PLAYBOY'S DIGNITY SERIES # 1 ( STEPHEN AND CLARETTE)
Chapter  1 
“HI Stephen!” masayang bati ng isang babae na bigla na lang lumapit, at tumabi sa kanya.
Nagulat siya sa babae, pero hindi niya naman ito itinaboy palayo sa kanya. Inisip niyang pinagtitripan na naman siya ng mga kaibigan kaya ito nagpadala ng babae para muling akitin siya.
“O padala n’yo ba itong babae?” natatawa niyang tanong. Sabay akbay sa balikat nito. Nakangiti pa siya at bahagyang kinabig ang dalaga, saka inamoy ang balikat nito. Ngumiti naman ito at saka lalong yumakap sa isang braso niya.
Agad siyang nakadama ng hindi maipapaliwanag na pakiramdam nang kumiskis ang dibdib nito sa balikat niya.
“Hayaan mo na, Insan hindi ba malungkot ka dahil bukas ipapakilala ka na sa babaeng magiging fiancée mo, at hindi magtatagal ikakasal ka na,” sabi ni Patrick. Itinaas ang kamay na may hawak na bote. “Kampay!” Lahat sila ay nakipag cheers sa pinsan niya.
 “Oo nga naman! Kapag nakatali ka na at may asawa na, hindi mo na kami madalas na makakasama. Kaya ngayon sulitin mo na!” sabi rin ni Gerald.
“Yon!” sabay sabay nilang naisigaw saka sinundan ng tawanan. Si Erick naman ang pasimuno ng palakpakan at pang bubuska sa kanya.
“Ako nga pala si Clarette!” pasigaw na sabi ng dalaga, maingay kasi sa buong paligid dahil sa malakas na tugtugan. Pero tanging tango lang ang isinagot niya sa dalaga. Binigyan niya ito ng isang beer na bagong bukas.
Hindi niya alam pero para bang may pagkapamilyar sa kanya ang pangalan nito. “Do I know you? Para kasing pamilyar ka?” tanong niya.
“E—ewan ko, bakit ikaw sa tingin mo ba nagkita na tayo dati?” tanong nito tapos mas lalong kumapit sa kanya.
Nagulat pa nga siya kasi feeling close agad ito. Inisip niyang babaeng club kasi, kaya ganon umasta. Well sanay naman siya sa mga ganoong galawan ng babae sa loob ng bar.
“Okay! Cheers!” nangunguna nitong sabi sa mga kasama niya. Umpisan pa lang tila may kakaiba na sa babaeng biglang dumating.
“Mabuti na lang at ang ganda ng cheeks mo ngayon gabi Stephen, at least kahit na masasabi mo na ito na ang huling gabi mong binata at single ka, e magiging masaya ka naman sa piling ni Clarette,” sabi ni Eric.
“Ano bang pinagsasabi ninyo, hindi pa ako mag-aasawa! Ako si Stephen, magseseryoso sa iisang babae? No way!” mayabang niyang sabi sa lahat.
Minsan pa ay umakbay siya kay Clarette. Naamoy na niya kanina na napakabango ng dalagang tumabe sa kanya. Pero may isang pagtataka siya, kasi bakit ang iba niyang mga kasama ay walang ka-table. “Um…ang bango mo naman, iyong narinig mo, normal lang naman sa iyo diba?” masuyo niyang tanong kay Clarette.
“Yes, oo naman, alam ko naman na ang mga batchelor na tulad ninyo, walang sinisinong babae, lahat ng babae basta sexy pasok na pasok sa panlasa mo, paano na lang kung napaka panget ng mapapang-asawa mo? Di kawawa pala kasi mag-iintay sa iyo gabi-gabi!” palatak ni Clarette, tapos sinabayan ng malakas na tawa. “Okay guy’s cheers!” Saka malakas na sabi nito, sabay muling itinaas ang basong hawak na may lamang wine.
“Cheers!” sigaw pa ng mga ito habang nagtatawanan pa.
“Mukhang magaling ang babaeng ito, mukhang mapapaligaya si Stephen sa gabing ito, okay sagot ko na ang bed space ninyo Pare! Sige lang gamitin mo muna ang condo unit ko! Bago pa iyon at hindi ko pa natitirhan, at take note, regalo iyon sa kasal mo!” sabi pa ni Patrick Anderson.
Agad na sinapo ni Clarette ang susi ng condo unit na inihagis ni Patrick papunta kay Stephen. “Yehey!” sigaw pa nito habang iwinawagayway ang hawak na susi. Hindi niya napansin ang lihim na kindatan ng dalawa.
“Oh! Ang saya niya, mukhang palaban iyan Pare! Galingan mo ha, pero ito naman ang pang regalo ko sayo ngayon gabi!” sigaw ni Eric, sabay lapag ng napakaraming condom sa ibabaw ng lamesa. Naglakihan ang mga mata ng mga kasama.
“Oooh! Grabe iba ka talaga mag-isip Eric! Hatalatang sanay na sanay!” sabi ni Gerald na dumampot ng ilang piraso.
“Kuha na kayo! Minsan lang manlibre ng ganyan si Eric,” sabi rin ni Patrick.
Tapos noon muli nilang ikinampay ang mga hawak nilang bote, at sabay sabay na muling tinungga ang mga iyon. Lumipas ang ilang oras, at ang lahat ay nalasing. Kanya-kanya ng uwi at alis ang bawat isa.
Mabuti na lang at hindi naman ganon kadaling malasing si Stepen. Siguro dahil sa bukod sa sanay na siya sa amoy ng alak, marunong din siyang mag-control ng sitwasyon niya lalo na sa inuman.
“O Sweet heart, shall we?” tanong niya sa babaeng si Clarette.
“Sure, alalahanin mo hawak ko ang susi ng unit ng kaibigan mo, tara na,” sabi nito. Tapos nakakita sila ng padaang taxi. Agad na pinara iyon ng dalaga.
 Inalalayan pa niya ito kasi medyo sumuray ito. “O nalasing ka ba?” tanong niya. Ngumiti lang ang dalaga tapos ay pumasok na sa loob ng sasakyan.
THIRTY minutes away lang ang layo nila buhat sa condo unit ni Patrick. Nang makita na nga nila ang building ng condominium, agad na silang bumaba ng taxi at saka inaalalayan niya ito papasok doon.
“Mabuti na lang bago pa ang unit na ito, tayo pa lang ang unang gagamit,” sabi niya kay Clarette. Napatingin naman si Clarette sa kanya at tila ba napapatitig. “Sure ka ba na okay sayo ang gagawin natin? Well kasi sa akin wala naman mawawala, isa pa marami na akong naging babae, lahat sila na i kama ko ng walang kahirap-hirap.”
“Oo naman Sweet heart, ako pa ba, diba sinabi mo na?” sagot ni Clarette.
“Kung ganon tara na!” sabi pa niya nang mabuksan ang pinto.
“Okay,” sagot lang ni Clarette na medyo sumuray pa. Nakikita niyang nalasing ito, pero tulad niya hindi rin sagad ang pagkalasing nito.
Pagpasok pa lang sa loob, ay sabik na sabik nilang hinalikan ang sa isa’t isa. Ramdam niya na may naiibang spark sa kanila ng dalaga, iyon bang para na silang matagal na magkakilala, ngunit matagal na nagkalayo.
Sa bawat halik at haplos nito ay kakaibang init ang hatid sa kanya. Kaya mas naisipan niyang dagdagan ang galing niya, para lang mapatunayan sa dalaga na magaling siya lalo na pagdating sa pagpapaligaya ng babae.  Hindi natapos ang gabing iyon na hindi sila naging maligaya.