ABALANG naglilinis ng kuko sa kamay si Caramel ng lapitan siya ni Fourth at may inabot itong papel. Nagtataka siyang nakatingala at tinaggap ang papel.
" Ano 'to? "
" Papel " sarkastikong sagot nito.
" Alam ko. Anong gagawin ko rito? " muling tanong niya at napatitig sa nakasulat.
Mistake Points.
" Kainin mo, try mo kung anong lasa niyan."
Napabuga siya ng hangin. Inis niyang inilapag ang papel sa mesa at pinatungan niya gamit ang kanyang paa. Muli siyang bumalik sa ginagawa niya.
" Mistake Points mo 'yan, " wika nito.
" Alam ko. Marunong akong magbasa, " malamig na tugon niya.
" Tally yan sa rules na mga nilabag mo araw-araw, " napahinto siya at napatingala rito. Tinaasan niya ito ng kilay. Nakapameywang itong nakangisi sa kanya.
" Oo, tama ang narinig mo. Marami beses kang lumabag sa usapan natin kaya dapat mong sundin lahat ng gusto ko, " mataray na sabi nito sabay irap.
" Anong rules naman ang nilabag ko? " taas kilay na tanong niya. Inilapit nito ang mukha sa kanya.
" Gusto mo ISA-ISAHIN ko?! " mariin na tanong nito. Kaagad nitong ibinuka ang malaking bunganga at inisa-isa ang mga nilabag niyang rules.
Napalakpak talaga siya na parang palakpak ni Kris Aquino nang matapos nito ang detalye at insaktong araw kung kailan siya nagkamali.
" Bravo! Bilib nga naman ako sayo, Fourth. Memorize mo talaga lahat, mula sa pagkain, suot ko, sa pagtawag ko sayo ng Fourth at sa pagdikit ko sayo talagang naalala mo lahat " , proud itong rumampa sa harapan niya at kumaway na pang-miss Universe ang dating.
" Pero yung nagsiping tayo noon, hindi mo manlang naalala? You're so unfair, " napapailing na wika niya. Natigilan ito napatitig sa kanya.
" Anong nagsiping? 'wag ka ngang assumera! Kung ano man 'yang iniisip mo, naku! Hindi magkakatotoo 'yan. Over my dead body! Tse! " asik nito at pakendeng-kendeng na pumasok ng kusina.
Kaagad siyang tumayo at sinundan ito sa kusina para inisin ito.
" Ang galing mo nga noon. Hindi ko akalain na magaling ka rin palang sumipsip ng talaba, " natatawang biro niya rito.
" Ew! Kadiri ka! Stop your wild imagination, Caramel, you make me feel eerie! " saway nito at uminom ng tubig.
" Eerie? Really? Bakit humingi ka pa ng round 2 noon? "
Matalim siya nitong tinitigan kaya napahalakhak siya sa reaksiyon nito.
" Maglinis ka! Yun ang gusto kong gawin mo kapalit ng marami mong mistake points! Linisin mo ang buong bahay, maglaba ka! " inis na utos nito at tinalikuran siya.
" That's all? " pang-iinis niya. Hinarap siya nito nang nakangisi.
" You will regret this day, Caramel. I promise! " nakakatakot na singhal nito at iniwan siya. Nagkibit balikat lamang si Caramel.
Nagsimula na siyang maglinis ng buong bahay. Una niyang pinunasan ang glass wall at glass window. Pakanta-kanta pa siya habang ginagawa ang trabaho. Wala rin naman siyang gagawin ngayon kaya kailangan niyang magtrabaho para malibang.
Sunod naman ay nilampaso niya ang tiles na sahig. Hindi naman madumi, talagang ka ek-ekan lamang ng baklang 'yon ang paglilinis. Nagulat siya ng hinagis ni Fourth sa sahig ang mga damit na lalabhan niya, kaya napatingala siya rito.
" Labhan mo lahat ng mga 'yan! Gusto ko mamayang hapon dapat nakaplantsa na 'yan at isaayos mo narin sa wardrobe ko. Pagkatapos mong maglaba, magluto ka ng tanghalian. Ay oo nga pala! Bago ko makalimutan, mag-grocery ka muna bago ka magluto ng tanghalian. Dapat mamayang hapon, diligan mo ang mga halaman sa labas baka kasi makalimutan mo at mapatay pa kita kapag may isang NALANTA sa kanila! " Blah blah blah.
NAPABUGA siya ng hangin habang nakapila sa mahabang pila sa isang mall. Sobrang daming tao at hindi niya alam kung bakit nakisabay pa ang mga ito kung kailan siya apurado. Nasa dalawang karton inilagay ang kanyang mga binili. Tinambakan siya ng baklang 'yon. Talagang pinaghandaan nito ang parusa niya at balak siyang patayin sa sobrang daming gawain.
Nagtagpo ang landas nila ni Sixto sa labas ng mall at kaagad nitong napansin ang katabi niyang karton habang naghihintay ng masasakyan pauwi.
" What's that? " salubong na tanong nito.
" Karton, " maikling sagot niya. Napairap naman ang binata.
" Sarkastika. Tulungan na kita." Kaagad naman siyang pumayag dahil may dala itong sasakyan. Tatanggi pa ba siya, libreng sakay na kaya.
" Bakit ikaw ang bumili ng mga 'to? May katulong naman ah, " panimula nito habang bumibiyahe sila.
" Do you like me? " seryosong tanong niya rito.
" W-What? " Halatang natatawa ito sa kanya. Ang layo kasi ng pinagsasabi niya.
" Your brother really hate me since we met 6 years ago. Baka, ganun ka rin katinding masuklam sakin at isusumpa mo rin ako katulad ng ginagawa niya sakin...araw-araw," nakangiting wika niya. Hindi ito tumugon at ibinalik ang tingin sa kalsada.
" Everytime he saw my face, he's like seeing his cheated ex-boyfriend flirting with another girl. I don't know why he's so rude to me many times, " dagdag niya pa.
" Matagal na pala kayong magkakilala. Ngayon ko lang nalaman." Napatango siya.
" Nagkakilala kami dahil kay Garnet. Kahit noong una kaming nagkita, ganun na talaga siyang makitungo sakin. Pero, hindi naman sakin bigdeal ang bagay na 'yon. Minsan, naiisip ko lang...siguro masama ang ugali ko kaya siya naiinis sakin? " Mahinang natawa si Sixto.
" Ewan ko sayo, hindi kita kilala kaya wala akong sasabihin " , tugon nito.
" Marami kang negatibong sinasabi tungkol sakin tapos sasabihin mo na wala kang sasabihin dahil hindi mo ako kilala? Nakapagtataka naman. Madali talagang manghusga ang isang tao kapag may nakikita siyang hindi niya gusto. Madalas, ang first impression mali. Kaya, sana naman kung magagalit ka sakin dahil sa first impression mo, let me remind you, hindi ako katulad ng ibang babae na dedepende sa isang lalaki para mabuhay " , nakangiting wika niya rito.
" Sinadya mong ikuwento sakin ang pakikitungo ni Fourth sayo pero ang totoo sakin mo naman talaga ipapatama " , tugon naman nito. Napatango siya. Mukhang nakuha nito ang ibig niyang sabihin.
" Who are you? " Napatingin siya rito.
" Hindi kita kilalang lubusan. Can you tell me, who you are?" Komportable niyang isinandal ang ulo sa bintana.
" Hindi ko na kailangan pang sabihin kung sino ako. Hindi ko rin naman kailangan ang simpatya ng ibang tao para mabuhay. Tsaka, masyadong ma-drama ang buhay ko baka umiyak lang ako at hindi ko maayos na maipakilala ang sarili ko sayo, " tugon niya rito.
" Hindi mo rin naman kailangan na ikuwento ng buo sakin ang buhay mo. Kahit, paisa-isa lang kung may oras kang makipagkuwentuhan sakin. I'm willing to listen, " nakangiting tugon nito.
" Ang bait mo yata? Nakalunok ka ba ng plastic para magkunware? " Natawa ito sa tanong niya.
" I'm serious, Caramel. Matagal-tagal na rin na wala akong kinakausap na babae maliban sa mom at sa mga pinsan ko. Kung may nagtatangka man na kumausap sakin, iniiwasan ko. "
" So, masuwerte ako kasi gusto mong makipagkuwentuhan sakin? "
" Yup. Tsaka, look at my face. Sapalagay ko, hindi mo ako matatanggihan, I'm too handsome for asking you to tell your life story, " mayabang na wika nito.
" Sa totoo lang, malas ako kapag sayo ko ikukuwento kasi ang hangin mo e! " asik niya na ikinatawa lamang ng binata.
" I'm just kidding. You can talk to me if you ever want to talk to me."
Late na silang nakarating sa mansiyon dahil sa traffic. Noong nagtungo siya sa grocery, mukha pa siyang tao ngayon mukha na siyang pusang nausukan ng tambutso dahil sa tagal ng biyahe nila. Tinulungan siya ni Sixto sa mga pinamili niya. Napahinto siya at napaisip ng may bigla siyang nakalimutan. Napansin iyon ng kanyang kasama.
" May nakalimutan ka? " tanong nito at ibinaba sa semento ang dalang malalaking plastic bags.
" Si Fourth nakalimutan ko, " wika niya at patakbong pumasok ng bahay.
Kaagad siyang nagtungo sa kwarto nito at ilang ulit na kumatok. Hindi ito sumagot at tumugon sa kanyang pagtawag. Mukhang tumakas ang kagwang na 'yon at pinagplanohan nito ang pagtakas sa kanya.
Ginamit niya ang spare key at binuksan ang kwarto. Hinanap niya ito sa loob ng kwarto, sa ilalim ng kama o di kaya sa banyo pero wala na talaga si Fourth. Napamura siya sa inis at mabilisang bumaba ng hagdan.
" Hindi niyo na ba naramdaman na tumakas ang amo ninyo? " wika niya sa dalawang bodyguard.
" P-Po? N-Nakatakas po siya? " Nauutal na tanong ng mas batang bodyguard sa kanya.
" Hindi. Mukhang nakikipaglaro lang siya ng tagu-taguan kaya hindi ko siya makita, " sarkastikong tugon niya rito.
Kaagad naman na nagtungo sa itaas ang isa pang bodyguard para siguraduhin na nawawala nga si Fourth.
" Mukhang inutakan ka ng kapatid ko, " wika ni Sixto paglapit sa kanya. Kaagad niyang binuksan ang kanyang cellphone para malaman kung saan location na si Fourth.
" Mas mautak ako dahil nilagyan ko ng tracker ang phone niya. Burma! Samahan mo ako! " aya niya sa binatang bodyguard.
" Opo, miss. " Kaagad nitong hinanda ang sasakyan.
" Sasama ako sa paghahanap, " sabat ni Sixto.
" H'wag na Sixto, baka kasi makita mo kung paano ako magparusa ng mga taong matigas ang ulo, " wika niya rito at iniwan ang binata. Napangiti naman si Sixto sa pagkaseryosong mukha ng dalaga.
BUMABA siya sa isang masikip na eskinita. Nasa lugar na ito naroroon ang tracking device. Maraming taong dumadaan patungo at palabas ng eskinita. Hindi niya alam ang dahilan kung bakit dito na isipan ni Fourth na magpunta sa madumi at masikip na lugar.
" Dito ka nalang, " utos niya kay Burma. Napatango naman ito. Isinuot niya ang dala niyang sunglasses.
Kaagad siyang pumasok sa masikip na eskinita para tuntunin ang lokasyon ni Fourth. Napahinto siya nang may napansin siyang lalaking nakikipag-usap sa lalaking nakasuot ng pang-tanod na uniforme.
Pamilyar sa kanya ang hawak na cellphone ng lalaking nakatalikod sa kanya. Nakasuot pa ito ng coat at mukhang pang-opisina ang trabaho.
" Sige na mang Jo, tanggapin mo na itong cellphone para pambayad ng utang ko. Wala talaga akong cash na maibibigay sayo, ngayon. " Nagmamakaawang wika nito sa tanod.
" Naku, hindi puwede Firlan. Baka, kasi kung saan mo 'yan pinulot at madali pa ako. Ayaw kong madamay sa mga kalokohan mo, " tanggi ng tanod rito.
" H'wag kang mag-alala, hindi ko 'to ninakaw. Bigay 'to ng gf ko sakin pero wala talaga akong magpakukunan ng pera sa ngayon dahil nagkasakit ang nanay ko. Mamahalin ang cellphone na 'to puwede mo 'tong ibenta ng mahal, " pang-eengganyo nito sa kausap. Napailing siya sa sinasabi ng lalaki.
" Magkano ba ang cellphone? " napalingon ang dalawa sa kinaroonan niya. Nagsindi siya ng sigarilyo at humithit.
Walang alinlangan siyang humakbang palapit sa dalawang lalaki at bumuga ng usok. Halata ang pagtataka ng mga ito dahil sa pagsulpot niya. Napatingin siya sa lalaking pang-opisina ang suot. May pagkatisoy ang itsura nito at mukhang naman mayaman ang itsura at kutis.
" B-Bibilhin mo? " kabadong tanong nito sa kanya.
" Oo, sana. Magkano ba? " ulit niya. Napatango siya.
" Wala bang sabit 'yan? " paniniguro niya.
" W-Wala. Akin talaga 'to, " depensa nito. Napangiti siya.
" Hindi ko naman sinabi na hindi sayo ang cellphone na 'yan, bakit para yatang kabado ka, boy? " malumanay na tanong niya rito. Napalunok ito ng laway.
" Bibigay ko sayo 'to ng 5K, kukunin mo ba? " diretsahang wika nito sa kanya.
" Bakit parang ang mahal naman yata? Wala bang tawad? " nakangising tanong niya. Ramdam niya ang pagkabahala sa mga mata nito.
" Magkano ba ang gusto mo? " Napaisip siya sandali.
" Sige, ganito nalang. Bibilhin ko 'yang cellphone mo sa gusto mong halaga kung doon tayo mag-uusap ng maayos sa kotse ko, " matamis niya itong nginitian.
Napalingon muna ito sa tanod. Nagtango naman ang tanod na sumunod na lamang ito sa gusto niya kaya napilitang sumunod sa kanya ang lalaki.
Kabado itong napatingin sa kanya pagkabukas niya ng van.
" Papasok ka ba o hindi? " wika niya rito. Tahimik naman itong pumasok sa van.
Komportable siyang umupo sa tabi nito.
" Nasaan ang may-are ng cellphone na 'yan?" tanong niya rito at bumuga ng usok. Napalingon ito sa kanya.
" Tinatanong kita bata? Nasaan ang tunay na may-are ng hawak mong cellphone? " seryosong wika niya rito.
" H-Hindi ko alam ang sinasabi mo, " utal na sagot nito.
Pilit siyang napangiti at ipinakita ang dala niyang baril. Mas lalo itong natakot sa ginawa niyang pagkasa ng dala niyang 45 caliber.
" Ang ayaw ko pa naman ay ang mga taong nagsisinungaling. " Itinutok niya ang baril sa katawan nito habang humihithit ng sigarilyo.
" Magsasabi ka ng totoo o kakalabitin ko ang gatilyo? Mamili ka? " matalim na tanong niya rito. Pinagpapawisan na ito ng malamig at kasabay ang ilang beses na paglunok ng laway.
" Ang t-totoo, ang k-kaibigan kong service crew ang nagnakaw nito. N-Ninakaw niya sa isang mayamang bakla na nagset ng p-private party sa isang mamahaling bar kasama ang mga kaibigan nito, " kuwento nito.
" Saang bar? "
Bumababa siya ng van at napatingala sa isang 3 storey exclusive bar sa siyudad. Tago ang bar na ito kaya madalas dito nagtutungo ang mga anak mayaman para makipagparty o kung ano pang mga gimik. Rumampa siya patungong entrance. Tumutunog pa talaga ang takong ng suot niyang mamahaling boots.
" Ma'am, entrance pass niyo po, " harang sa kanya ng isang guard.
" Magkano ang entrance pass niyo rito? " tanong niya sa mga ito.
" Sorry po ma'am pero hindi po kami nagbibenta ng entrance pass. Tanging ang may-are lang po ang may kakayahang magbigay ng entrance pass sa mga taong makakapasok sa loob, " paliwanag nito.
Hinugot niya ang golden entrance pass mula sa bulsa ng suot niyang coat. Iniabot niya ito sa guard. Nagulat ito ng makita ang card. Napangisi siya rito.
" Makakapasok na ba ako? " malumanay na tanong niya rito.
" Y-Yes, madam! Come in! " wika nito pinagbuksan pa siya ng pinto.
Nakangiti siyang pumasok ng bar at inilibot ang paningin sa loob. May mga iilang tao pero hindi niya nakita si Fourth. Sigurado siyang nasa itaas ito at nakikipagparty kasama ang mga kaibigan nito.
Mabuti nalang talaga ay tinulungan siya ni Sixto na kaagad na makakuha ng golden pass para makapasok sa exclusive bar. Kaibigan pala ni Sixto ang may-are ng bar.
Nagtango siya sa third floor para hanapin ang amo niyang matigas ang ulo. Talagang malilintikan ito sa pag-alis nito na walang paalam sa kanya.
Makakatikim talaga ito sa ugali niyang may pagka-siraulo.