Tamad kong sinubo ang granada na nakuha ko sa mga holdaper sa ministop kagabi habang hinihintay si Gazer dito sa rooftop ng isang building na katapat lamang ng building kung saan gaganapin ang pagdiriwang na papangunahan ng mayor na target ko.
"Good eve-- tangina ano yan?!" Agad niya akong binatukan dahilan para maluwa ko ang granada na sinubo ko.
Masama ko syang tinignan saka kinuha ang granada na nahulog sa lapag.
"Ano ka ba? Bakit mo sinusubo yun? Nababaliw ka na talaga." Parang tatay na sermon sa akin ni Gazer na kakadating lang.
"Tinitikman ko lang ang lasa." Sabi ko kaya binatukan niya ako ulit.
"Sabi kase sa suicidal book na nabasa ko, unting sakit lang mararamdaman ko pag nasabugan ako ng granada." Sabi ko saka napakamot.
"Nababaliw ka na talagang lalaki ka." Umiiling na sabi niya saka tumingin sa building na kaharap ng building na kinatatayuan namin.
"Babarilin mo mula dito yung mayor?"tanong niya. Umiling ako kaya napatingin sya sa akin.
"Ikaw ang babaril sa kanya pag nasira ang plano ko." Sabi ko kaya kumunot ang nuo ko.
"Ha? Siraulo ka ba? May iba akong assignment tapos tatawagan mo ko para lang papuntahin dito at sasabihing ako ang babaril sa mayor? Eh di parang ako na din gumawa ng assignment mo." Sabi niya.
"Eh di panuorin mo nalang ako tas palakpakan pag napatay ko na." Sabi ko saka sinuot ang formal coat ko at hinawi ang mahaba kong buhok.
"Hindi ka ba naiinitan sa buhok mo Damon? Uso gupit napag kakamalan kang babae." Sabi niya. Kaya tumingin ako sa kanya.
"Hindi ka ba naiinitan sa balbas mo Gazer? Uso ahit napag kakamalan kang manong." Patol ko kaya sinamaan niya ako ng tingin.
"Bababa na ako, wish me luck." Sabi ko saka kinuha ang isang barya na nasa bulsa ko at pinaikot sa ere, agad kong sinalo ang barya saka tumingin sa kanya.
"Tail." Sabi niya kaya napa ngisi ako.
"Head." Sabi ko naman saka pinakita ang resulta. Natawa sya at tinapik ang balikat ko.
"Tail, mahihirapan ka sa isang ito." Sabi niya saka pumwesto. "Ako ng bahala pag nagka initan." Dagdag niya. Tinago ko ang barya sa bulsa ko saka akmang kukunin ang granada na nasa tabi niya ng tapikin niya ang kamay ko.
"Hindi mo pwedeng dalhin yan Damon, sa entrance palang wala ka na."iritang sabi niya.
"Alam ko, tinanggal ko lang ito." Sabi ko saka pinakita ang safety pin na naka kabit sa granada. Nanlaki ang mata niya at agad na kinuha ang granada saka binato sa poste ng koryente ang granda. Napadapa sya habang ako naman ay napa kamot ng sumabog ito.
Nagkaruon ng ingay at sigawan sa kaharap naming building, tumingin sa akin ng masama si Gazer kaya nag peace sign ako saka tumalikod sa kanya.
Agad na akong bumaba sa rooftop ng building kung saan kami naruruon ni Gazer, nag tungo ako sa tapat ng building at nakita ang mga bodyguards ng mayor na mahigpit na nag babantay sa entrance at ang ilan ay inaalam ang pag sabog ng poste.
"Magandang gabi, nasa loob na ba si Mayor?"tanong ko saka pinakita ang isang invitation card na ninakaw ko mula sa isang guest kanina.
Sinuri naman nila ito saka tumingin sa akin kaya ngumiti ako.
"Nasa loob sya, pasok." Matigas na sabi ng bodyguard na nag babantay saka umalis sa pag kakaharang sa pinto. Pumasok ako saka muling nilingon ang bodyguard.
"Sya nga pala, bakit daw sumabog yung poste?"maang na tanong ko, tumingin ang dalawang bodyguard sa gawi ng poste dahilan para mabilis kong kunin ang baril nila saka mabilis na kumuha ng wine mula sa isang waiter na napadaan sa gawi namin.
"Hindi pa namin alam." Sagot ng isa saka tumingin sa akin. Napa tango ako saka pinakita ang wine sa kanila.
"Alamin niyo." Sabi ko saka tumalikod sa kanila at nag lakad sa loob, sinimulan kong inumin ang wine na kinuha ko habang nag lalakad, nilibot ko ang tingin at nakitang masyadong mahigpit ang mga security at may mga nag kalat na security camera.
Lumihis ako ng daan at umakyat sa pangalawang palapag, sakto naman ang pag labas ng MC at sinabing normal na pag sabog lamang daw ang naganap sa labas.
Nilibot ko ang tingin ko saka nag tungo sa CCTV room, sa labas pa lamang ay sinuot ko na ang gloves ko saka madaling pinatay ang nga camera at binura ang ilang record na makikita ako doon. Agad akong lumabas sa CCTV room at saka sunod na nag tungo sa generator kung saan ang buong ilaw ng building na ito ay konektado doon.
Muli kong ininom ang wine na hawak ko saka tinapunan ng wine ang sensitive part ng generator dahilan para umapoy ito. Agad akong umalis sa parteng iyon at normal na bumalik sa baba kung saan matatagpuan ko sa gitna ang Mayor na may mga kausap.
Tinignan ko ang relo ko at binilang ang oras kung kelan saktong mawawala ang mga ilaw sa loob. 10 minutes.
"Erelah, pakibigay sa mayor ito." Napatingin ako sa dalawang babae na nag uusap sa likod ko. Napansin ko na may inabot na isang bagay sa isang babae, agad na tumango ang babae at napa harap sa akin.
"Ikaw na naman?" Sabi niya.
"Ako nga baket?" Tanong ko, sumingkit ang mata niya. Tinignan ko sya mula ulo hanggang paa at napansin na naka uniporme sya gaya sa mga waiter na nandito.
"Anong ginagawa mo dito?" Inis na tanong niya.
"Parang kasalanan ko pa ata na naiinis ka ngayun." Sabi ko saka binigay yung wine glass ko sa kanya dahilan para lalong kumunot ang nuo niya.
"Lagyan mo wine, paki bilisan." Sabi ko saka muling tumingin sa relo ko. 8 minutes.
"Iutos mo nalang sa iba may kailangan pa akong gawin." Sabi niya kaya napa tingin ako sa kanya.
"Gawin mo muna inutos ko, guest ako dito tapos di mo ako susundin? Nasaan ba ang boss mo?"tanong ko kaya kunot nuo nyang nilapag ang hawak niya sa mesa na katabi ko saka tinanggap ang wine glass at tumingin sa akin ng masama.
"Bantayan mo yan, babalik ako." Sabi niya saka tumalikod. Natawa nalang ako at napa tingin sa bagay na nilapag niya sa mesa ko.
"Ano ba ito?" Tanong ko saka binuksan yung nilapag niya. Napa tigil ako ng makitang isa itong bomba at 3 minutes nalang ay sasabog na ito. Mabilis ang pag count down kaya naman agad akong lumayo don at tatakbo na sana palabas ng mabangga ko yung babae na inutusan ko.
"Ano ba? Kelan pa naging playg--" hindi niya natapos ang sasabihin niya ng hilahin ko sya at buong lakas na sinama palabas ng building. Agad kong binuksan ang maliit na mic na konektado kay Gazer.
"Gawin mo na." Pag kasabi ko non ay sumabog na ang bomba na nakita ko, saktong papalabas na kami ng babaeng hila hila ko ng magkagulo sa loob.
"Mayor!" Dinig kong sigawan ng ilang naruon. Napahinto ako ng huminto ang babae at tumingin sa dereksyon ng mayor. Agad ko syang hinila at tinakpan ang mata.
"Wag mo ng tignan." Sabi ko saka sya hinila palabas ng building.
May bombang dumating at hindi yun galing sa amin, ibig sabihin may iba pang kalahan ang mayor maliban sa boss namin.
"P-papa...." Napatigil ako ng biglang mag salita ang babaeng hila hila ko. Napa lingon ako sa kanya at nakita ko ang pag tulo ng luha niya.
"P-PAPA!"