Aina's POV
  HINDI GRO ang ganap ko ngayong gabi. Duduty ako as LG-- short for ladyguard sa isang private na ospital na kakaunti ang pasyente dahil sa OA sa presyo ang lab at etc. na gamit do'n. Natawa na lang ako at charot ko lang naman 'yon. Feeling ko lang.
Ganito ang buhay ko. Kung saan magkakapera, gogora. Extrahan kahit saan, basta kikita. Hindi p'wede na nakatunganga at hahabulin ako ni Judith-- (due date).
Ako ang nag- iisang tumataguyod sa anak ko, walang puwang sa'kin ang arte at pagiging choosy. 
   "Ma, du- duty ka na naman?" Speaking of, ang anak ko, na nagtatanong at nakakunot-noo sa'kin dahil ayaw niya na mag- guard ako.
 Bukod sa delikado nga naman talaga ang nature ng ganitong trabaho, hindi makalimutan ni Uno ang nangyari sa'kin sa hardware na pinag- dutyhan ko sa Bulacan noong nagsisimula pa lang na pasukin ko ang trabaho na 'to. Sabagay, kahit naman din ako'y hindi 'yon makalimutan. Kaya lang, kung patuloy kong aalalahanin at hayaan na sakupin ako nang takot na 'yon, saan kami pupulutin na mag- ina? Hindi kami mapapakain ng takot at kaba.
  "Extra income rin 'to, Anak," balewalang tugon ko kay Uno.
  "Ang tigas ng ulo mo naman e. Delikado ang trabahong 'yan, Ma."
  "Mas delikado 'pag nabutas 'yang sikmura mo at ang bulsa ko," sagot ko sa kaniya, habang inaayos ko na ang belt ko na pang- LG sa bewang ko.
Daming ganap ng belt. Isa sa nakakainis sa uniform ng LG.
  "P'wede na 'kong magtrabaho kasi ma, 17 na 'ko next month. Para naman nakakatulong na 'ko sa'yo."
Parang kailan lang. Magse- seventeen na ang anak ko. Hindi na rin talaga 'ko bumabata...
Produkto si Uno ng teenage pregnacy kaya sa edad kong 32 ngayon ay mag-se- seventeen na siya. Pinagbuntis ko siya nang ako'y kinse anyos, pinanganak ko sa edad na disisais. Kung sasabihin mo sa'kin na isang mali ang iniluwal ko si Uno sa mundo, huwag ka na lang magsalita dahil hahaba lang ang paliwanagan. Hindi naman kasi ang pagdating ni Uno sa buhay ko ang mali. Kung hindi, ang kapusukan ko at katangahan sa salitang pag- ibig. Ngayon na nasa early 30's na 'ko, akalain ko ba naman na hindi ko na pala mararamdaman ang masidhing damdamin na meron ako noon sa tatay ni Uno. Fist love. First heartache. 'Ayun, nagka- first son tuloy.
  "Hindi. 'Pag nakasahod ka na ay hindi ka na mawiwili sa pag- aaral. Mag- aral ka na lang muna, Uno. Maraming trabaho na maganda ang naghihintay sa'yo 'pag nakatapos ka na anak."
Lumapit sa'kin si Uno para tulungan ako na magkabit ng belt.
Ayoko na magtrabaho siya na para namang imbalido na 'ko. Ako ang magulang, nararapat lang na ako ang mag- alaga sa anak ko. Wala siyang obligasyon sa'kin. Ako ang may obligasyon sa kaniya bilang magulang sa kaniya, dahil ako ang nagdala sa kaniya sa mundong 'to. Hindi ginusto ni Uno na ganito kahirap ang buhay naming mag- ina. Hindi choice ng anak ko ang isilang at datnan na ganito kami kahirap sa buhay.
  "Ikaw na nga'ng bahala, Ma. Ang sa'kin lang naman po kasi baka matulad na naman ang pag- guard mo sa pagpapakita ni Alarcon. Saka wala ka naman license."
  "Hay, huwag mo na ngang isipin 'yon at matagal na yan na nangyari," Sabi ko na lang. Gusto kong balewalain kahit mahirap. Kasi naman, 'yon ang unang beses ko na makakita ng patay na naaagnas, "Tutulungan na rin ako ng SO ko na magkaro'n ng license."
  "Talagang tinuloy mo na ang delikadong trabaho na 'yan, tsk!"
  "O, siya, 'pasok na 'ko." Ginulo ko ang mahaba- haba na rin na buhok ni Uno. Binalewala ko ang sentimyento niya, "Ipinagluto na kita ng ulam mo, nasa ref, init mo na lang. Bukas, magpagupit ka na. 'Haba na ng buhok mo." Hinalikan ko siya sa tuktok ng kaniyang ulo. Mula no'ng binatilyo na ang anak kong ito, ayaw na niyang hinahalikan sa pisngi, "Hmp, asim! Maligo ka nga, Uno!" 
  "Ma naman e!" 
"FRIEND!" Natanaw ko na agad si Liam na kumakaway sa'kin paglabas ko ng bahay.
Sasamahan niya 'ko kasi kay Aling Lucinda na nagpapa- 5'6 sa lugar namin. Renew ko ngayon. Renew, ibig sabihin, bagong utang pagkatapos ng nakaraan na utang. Sana nga ay dagdagan naman ngayon ng matanda ang renew ko. Nakikiusap ako sa kaniya na gawin nang 10k ang 8k na utang ko last time e.

Pero naisip ko lang bigla na hindi ko na rin naman kailangan na at nakatisod na 'ko ng 10k kagabi.
"Nasabi mo na?"
"Oo naman. Waiting na sa'yo ang lola mo."
Sasamahan ako ni Liam at siya kasi ang napakiusapan ko na magbayad ng kuryente namin ni Uno pagkatapos. nilalagyan lang niya ng pera ang Gcash niya sa may 7- Eleven sa kanto, nababayaran na niya. Wala akong alam sa gano'n kaya nakikisuyo lang ako sa kaibigan ko.
Sabay na namin na tinahak ang isa sa mga eskinita na pasikot- sikot na malapit sa riles kung saan kami nakatira ni Liam. Sa eskinitang 'yon ay nagkalat ang mga batang- hubo, maputik at halos walang maraanan na. Idagdag pa ang mga bata na nagtatakbuhan papasalubong sa'min kaya mas lalong abala sa paglalakad. Sa hilera ng mga barong- barong do'n, ang pinakamalaking bahay sa dulo ay ang kay Aling Lucinda. S'yempre, nagpapautang e.
"2, 4, 6, 8, 10. O, hayan na, Aina. Kumpleto 'yan!"
Binilang kong muli s'yempre ang pera sa harap ni Aling Lucinda bago kami umalis ni Liam do'n, "Salamat ho, Aling Lucinda."
"Thank you, Mother L! Napakabuti niyo."
"Kuuu, layas na, bakla!
Natawa ako sa good bye speech ni Liam. Kahit kailan talaga, maloko. Tatawa- tawa rin naman siya at kahit binabasag ni Liam si Aling Lucinda, malakas siya ro'n. Nabobola niya. Patunay ang 10k na nasa mga kamay ko na ngayon.
"Matandang 'yon, feeling ganda talaga!"
  MAY UMUUNGOL, naririnig ko. Sa dulong bahagi. Papalakas ang kaluskos at ungol sa pandinig ko habang papalapit ako at wala nang ingay na maririnig sa parte na 'yon kung hindi, iyon na lang at ang takong ng sapatos ko na sadya kong nilalakasan ang yabag. 
  "Parang mga tao naman. Umuungol sa sarap?" Natawa ako sa tinakbo ng isip ko.
  Oras ng roving ko at parking area ng ospital ang natoka sa'kin. Malaki ang ospital, maraming sasakyan ang nakaparada, madilim at may kalayuan na sa tinatahak kong bahagi ng parking lot ang p'westo ng mga kasamahan ko na guards. Kung bakit nailapag ko pa ang radyo sa guard house kanina at kinatamaran ko nang balikan. 'Pag may nakita akong kakaiba habang nag- ru- roving, mayayari ako sa OIC namin nito at hindi ko dala ang radyo. Habang papalapit ang yabag ko sa isang kotse na obvious na pag- aari ng isang doktor sa ospital na 'yon-- may MD na sticker sa likod ng kotse-- papalakas din ng papalakas ang ungol at daing na parang nahihirapan na naririnig ko. Binuksan ko ang flashlight na nakalimutan kong gamitin, mas nakapukaw na kasi sa'kin ang ungol na may kasamang kaluskos na ngayon ay kaunti na lang, makikita ko na kung ano...
  "Ay, butiki!" May tumakbo ng mabilis sa harap ko-- anino. Dahilan para gumulong ang hawak kong flashlight sa sahig.
Hindi ako matatakutin na babae pero iba ang kilabot na dinulot niyon sa'kin. Mabilis na anino, malamig pa nga ang hangin na dulot nang pagtakbo niyon sa harap ko. Inuna kong damputin ang flashlight. Nang madampot ko 'yon, inikot ko agad ang ilaw niyon sa paligid...
  "FASTER, HARDER, UGH..."
  Nanlaki ang mga mata ko sa kasalukuyan kong nasasaksihan-- nagse- sex lang naman na couple---Sa ibabaw sila ng hood ng kotse nag-du-do!
Sabi ko na nga ba!
Hindi man lang napigilan ng flashlight na hawak ko ang mga ito sa ginagawa. Malinaw ko pa na nakikita ngayon dahil sa tulong ng flashlight, ang pag- ulos ng lalaki sa nakatalikod na babae...
Ang mga galit na ugat nito sa braso dulot ng pwersa ng gigil na pagbayo ay malinaw na naaaninag ko. At ang paglabas- masok ng sandata nito...
Napalunok ako at parang namawis pa yata ako 'down there' nang maalala ko ang nangyari sa'min ng estrangherong nakilala ko kagabi sa Pegaxx Club. Hindi ko maiwasan na ma- imagine na ganitong- ganito ang imahe ng lalaking 'yon habang binabayo rin niya 'ko...
  "Samaniego, kumilos ka. Trabaho mo na sitahin sila!" Mariin na bulong nang kung sino sa tenga ko. 'Yon ang pumutol sa naglulumikot na diwa ko sa kasalukuyan kong nasasaksihan. Luminga-linga ako, wala naman akong ibang tao na nakita.
Samantalang... malamig pa nga ang hininga no'ng bumulong--- malamig? Dapat mainit 'yon 'di ba at hininga? Minadali ko ang paglikot sa ilaw ng flashlight, nakita ko na lupaypay na ang couple. Tapos na silang mag- sex. 
  "Ahm," tumikhim muna ako bago pinasya na kausapin ang dalawang tao na tapos nang magsalo sa sandaling kaligayahan, "Mam, Sir, bawal po tayo rito," sita ko na kinulang naman sa conviction. Paanong hindi? May bumulong sa'kin kanina na hindi ko naman alam kung sino!
Acceptable pa kung isa sa mga kasamahan ko na guard 'yon e, kaso, wala. Tatlo lang kami ng couple na narito--- o akala ko lang?...
  Dahil kasabay nang mabilis na pag- aayos ng mga damit ng couple sa isa't-isa at hagikgikan nila sa kakatapos lang na sexcapade, namataan ko ang isang tao na nakangising nakapagitan sa likod nila... 
  "May--" huli na para matawag ko ang pansin ng magkasintahan. Sabay pa kami na tumili ng babae, nang patihayang bumulagta ang nobyo nito--- sapo ang dibdib na tila inatake sa puso--- sa paanan niya! 
 "OMG! Help us, LG!" Hinging tulong sa'kin ng babae.
Agad ko naman silang nilapitan at dinaluhan. Kahit pa hindi ko alam kung paano ko sila tutulungan. Ang radyo ko, putsa kasi! Tuliro ako. Urong-sulong na hindi ko alam kung tatakbo ako para humingi ng tulong sa mga kasamahan na guards o bubuhatin ko ang lalaking bumagsak--- na alam ko naman na hindi ko kaya--- nang may mga kamay na nag- abot sa'kin ng radyo ko... 
  Kamay ng multong nakita ko kanina sa pagitan ng magkasintahan... 
 Duguan na kamay... 
Lalaking nakabarong at itim na pantalon...
 May choice pa ba 'ko? Matatanggal ako sa trabaho 'pag tinakbuhan ko ang pangyayari na 'to.
Kaya pikit-mata na tinanggap ko ang radyo mula sa duguan na kamay na 'yon. Kahit na alam ko pa na siya ang rason sa biglaan na pagbulagta ng lalaki.

Umiiyak na yakap na ng babae ang kaulayaw kanina.
Natitiyak ko na patay na ang lalaki...
"Buddy, 10-33, sa parking lot." Niradyo ko na ang mga kasamahan ko para mapuntahan na nila kami at matulungan.
Nang magsidatingan ang mga kapwa ko guards, agad akong tumayo. Hinanap ng mga mata ko ang patay na nag- abot sa'kin ng radyo. Naroon siya sa sulok kung saan ko siya nakita kanina, tahimik lang siya na nakangisi...
  Ang multong 'yon ang pumatay sa lalaking isinasakay na sa stretcher para iakyat sa ER ng ospital din na 'yon. 
  Kitang- kita ng dalawang mga mata ko, habang inaayos ng babae ang neck tie ng kasintahan nito kanina, dinaklot ng multo ang puso ng kasintahan nito kanina...