang lalakeng iyon… sila ang nawalan sa pagbabalewala sayo. Dahil hindi nila nakikita ang kahalagahan mo at ang importansiya mo." Wika nalang niya ditto. "Things happen for a reason, maly mo, hindi pala talaga kayo ang para sa isa't-isa ng gagong iyon."
"Salamat," wika nalang ng babae ditto at ngumiti ng bahagya.
"Linn," tawag ng isang babae na patakbong lumapit sa kanilang dalawa. "Sorry late ako, kasi hindi ako agad nakalabas sa office, may pina-rush pa kasi eh," paumanhin ng babae. "Anong nangyari?" tanong pa nito at napatingin kay Vince.
"Wala, ganun parin, dinedenay niya." Sagot pa ng babae.
"Sabi ko naman kasi sayong wag mo nang pag-aksayahan ng oras yung taong yun." Wika pa ng babaeng kararating. "Ang tigas rin kasi ng ulo mo eh." Napatingin it okay Vince na nagtatanong.
"Nga pala, this is Vince, yung partner ko sa GF," pakilala pa ni Linn sa kanya. "Vince, si Ann, kaibigan kong matalik."
"Hi," bati ni Vince sa babae na palipat-lipat ang tingin sa kanya at kay Linn.
"Sinamahan niya kami ni Ceejay kanina matapos kong kausapin yung lalakeng yun." Wika pa ni Linn sa kaibigan.
"Naku, thank you Vince a, nakita mo pa tuloy ang kagagahan nitong kaibigan kong ito." Wika naman ni Ann.
"Mamay!!!" sigaw naman ng bata at patakbong yumakap kay Ann. "Mamay, tinopak nanaman po si mama, umiyak nanaman po siya dahil kay monster guy." Sumbong ng bata sa babae.
Hindi naman napigilan ni Vince ang bahagyang mapatawa sa sinabi ng bata. Alam nitong tinotopak ang nanay niya sa tuwing umiiyak ito ng ganun at tinawag pa niyang monster guy ang sarili niyang tatay.
"Buti nalang po dumating si Vince," tuloy pa ng bata.
"Naku ikaw talagang bata ka," wika pa ni Ann at ginulo ang buhok ng bata. "Pero Ceejay, tawagin mong tito si Vince, hindi lang basta Vince." Pagtatama nito.
"Okay lang naman na hindi, buddy-buddy naman kami ni Ceejay e, right kiddo?" tanong pa niya ditto at nakipag fist bump pa.
"Maramng salamat talaga Vince ah… pero teka… edi alam mo nang may anak si Linn? Edi sasabihin mo sa management na nanay na siya?" tanong pa nito.
"Don't worry; her secret is safe with me. Basta hindi nila tinatanong, walang magsasabi." Sagot naman ni Vince ditto.
"Ang bait mo naman, sana mas maaga kang nakilala ni Linn." Wika pa ni Ann kaya siniko siya ng kaibigan. "Ito naman biro lang." bawi niya kay Linn.
"Uuwe na ba kayo?" tanong na ni Vince sa mga ito.
"Oo, may pasok pa kasi tong anak ko bukas, buti nalang wala tayong shoot bukas, noh?" sagot naman ni Linn sa lalake.
"Oo nga eh, hatid ko na kayo sa parking." Yaya pa ni Vince sa kanila.
"Mama, carry mo po ako." Wika ng bata kay Linn.
"Ayan kasi, napagod sa kakatakbo, kala mo naman may kalaro." Wika pa ni Linn at akmang bubuhatin na ang bata nang pigilan siya ni Vince.
"Ako na ang magbubuhat sa kanya, baka pagod ka pa sa kakaiyak kanina. Tiyaka baka masakit pa balakang mo sa ginawa ng lalakeng iyon." Boluntaryo niya.
"Nice, gentleman." Nakangiting wika pa ni Ann nang binuhat na ni Vince si Ceejay.
"Whoa, ang taas." Wika ng bata nang nasa balikat na siya nito.
"Okay ka lang diyan kiddo?" tanong pa ni Vince at hinawakan ang dalawang kamay nito.
"Opo," masaayng sagot ng bata. "Para po akong lumilipad, tito. Mama, para po akong lumilipad." Wika pa nito.
"Wag ka masyadong malikot baby, baka mahulog ka." Wika naman ni Linn sa anak.
"Hindi po, hindi naman po ako hahayaan ni Vince na mahulog, diba po?" tanong pa nito kay Vince.
"Oo naman," sagot lang nito. Mayamaya pa ay narrating na nga nila ang parking kung nasaan ang kotse ng babae ay binaba na niya ang bata at nagpaalam sa mga ito. Pagkalabas ng kotse sa may parking lot ay bumalik na siya sa loob ng bar.
"San ka galling?" salubong ng kaibigan niya sa kanya.
"Diyan lang," sagot lang niya. "Ako na ditto kuya Mark." Wika nito sa isang bar tender na pumalit sa kanya kanina at tumango lang tiyaka umalis. Napatingin si Vince sa mga nagtatawanang grupo sa malapit na table. Yun yung grupo ng lalakeng tatay ng anak ni Linn na nagtulak sa kanya kanina.
"Tol, kilala mo sila?" singit bigla ni Matt sa harap niya at napatingin din sa grupo na tinitignan niya. Medjo nagsisigawan na sila dahil malakas na ang tugtog sa loob.
"Hindi," sagot lang nito.
"Matagal ko na yang nakikita ditto, para na ngang regular customer yan eh." Wika ni Matt. "Kaso yung lalakeng naka-formal sa bandang kanan, medjo hindi ko gusto tabas ng dila niyan." Tuloy pa nito na ang tinutukoy ay yung tinutukoy ng bata kanina na monster guy.
"Bakit naman?" tanong nalang niya.
"Kala mo kasi kung sinong gwapo, eh kumpara naman sa akin wala pa sa tip ng daliri ko sa kuko ang panama. Siguro marami lang nabibingwit iyang chikas kasi alam nilang businessman, mayaman." Wika pa ni Matt. "Halos linggo-linggo ata iba-iba ang kasama. Kung magsalita pa parang expert na expert na siya sa kama." Wika pa nito.
"Baka naman insecure ka lang 'tol kasi mas marami siyang nagiging babae kesa sayo?" biro niya sa kaibigan na natatawa sa facial reaction nito habang nagsasalita kanina.
"Hindi uy, hinding-hindi ako mai-insecure sa isang yan noh. Tiyaka, ano naman sa akin kung mas marami siyang babaeng nabibingwit? At least yung mga lumalapit sa akin, they want my love and attention, eh siya, halatang money lang ang habol eh. Kita mo pa yung mga tini-table, halatang yung mga nagtatawag ng customers sa kalye." Wika pa nito. Napailing nalang si Vince sa kaibigan. "But seriously dude, kawawa yung babae kanina, sayang mukhang maganda pa naman."
"Sayang dahil hinahabol niya yang lalakeng iyan at hindi ikaw?" tanong nito.
"Hindi uy, pero maganda sana kung ako talaga tapos sasabihin niyang may anak kami. Kung ako yun, pananagutan ko. Hindi ko na kailangang paabutin pa sa isang eskandalo ang mga bagay na ganun no." wika pa ni Matt.
"Ganun? What if one day tol, may dutmating ngang babae na buntis at sinabing ikaw ang ama? Maniniwala ka agad? I mean, isusuko mo nalang ang pagiging malaya mo at papakasalan yung babae?" tanong niya ditto para maiba ang usapan.
"Hindi naman agad-agad, siyempre kailangan ko ring manigurado na anak ko talaga yung dinadala niya. Anong silbi ng DNA test, diba? Kung positive edi pananagutan ko. Hindi naman ako ganun kagago para takbuhan ang responsibilidad." Sagot nito.
"Naks tol, improving. Nag-iisip ka na ngayon." Biro pa niya ditto.
"Lul, kala mo kung sinong matino." Sumbat naman ni Matt sa kanya at nagtawanan sila.
Hindi niya maiwasang tignan ang lalakeng nanulak kanina sa partner niya na nakikipagsayahan at nakikipaglandian sa mga kasama nito sa loob ng bar na iyon. Habang nagpupunas siya ng mga baso ay pasulyap-sulyap siya ditto. Hindi niya alam kung bakit parang isa siyang spy na binabantayan ang bawat kilos nito at konting maling galaw lang nito ay babarilin na niya.
It's been weeks since he work in that modeling company and be with Linn. May mga nabuong friendship narin sa lahat ng team kaya siguro parang pakiramdam niya ay gusto niyang tulungan o ihiganti ang babae sa kagaguhan ng lalakeng iyon. Looking at Ceejay, at the child, paramng gusto niyang pagtawanan ang lalake at sabihing kawalan nito ang pagtanggi sa ganun kabait at katalinong bata.
"Alam mo tol, kung nakakamatay siguro ang tingin, kanina mo pa napatay yung lalake." Biglang wika ng kaibigan niya na naroon pa pala sa bar counter.
"Hah?" pagmamang-mangan niya.
"Kanina ka pa nakatingin na para bang ang laki ng kasalanan niya, may atraso ba yan sayo?" tanong pa nito sabay tango sa kinauupuan ng lalake.
"Tss, wala." Sagot nalang niya ditto. "Hindi siya sa akin may atraso." Tuloy niya ngunit pabulong.
"Ano iyon?" tanong pa ng kaibigan niya.
"Wala," sagot nalang niya.
"Is this about the girl a while ago?" tanong bigla ni Matt kaya napatingin siya ditto. "Yung babaeng pinahiya niya kanina. Siya ang pinuntahan mo kanina, right?"
"Anong pinagsasabi mo?" hindi ito sumagot at tinuro lang ng nguso ang CCTV camera. "Ini-stalk mo ako?" Hindi niya mapaniwalaang tanong sa kaibigan.
Nagkibit-balikat ang kaibigan. "Nagtaka lang ako kung bakit ka umalis and by the looks of it, parang kilala mo rin yung babae."
Napailing nalang siya ditto pero hindi na nagkomento. Hindi narin siya pinilit ng kaibigan.