Lumiko na lang ako at nagpunta ng kusina. Sa kasamaang palad, walang tao rito. Bumalik ako sa sala, wala na si Ylac. Umakyat na rin ako at nagpunta ng kwarto. Maliligo na lang ako.
Kumuha ako ng mga damit sa bag ko at tuwalya. Iisa lang ang banyo rito at kailangan mag igib ng tubig sa poso. Bumaba na ako at nagpunta sa likod. Naabutan ko ang topless na si Ylac habang nag iigib ng tubig. Napalunok ako. Tatalikod na sana ako nang tawagin niya ako.
"K! May tubig na sa banyo, pwede ka ng maligo."
Hindi ko siya nilingon. Dumiretso ako sa banyo. Shit! May naramdaman ako sa ibabang part. Sinilip ko ito at nanlaki ang mga mata ko nang meron nga. Bakit ngayon pa? Kainis!
Binuksan ko ulit ang pinto at sumilip sa labas. Naroon pa si Ylac at nagbo bomba. Nakita niya ang pagsilip ko. Huminto siya at kumunot ang noo.
"Ahm... Si tita?" Kinakabahan kong tanong.
"Nagpunta ng bayan kasama si nanay. Why?"
"M-May..." Pakshet! Umuurong ang dila ko. Nag iinit ang pisngi ko.
"Ano?" Naghihintay siya sa sasabihin ko.
"Meron..." Kinagat ko ang labi ko. Lumapit siya sakin. Bumuntong hininga ako at nilunok na ang hiya ko sa buong katawan. "Meron ba'ng sanitary napkin sina Jasmine?"
Humagalpak siya ng tawa. Lalong nag init ang pisngi ko. Kung makatawa 'to, nakalimutan yata niyang inis pa ako sa kanya? Baka gusto niyang ipaalala ko?
"Titingin ako," Sabi niya habang tumatawa pa rin.
Hindi ko na siya nasapak dahil pumasok na siya ng bahay. Ano ba'ng nakakatawa? Panty liner lang dala ko. Hindi ko naman alam na ngayon ako dadatnan ng lecheng menstruation na ito!
Naghintay ako ng ilang minuto. Ang tagal naman yata niyang manghalungkat? Mabigat ba ang isang napkin? Nakakahiya pa namang siya pa ang kumuha. Hindi na kasi ako makaka lakad ng maayos knowing mayroon ako.
Kay kuya, okay lang. Siya pa mismo minsan ang bumibili kapag naggo grocery sila. Saka kuya ko naman 'yun. Nakakapaglakad nga ako samin kahit naka panty lang (syempre may bra at damit).
"Wala akong nakita," Napa angat ako ng tingin. Hingal na hingal siya. Nakakapagtaka. "Kaya bumili na lang ako."
Inabot niya sakin ang napkin. Siya ang bumili? Hindi siya nahiya? Kaya naman pala ang tagal niya at hingal na hingal siya. May pagkalayo kasi ang tindahan rito sa bahay.
Buong paliligo ay 'yun ang iniisip ko. Somehow, kinikilig ako. Pero mas nahihiya ako. I know I'm a candid person pero alam ko naman ang ibig sabihin ng kahihiyan. Next time, magdadala na ako ng napkin kapag umaalis. In case of emergency. Hindi kasi ako girl scout.
Nang matapos akong maligo ay naabutan ko pa rin si Ylac sa may poso. Seryoso siyang nakaupo dun. Ano naman iniisip ng lalaking ito? Kibber na lang ang beauty ko.
Nasa pintuan na ako nang lingunin ko siya ulit. Seryoso pa rin ito at hindi man lang napansin ang paglabas ko.
"HUY!" Sigaw ko.
Napatalon siya sa gulat. Di ko na pinansin pa ang reaksyon niya at pumasok na. Magpapatuyo pa ako ng buhok gamit ang electric fan.
Nagpapatuyo ako nang marinig ko ang nagri ring kong phone. Kinuha ko agad ito at nakitang tumatawag si Jackie.
"Hey! Where are you?" Para akong napaso nang ilayo ko ang phone ko sa aking tainga. Makasigaw parang bingi ang kausap.
"I'm not deaf, for Pete's sake! What do you need?" Utas ko.
"Have you heard about the news?"
"Are you sure that it's a news or just one of your gossips? Are you eavesdropping again?" Nag taas ako ng kilay.
"Hindi! Leche ka! Isa ka ring dakilang taklesa, noh! Sapakin kita, e. Si Allen kasi!"
"What happened?" Dali dali kong tanong pagka dinig sa pangalan ni Kuya Allen. Kumabog ang puso ko.
"See? And now you're eager to know-"
"Fvck, Jackie! Mamamatay na ako sa kaba tapos ikaw-"
"Eto na!" Humalakhak pa siya. Umirap ako. Kainis na babaeng ito. "Lumabas na siya ng kwarto! Finally!"
"Are you kidding me? Darn! Thank God!"
"Oh, yes, it's a joke!" Sarcastic niyang utas.
"Paksyet ka, Jackie! You really are getting into my nerves!"
Tumawa na naman siya. Halakhak ng isang wicked bestfriend! Kainis! Well, ganito na talaga kami. Nakaka miss na tuloy ang pinaggagawa namin nun kina Helga at Natasha.
"Still there, Katey?"
Napatalon ako. "Y-Yes," Inayos ko ang sarili ko. "Have to go. Babalik na naman kami bukas diyan."
"Okay. Enjoy!"
Binaba ko na ang tawag. Nagpatuloy ako sa pagpapatuyo ng buhok. Narinig ko ang mabibigat na yabag ni Ylac. Kumatok siya sa pinto. Siya lang naman ang tao rito, diba?
"Bakit?" Nagtaas ako ng kilay. Inis pa ako sayo, okay?
"Hindi ba..." Siya naman ngayon ang hindi makapag salita. Yumuko pa siya at napakamot ng batok. "m-masama na maligo ka sa first day ng m-menstruation mo?"
Nag init ang pisngi ko. Iyon siguro ang iniisip niya kanina. So, nag aalala siya na baka may mangyari sakin. Oo nga naman, laki siya na maraming kasabihan mula sa mga matanda. Pero lalaki siya, paano niya nalaman ito?
"Paano-"
"Naririnig ko lang ka-kasi sila kapag pinagsasabihan sina Jasmine at Jayda,"
Nagkibit balikat ako. "Okay lang naman, e."
Tumango na lang siya. Pumasok na rin siya ng kwarto. Nandito din kasi ang mga gamit niya. Nagpatuyo ulit ako ng buhok. Ayokong ipahalata na kinikilig ako dahil inis pa ako sa ginawa niya kanina. Pinahiya niya ako sa harap ng pamilya niya at sa mga kaklase ni Jasmine. Pero may sumisigaw na sulok ng puso ko na kailangan ko na siya patawarin dahil sa pag-aalala niya sa akin. Hehe!