Maaga akong nag ayos ng mga gamit. Paniguradong late na matatapos ang Giant Lantern Festival kaya dun na muna kami matutulog sa tita ni Ylac. Naging close na rin ako sa kanila dahil sumasama ako kapag umuuwi sila ng Pampanga.
"Where are you going?" Napatalon ako sa biglang pagpasok ni Kuya Kyle.
"Kuya naman, e!" Ngumuso ako. Curse you, coffee! Magugulatin tuloy ako! "I'm going to Pampanga," Nakangiti kong sambit.
"With?" Nagtaas siya ng isang kilay.
"Ylac!"
Itinoon ko ang pansin ko sa pag aayos ng gamit. Natahimik kami. Mag aayos na sana ako ng buhok nang kumabog ang pinto. Napahawak na naman ako sa dibdib ko. Bakit ba ang hilig manggulat ng mga tao? Alam ko, kulang ako sa height, pero wag naman akong patangkarin sa paraang ito!
Kyle Xavier Callas in his erratic moodswings again. Hay! Namiss ko tuloy ang pagka KJ ni kuya.
Mabilis akong nag ayos at nagpaalam na kay mama at papa. Pinuntahan ko sa kwarto si kuya at busy ito sa kanyang project.
"You're here for a vacation," Nagbaling siya ng tingin sakin. "not for a work extension."
Imbes na ngumiti ay ibinalik niya ang tingin sa ginagawa niya. Kumunot ang noo ko. Lumapit pa ako at umupo.
"Kuya..." Yumuko ako. Bakit bigla siyang nagalit sakin? "Babawi ako. Uuwi naman kami bukas, e."
Narinig ko ang buntong hininga niya. Nag angat ako ng tingin at nakita ko ang mabibigat niyang titig.
Bumuka ang bibig niya pero walang salitang lumabas. Mas lalo akong nalungkot. I'm torn between Ylac and Kuya Kyle. Ayoko ng mga ganitong problema, e. 2 months naman si kuya dito, diba? First time ko manood ng giant lantern sa Pampanga. Darn.
"Go," Matigas niyang utas.
"Kuya naman, e..."
"Kate, enjoy your trip. Mag ingat kayo,"
"Sorry, kuya..." Tumayo ako para yakapin siya.
"Mag uusap tayo pagkarating mo."
Alam kong walang sinuman ang makakatutol sa kanyang sinabi. Nonetheless, masaya akong nagpunta ng apartment nina Ylac. Kotse ko ang gagamitin namin.
"Ylac! Narito na si Kate!" Utas ni Nana Rosie.
Bumaba si Ylac nang maraming dalang bagahe. Kumunot ang noo ko.
"Ba't ang dami yata-"
"Dun na muna si nanay." Pagpuputol ni Ylac.
"Huh? E, sino makakasama mo rito? Mag isa ka na lang rito niyan!" Bumaling ako kay Nana Rosie. "Na, iiwan mo 'to? Alam ko kailangan mo ng pahinga pero pwede naman dito na lang diba? Kakayanin-"
"Kate," Tumawa si nana, hinawakan niya ang braso ko. "Kaya ni Ylac mag isa. Saka gusto ko munang makasama ang lola mo sa Pampanga. Naratay na raw,"
Nilingon ko si Ylac. Inirapan lang niya ako at lumabas na para ilagay ang mga bagahe sa kotse. Tumawa lang ulit si nana sakin.
"Halika na," Kumapit na si nana sa braso ko at sabay kaming lumabas ng bahay.
Naabutan namin si Ylac na nakasimangot. Kahit nakasimangot, gwapo pa rin. Ngumuso ako. Kinikilig talaga ako sa lalaking 'to. Sumakay kami ng kotse. Mahaba habang biyahe itey. Naku! Mapapagod ang boyfie ko. Baka antukin din ito, di ako pwedeng matulog.
"Daan tayong drive thru," Sabi ko.
Tumango lang siya. Kailangan ko na naman ang kape. Maaga akong nagising kaninang umaga dahil sa excitement. 'Di pa kami nakakalayo, mabuti na lang at may drive thru rito. Nag order kami at nagpunta ng counter. Ako ang kumuha ng mga inorder namin. Binuksan ko 'yung kape at ininom. Binigyan ko rin ng pagkain si nana.
"Ah," Inilapit ko ang burger sa kanya. Nag iwas lang siya at nagpatuloy sa pagda drive. "Ah sabi, e. Nahiya ka pa!"
Narinig ko ang mahinang pagtawa ni nana. Kinikilig na naman ako. Para kaming mag asawa, sinusubuan siya habang nagda drive.
"Baka gutumin ka!" Pinandilatan ko siya ng mga mata. "Eto, kape, baka antukin ka. Don't worry, hindi ako matutulog para 'di ka antukin." Ngumiti ako.
Para akong baliw, napansin ko lang! Magsusungit at magtataray tapos ngingiti at maglalambing. Ay! Parang naglilihing wife lang ang peg!
Nanghingi ako ng straw para kay Ylac. Inilapit ko ulit 'to sa kanya. Nag iwas ulit siya.
"Isa pang iwas, Ylac!" Utas ko.
Saglit niya akong nilingon at sumisipsip na sa straw. Tinitigan ko ang labi niya habang sumisipsip ng kape. Diretso ang titig niya sa daan. Kelan ko kaya mahahalikan ang mga labi niya? Sana siya ang first kiss ko. Sana ako ang first kiss niya.
Tumikhim bigla si nana kaya napalingon ako sa kanya. Nginitian lang niya ako. Umayos na ako ng upo. I forgot, may matanda pala kaming kasama. Shemay 'to! Nakakahiya.
Naaninag kong ngumisi si Ylac. Lumingon siya sakin nang nakangisi nga. Shet! Kinikilig ako. Ako ang nag iwas ng tingin at ngumuso. Itinoon ko na lang ang tingin ko sa labas ng bintana. Ang lakas talaga ng charisma ng lalaking ito.
--
"K!" Naalimpungatan ako sa pagkakaupo. "Kate! Wake up!" Nagmulat ako. Nakatulog na pala ako, di ko man lang namamalayan. Sabi ko pa naman sa sarili ko hindi ako matutulog sa biyahe!
Tumingin ako sa labas. Nakita ko na ang nakangising si tita at ang mga anak niya. Nag ayos ako at lumabas na ng kotse. Nagmano ako sa kanilang nandito pati kay lola na nakaratay na sa papag na pinaghihigaan niya. Iba talaga ang simoy nang nasa probinsya.
"Kamusta po, la?"
"Ayos naman, hija." Bakas sa kanyang boses ang pagiging kapampangan. "Ikaw yung asawa ng apo ko, diba? Nanu ya kasi lagyu?"
"Layu? Ano daw po, na?" Tinignan ko si Nana Rosie.
"Nakalimutan niya ang pangalan mo." Ngumiti siya sakin.
"Kate po ang pangalan ko, lola."
Ngumiti si lola kaya nakita ko ang gilagid niyang wala nang ngipin. Napangiti ako. Gusto ko rin magka lola. Nasa ibang bansa kasi ang tatay ni mama at wala na ang kanyang nanay. Ganun din kay papa, both of his parents died already. Ni hindi nga ako close sa natitira kong lolo.
"Awa, Kate ya pala! Nasaan ang asawa mo? Itang apu ku?" Sabi ni lola.
"La!" Pumasok na rin si Ylac. Tumabi siya kay lola at nag mano. Hinalikan at niyakap pa niya ito.
"Kapilan ku magkaka apo sa inyo?" Napapangiti ako sa halo halong dialect ni lola. Hindi talaga siya marunong mag tagalog. Si Ylac naman ay nakakaintindi ng kapampangan pero di niya kayang magsalita nito.
"Di ko po siya asawa. Lola naman, e." Ngumuso si Ylac kay lola.
Natawa ako nang hampasin ni lola si Ylac. "Ikaw'ng bata ka! Mana ka sa mga tito mo. Babaero! Tanggi mu pang asawa me ing malagung ayan."
Malagu lang ang naintindihan ko sa sinabi ni lola. Malagu means maganda. Natuwa naman ako. Ako ba 'yung tinutukoy niyang maganda? Nilingon ako ni Ylac at sinimangutan.
"Lola~" Nilingon ako ni lola. "Kamusta na po kayo?"
"Ayus naman. Mamamatay na nga lang hako, di ko pa mararanasan ang magka apo sa tuod." Natawa ako nang marinig siya. Kapampangan talaga, well knowned sa pagdagdag at pagtanggal ng 'h' sa mga words.
"Naku! Si nanay talaga. Si Ylac kasi ang panganay sa mga apo ni lola saka puro mga bata pa ang iba." Tugon ni tita.
Lalong sumimangot si Ylac. Tumawa naman ako ng tumawa. Lumabas na kami ng kwarto at inihatid ako ni tita sa magiging kwarto ko.
"Pwede naman po kaming mag share ni Jasmine at Jayda dito, tita."
Ako lang kasi mag isa sa kwarto. Kwarto ito nina Jasmine at Jayda na anak ni tita. Kaya, magsisiksikan sila dun sa isang kwarto. Si Ylac naman ay sofa. Dun na talaga siya natutulog kapag nandito kami.
"Ayos lang, Kate. Minsan lang naman ito," Tinapik ni tita ang likod ko.
Nagpaalam na siya nang pumasok si Ylac. Magluluto na daw si tita. Si Ylac naman ay bitbit ang gamit ko.
"Thanks," Utas ko.
Nginitian niya ako. "Magbihis ka na tapos labas ka kaagad."
"Bakit?"
"May multo diyan!"
"Waaah!" Tumakbo ako palapit kay Ylac. Niyakap ko siya. "Ylac naman, e! Wag mo muna ako iwan!" Alam naman niyang takot ako sa multo, e.
Humalakhak siya. "Joke lang. Kakain pa tayo saka para malanghap mo ang hangin sa labas.
"Ayoko! Nakakainis ka!" Lalo akong sumiksik sa kanya. Ibinaon ko pa ang mukha ko sa dibdib niya.
"Biro lang. Gumaganti lang ako. Hindi naman bukas third eye mo-"
"So, meron ngang multo?!"
Humalakhak ulit siya. Nakakainis! Agad agad gaganti. Hindi naman ako ang nag umpisa kanina, e. Si lola. Hindi siya humihinto sa pagtawa.
"ATE KATE- Oops!" Napalingon ako kay Jasmine.
Humiwalay agad ako kay Ylac. Hindi naman mawala ang ngiti kay Ylac. Natutuwa talaga siya kapag inaasar ako! Lumabas siya ng kwarto.
"Samahan mo ang Ate Kate mo, Jas. Takot sa multo, e." Tumatawang sambit ni Ylac bago tuluyang umalis.
"Ayieh~" Napalingon ako kay Jasmine. "Kayo na ba, ate?"
Nag init ang pisngi ko. "Hindi pa nga, e." Ngumuso ako.
"E, bakit magkayakap kayo kanina?" Nakangising tanong niya.
"Tinakot ako, e. Uy! Dito ka muna. Magbibihis lang naman ako, e."
"Sige, ate. Magbibihis din ako."
Isinara namin ang pinto at sabay na nagbihis. Pareho naman kaming babae kaya walang hiyaan. Saka close na rin kami ni Jasmine at Jayda. Walang hiyaan sa amin.
"Ay, darating nga pala mga classmates ko ngayon!" Sabi ni Jasmine. "Labas na ako, ate-"
"Patapos na ako. Hintay lang. Natatakot ako, e."
"Sige," Tumawa siya at hinintay akong makapag ayos.
Lumabas kami ng sabay. May dance practice raw sila at dito nila napag usapan. Maraming niluto si tita dahil dito rin pala kakain ang mga classmates ni Jasmine.
"Si Jayda?" Tanong ko habang kumakain kami.
"Mamayang gabi pa ang uwi nun. Nag o OJT na kasi," Sabi ni tita.
Tumango na lang ako. Masarap talaga magluto ang mga kapampangan. Kung dito ako titira, paniguradong tataba ako.
Kahit na busy ako sa pagkain ay nakikita ko pa rin ang malalagkit na titig ng mga babaeng classmates ni Jasmine kay Ylac. 3rd year highschool pa lang pero marunong ng tumitig ng ganyan sa mga gwapo. Well, beats me, wala sila sakin. Elementary pa lang, malagkit na agad ang titig ko kay Ylac. Haha!
Pagkatapos namin kumain ay nakihalubilo ako sa mga estudyanteng narito. May mga lalaki rin. Ballroom dance raw ang gagawin nila. I hate MAPEH at that time pero sobra ang enjoyment ko nung nag ballroom rin kami. Aside from highest kami sa performance ay kapartner ko si Ylac My Baby.
"Ate, bakit ang sama ng titig mo samin kanina?" Tanong ng isang babae.
Humalakhak ako. "Ang lalagkit kasi ng titig niyo sa boyps ko!"
"Hindi mo naman daw siya bf, e. Sabi ni Jasmine."
"Tse! Hindi pa lang ngayon." Sabi ko.
Humalakhak sila. "Ang cute! Over protective sa crush."
Nakitawa na rin ako. Mga babaeng ito, alam na talaga ang paglandi. Narinig ko pang binawalan sila ng classmate nilang lalaki.
"Ganyan talaga, boys. Hayaan niyo dapat ang mga girls na kiligin ng ganyan sa crush nila." Sabi ko sa mga lalaking kasama nila. "Hanggang dun lang naman sila, e. Di naman nila liligawan. Unlike you, na liligawan agad, crush pa lang."
"BOO!"
"Ano kayo ngayon, boys?"
"Buti nga!"
Nagtawanan kami. Sumimangot lang ang mga lalaki. Nakakatuwa sila. Namimiss ko tuloy ang mga ginagawa namin nung highschool. Highschool is really the best. Mas bet ko talaga ang HS kaysa college. Seryoso na kasi sa college, unlike HS, papetiks petiks lang. Landi dito, landi doon. Nakakatuwa!