LUNCH TIME
Huli akong lumabas sa room at ako nalang ang natira sa classroom namin. Inayos ko ang mga gamit ko saka ako lumabas. Inihanda ko ang wallet ko sa bulsa para maglunch sa Canteen.
"Bago ka palang pero nagpapapansin ka na sa may-ari ng paaralang ito. Gosh! Akala ko ba scholar ka lang ni Kevin? Eh, poorita ka pala eh!" Singhal ng babae sa akin.
"A-ako? Nagpapapansin?" Hindi makapaniwalang tanong ko.
Kalalabas ko lang ng room ay bumungad na kaagad sa akin ang babaeng habol ng habol kay sir Kevin kanina.
"Ay hindi, ako. Sarili ko ang Tinutukoy ko. Tsk. Slow." Sarkastikong sagot niya. Nailing ako sa inasta niya. Siya nga ang laging nagpapapansin eh.
"Ganoon ba? O sige, aalis na ako." Sabi ko tapos iniwan siya sa labas ng room. Ayoko kasi ng away o kung ano mang argumento.
Dumeretso ako sa Canteen pero puno na kaya't naghanap pa ako ng ibang canteen. Hanggang sa nakahanap ako ng hindi gaanong puno. Lahat kasi ng canteen dito ay salamin ang wall kaya kita ang loob.
Nagpalinga-linga ako. Pakiramdam ko may nakatingin sa akin.
"Haylie! Dito!" Sigaw ng isang lalaki. Lahat ng tao sa loob ay sabay-sabay na nagsilingunan sa gawi ko.
Napatingin ako sa lalaking tumawag ng pangalan ko at nakahinga ng maluwag nang makita kong sina Carl, Daren, Chris...at Sir Kevin?
Pero magkakaibigan sila e bakit pa ako magtataka? Natural ay magkakasama sila sa pagkain o kahit saan nila gustong pumunta.
Nagsimula ang usap-usapan sa loob ng Canteen. Mahina at hindi ko naririnig pero halatang ako ang topic o sabihin na nating ang apat na litaw ang mga itsura sa lahat.
Tumango ako sa kanila at lumapit sa counter kung saan naroroon ang iba't-ibang klase ng pagkain.
Tatlong klase ng pagkain ang pinili ko.
Dala-dala ko ang tray nang pagkain. Palinga-linga ako para maghanap ng mauupuan o bakanteng mesa pero pakiramdam ko ay dumami na rin ang tao dito.
"Haylie, dito ka na kumain." Aya ni Chris sa tabi ng tatlo. Mayroon pa kasing dalawang bakanteng upuan sa mesa nila kaya't lumapit na ako. Inilapag ko ang tray ng mga pagkain ko at inumin.
"Sigurado ka bang mauubos mo 'yan lahat?" Nagtatakang tanong ni Chris. Napangiti lang sina Carl at Daren sa akin. Ngumiti ako bilang sagot saka ipinagpatuloy ang pagkain.
Napansin kong hindi nagagawi ang tingin ni sir Kevin sa akin. Nandidiri parin ba siya sa akin? Paano ko masisimulan ang pagpapaibig sa amo ko? Tsk. Paano ko magagawa ang plano ko?
Hindi ko agad napansin na nakatitig na pala ako kay sir Kevin kaya't nang mapansin niyang nakatitig ako ay agad akong napasinghap.
Nakita kong...nakita kong umangat ang gilid ng labi ni SIR KEVIN!
Nailang tuloy ako at palihim na napalunok. Ipinagpatuloy ko ang pagkain hanggang sa naubos ko na pala ang pagkain ko. Sa dami ng iniisip ko ay hindi ko napansin ang unti-unting pagkaubos ng pagkain ko.
Sa panghuling lunok ko ng pagkain ay saka ako umubo. Pakiramdam ko may kung anong bumara sa lalamunan ko. Nakatingin pala silang apat kanina pa habang kumakain ako. Jusko! Ngayon ko lang napansin.
Inabot ni Chris ang isang basong tubig. Naubos na pala ang binili kong Iced tea. Marahan niyang hinimas ang likod ko.
"Gosh! Grabe yang babaeng iyan. Hindi na nahiya sa harapan pa ng Badboys Gang! Grrr! Kadiri. Halatang mahirap lang."
"Arg! Gold digger girl."
Hindi na yata nakapagtimpi at nilakasan na nila ang kanina pa nila pinipigilang sabihin.
"Okay ka lang, princess?" Tanong ni Daren sa harap ko. Hanggang ngayon hindi parin ako nasasanay sa presensiya ng tatlong kaibigan ni Sir Kevin.
"Okay lang ako." Nakangiting sagot ko sa tanong ni Daren. Ilang sandali ay tumunog ang cellphone galing sa loob ng bag ko.
Napahawak pa ako sa dibdib ko sa kaba. Wala namang ibang may alam na may cellphone ako maliban kay mada'am Layra.
Binuksan ko ang bag ko at sinagot ang tawag.
"Hello?" Mahinang bati ko sa kabilang linya.
Tinignan ko ang apat na bahagyang nakatingin sa akin. Kaya't naisipan kong lumayo muna.
"Excuse me. Mauna na ako sa room." Pagpapaalam ko sa apat na nakatunganga parin sa akin.
"Kumusta iha, nasimulan mo na ba?" Tanong ni mada'am Layra sa kabilang linya.
Hindi ko mapigilang hindi mapahagikhik sa tanong ni madaam. Unang araw palang ay tinatanong na niya ako tungkol dun? Naku!
Nginitian ko muna si Chris na nagtataka tsaka ako umalis sa harap nila. Lumayo layo ako hanggang sa tinatahak ko na ang daan papunta sa next subject.
"Naku mada'am. Masyado nga talagang masungit ang anak niyo po pero nakita ko po kaninang ngumiti siya! Hihi." Mahina lang akong nakikipag-usap baka may makarinig.
"Talaga? Then that's a good start. Maybe you just have to be always by his side. Bantayan mo siya baka maagaw ng iba. Okay, I'll hang up na. I'll call you later, darling. Bye"
---
Nakita kong nagmamadali siyang maglakad. Kaya't sinundan ko si sir. Akala ko sa office niya siya pupunta yon pala sa rooftop.
Napatakip ako sa bibig sa gulat nang makita ko ang ginagawa nila.
Omg! Totoo ba ito?
"Damn you Greg! Don't you ever mess with my gang. Or else I will fckn sue you to death!" Sinuntok ni Sir Kevin ang nakatayong lalaki habang hawak ang magkabilang kamay nina Chris at Carl.
Gang? Ibig sabihin ay may gang sila at si sir Kevin ang leader?
"Sorry. Sorry. Hindi na mauulit. Sorry." Nakaluhod na ang lalaki at nagmamakaawa pero walang awa niya paring sinaktan ang lalaki.
"Talagang hindi na mauulit kasi mai-expel ka na sa paaralang ito!" Mariing sabi niya bago mawalan ng malay ang lalaki. Napapagpag pa siya ng kamay at bago niya pa ako makita o ni isa man sa kanila, ay sinikap kong umalis sa rooftop na hindi nila malalaman.
Hingang malalim ang nagawa ko pagkatapos kong makaalis sa lugar na iyon. Maloloka na yata ako!
Isa lang ang hindi dapat mangyari sa plano ko. Ang hindi magkagusto sa boss ko. Nakakatakot siya. Dapat lang na tinawag ko siyang MONSTER. Wala siyang puso.
Naalala ko bigla si Mada'am Layra. Nanginginig ang mga kamay habang nagpipipindot sa cellphone ko upang tawagan si mada'am.
"Call me Mom, iha." Bungad niya. Ito na nga ba ang sinasabi ko e!
"M-mom. Ano kasi e. S-si sir Kevin---"naputol ang sasabihin ko nang may itanong si Mada'am.
"So nakita mo na pala, iha."
T-teka...alam ni Mada'am ang tungkol dun?
"Alam niyo po?" Naguguluhang tanong ko.
"Oo. That's the second reason why I want you to make him fall for you. I want him to change in a good way iha. I don't like my son using his power towards others. That's also what I saw the first time we met. He is using his power para magawa niya ang mga gusto niyang gawin. And as a mother, I don't like that idea." Mahabang paliwanag niya. Tumango nalang ako kasi sapat na yong rason para gawin ko ang utos ni mada'am.
"Sige po. Siguro nga po, kailangan ko nang simulan ang plano ko."
"Okay take care dear. Always eye on my son and protect him. Bye."
Teka, PROTECT? Saan? Aaah siguro sa mga babaeng lalapit kay Sir Kevin.
"Ano naman kaya ang magandang plano para sa step 1 ko---aray!" Nasagi ako ng babaeng nagmamadali kaya't natapon ang hawak ko pang cellphone.
"Sorry miss. Sorry talaga. Hindi ko sinasadya. Teka papalitan ko nalang iyang cellphone mo. Kasalanan ko naman e." Paumanhin ng babae. Nasa 5'4 ang taas. Kasing tangkad ko tapos morena ang balat pero maganda at manipis ang labi.
"Ayos lang, gumagana pa naman." sabi ko.
"Sorry talaga ah. Nagmamadali kasi ako pero parang late na naman ako sa pasok ko ngayon. Ganito nalang, ili-libre kita ng snacks pambawi ko sa'yo." Alok ng babae pero umiling ako sabay kumpas ng dalawa kong kamay.
"Naku, wag na. Ayos lang naman eh. Hindi naman nasira ang cellphone ko." Sabi ko. Pero hinila niya parin ako. Ang kulit!
"Tara na. Ili-libre kita sa canteen. Alam mo bang ayoko ng nagkakautang ako sa isang tao?"
"Talaga? Bakit naman?" Natatawa na siya sa tanong ko. Ano naman ang nakakatawa?
"Haha biro lang. Ako nga pala si Frey Lazarra. Siguro naman sasabihin mo rin ang pangalan mo. Bago ka yata dito sa Business ad building? Transferee ka ba?" Sunod-sunod niyang tanong. Alin ba ang uunahin ko?
"Ako si Haylie Rivera. Oo transferee ako." Sabi ko pero tumaas ang kilay niya.
"Saang school ka galing?" Nilingon ko siya pero ngumiti lang ako. Saan ba ako galing? Hindi ko yata masasagot ang tanong na yan.
"Anyways. So ano ang gusto mong meryenda?" Pag-iiba niya ng mapag-uusapan.
"Haha. Si Kevin Fuentes? Kilala mo?" Gulat na tanong ni Frey. Tumango lang ako tapos nakapangalumbaba sa mesa.
Ang gaan na agad ng loob ko kay Frey. Ilang oras palang kaming nagkakakilala pero pakiramdam ko matagal na.
"Oo. Siya ang boss ko. Tsk. Ang sama pala ng ugali ng lalaking 'yon." Reklamo ko. Mas lalo pa siyang natawa sa sinabi ko.
"WOW. First time kong makakita ng hater ng pinsan ko ah." Natatawa niyang sabi.
"Pinsan mo si Sir Kevin???"
Naku! Baka isumbong ako nito!
"Bakit parang natakot ka? Nakakatakot bang maging pinsan ni kevin?"
"Isusumbong mo ba ako sa pinsan mo?" Nababahalang sabi ko.
"Bakit naman kita isusumbong? Tsaka feeling ko friends na tayo so let's just be friends and all your secrets are safe with me."
"Okay. Friends." Inabot niya ang kamay kong nakalahad t'saka marahang iginalaw.
"Friends then."