"DO i look okay?" Nanginginig ang boses na balik-tanong niya kay Danica.
Pinilit niyang huwag maiyak sa harapan nito kahit na nga parang sumisikip na ang kanyang dibdib dahil sa sama ng loob.
Sama ng loob sa lalaking minahal niya dahil dito, kaya nasaktan siya ng mga taong nagmamahal sa love team nila. At sigurado siyang laman na naman siya ng balita at trending siya sa lahat ng social media dahil sa nangyaring pananakit sa kanya ng mga fans nila. Nag mukha siyang katawa-tawa! 
Bigla siyang nakaramdam nang pagkahabag o pagkaawa sa kanyang sarili.
"Binalaan na kita Miss Hannah, ayan tuloy nasaktan ka pa."
"Bakit ganun, Danica? Ako na nga ang niloko, ako pa din ang nagmukhang masama sa mga tao." Nakagat niya ang ibabang bahagi ng kanyang labi dahil gusto niyang pigilan ang luhang kanina pa gustong umalpas sa kanyang mga mata. "Nagmukha tuloy akong tinortang itlog sa kamatis. Nakakadiri ang itlog ang baho, sirang itlog pa talaga ang ibinato saakin."
Pigil naman ni Danica ang matawa dahil sa sinabi niya. 
"Gusto niyo po ba ako na ang mag drive para sayo Miss Hannah? Ako na ang mag hahatid sayo sa bahay niyo." 
Napasulyap siya sa mukha ni Danica.
"Huwag na, okay na itong nagmukha akong tortang itlog kaysa naman mabasag pa ang mukha ko kapag naaksidente tayo." Pilit ang ngiti sa labi na sabi niya.
"Grabe ka naman Miss Hannah, marunong naman ako mag maneho, 'di nga lang bihasa."
"Thank you Danica ha, pero salamat sa concern mo. Ibababa kita sa hindi naman kalayuan dito sa studio, baka kasi kapag dito ka lumabas ng kotse ko baka mag liparan na naman ang mga itlog at kamatis." Mahaba niyang turan.
Tumango naman si Danica.
Ine-start na nga ni Hannah ang engine ng kanyang kotse. Narinig pa niya ang kalampagan sa bubong at pagkatok sa bintana ng kotse niya. Iyong ibang press humarang pa sa dadaanan niya pero dahil sa takot na baka totohanin niyang banggain ang mga ito ay gumilid din naman.
HINDI agad umuwi sa bahay nila si Hannah. Dumaan siya sa condominium ni Froilan pero wala na daw ito roon. Tinawagan niya si Danica para tanungin ito kung may alam ito kung saan ngayon nakatira si Froilan.
"Day off si Miss Becca, pero nakasalubong ko sa lobby ang make-up artist ni Froilan." Kuwento ni Danica sa kabilang linya.
"May nakuha ka ba na impormasyon kung saan ngayon nakatira si Froilan?" Tanong ni Hannah.
"Opo Miss Hannah," pabulong pa na sagot ni Danica. "Ang address po ay sa Quezon City, Unit 4-B."
Napatango-tango siya kahit naman hindi niya kaharap ang kausap.
"Thank you, Danica. Ang laking tulong mo saakin, hayaan mo makakabawi din ako sayo."
"Ano ka ba Miss Hannah, balewala lang po ito sa lahat ng naitulong mo saakin."
"O sige, end call ko na itong tawag ko at pupuntahan ko sa condo niya si Froilan."
"Sige po Miss Hannah, ingat po kayo sa biyahe. Mag text lang kayo saakin kung kailangan mo ng back-up."
Natawa siya sa sinabi ni Danica. Pagkatapos niyang mag paalam ay ine-end call na nga niya ang pag-uusap nila. Napabuntong hininga siya habang seryosong nag mamaneho. May naiisip na siyang paraan kung paano makakaganti kay Froilan.
Ilang oras din siya nag biyahe papuntang Quezon City, hindi siya tinanong ng security guard kung saan siya pupunta ng makarating siya sa lobby ng condominium complex. Akala siguro nito ay taga-roon siya kaya sobrang natuwa siya dahil hindi na niya kailangan mag dahilan pa o mag sinungaling kung ano ang sadya niya sa lugar na iyon.
Halo-halo ang emosyon na kanyang nararamdaman sa mga oras na iyon, pagkasabik na muling makita si Froilan at ang nadarama niyang pag kamuhi rito. Pinangako niya sa sarili na hindi na puso ang pakikinggan niya ngayon, kundi ang utos ng isip niya. Patong-patong na ang sakit na ipinadama ni Froilan sa kanya. 
Iniluwa ng elevator si Hannah sa fourth floor at agad niyang tinungo ang Unit 4-B. Hinanda na din niya ang kanyang cellphone at nag live siya sa fizbook niya, isinuksok niya ang kanyang cellphone sa loob ng suot niyang white tube top na pinatungan niya ng maong na jacket. Sinigurado niya na hindi iyon makikita ni Froilan.
Makailang ulit na diniinan ni Hannah ang doorbell sa pintuan ng unit. Walang nag bukas, nag hintay siya sandali. 
"No." Usal niya. Hindi puwedeng wala doon si Froilan. Ang layo pa naman ng biyenahe niya tapos mauuwi lang sa wala. Inis na muli niyang pinindot ang doorbell. May narinig siyang mga yabag na papalapit sa pintuan kaya lihim siyang natuwa.
Isang babae ang nag bukas ng pinto at nagkagulatan pa sila, nakasuot lamang ito ng bra at panty. Gusot ang mahabang buhok nito. Halatang galing sa kama na tila nakipag-lampungan sa isang dosenang demonyo.
"Love, sino ba iyang istorbo na iyan?" Nakilala niya ang boses ni Froilan.
Pinasibad niya ang paningin sa kabuoan ng babaeng kaharap na walang iba kundi si Maricar. Tila ipinagmamayabang nito sa kanya ang taglay nitong kaseksihan.
Who cares? Sa loob-loob niya. Sexy din naman siya, mas sexy pa nga siya sa kaharap niya. Awtomatikong nag taasan ang mga kilay niya dahil sa pumapasok sa kanyang isipan. Malamang katatapos lang ng dalawa mag paraos sa ibabaw ng kama.
Napabuga siya ng hangin. Bakit ba paulit-ulit na lang kusang kumikirot ang puso niya sa tuwing pumapasok sa isip niya ang ginawang pag romansahan ng dalawa sa kama.
Erase, erase, erase. Hindi siya naroon para mag emote.
Nakita niya ang pag silay ng isang ngiti sa labi ni Maricar. Parang kontrabida ang dating ng ngiting iyon sa kanya.
"Guess who's here?" Sa malanding boses na sabi pa ni Maricar.
Saglit pa ay lumapit na din sa pintuan si Froilan na nakasuot lamang ng brief at gusot ang buhok nito. Inabot pa ni Froilan ang tuwalya na nasa sahig at ipinulupot sa bewang nito.
"Hannah?" May pagtataka sa mukha ni Froilan.
"Yes, ako nga!" Mataray niyang sagot. "Surprise!"
"Anong ginagawa mo dito?" Tanong ni Froilan. Nakita pa niya ang pag yakap nito sa bewang ni Maricar. Napakamanhid talaga nito, hindi man lang nito naisip ang maaari niyang maramdaman lalo na at dati siya nitong karelasyon. "Dont tell me, hindi ka pa din maka-move on sa nangyaring hiwalayan nating dalawa?"
"Feeling mo naman," labas sa ilong niyang sagot. "Na'ndito ako para makausap ka. Bakit mo naman sinabi sa interview mo na masama akong babae? Na nahuli mo ako na may ibang ka date?"
Hindi niya nagustuhan ang ginawang pag halakhak ni Froilan. Bumitiw ito sa pagkakayakap kay Maricar.
"Because i want you to get out of my life." Tahasang sagot ni Froilan.
Nasaktan naman si Hannah sa sinabi nito
"Nakipag hiwalay naman ako sayo ng araw mismo na mahuli ko kayo ni Maricar na magkaulayaw sa kama. Kaya huwag mo idahilan saakin iyan!" Pabulyaw niyang sabi.
Biglang lumabas ng kuwartong iyon si Froilan at hinawakan siya sa isang braso.
"Mag-iingat ka sa mga sinasabi mo at baka may makarinig sayo!" Mahina pero mariin na banta ni Froilan.
Hindi naman nag patinag si Hannah, inis na binawi niya ang kanyang braso.
"Bakit? Totoo naman 'diba? Nahuli ko kayo ni Maricar na magkasama sa iisang kama at hindi lang ako ang nakasaksi nun, pati ang boyfriend ni Maricar. Ano, nakalimutan mo na?!"
"Fine!" bulyaw sa kanya ni Froilan. Tumalsik pa nga ang laway nito sa mukha niya. "Gusto mo talaga malaman ang dahilan ko? puwes! kaya ko nagawang sabihin sa interview na ikaw ang nagloko kaya nag hiwalay tayo, dahil ayokong kami ang pag piyestahan ng mga press at netizens kapag nalaman na nila na may relasyon kami ni Maricar."
"Pero bakit?" Curious siyang malaman ang dahilan pa nito.
"Ayokong masira ang pangalan ko at career ko sa showbiz. Ayaw mo na din naman pumasok sa showbiz kaya naisip ko na baka maging ayos lang iyon sayo."
"Pero bakit hindi mo man lang ako kinausap? Hindi mo man lang ako tinanong kong ano ang mararamdaman ko kapag ginawa mo iyon. Hindi mo ba alam na maraming netizens ang galit saakin ngayon, dahil sa mga kasinungalingan mo? Kaninang umaga lang nag punta ako ng studio binato ako ng mga itlog at kamatis ng mga netizens, mga fans ng loveteam natin. At hindi mo ba alam na ako ang trending sa lahat ng social media? Tingin mo ba magiging ayos lang ako, ha?!" Masama ang loob niya ng sabihin iyon.
"Look, i'm sorry." Mukhang guilty naman na sabi ni Froilan. Pero siyempre hindi siya mag papadala dahil alam niyang parte lang iyon ng drama nito. "Makakalimot din sila, hayaan mo na ikaw ang pag-usapan ng mga tao. Ako ang sikat saating dalawa at ayoko din masira ang upcoming movie na pagbibidahan namin ni Maricar. Ikaw naman mag palamig kana muna."
"How dare you!" Gigil na dinuro pa niya ito. "Ano ang akala mo saakin walang pakiramdam? You pay for it!" Narinig niya ang pag palakpak ni Maricar na nakasandal sa pintuan.
"Bilib din talaga ako saiyo. Bakit, tingin mo ba may maniniwala pa saiyo?"