Erika's POV
Hindi na ko nakapasok pero nakapagtext naman ako kay Baste na pakisabi na lang na di ako makakapasok. Si Baste? bestfriend ko yun sanggang dikit kami simula pa nung grade six kami kaya ayun kahit anong request ko di siya maka tanggi.
"Di ka ba marunong magsalita?" tanong ni Miki sa lalaki
"Oo nga? ano na ba kasi pangalan mo?" tanong ko naman
"P-Pangalan?" tanong niya samin
Umupo ako sa tapat niya tapos siya parang ang lalim ng iniisip.
"Marunong ka naman pala magsalita eh o ano na ba pangalan mo?" tanong ko ulit
"Pangalan?" tanong niya ulit
"Aha!"
"Ahay butiki! Miki!!! sinabi ng wag sisigaw eh!"
Bakit ba ganito kapatid ko napaka hilig sumigaw.
"Naku may Amoeba ka kuya" sabi naman ni Miki
"Amoeba?" sabay pa namin tanong nung lalaki
"Ate talaga edi yung palagi nating napapanood sa tibilisyon yung nawawala yung ala ala nung lalaki kasi nabangga yung ulo sa pader!"
Sumisigaw nanaman siya
"Ah! Amnesia naman kasi ameba ka dyan"
Tumingin ako dun sa lalaki pero tulala parin siya. Tinignan ko yung mukha niya ng maigi baka sakaling mamukhaan ko siya pero wala talaga eh.
"Eka!"
"Ay butiki!" sigaw ko nanaman
"Ate nakaka ilang butiki ka na!"
Humarap naman ako kay Baste dahil siya lang naman tumatawag sakin ng Eka eh.
"Oh di ka pumasok?" tanong ko
"Pumasok kaya lang ano eh..." bitin na sabi niya
"Kaya lang ano?" tanong ko ulit
"Kaya lang kulang kapag wala ka" sabi niya naman
"Talagang kulang absent ako eh magulat ka kung kumpleto"
Napakamot siya ng ulo tapos biglang nanlaki yung mata niya nung makita niya si...... basta siya na yun tapos tumingin siya sakin.
"Ay oo nga pala Baste si....."
"Mathew!" sigaw naman ni Miki
"At kailan pa niya sinabi sayo na Mathew ang pangalan niya?"
"Nararamdaman ko lang" sabi ni Miki
"Teka teka san niyo ba siya nakilala?" tanong ni Baste
"Eh kasi ganito yun bibili sana ako ng pandesal sa kanto para almusal tapos bigla namang nakita ko siya naka handusay sa harap ng bahay namin kaya ayan" paliwanag ko
Tumingin samin si kuya tapos..... Ewan ko ba tuwing tinitignan ko yung mga mata niya parang gusto kong magpaka bait na parang ewan.
"Pre wala ka ba talagang naaalala?" tanong ni Baste
Tumingin lang sa kanya yung lalaki tapos si Baste naman parang na
weweirduhan na sa kanya.
"Sinabi naman kasi sa inyo Mathew ang pangalan niya" pangungulit nanaman ni Miki
"Oh siya sige Mathew na kung Mathew o eh anong gagawin natin sa kanya?" tanong ko
"Ate ampunin na natin si kuya Mathew hanggat di pa gumagaling yung sakit niya" sabi ni Miki
"Miki" pinandilatan ko siya
Kasi naman di pa namin kilala tong lalaking to sa bahay ko papatirahin? pero san naman siya titira pag pina alis ko siya? baka kung mapano pa siya.
"Eka? una na ko ah? walang bantay sa talyer eh" paalam ni Baste
"Oh sige sige" sabi ko naman
"Baste?" tanong nung lalaki
Napatingin tuloy ako bigla sakanya.
"Oo Baste bakit kilala mo siya?" tanong ko
Hindi naman na sumagot yung lalaki tapos para siya ewan na naninibago sa bagay bagay totoo kayang may amnesia siya?
"Ate kain na tayo" pag aaya ni Miki
"O sige" sagot ko
pagkatapos nag hain na ko para makakain na kami ng....
"Ay butiki!!" sigaw ko
Bigla kasing hinawakan nung lalaki yung kamay ko tapos di ko naman maalis tumingin na lang ako sa kanya.
"Ano yung Amnesia?"
"Ah.... ano.... uh.... yung may sakit uhm kasi ano nagkasakit ka kaya wala kang maalala" paliwanag ko.
Para naman siyang napa isip sa sinabi ko tapos binitawan naman niya yung kamay ko. Hindi ko alam pero... Magaan ang loob ko sa kanya eh sana nga mabuti siyang tao.
"Miki, susubukan kong makahabol sa trabaho kahit half day lang ikaw na bahala dito ah?" bilin ko
"Opo ate nandito naman si Kuya Mathew"
"Basta pag may emergency tawagan mo ko ah?"
Di kasi pwedeng pagkatiwalaan si kuya ewan eh baka kasi kung ano gawin niya sa kapatid ko.
"Puwde ba kong sumama?" tanong niya
"Ano naman gagawin mo dun?" tanong ko
"Magtatrabaho?"
"Tama ate! para may maghahatid na sayo pauwi"
"Oh.... sige sige uy Miki ah yung bilin ko?"
"Opo ate!"
Naglalakad na kami ngayon gamit niya yung dating sapatos ni tatay pati damit, matangkad pala siya ngayon ko lang napansin.
"Wow bongga naman naka jackpot ng papa!"
Ayan na ang mortal enemy ko. Si Marissa ang bungangera kong kapitbahay. Sasagutin ko na sana bigla namang...
"Wag mo na lang pansinin" sabi niya sabay ngiti
Kailangan ba talagang ngumingiti?...
"Ah oo naman ano ah tara na nga"
Nagpatuloy na kami sa paglalakad tapos yung mga babae nakatingin kay Mathew? eh hindi ko naman sila masisisi eh ang gwapo eh at hindi pa nakuntenti yung iba talagang pinakaguluhan siya.
Ano ako dito alalay? mabubuhay naman siguro siya kahit iwan ko na siya diba?
Maglalakad na sana ako.........
Bigla niya hinawakan yung kamay ko O.O.......
"Wag mo ko iwan" sabi niya
"H-Ha? ah ano kasi halika na"
"Sabi sa inyo may syota na si papa eh" sabi ng chismosa
Tapos ayun nagsi alisan na sila, grabe! syota? Ako??? No boyfriend since birth nga ako eh!
Pagdating namin sa talyer pumayag naman si boss na mag halfday ako tapos si Mathew taga linis ng kotche kasi di naman siya marunong magmekaniko eh.
"Oh okay ka na?" tanong ko
Hawak hawak niya yung vacum cleaner.
"Para san to?" tanong niya
"Pipindutin mo lang yung red dyan tapos yung sahig ng sasakyan lilinisin mo gamit yan"
"Ahhhh...."
Tapos pinindot niya nga yung red na pang on sa vacum cleaner tapos nagsimula ng maglinis... Gwapo siya... Este! kailangan ko ng magtrabaho.
"Buti binigyan ni boss ng trabaho yan?" tanong ni Baste
"Ah oo mukha daw kasing mabait at inosente eh"
"Ano hatid kita mamaya?" tanong niya
"Wag na kasabay ko nanaman si Mathew eh" sabi ko
"Sa inyo talaga titira yan?"
"Kawawa naman kung papaalisin ko siya diba?"
"Erika!"
"Ay butiki!"
Pagtingin ko kumakaway si Mathew sakin... Nakangiti pa bakit ang ganda ng ngipin niya? Model ba siya? nakaka inis naman. Lumapit siya sakin naka ngiti parin.
"May ano tubig sa mukha mo" sabi niya
"Tubig?" tanong ko
"Baka pawis?" pilosopong sabi ni Baste
Si Mathew naman kinuha yung bimpo na pinabaon ko sa kanya tapos pinunasan yung pawis ko!
"Ah! ano okay na okay na" sabi ko
"Baka kasi ayaw mo ng pawis eh"
sabi niya
Tapos ngumiti siya at pumunta na dun sa nililinis niyang kotche ako naman nagpatuloy na sa trabaho.
"Pinopormahan ka yata niyan eh" sabi ni Baste
"Porma? sadyang mabait lang" sabi ko
Nang matapos ang trabaho pumila na kami para sa sweldo, arawan kasi yung bigayan ng sweldo eh wag niyo ng tanungin kung magkano. Nung turn na ni Mathew.
"Para san po to?" tanong niya
"Yan ang sweldo mo ngayong araw" paliwanag ni boss
"Okay lang ho okay lang" tapos binabalik niya yung pera
"Ay hindi ho mapagbiro po talaga yang si Mathew eh pasensya na boss" tapos yung pera nilagay ko sa bulsa ni Mathew
Grabe tong lalaking to pinaghirapan niya eh ibabalik pa. Paglabas namin ng talyer nagpaalam na kami kaila Baste tapos naglakad na kami pauwi.
"Erika"
"Oh?"
Binigay niya sakin yung pera tapos ngumiti siya.
"Bakit mo binibigay to sakin?"
"Para sayo"
"Ha?"
"Magtatrabaho ako para sayo"
Eh? ang bait naman niya? tatanggapin ko ba? hindi kasi pinaghirapan niya to eh ilang kotche ang nilinis niya.
"Naku wag na pinaghirapan mo yan eh" sabi ko
"Bilang pasasalamat yan kasi ang bait mo sakin" sabi niya
Ngumiti na lang ako tapos pag uwi namin ito namang si Miki ang kalat kalat ng bahay dahil sa kanya grabe.
"Hi ate! Hi kuya!" sigaw niya
"Miki naman ang kalat ng bahay di ka man lang naglinis" sabi ko
"Ako na Erika wag ka ng magalit kay Miki" sabi ni Mathew
Tapos naglinis na siya ng mga kalat... Ganito ba talaga tong lalaking to? walang kapaguran? naka ngiti pa siya habang naglilinis.. Ako naman ito niluluto na yung ulam habang nakatingin sa kanya....
"Ay butiki! yung kanin ko!!!"
Sunog
"Yuck ate pano na di natin makakain yan" sabi ni Miki
"Tapon ko na lang"
"Wag!" sabi ni Mathew
Kinuha niya yung kanin na sunog tapos inihain sa lamesa. O.O seryoso ba siya? eh nakapag saing nanaman ako ng bagong kanin eh.
"Masama ang nag aaksaya ng pagkain" sabi niya
Tapos yun ang kinain niya eh sunog na nga yun. Napaka imposible talaga ng lalaking to.
"Di ka ba napapaitan?" tanong ko
"Ikaw ang nagluto nito kaya masarap" ngumiti siya at inubos yung sunog na kanin.
Pagkatapos namin kumain nilinisan ko na si Miki at naligo na rin ako pagkatapos pinahiram ko ulit si Mathew ng masusuot.
"Bukas mag ukay-ukay tayo tutal naman wala tayong pasok bukas"
sabi ko
"Ukay ukay?" tanong niya
"Oo bilihan ng damit yun" sabi ko
"Ah sige sige" sabi niya
Ngumiti nanaman siya sakin tapos pumikit at tumingala.... Problema nito? iniwan ko na siya tapos pumunta na ko sa kwarto namin ni Miki at natulog.