Hapon na ng Biyernes nagsimula na kami ni Dorothea mag-ayos sa Palasyo maganda kase na maaga makapag-ayos upang di na magahol bukas ng Sabado. Ako ang umaakyat at si Dorothea naman ang nag-aabot ng gagamitin ko. Hindi ko akalain bilang Prinsesa paglalaan ko pa ng oras ang selebrasyon ng aking Ama at ng pekeng Mahal na Reyna.
Si Ama naman ay umalis upang magbigay ng imbitasyon sa mga kanyang kakilala at kaibigan. Ang Reyna naman ay nandoon sa kanyang kwarto nagpapahinga para may lakas siya bukas. At si Maddie ay kasama ang kanyang kaibigan na si Euna. Nakatuntong ako sa isang upuan upang isabit ang mga telang dekorasyon sa Palasyo. Maya maya may naapakan akong pako na nakausli sa upuan kaya bigla akong natumba.
"Mahal na Prinsesa," paglapit sa 'kin ni Dorothea at dali dali niya akong tinulungan. Bigla akong napahawak sa akin braso na nasugatan sa gilid ng bintana na inaayos namin. Inalalayan ako ni Dorothea na makatayo at makaupo sa isang upuan.
"Ayos lang po ba kayo? May sugat po kayo sa inyong braso kukuha lamang ako ng pan gamot."
Maya maya bumalik na siya at ginamot ang aking sugat. Di naman malaki ang natamo ko gasgas lamang ngunit may dugo. Pagkatapos n'ung nagpahinga kami ng kaunti at kumain na rin. Gabi na nagpatuloy kami sa pag-aayos. Hanggang matapos na kami at inabot kami ng 9 pm. Sabay kami ni Dorothea na napalingon sa pagbukas ng pinto at dumating na pala si Ama kasama si Maddie. Nakita kong lumilingon lingon si Maddie upang tignan ang aking ginawa, si Dorothea naman ay umalis na.
"Gising ka pa pala anak?Mukhang napagod ka sa iyong ginawa. Magpahinga kana upang may lakas ka bukas." Nginitian ko si Ama at akmang babalik na ako sa aking kwarto na magsalita si Maddie.
"Bakit kulay pula at itim ang napili mong kulay sa mga telang idinesenyo mo sa ating Palasyo?Ang simbolo ng pula ay pag iibigan ngunit ang itim naman ay kamatayan para saan ang itim at bakit iyon ang ipinares mo sa pula?" pagtataka niya, at alam n'yan baka isinadya ko ito.
Tinignan ko naman ang mga telang idinesenyo ko. Pinaghirapan ko kaya 'yon.
"Ang ibig sabihin ng pula at itim na kulay kapag ipinagsama mo ay pagiibigan na walang hanggan kahit mamatay silang dalawa mananatili pa rin ang kanilang matamis na pag-iibigan." Tinaasan niya ako ng kilay na parang hindi siya naniniwala.
"Kahit na, hindi pa rin ako kumbinsido sa iyong ginamit na te-" 'di na niya natapos ang sasabihin niya na awatin siya ni Ama.
"Tama si Hilary. Hindi na mahalaga kung anong kulay ng tela ang ginamit n'ya Maddie. Maganda naman tignan at pinaghirapan n'ya ito kaya huwag ka ng magreklamo." At naglakad na siya upang pumunta sa kanilang kwarto ng 
Reyna.
Nginsian ko siya at ipinapakita na talo siya wala naman siyang magagawa. Sana pala siya na lang gumawa kung magrereklamo lang siya.Hindi ko naman ito tungkulin eh pumayag lang ako dahil kay Esperago Easton. Inirepan ako ni Maddie bago niya ako iwan.
Suplada.
****
Araw na ng Sabado at Annibersayo na ng Mahal na Reyna at ang aking Ama. Maayos naman ang aking pakiramdaman. Mabuti na lamang hindi na sumasakit ang  natamong sugat ko kahapon. Pagbaba ko sa kwarto lahat ng tagapagsilbi ay nagsisimula na magluto at maglinis sa Palasyo. Hinanap ko agad si Dorothea at mabuti naman natagpuan ko siya sa hardin.
"Gising na po pala kayo," bungad niya sa akin.Nginitian ko siya at tinulungan  magdilig ng halaman.
"Kumain na po ba kayo ng almusal?" rinig kong tanong niya.
Tumango ako bilang sagot. Sa pag-aabala namin sa pagdidilig di namin napansin na may dumating. Ang pinsan kong si Chase at ang kanyang Ama. Maayos naman ang pagsasamahan ng kamag-anak ni Ina sa aking Ama kahit na may iba na itong kinakasama. Kasunod din dumating ang aking Ama at kasama niya ang mga iilan mga kaibigan.
"Magandang umaga sa 'yo aking Pinsan at sa 'yo rin munting Binibini." Nakangiting bati ni Chase samin ni Dorothea.
"Bumalik kana sa loob at tumulong," bulong ko kay Dorothea tumango siya at pumasok na sa loob.
Hindi maipinta ang mukha ni Chase. At bakas sa mukha niya na baka pinagtitripan ko siya.
"Bilang tagapagsilbi dapat lamang na may gawin s'ya. Kaya huwag ka ng magreklamo sa akin." Sinamaan niya ako ng tingin.
Lumapit naman ang Ama ni Chase sa akin. Nagmano ako sa kanya at masaya siyang makita niya ako. Binati na lamang niya ako at pumasok na sa loob kasama si Ama. May mga kakilala naman akong mga kaibigan ni Ama subalit hindi nga lang nila alam ang aking pagkatao.
Tanghalian mas dumami ang dumating na Bisita. Nakakatuwa dahil marami pa rin ang nakakakilala kay Ama. Kaso nakakalungkot dahil wala ang aking Ina. Nakaupo ako sa gilid at katabi ko si Dorothea. Pinagpanggap muna akong tagapagsilbi ng Mahal na Reyna dahil may iilan kilalang Hari ang dadalo kaya hindi nila ako maari makilala. Kaya nagsuot akong muli ng tela upang takpan ang aking mukha. Kasalukuyan nakaupo at nag-uusap sina Ama, Mahal na Reyna, Ama ni Chase, at mga kaibigan ni Ama. May mga Opisyal din dumalo kung saan namumuno si Ama sa isang Organisasyon Panbayan. Na kung saan itinalaga siyang Pinuno upang lutasin ang mga problema sa kabilang Bayan. At Si Maddie naman ay kasama si Euna at iilan pang kababaihan, marahil mga kakilala nila ito. Marami ring kase mga kalalakihan at kababaihan, anak sila ng mga kaibigan ni Ama at iilan ay mga kaibigan ng kanilang anak. Sana'y dumating din ang aking matalik na kaibigan.
"Mahal na Prinsesa, hindi po ba kayo magpapahinga?" napatingin ako kay Dorothea.
"May iniintay lang ako,"
Dumating din sina Father Timothy, Carter at Camila. Dumiretso si Father Timothy kina Ama upang makisalo, sina Carter at Camila naman sa amin dumiretso.
"Magandang araw po, Mahal na Prinsesa." Sabay na bati sa akin ng dalawa.
"Magandang araw rin, salamat sa pagdalo."
"Walang anuman," sagot ni Carter
"Dorothea pag silbihan mo muna sila," tumango si Dorothea at pinagsilbihan ang dalawa upang kumain.
Bumalik agad si Dorothea upang bigyan ako ng inumin. Tumayo ako upang lumabas ng Palasyo na may biglang tumawag sa akin ngunit may nakabangga ako bago ako makalingon. Nabitawan ko ang basong hawak hawak ko kaya nabasag ito sa sahig. Nanlaki ang mga mata ko na makita sa akin harapan si Prinsipe Jv at nabasa ko ang kasuotan niya. Hindi pa ako nakakagalaw na may tumulak sa akin ng malakas kaya napaupo ako.
"Ang tanga tanga mo naman. Bakit kase 'di ka tumitingin sa dinadaan mo ayan tuloy nabasa mo ang kasuotan ni Prinsipe Jv." Galit na singhal sa akin ni Maddie. Hindi ko naman sinasadya.
"Hindi mo ba alam na maari ka n'ya parusahan sa iyon ginawa." Sabat naman ni Euna.
Marami ang nakiusyoso at nagbubulung bulungan. Nilapitan ako ni Dorothea at inalalayan niya ako tumayo.
"Paumanhin na po sa inyo hindi naman po n'ya sinasadya." Sabi ni Dorothea subalit sinamaan ako ng tingin ni Maddie at hinarap niya si Prinsipe Jv.
"Ayos ka lang ba? Humihingi rin ako ng paumanhin sa ginawa ng tagapagsilbi namin. Hayaan mo pagsilbihan kita sa iyon pagkain at ayusin ang kasuotan mo." May tinawag si Maddie na isang babae para humingi ng pampalit ni Prinsipe Jv. Nakatingin lang sa akin si Prinsipe Jv. At sa tingin ko sinusumpa na ata ako nito.
"Tagapagsilbi ka?"
Sandali hindi siya naniniwala?Huwag niyan sabihin na alam niya ang pagkatao ko. Biglang hinawakan ni Maddie ang braso ni Prinsipe Jv.
"A-ano ba ang iyon pinagsasabi? 'Wag muna siyang pakielamanan hindi naman siya kainterasadong tao upang kilalanin mo pa s'ya. Tara na," hinila na ni Maddie si Prinsipe Jv pero bago tuluyan ito makaalis may binulong pa sa akin ang Prinsipe.
"Hindi ko palalagpasin ang iyon ginawa," naistetwa ako sa sinabi niya.
"Ayos lang po ba kayo?" pag aalala ni Dorothea at inayos ang suot ko. Tumango ako bilang sagot. Sabay lingon kina Maddie at kay Prinsipe Jv. May namamagitan na ba sa kanila? Nakakainis talaga ang Maddie na iyan lagi ako pinapahiya. May araw ka rin sa 'kin.