Rumored 5:
( Brother's Approval )
Isang linggo lang na nakalipas ang dami na nakakaalam na may something na kami ni Chase dito sa AU. Grabe naman kasi itong si Chase! Masyadong ginagalingan. Nakakakilig yung ginagawa niya na paghatid at sundo sa akin unexpectedly. May mga ilang babae na against sa relationship namin at meron din na may mga supportive at nakikipag plastikan sa akin pag nakikita ako.
In this situation. I'll start to distance myself sa mga taong ginagamit ako para lang makuha ang mga pansariling interes nila. Kinakaibigan ka nila kasi they want something from you. At dahil nga boyfriend kuno ko si Chase somebody is using me to get close sa iba pang kaibigan ni Chase na mga mayayaman at gwapo rin. Hindi naman ako yung taong madaling ma-offend sa mga bagay-bagay pero last 3 days nag-give-up ako.
I received tons of hate mula sa Twitter at Facebook noong malaman ng mga admirers ni Chase na may girlfriend pala siya at akolang pala iyon. I've experienced cyber bullying. Kahit peke lang yung relasyon namin hindi ko maiwasan na hindi masaktan dahil sa mga mapanakit na mga binabato nilang salita sa akin.
Feeling ko tuloy pinipilipit at dinudurog paulit-ulit yung puso ko sa tuwing nagbabasa nang mga ilang negative messages about me. Curious tuloy ako if alam na ni Mama at Papa yung relatiosnhip status ko.
Chase's family is famous. Kaya durog na durog talaga ako sa mga daang libo niyang admirers. At ang nakakawindang pa they spread a false rumors about me na ang landi ko kasi I've dated a lots of guys! At lagi akong na sa gimikan! Which isn't true. Hindi naman ako party girl eh.
Halos hindi ako makakain at makatulog sa mga nababasa ko from social medias about sa akin. Masyado kasing ginalingan noong nagkalat ng source na 'yon. Kasi medyo kahawig ko yung babae sa mga pictures na kinalat niya.
Kinausap ko nga si Chase about doon sa mga kumakalat na source about me sa internet na hindi naman totoo. Sa sobrang inis ko nga hindi ko na napigilan ang hindi umiyak sa harapan niya. Habang kausap ko siya na nagsusumbong sa Tatay na para bang bata na aping-api.
Simula noong kumalat 'yong false rumor source na iyon. Nilayuan na ako ng ibang kakilala ko sa AU at may mga ibang nambabastos sa akin na mga kalalakihan kasi akala nila napaka-easy-to-get ko. With Chase cousin's help natulungan niya kaming burahin yung mga kumakalat na source na 'yon. Pero grabe epekto nito sa akin at sa pagkatao ko. Feeling nila kilalang-kilala nila ako kung titingnan nila ako.
Nakaka-low ng self esteem because someone you don't know is degrading you sa mga nakita at nalaman nila sa pekeng source na iyon. Everynight, I want to ignore all the messages na na-ri-recieve ko. But I can't. When I start to opened and read the first one I proceed to the next hanggang sa basahin ko na ang lahat.
Inaamin ko naman na I am perfectly imperfect. Hindi ako gano'n kaganda, pero I am claming na may itsura ako lalo na pag nag-ayos ako. Yung iba nga na nanlalait sa akin hindi naman gano'n kaganda. Mas maganda pa nga ako kung tutuusin maputi nga lang sila. Hindi ako maputi. Kapatagan ang boobs ko. Payat ako at walang kakurba-kurba ang katawan na as in kawayan talaga compared to others na makinis at sexy. Ewan ko ba rito kay Chase! Bakit pa kasi ako?! Nananahimik ako tapos papasok siya sa buhay ko para manggulo?
Halos puro pang ba-bash yung natatanggap ko. Well, meron din naman na nag-chi-cheer up sa akin. Kaso mas more ang negative messages like; 'hindi ka naman ganon kaganda pero bakit ikaw ang gusto ni Chase? He can do better kung tutuusin. Hindi ko alam kung anong nakita niya sayo na wala sa amin. But I assure you na hindi kayo magtatagal kasi napapaligiran si Chase ng mga magaganda kaya matakot ka na.'
'Daig talaga ng malandi ang maganda,' tapos meron pang; 'Sus! Ginayuma mo lang si Chase, kaya naging kayo. Malandi kang babae ka!' yung mga ganyan? May halo pa ngang death threats yung iba. Pinag babantaan nila ako at ang pamilya ko. Lahat yata ng mga mapanakit na salita natanggap ko na dahil sa pagpayag ko dito sa pagiging mag girlfriend at boyfriend namin nitong si Chase.
Nakakadepressed siya sa totoo lang. Masakit pa rin siya sa part ko. Hindi naman nila ako kilala pero grabe yung mga hanash nila sa akin.
Samahan pa ng international admirers niya. Nakakatrauma. Parang kung si Chase yung magiging boyfriend ko in future? Parang mapapa no, thanks na lang ako. Dahil sa mga admirers niyang mga toxic. Gusto ko nanaman maiyak dahil sa mga nababasa ko sa phone ko pero agad ko itong pinatigil noong nakita ko si Chase na paparating kaya agad kong kinalma sarili ko.
Minsan iniisip ko; bakit nga ba ulit ako pumayag sa ganitong sitwasyon na malalagay ako sa alanganin? Naiinis ako dahil napaka desperado ko na ilakad ako ni Chase kay Connor.
Kunot noo itong tumigil sa harapan ko. Habang nakapamulsa ang mga kamay nito sa pants niya, "hey, are you crying?" Maingat na tanong niya sa akin noong makalapit siya.
"H-hindi, no'," sabi ko sa pinasigla kong boses. Habang patuloy pa rin ang pag-iwas ko sa mga mapanuri niyang mga tingin.
Napadako yung tingin niya sa kamay ko na hawak yung phone ko kaya naman agad niya itong inagaw mula sa akin na kinagulat ko.
"Chase!" Agad itong tumalikod sa akin habang nag-scroll-down sa phone ko na pilit kong kinukuha sa kanya.
My goodness! Itaas niya lang kamay niya wala na. Hindi ko na abot.
His jaw clenched ng makita niya yung mga binabasa ko, "I told you not to read those comments again!" Galit na pangaral niya sa akin at sinamaan niya ako ng tingin.
Napayuko na lang ako na para bang pinapagalitan ako ng Tatay ko dahil hindi ko sinunod yung gusto niya.
"I'm going to delete it, wag ka muna mag-download ng Facebook at Twitter," marahan na pagkakasabi niya habang binubura niya yung Apps sa phone ko.
Inabot niya ulit sa aking yung phone ko nung mabura na yung mga social medias ko, "hindi ko alam na masochista ka pala." Sarkastikong sabi niya kaya napahikbi ako.
"Grabe naman kasi yung mga admires mong iyan! Akala nila ang gaganda nila!" Sabi ko kaya naman napabuga na lang ito ng hangin.
"You want to eat an ice cream?" Taas kilay na tanong niya kaya naman nahinto ako sa pag luha ko at nag angat ng tingin sa kanya.
"Ano akala mo sa akin bata? Pero sige. Libre mo ba?" Agap na tanong ko na nakabusangot pa rin. Mabigat pa rin kasi nararamdaman ko dahil sa nabasa ko kanina.
Pagpunta namin sa pinaka malapit na convenient store hindi kalayuan sa AU may mga napatingin sa gawi niya na napatingin din sa akin. Kasi binalingan ako nang tingin ni Chase sa likod niya at to add the fact na rin na hawak niya ang pulsohan ko.
"Aside from ice cream what else do you want?" Masuyong tanong niya ng makakuha kami ng cornetto. Kaya naman agad akong nakaramdam ng hiya dahil sa lakas ng boses niya. Iilan lang kasi yung tao dito sa loob ng convenient store ngayon tapos ang tangkad niya pa.
Napalibot tuloy yung mata ko kung ano pa ang gusto ko kainin. "Donut?" Medyo nag aalangan kong tugon. Kaya naman agad siyang pumunta roon at kumuha ng limang Choco butternut.
Habang binabayaran niya yung mga binili namin nasa may likuran niya lang ako na nag-aantay. Sa isang linggo na sinakyan namin 'tong pagiging mag-on namin. Na-realized ko na boyfriend material pala siya.
Napatingin ako sa staff na kaharap ni Chase ngayon na halos mag laway na sa sobrang gwapo ng kaharap niya. Napailing na lang ako ng matauhan siya ng sitahin siya ni Chase.
"Miss, sobra sukli mo," napangiti ito sa kanya.
"Ganyan talaga ako magmahal sobra," sabi nito sa kanya. Gusto ko matawa pero na windang ako sa sunod na sinabi ni Chase.
"Can't you see that I'm with my girlfriend?" Sagot niya sa babae na ikinatameme ko.
"If you are with your boyfriend what will you feel if someone is trying to catch your man's attention in front of you? Be sensitive sometimes, miss" Dagdag pa nito sa staff na babae kaya napayuko ito at humingi agad ng tawad.
"Pasensiya na," sabi nito sa akin.
Gusto ko magsalita na okay lang 'yon pero naunahan na ako ni Chase.
"Next time, do your job well." Masungit na tugon ni Chase sa babae bago kami lumabas.
Walang kumibo sa amin hanggang sa makaupo kami sa isang bench sa labas ng convenient store na pinang galingan namin. Masaya kong kinain yung ice cream na nilibre niya sa akin, habang siya naman pinapanuod lang akong kumakain.
"Kain ka rin?" Sabi ko sabay nguso sa binili niyang limang butternut na malalaki. Napangiti ako ng kumuha siya ng isa at kinagatan iyon. Bakit ganon? Ang cute niya kumain! Napansin ko kasi pag isusubo niya yung kakainin niya titingala pa siya na parang noodles yung kinakain niya tapos ang cute niya rin ngumuya at lumunok ang unfair!
Napapunas siya ng gilid ng labi niya at tumingin sa akin kaya agad kong sinubo yung natitirang apa ng ice cream na hawak ko at napatingin kuno sa wristwatch ko, "may klase ka pa ba?" Tanong ko habang ngumunguya at pilit nilulunok yung kinain kong apa.
"Wala na."
Agad akong napalunok, "So, ano ba yung pag uusapan natin? Ayaw mo na akong maging rumor girlfriend mo? Sabi ko naman sayo na hindi tayo mag-wu-work eh! Ayos lang sa akin na hindi ako magustuhan ng crush ko." Nakangiting litanya ko sa kanya.
His forehead creased. "What are you talking about? It's been only a week. We're just starting." Sabi niya kaya napanguso ako at nalungkot.
"I know you want to get rid of me and I'm willing to let you go. But only If Anderson is willing to take you from me, pero habang stuck ka sa pagiging admirer niya akin ka." Kibit-balikat na dugtong na sabi niya bago siya humalukipkip. Bakit ganon? Ang weird sa feeling na marinig yung 'akin ka' sa kanya it give me a goosebumps!
"I think tomorrow is the right time to show you off as my girlfriend to my family."
"P-paanong show off? Don't tell me magpapa-parescon ka pa ha," natatawang sabi ko sa kanya. Bago tumingin sa seryoso niyang mukha. Kaya nailang ako. Bakit ba ang seryoso nitong taong 'to?
"You're right. Meron ngang mga Paparazzi roon."
"Ha?! Ayoko! Adik ka ba? Hindi pwede! Mayayari ako sa mga kuya ko!"
"Why not?" Maang na tanong niya habang tinitignan yung itsura kong nagpapanic.
"Mayayari kasi ako kila kuya! Hindi nila alam na may boyfriend ako!" Paliwanag ko habang sapo ko ang sentido ng ulo ko. Pero halos magulantang ako sa sinabi niya!
"Then let me meet them now. Let me talk to them." Kalmadong tugon ni Chase sa akin ng bigla siyang tumayo at maglakad.
"Seryoso ka?" Tanong ko sa kanya habang nakatingin sa likod niya.
"Deadly serious..." Sagot niya.
"Chase pwede bang... Magpakilala ka muna as manliligaw ko? Hindi ba masyadong mabilis kung boyfriend agad-agad kita?" Kunot noong lumingon siya sa akin.
"Doon din naman mapupunta 'yon bakit pa natin patatagalin?" Napangiwi ako. Ganito ba mga lalaki? Pag alam nila na sasagutin sila ng babae hindi na sila manliligaw? Unfair!
"I can court you everyday if you like. Pero baka ma-in love ka na talaga sa akin niyan," He teased. Pinaningkitan ko siya ng mata, "Wish mo talaga e' no?" Asar na tugon ko sa kanya.
9pm at saktong nandito na yung dalawang kuya ko. At gaya nga ng sabi ni Chase, kinausap niya yung mga iyon. Halos tumakas na yung puso ko mula sa ribcage ko ng makita ko pa lang si kuya Kenzo na ang sama ng tingin kay Chase noong maabutan niya kami ni Chase na magkasama dito sa bahay kanina.
Si kuya Kris naman sobrang tuwang-tuwa na finally may naumpog na akong lalaki at umakyat pa ng ligaw sa akin. At kinaharap pa sila!
"Kuya Kris, Kuya Kenzo si Chase pala. Uhm," napasinghap ako. "B-boyfriend ko." Dagdag ko. Matalim na tiningnan ni kuya Kenzo si Chase ng tingin.
"Akyat sa taas Kaylle." Masungit na utos ni kuya Kenzo sa akin.
"Kuya Kenzo!"
"Akyat. Sa. Taas." Masungit na sabi ni kuya Kenzo pero pinigilan naman siya ni kuya Kris.
"Hayaan mong malaman ni Kaylle mga sasabihin mo d'yan kay Chase, para aware siya sa gagawin natin," nakangising saad naman ni kuya Kris kay kuya Kenzo. Sinamaan lang siya nito ng tingin. Pero hindi naman siya takot kay kuya Kenzo e' kaya naman bumaling ulit si kuya Kris ng tingin sa akin at kinindatan ako.
"Monteverde huh," Kuya Kenzo laugh with humor
Si Chase naman nakaupo lang at parang handa siyang sagutin lahat ng mga ibabatong tanong sa kanya nila kuya!
"You have a cycle of friends na mayayaman din kagaya niyo, bakit hindi ka manligaw na kauri niyo na mayaman din?" Unang tanong ni Kuya Kenzo.
"I know you're family is filthy rich. I want to know what's the purpose of this? Kasi sa totoo lang wala akong tiwala sa'yo." Diretsong saad ni Kuya Kenzo sa kanya.
Halos magkasukatan sila ni Chase ng tingin at ni-isa sa kanila walang nagpatinag. "Yup. We're rich. Very rich to be exact. But I guess, hindi mo naman matuturuan ang puso mo kung kanino 'to titibok 'di ba? Your sister helped me. Sa totoo nga lang akala ko nga hindi na ako sasaya after of what my ex-girlfriend did. I fully accepted that love wasn't for me. But, Kaylle came into my life. It's kinda cliche and cheesy but when I'm with Kaylle I don't try to be happy because it actually happens whenever I'm with her. She's the source of my happiness." Nanlaki mata ko sa sinabi niya! Yung puso ko grabe ang pag pintig dahil sa mga sinabi niya kay kuya Kenzo. Kung siguro hindi ko alam na peke lang 'tong ginagawa namin. Aakalain kong totoo at tunay yung sinasabi niya. Pero alam ko naman na he's just only doing it for my brother's approval.
Ngiting-ngiti naman si Kuya Kris habang pinagmamasadan si Chase at Kuya Kenzo, "Grabe, bunso! May nauntog ka talaga! Gandang lahi naman aguuy," asar niya sa akin kaya inirapan ko siya at humalukipkip.
"Wala akong pake kung Monteverde ka at boss ko ang Tito mo. Ang akin lang kapatid ko ang girlfriend mo. Kaya kung may balak ka man na saktan siya wag mo nang ituloy. Dahil sinisigurado kong hahanapin kita kung saan ka man naroroon masuntok lang kita sa pag-papaiyak mo sa kapatid ko." Sabi ni kuya Kenzo sa nagbabantang tono habang nagkakasukatan sila nang tingin.
Halos hindi ako makahinga nang maayos sa kanilang dalawa. Bawat palitan kasi nila ng mga salita nandoon ako. Papalit-palit lang yung tingin ko sa kanilang dalawa si kuya Kris, naman tuwang-tuwa pa sa nakikita niya ngayon. Jusko!
"Not gonna promise na hindi ko siya masasaktan o mapapaiyak in future. But I can assure her na siya lang at ang Mama ko ang babae sa buhay ko ngayon at wala ng iba." Seryosong sabi ni Chase kay kuya Kenzo.
Napabuga ng hangin si kuya Kenzo at tumango kay Chase, "Kung mahal mo talaga ang kapatid ko at mahal ka rin niya wala na akong magagawa kundi ang tanggapin ka." Sabi ni kuya Kenzo na kinahinga ko ng maluwag at ni Chase na rin. Dahil sa wakas tapos na rin yung pag-uusap na 'to.
Hindi ko alam kung paano o hanggang kailan 'tong pagpapanggap na 'to. Pero natatakot ako once na malaman nilang niloloko lang namin yung tao sa paligid namin. I'm sure baka totoohanin ni kuya Kenzo yung banta niya kay Chase...