Knights 02
The Five Knights and Me
Sa isang Restaurant kung saan dinala ni Wilton si Aza ay magkaharap na nakaupo silang dalawa kung saan malapit sa glass wall ang pwesto nila. Sa biyahe palang nilang dalawa papunta sa restaurant ay naiilang na at hindi maganda ang nararamdaman ni Aza, hindi niya alam kung paani titiisin ang araw na kasama niya si Wilton na nakangiting nakatitig sa kaniya na kanina pa nito ginagawa. Ngiwing ngiti nalang ang ibinibigay ni Aza dito dahil ayaw din naman niyang bastusin ito dahil baka maging dahilan pa ‘yun para mapahamak lalo ang oz.
Sana naman matapos na ang araw na ito! Saad ni Aza sa kaniyang sarili na hindi niya napigilang pagmasdan si Wilton na mas malawak ang ngiting ibinigay sa kaniya
Sino ba naman kasi ang babaeng makakaisip na pakasalan ang tulad nya, parang anak ni Kuya Germs kung manamit, may braces, may malaking salamin na suot tapos para talaga syang si Doding Daga sa itsura nya. Waahhh Lord! Ano bang nagawa ko para sa akin magkagusto ang lalaking ito? Hindi naman po sa nanghuhusga ako, eh kung may nararamdaman lang ako sa lalaking ito kahit ano pang itsura nyan tatangapi ko, kaya lang hindi eh! Pahayag pa ni Aza sa kaniyang sarili.
Pilit na ngiti ang ibinigay niya kay Wilton na inayos pa ang suot nitong salamin na hindi malaman ni Aza kung malabo ang mata ni Wilton o kasama na ang pagsuot nito ng salamin sa porma nito.
“Salamat Aza at pinaunlakan mo akong makadate ka, matagal ko na talagang pinangarap na maka date ka sa ganitong lugar at heto na nga, nasa harapan ko na ang pinakamagandang babae sa paningin ko.”panimulang pahayag ni Wilton sa kaniya.
“Huh? N-nako, wala ‘yun Mr.Bernabe, tsaka masyado mo naman akong pinupuri.”pilit na ngiting sambit ni Aza na ikinatitig ni Wilton sa kaniya.
“Just call me Wilton, Aza, huwag na tayong masyadong maging pormal sa isa’t-isa.”ani nito na napipilitang ikinatango nalang niya dito.
“Hehehe sige, Wi-wilton, sa-sabi mo eh.”
“Alam mo Aza, matagal na talaga kitang gusto, ang ganda mo kasi at napakabait mo pa kaya sobra-sobra akong nahulog sayo. Kaya handa akong tulungan ang Oz para makabangon sa pagkalugi basta pakasalan mo lang ako, pangako paliligayahin kita at ibibigay ko lahat ng magustuhan mo.”deretsahang pag-amin at alok nito sa kaniya na ikinatunganga ni Aza sa sinabi ng kaharap niya.
“H-huh?”
Waahhh! Napaka straight forward naman ng lalaking ito! Reaksyon ni Aza sa kaniyang isipan.
“Alam ko na hindi mo pa ako mahal ngayon, pero pag kasal na tayo gagawin ko lahat para ma in love ka sa akin, pagsisilbihan kita at gagawin kong reyna.”pahayag nito na ikinadampot ni Aza sa baso ng tubig sa harapan niya at ikinainom niya sa lakas ng loob na ipinapakita ni Wilton sa kaniya na hindi gusto.
“Wi-wilton, hi-hindi ba pwedeng doon muna tayo sa stage na you know, getting to know each other? Kasi parang napakabilis naman yata kung kasal agad diba? Hindi naman minamadali ang ganitong usap---“
“Pwede naman tayong magkakilala ng maayos kahit kasal na tayo eh! Gusto na talaga kitang maangkin Aza.”putol na pahayag ni Wilton sa kaniya na ikinalaki ng mga mata ni Aza sa gulat dahil sa lumabas sa bibig nito na hindi niya inasahan na nagpalala sa ilang na nararamdaman niya dito.
“Ma-maangkin?”ulit na tanong ni Aza sa salitang tumatak sa isipan niya sa mga sinabi ni Wilton na kita niyang pinamulhan ng mukha habang nakatingin sa kaniya.
“Oo, mahal na mahal kita kaya gusto kong makasal ka na sa akin para maangkin na kita. Nasasabik na akong maging akin ka at dalhin mo ang magiging anak natin.”pahayag na sagot nito na kita ni Aza ang ginawang pagpasada ng mga mata ni Wilton sa kaniyang mga labi pababa sa kaniyang dibdib na hindi niya na nagugustuhan.
Damn! Hindi lang sya kamag anak ni Doding Daga, manyak pa sya!! Waahhh Lena,Mia,C.C, ayoko na dito! angal ni Aza sa kaniyang sarili dahil sa mga oras na ‘yun sarili niya lang ang makakausap niya dahil sa sitwasyon niya.
“Gusto ko bawat parte mg katawan mo akin, kaya pumayag ka ng magpakasal sa akin para na din sa Oz. Hindi mawawala ang kumpanyang pinaghirapan niyo, Aza, pumayag ka na at agad kong aasikasuhin ang lahat.”may pagmamadali at pamimilit na pahayag ni Wilton na lihim na ikinalunok ni Aza sa mga naririnig niya dito.
Pakiramdam niya ay gusto niyang tumakbo sa banyo at masuka sa mga naririnig niyang kamanyakan kay Wilton. Pakiramdam ni Aza ay tinatakasan siya ng lakas sa mga naririnig niya sa bibig nito kaya piping nagdasal si Aza na magpadala si Lord ng kahit sinong maglalayo sa kaniya kay Wilton na may masamang intensyon sa kaniya.
“So…”saad pa ni Wilton nang tumayo ito sa kinauupuan nito at lumapit kay Aza na ikinakabog ng dibdib ni Aza sa kaba lalo na ng lumuhod ito sa harapan niya, at hawakan nito ang dalawang kamay niya na ikinatindig balahibo ni Aza.
Gustong-gustong itabig ni Aza ang pagkakahawak ni Wilton sa kamay niya at gusto niya itong itulak palayo sa kaniya pero pilit niyang pinigilan ang kaniyang sarili. Natigilan nalang si Aza sa gulat ng maramdaman niyang humigpit ang pagkakahawak ni Wilton sa kamay niya at titig na titig ito sa mga ito.
“Damn! Ang lambot ng mga kamay mo Aza, hindi na talaga ako makapag hintay na makasal ka sa akin at maangkin ka ng buong buo.”pahayag nito na mabilis na ikinahila ni Aza sa mga kamay niya na hawak nito na agad niyang ikinatayo na muntik niya pang ikabuwal pero na kontrol niya ang kaniyang bigat.
Nagtataka namang nakatingin sa kaniya si Wilton at ikinatayo na din nito sa pagkakaluhod nito, hindi niya na napigilang magreak sa ginawa nito dahil ramdam niya na ang kilabot sa buo niyang katawan lalo na sa mga pinagsasasabi nito.
“Aza ko…”
“M-mamaya na natin pag usapan ‘yun tungkol sa ganiyang usapin ok! Ahmm, order muna tayo ng makakain gutom na kasi ako eh.”pilit na ngiting pagsisinungaling na dahilan ni Aza upang mabago ang atensyon ni Wilton sa mga iniisip nito.
“Sige!Ano bang gusto mong kainin?”ngiting pahayag ni Wilton na mabilis bumalik sa upuan nito kanina na nagsenyas na ng waiter para kumuha ng oorderin nila.
“Ka-kahit ano, bahala ka na. Punta muna akong restroom!” paalam na sambit ni Aza na hindi na hinintay ang sagot ni Wilton at mabilis na kilos siyang nagmadaling naglakad papunta sa way ng C.R ng restaurant.
“Gosh! Ano kailangan kong gawin? Baka hindi na ako makauwi ng buhay nito sa bahay pag nagtagal pa akong kasama ang manyak na ‘yun? Pakiramdam ko may gagawin sya na hindi maganda eh!”kinakabahang angal ni Aza na dahil sa pagkataranta niya ay hindi niya napansin ang isang lalaking nabunggo niya dahilan upang matumba siya at mapaupo sa sahig na ikinangiwi niya.
“Aray!”
Gustong maiyak ni Aza sa nangyayari sa kaniya ngayon, una, pwedeng mawala sa kanila ang Oz at ngayon, kailangan niyang magtiis sa presensya ni Wilton na hindi naman niya gusto.
“Ang malas ko naman oh!” teary eye na angal ni Aza habang nakaupo siya sahig ng may tumambad na isang kamay sa kaniyang harapan na ikinatitig niya dito.
“Miss, ok ka lang?” rinig niyang tanong nito na dahan-dahan niyang ikinataas ng tingin sa lalaking nakatayo sa harapan niya na hindi napigilan ni Aza na mapatitig sa gwapong lalaking nasa harapan niya.
At dahil parang natulala siya sa lalaking nasa harapan niya ay naramdaman nalang niya na tinutulungan siya nitong tumayo sa pagkakasalampak niya sa sahig.
“Sorry Ms. Hindi kasi kita napansin, nagmamadali kasi ako actually, but I want to make sure if your okay.”sambit nito sa kaniya na ikinailang kurap niya bago siya bumalik sa kaniyang sarili.
“H-hu? O-kay lang, kasalanan ko din naman eh, wa-wala ako sa sarili ko. Pasensya na din.”paghinging paumanihin ni Aza na hindi niya napigilang I-appreciate ang magandang ngiti na binigay sa kaniya ng gwapong lalaki na nasa harapan niya.
Ang gwapo nya, tao pa ba ang kaharap ko o Greek God na? tanong ni Aza sa kaniyang sarili ng tapikin ng gwapong lalaki ang balikat niya na ikinabalik niya sa huwisyo.
“H-huh? May sinasabi ka?”tanong niya dito na mas ikinangiti nito sa kaniya.
“Wala naman, natulala ka kasi eh. Okay ka lang ba talaga?”ngiting tanong nito sa kaniya na agad niyang ikinatango dito.
“Oo! Ayos lang ako, ayos na ayos.”
“That's good to hear! Sige mauna na ako.”ngiting paalam nito na akmang iiwan siya nito ng kusang tumaas ang kanang kamay ni Aza at kusa itong humawak sa braso ng gwaoing lalaking napalingon sa kaniya
“Miss? Do you need anything?” may pagtatakang tanong nito sa kaniya na ikinatitig niya dito.
Siguro sya na ang pinadala ni Lord na tutulong sa akin. Ayoko ng bumalik sa Wilton na yun. Saad ni Aza sa kaniyang sarili na ikinakunot ng noo ng gwapong lalaking hawak-hawak niya ang braso.
“Miss? May sasabihin ka ba?”tanong nitong muli sa kaniya na dahilan para magpaawa effect si Aza sa gwapong lalaking pweden tumulong sa kaniya.
“Mr. tulungan mo naman ako, Ilayo mo ko dito please!”pakiusap niya dito na biglang naguluhan sa sinabi niya.
“Huh? Ilayo? To whom?”naguguluhang tanong ng gwapong lalaki sa kaniya.
“Basta! Hindi mo na kailangan malaman, basta itakas mo lang ako sa lugar na ito. Please, save my freedom!”sagot niya dito na ikinatitig nito sa kaniya.
Hindi na kakayaning bumalik ni Aza sa mesa nila ni Wilton, pakiramdam niya hindi niya kayang magtagal na kasama ito lalo na at iba na ang nararamdaman niya dito. At hindi niya palalagpasin ang tulong na hawak-hawak niya ngayon.
“Please! Ililibre kita sa kahit saan basta tulungan mo lang ako makalayo sa lugar na ito. Sige na naman oh, ayoko na talagang mag stay pa dito kahit isang segundo.”pakiusap ni Aza na ikinangiti sa kaniya ng gwapong lalaki.
“I think you really need to escape here! Fine, I'll help you.”sagot ng gwapong lalaki na ikinasaya ng puso ni Aza na wala sa sariling napayakap sa gwapong lalaki.
“Waahhh!Thank you!”nagbubunying saad niya.
Yes! Makakauwi ako ng buo sa bahay! Masayang sambit ni Aza sa kaniyang sarili ng makarinig siya ng pagtikhim, nang marealize niya an ginawa niya kaya mabilis siyang kumalas sa pagkakayakap niya sa gwapong lalaki at nahihiyang bahagya niyang ikinalayo dito
“S-sorry, na excite lang.”pagdadahilan ni Aza na mas ikinangiti sa kaniya nito.
“No worries, tara na?” aya nito
“May iba bang daan maliban sa front door? baka kasi mahuli ako.” Tanong ni Aa na bahagya nitong ikinasimangot.
“May kasama pa naman na mga alalay ang Doding daga na na yun.”mahinang pahayag ni Aza na bahagyang ikinatawa ng gwapong lalaki dahil narinig nito ang sinabi niya.
“Ganun ba! Sa Back door nalang tayo dumaan para hindi ka mahuli.”pahayag ng gwapong lalaki sa kaniya.
“P-pwede ba?”
“Don't worry, kilala ko ang may ari ng resto na ito.”ngiting sagot nito sa kaniya na ikinahawak na nito sa kamay niya na hindi naiwasan ni Aza ang pag-init ng kaniyang pisngi
“Let’s go.”ngiting sambit nito bago siya nito hinila papuntang back door ng restaurant na ikinatingin lang ni Aza sa kamay ng gwapong lalaking may hawak sa kamay niya.
Oh my gosh! I think crush ko na sya. Sambit ni Aza sa kaniyang sarili dahil sa bahagyang pagkabog ng kaniyang dibdib habang hila-hila siya ng gwapong lalaking tinulungan siyang makalayo kay Wilton.