𝗦𝗛𝗔𝗜𝗥𝗔'𝗦 𝗣𝗢𝗩
"Tapos ka na sa pagmamaktol mo?" biglang tanong ni Ash ng mapansin siguro nitong natahimik na ako.
Naubos ang energy ko sa pakialamirong driver nayun!
Siguro byudo yun, o hindi ba kaya ay pinagkaitan ng pagibig ni kupido.
Ang bitter kasi, idagdag pa yung mukha niya na parang ampalaya.
"Napagod ako" nanghihinang saad ko habang sumasandal sa upuan ng kotse.
Tahimik lang na nagmamaneho si Ash ng bigla itong lumiko sa gilid ng kalsada at inihinto doon ang kotse.
Kunot noo ko siyang binalingan, tatanongin ko sana siya kung bakit kami huminto ng bigla niyang hinubad ang suot niyang jacket. Aayos sana ako ng upo ng bigla ako nitong pinigilan. "Magpahinga ka lang jan" anito habang pinapatong sa katawan ko ang jacket niya.
Nakamasid lang ako sa kaniya habang bumibilis ang pintig ng puso ko.
Nasasapian na nga siguro ako ng pagiging Alien.
Huminga ako ng malalim at pasimpleng tinapik ang puso ko. Kalma ka lang jan.
Nginitian ko siya. "Ang sweet naman ng bestfriend ko" panunukso ko sa kaniya. "Sige ka, baka mahulog na ako sayo niyan" bulalas ko habang nagpipigil ng tawa.
Pinitik nito ang noo ko. "Huwag kang mahulog sa akin" anito at umayos ng upo. "Hindi kita sasaluin" seryosong saad nito.
Tinaasan ko siya ng kilay. "At bakit naman?" nakacross ang brasong tanong ko.
Bumuntong hininga ito. "Ang payat payat mo nga, pero ang bigat bigat mo naman" natatawang saad nito. "Tao ka ba talaga?" pahabol pa nito.
Ipinikit ko nalang ang mata ko para matulog. Baka makutosan ko pa ang lalaki nato kapag hindi ako nakapagpigil.
At makalipas ang ilang minuto, hindi ko na alam kung ano ang nangyayari sa paligid ko dahil tuloyan na akong dinalaw na ako ng antok.
NAALIMPONGATAN ako dahil sa malakas na tawa ng babae na naririnig ko. Kung kanino man nanggagaling ang tawa na yan, kakalbohin ko talaga! Sinira niya ang masarap kong tulog.
Iminulat ko ang mata, at ganun nalang ang pagkunot ng noo ko ng makitang nasa kwarto na pala ako.
Binuhat ba ako ni Ashton papunta dito?
Impossible naman din kasing gumapang ako papunta dito.
Bumangon ako para tingnan kung kaninong tawa yun. Imposible namang kay Ash dahil pambabae na boses ang narinig ko.
Bumaba ako sa hagdanan, at ganun nalang ang pagtaas ng kilay ko, mula anit hanggang kuko, ng makita ko ang hindi kanais-nais na mukha ng secretary ni Ashton.
Masayang nagtatawanan ang dalawa. Anong nakakatawa? Patuloy lang ang mga ito sa pagtawa kaya sinadya ko talagang magdabog para kunin ang attensiyon nila.
Kaagad naman silang napabaling sa gawi ko. "Shai, gising ka na pala" biglang saad Ashton ng makita akong nakatayo sa may hagdanan.
Oo, ginising ako ng higad mong Secretary.
Binalingan ko ng tingin ang Secretary niya. Hindi maipinta ang mukha nito habang nakatitig sa akin. Iniisip siguro nito na panira ako sa moment nilang dalawa.
Naglakad ako papuntang sofa at tumabi ng upo kay Ashton. "Inaantok pa ako, pero nagising ako" saad ko habang umuupo. "May ginagawa kayo?" pahabol na tanong ko.
Normal lang ang ekspresyon ng mukha ko kahit na ang totoo, nagaalburoto na talaga ang kaloob-looban ko.
Umayos ng upo si Ashton. "May tinatapos lang kami na report ni Jessa para bukas" anito. "Pagkauwi natin kanina, tinawagan ko siya para papuntahin dito" imporma nito sa akin.
Tinatapos lang pala ang report, pero kung makatawa ang babae nayan parang sinapian ng masamang espirito.
Naghikab ulit ako dahil inaantok pa talaga ako. Panirang Jessa!
Biglang ipinagpag ni Jessa ang folder sa mismong hirapan ko. "Boss, may idadag pa po ba kayo sa mga proposal ko?" malanding tanong nito.
Pero embes na sumagot, bigla itong kumuha ng unan. "Teka lang Jessa" anito sabay lagay ng unan sa kandungan niya.
Kumunot naman ang noo ko ng bigla ako nitong sininyasan. "Inaantok ka pa diba?" tanong nito. "Umunan ka dito" anito sabay tapik sa unang nasa kandungan niya.
Biglang lumakas ang tibok ng puso ko dahil sa pinanggagawa nito, pero kahit papaano...umunan parin ako sa kandungan niya.
HUMAHANGOS akong bumangon mula sa pagtulog dahil sa pangit ng panaginip ko. Naghahalikan daw si Ashton at Jessa, habang ako naman ay kinakaladkad ni Mommy pauwi sa bahay dahil naghihintay na daw dun ang pari na mapapangasawa ko!
Napahilamos nalang ako sa mukha, ano bang klaseng panaginip yun? Pari talaga ang pakakasalan ko?
At kapagkuwan bigla akong natigilan ng mapansing nasa kwarto na naman ako. Mukhang binuhat na naman ako ni Ashton pabalik dito.
Kinuha ko ang unan at ibinaon dun ang mukha ko, nakatulog ako sa kandungan ni Ashton kagabi! Hindi ko alam pero biglang bumilis ang tibok ng puso ko dahil sa ideya nayon!
Huminga ako ng malalim at inayos ang sarili. Kailangan ko ng bumangon, ipagluluto ko pa si Ashton, baka kasi palayasin niya ako kapag naging tamad ako.
Bumangon ako sa kama at dumeretso papuntang kusina. Hindi ko alam kung gising na ba si Ashton, pero mas maganda kung hindi pa ito nagigising.
Nang makarating ako sa kusina, ganun nalang ang paglaki ng mata ko ng maabutang seryosong sumisimsim ng kape si Ashton habang naka-topless lang.
Parang nanunubig ang bagang ko habang nakatingin sa maskuladong katawan ni--.
"Tumutulo na ang laway mo" boses iyon ni Ashton na biglang pumukaw sa kahalayan ko.
Kaagad akong nagiwas ng tingin habang namumula ang magkabilang pisngi.
"Ang aga aga pa pinagpapantasyahan mo na ako" mapanuksong saad nito.
Inirapan ko lang siya at nagpatuloy sa paglalakad papuntang mesa. "Asa ka, hindi ako nagpapantasya sa mga lalaking buto buto na katulad mo" pagsisinungaling ko.
Kung titingnan mo ang katawan nito wala talagang buto buto na parte.
Lahat malaman, puno ng nutrisyon at sustansya.
Wala sa sariling napatitig ako sa abs nito. Nag g-gym ba ito? Ang ganda kasi ng hubog--.
"Hoy Shaira!" halos mabingi ako sa lakas ng boses nito. "Pinagnanasaan mo ba ako?" mapanuksong tanong nito.
Nginisihan ko naman siya. "Ang sarap mo kasing ihawin" nakangising saad ko. "Para kasing ang siksik mo sa laman at sustansiya--".
"Ihawin?" biglang putol nito at ngumisi din. "Ano ka cannibal?" tanong nito habang pinanggigilan ang pisngi ko. "Nga pala, magbibihis na ako" nagmamadaling saad nito.
Kunot noo ko siyang tiningnan. "May lakad ka?"
Tinapos nito ang kapeng iniinom. "Pupunta akong opisina" anito at bigla nalang akong iniwan.
Kunot noo ko siyang hinatid ng tingin.
Opisina? So..magkikita sila ng Secretary niya?!