Odette's PoV
Hindi ko alam kung matatawag ba akong swerte or hindi ngayong araw.
Tapos na akong mamili ng mga dapat kong bilhin ng mawala ang mga bantay ko.
Yes! Ang mga bantay ko ang nawala at hindi ako! Gah! Bakit naman ako mawawala? Sa ganda ko na 'to?!
Kanina pa din ako pagod dahil paikot-ikot na ako dito sa kakahanap sakanila.
At heto ako ngayon na katatayo lamang sa pagkakasalampak at kasalukuyang pinapagpagan ang sarili, dahil may tao lang naman naglakas loob na banggain ako at ngayon ay may lakas pa ng loob na magreklamo!
"You! How dare you! Hindi ka ba marunong tumingin sa dinadaanan mo?!" nageeskandalo nitong sigaw na akala mo siya ang napaupo sa maduming lapag.
Tinignan ko ito mula ulo hanggang paa, at masasabi kong may maibubuga pero mas maganda pa din ako!
"Look missy, alam ko sa sarili ko na hindi ako nakatingin sa dinadaanan ko mula kanina pa. Pero sa tingin ko hindi ako ang mali dito, kung hindi ikaw," nakataas kilay kong saad at muli pa siyang pinasadahan ng tingin.
Syempre kailangan ako ang tama!
"Wow! Ang kapal mo namang sabihin na ako ang may kasalanan! Kakasabi mo pa lang na hindi ka tumitingin sa dinadaanan mo!"
Kitang kita sa mukha nito na inis na inis na siya sa akin, at konti nalang ay mukhang susugudin na ako, pamilyar din ang mukha niya.
"Hindi ko naman itinatanggi na hindi ako nakatingin sa dinadaanan ko, sinabi ko pa nga sayo diba? And don't tell me hindi ka din nakatingin sa dinadaanan mo kaya mo ako nabangga?" nakangisi kong tanong para inisin sana siya sa pambibintang ko, pero kitang–kita ko na agad kung paano naglilikot ang mata niya parang nagiisip siya ng ipapalusot niya sa akin.
"Of—" bago pa niya matapos ang sasabihin niya ay sumingit na ako dito. "Well, dalawa lang naman ang sagot dyan it's either sinadya mo or nakatingin ka sa langit or lupa habang naglalakad" saad ko habang nakatingin sa kanya at may mapaglarong ngiti sa aking mapupulang mga labi.
"At bakit ko naman sasadyain 'yon? Hindi mo ba ako kilala?!" nanggagalaiti nitong tanong.
Mas lalo naman kami nakahatak ng atensyon ng mga taong nandito, halos lahat sila ay nagbubulungan na. At hindi ko na maintindihan sa sobrang dami nilang naguusap.
Isa pa may isa pang epal dito sa harapan ko na kanina pa salita ng salita hindi naman maganda!
Kung kanina ay parang pamilyar lamang ito sa akin, ngayon ay nakikilala ko na siya. Paano ko ba makakalimutan ang wala kwentang line niya na 'yan?
Sa tuwing hinaharass niya si Oceane at Olivia ay ginagamit niya ang 'Hindi mo ba ako kilala?!' line effect niya na 'yan.
Siya lang naman ang taong dapat kong iwasan ngayon, bakit? Kasi siya ang villainess ng kwento na ito. Walang iba kung hindi si Kelly Yiu Liquel na patay na patay sa male lead.
"Bakit? Kasi mas maganda ako sayo, at binangga mo ako dahil naiinggit ka," nakangiting sagot ko dito at narinig ko pa ang malakas na reaksyon nito.
OA niya hindi naman niya kinaganda!
"W-what did you just said?!" hindi makapaniwalang tanong nito sa akin habang nakaturo sa sarili niya.
"Panget na nga bingi pa, kawawa ka naman masyado gurl~" naiiling kong saad at tinapik ko pa siya sa braso bago kumakaway na umalis.
"You! B*tch!" narinig kong sigaw niya
Humarap ulit ako sa gawi nito at nginitian siya ng pagkalaki laki bago umalis sa lugar na iyon.
Swerte ko naman ng makita ko ang katulong at ang bodyguard ko na kanina pa mukhang balisa.
"M'lady saan po ba kayo galing? Alam niyo po ba na masyado niyo kaming pinagalala? Bakit po kayo biglang nawawala?" sunod sunod na tanong ni Elyssa sa akin na sinang-ayunan pa ng mga guards.
"Luh! Para kayong tangek! Kayo nga itong nawala," sagot ko sakanila na agad nilang ikinailing.
Totoo naman, sila ang nawala hindi ako! Maganda lang ako pero hindi ako tanga para mawala sa lugar na ito!
"Saan ba makikita ang Luxille Fountain?" maya maya ay tanong ko sa mga ito ng maalala ko ang lugar kung saan nagtapat ng feelings ang bestfriend ni Oceane kay Olivia.
"Nais niyo po ba magtungo doon, M'lady?" nakakatangang sagot na tanong ni Elyssa sa akin.
"Tatanungin ko ba kung hindi ko gustong pumunta doon?" mataray na sagot ko dito.
"Malapit lang po iyon, maari natin siyang —" hindi pa man natatapos ni Elyssa ang kanyang sasabihin ng dumating ang driver namin. "M-M'lady, kailangan niyo na pong umuwi," saad nito habang naghahabol ng hininga.
Mukhang hinanap niya pa kung nasaan kami makikita kaya siya hinihingal ngayon.
"Maaga pa naman, bakit kailangan ko ng umuwi?" nagtatakang tanong ko dito.
Wait! Don't tell me, merong curfew si Oceane?
Omyyggaassshhh!! Ikennattt! Naaauuurrr!!!!
"Meron po kayong mga panauhin, umuwi din po ang inyong kapatid mula sa Carleu University, dahil nais ng inyong ama na kompleto kayo ngayon," sagot nito na muntik ng ikadugo ng ilong ko dahil sa pagiging makata nito.
"Erkey," sagot ko nalang dito at nauna ng maglakad.
Wala naman akong choice, kahit gustuhin ko man na magtungo nalang sa fountain ay hindi ko magagawa.
Dahil mukhang gold ang bisita namin at kailangan kompleto pa kami para sakanya or sakanila!
Buti nalang Diamond ako! At higit sa lahat si Oceane ako kaya kailangan kong magbehave.
♡♡♡
Third Person's PoV
Hindi mapigilan ni Kelly na sumigaw dahil sa inis at frustration na nararamdaman niya.
Lahat naman ng tao sa paligid niya ay pinagbubulungan siya na mas nakadagdag sa inis na nararamdaman niya.
Hindi siya makapaniwala na sa unang pagkakataon ay may naglakas loob na sabihan siyang panget!
Tatalikod na sana siya upang umalis doon ng may magbanggit ng kanyang pangalan.
"Kelly! Hindi ko akalain na makikita ka namin dito ngayon," nakangiting pagbati sakanya ng kanyang future brother in law.
Nang humarap naman siya sa mga kasama nito ay inirapan lang naman siya.
Kung ito ay mabait sakanya, kabaliktaran naman ang iba pa nitong mga kapatid na ayaw sakanya.
"I am happy to see you guys here, anong ginagawa niyo dito?" nakangiting tanong ko sa mga ito.
Nagpalinga-linga ako at nagbabaka sakaling makita ang kanilang kapatid.
"Tsk! If you are looking for kuya lesus, better luck next time!" nakairap na pasaring sakanya ni Jasmine isa sa mga kambal.
Napayuko naman ako sa sobrang inis, gusto ko man sabunutan ito ay hindi ko magawa, dahil kapatid pa din siya ng lalaking mahal ko.
"We are here kasi gusto magshopping nitong dalawa kaya sinamahan ko na, ikaw anong ginagawa mo dito? Akala ko ay nasa Carleu University kana?" nakangiti nitong tanong.
Minsan hindi ko alam kung gusto ba ako ni brother in law or hindi, dahil hindi naman niya sinasaway yung dalawa niyang kapatid.
Kahit na ang baby Lesus ko ay hindi din pinapagalitan ang kapatid niya kapag inaaway ako, siguro mahal lang nila ito?
"I am here to buy a new gown and to enjoy the place kaya lang may nanira ng araw ko," nakangiting sagot ko dito at para pa akong nagsusumbong sa nangyare kanina.
Kapag naalala ko iyong babae na 'yon ay hindi ko talaga mapigilan ang inis ko!
"Nanira ng araw mo? P-pfft sabagay imbes na ikaw yung namamahiya ikaw ang pinahiya," nagpipigil ng tawa na saad ni Rose ang kakambal ni Jasmine.
"Let's go na kuya! Ayokong makipagusap sa bida bida," nakangising saad naman ni Jasmine na siyang ikinataas ng kilay ko.
Hindi pa man nakakapagsalita si Leo ay nahitak na ito.
"Lady Kelly, are you ok?" nagaalalang tanong ng aking personal maid na siyang ikinainis ko lalo.
"Bobo ka ba?! Sa tingin mo ba ay okay ako?! Ilang beses ako nainsulto sa araw na ito!" naiinis na bulyaw ko dito.
Kasalanan ito ng babaeng iyon!
Sisiguraduhin ko na makakaganti ako sa pamamahiya na ginawa niya sakin!
Wala pa niisa ang nanghamak sa akin. Siguro nga ay ako ang lumapit at bumangga dito pero kasalanan niya pa din.
Masyado siyang papansin! Kaya hindi ko talaga palalagpasin, h'wag lang kaming magkikita ulit at sisiguraduhin ko na siya ang mapapahiya ng sobra–sobra.
♡♡♡
Sa isang banda may dalawang tao ang kanina pa nanonood sa nangyayare.
Ang isa sa kanila kung titignan ay walang buhay na nakatingin sa pangyayare na para bang wala itong pakielam, ngunit sa likod ng kanyang walang emosyong mukha ay puro katanungan at paghanga tungkol sa babaeng kanilang nakita kanina.
Habang ang isa naman ay nais ng umalis sa tabi ng kanyang master, dahil hindi niya talaga makayanan ang presensya nito lalo na kapag sobrang seryoso.
"Who is that girl?" mababakasan ang lamig sa boses ng magtanong ito.
Napakunot noo naman ng noo ang lalaki sa itinanong ng kanyang young master.
Hindi ba kilala ng kanyang young master si Lady Kelly?
Kung tutuusin ay dapat kilala ito ng kanyang young master sapagkat laging nasa social party ang babae, at isa pa ay lagi itong nakadikit sa magkakapatid na Carneig kahit halata naman sa mga iyon na ayaw itong kasama.
Nawala siya sa pagiisip ng tungkol sa babaeng kanina pa nila pinapanood ng magtanong muli ito.
"The pink one," dugtong nito na ikinakunot ng noo niya.
Ang akala niya kanina ay kaya sila huminto ay upang tignan ang kaguluhang sinimulan na naman ni Lady Kelly.
Bigla namang pumasok sa isip niya ang babaeng kasagutan kanina nito at hindi niya maiwasan na mamangha at matawa sa pagsagot nito.
"I don't know who she is young master, her face is not familiar I think she is new here, are you interested with her?" agarang sagot niya habang nakangisi dito.
Hindi niya akalain na magkakaroon ng interest ang young master niya sa isang babae. Ngunit agad din iyong nawala ng makita niya ang matatalim nitong tingin sakanya, hindi niya masabi na hindi nakamamatay ang tingin nito dahil tingin lang ng kanyang young master ay parang aatakihin na siya sa puso.
"Investigate" maikling saad nito at tinalikuran na siya.
Hindi niya alam kung bakit tamad magsalita ang young master niya, buti nalang ay gwapo siya at naiintindihan niya ito.