NGANGA. Ganoon ang reaksiyon nina Eury at Hailee nang isalaysay ni Callie ang nangyari sa pagitan nila ni Reeve kabilang na ang teorya niya. Hinayaan niyang manahimik muna ang mga ito at i-process ang mga sinabi niya. She stood up and made them something to drink.
Araw ng Linggo, sarado ang shop and supposedly, nasa Tarlac si Callie para dumalaw sa parents niya. May farm sila roon at iyon ang pinagkakaabalahan ng Papang at Mamang niya mula nang iwan ang kani-kanilang trabaho sa Maynila. Dating teacher sa isang highschool sa Pasay City ang kaniyang ina, may tindahan naman ng feeds ang Papang niya, sa Pasay rin. Ipinasara nito ang tindahan at inilipat sa Tarlac. Hindi na rin bumabata ang mga ito at hindi nakakabuti sa mga kalusugan ang labis na polusyon sa siyudad. Ipinagpaliban muna niya sa araw na iyon ang pagdalaw dahil kailangan nilang magpulong na tatlo.
Si Hailee ang unang bumasag ng katahimikan. "I knew it. Noon pa man may hinala na ako na ganoon nga ang nangyayari. Right after my exes kissed me, they suddenly changed."
"So sinasabi ninyo na ang Destiny Maker ang may kagagawan nito? Dapat ay gawin niyong masuwerte ang lovelife natin." Si Eury. Bumaling ito kay Hailee. "Have you talked to Auntie Lucila?"
"Oo. Nasa Manila siya ngayon. T-in-ext ko kanina na pupunta tayo rito."
Sabay-sabay silang napatingin sa pinto ng bahay niya nang tumunog ang buzzer sa gate. "Siya na ba 'yan?" tanong ni Callie.
"I think so."
"Ako na ang magbubukas."
Sure enough, si Auntie Lucila nga ang dumating. Limang taon na rin nilang hindi nakita ang tiya pero tila mas bumata pa ito. She was wearing a dark green maxi dress; her curly hair was tied in a loose braid. May dalang basket si Auntie Lucila na may lamang mga bote, maliliit na rebulto at kung anu-ano pa.
"Pasok, Auntie," ani Callie matapos yumakap at humalik dito.
Nagbatian muna silang apat at saglit na nagkumustahan. Si Eury ang nagbukas ng paksa tungkol sa Destiny Maker.
"I hope you still have it with you," sabi ni Auntie Lucila, may munting ningning ang mga mata. "Naikuwento na sa akin ni Hailee ang concern ninyo kagabi. The magic of the Destiny Maker is real, my sweeties. The instant you used it, it will stay there within you. Mananatiling matatag ang taling komokonekta sa inyo ng destiny partner mo. Hindi papayag ang kapangyarihan na mapunta kayo sa iba. At kapag tama na ang panahon, muli kayong pag-uugnayin ng taling iyon."
Napatitig siya sa tiyahin. Kapag tama na ang panahon? Iyon ba ang dahilan kaya hindi pa uli nag-ku-krus ang landas nila ng lalaking iyon? Dahil hindi pa ito ang tamang panahon? Isang mukha ang nag-flash sa isipan niya. Ang mukha ng butiking kuneho na kumuha ng unang halik niya. Ang taong iyon ang makakatuluyan niya, gano'n? Callie felt nauseated suddenly.
"Iyon ang dahilan kaya lagi kaming nabibigo? D-Dahil nakatali na ang tadhana namin sa iba?" kinakabahang tanong ni Callie. Parang gusto niyang himatayin nang tumango si Auntie Lucila.
"Saan ba kasi talaga nanggaling ang sumpang ito? Sino ang may gawa?" frustrated na tanong ni Hailee. Ilang beses na nilang naitanong iyon sa mga kamag-anak nila pero wala silang nakukuhang matinong sagot. Some said a witch cursed them, some said it was their great grandmother's enemy. May ilan na nagsasabing kapitbahay raw na inggitera ng mga ancestor nila at sabi naman ng iba, gawa raw iyon ng babaeng sinaktan ng isa sa mga lalaking Rosanta.
"Si Margarita Rosanta," tugon ni Auntie Lucila. Sabay-sabay silang napakunot ang noo. Hindi nila kilala ang babaeng iyon. "Siya ang nag-iisang kapatid ni Lolo Callisto."
"Kapatid?" gulat niyang tanong. "May kapatid si Lolo Callisto?" Callie was named after Callisto Rosanta, their great grandfather. Hindi niya alam na may kapatid si Lolo Callisto. At ito raw ang nagbigay ng sumpa sa kanila? Mismong kapamilya nila?
"Kinalimutan na siya ng mga Rosanta sa utos na rin ng mga magulang nila. Itinakwil siya nina Lolo Isidro at Lola Caridad at pinagbawalan na banggitin man lang ang pangalan niya. Margarita was considered a disgrace to her family. Nagkaroon siya ng affair sa isang lalaking may asawa na. Nang malaman iyon ni Lolo Callisto, isinumbong niya ang kapatid sa mga magulang. Siyempre, hindi sang-ayon ang pamilya niya sa ipinagbabawal na relasyong iyon. What's worst was, they found out that Margarita was pregnant. Para makaiwas sa kahihiyan, ipinadala nila sa Batanes si Margarita, sa poder ng isang tiyahin. Then one night, she woke up bleeding. She lost the baby, which caused her to hate her family even more. Sa pamilya niya ibinunton ang sisi. Ang poot niyang iyon ang nagtulak sa kaniya na kumapit sa dilim."
"D-Dilim?" tanong ni Eury, nabawasan ng kulay ang mukha.
Auntie Lucila nodded gravely. "Nag-aral siya ng witchcraft. Noong mamatay siya, may nakita ang tiya niya sa silid na mga kagamitan sa pangungulam-voodoo doll, black book, black candles, needles and nails, a jar of dead snake. Sinubukan niyang kulamin ang sariling pamilya base sa nakitang mga larawan na nakatahi sa voodoo dolls. But I guess, she failed to harm them through that. Kaya ibang paraan na ang ginawa niya. Tumakas siya sa poder ng tiyahin at bumalik sa Tarlac. Sinunog niya ang bodega kung saan naka-imbak ang lahat ng ani sa sakahan ng pamilya niya. Nadamay sa sunog ang bahay ng mga magulang niya at ang bagong bahay ni Lolo Callisto. Kay Lolo Callisto siya galit na galit. She tried killing Lolo Callisto's wife and son but failed. So she killed herself instead by running towards the burning house. Bago iyon, nagbitaw muna siya ng sumpa sa kuya niya-na matitikman ng mga babaeng anak, apo at kaapu-apuhan nito ang lungkot at sakit na naranasan nang mawala ang lalaking mahal nito at ang kanilang anak." Bumuntong-hininga si Auntie Lucila. "Si Tiya Amanda, ang bunsong anak ni Lolo Callisto ang unang nakatikim ng sumpang iyon. You knew what happened to her, right?"
Lumunok muna si Callie bago tumango. Lola Amanda jumped off the building after her fiance abandoned her. Nakaligtas si Lola Amanda pero hindi na ito katulad ng dati. Nabaliw ito dahil sa tinamong head injury. A few years later, pumanaw rin ito. Nasagasaan ng kotse matapos tumakas sa silid nito. Ang dalawang kuya nitong sina Lolo Samuel at Lolo Santino-her own grandfather-ay nakapag-asawa ngunit ang mga anak na babae, lahat sinawimpalad sa pag-ibig. Halos kabisado na ni Callie ang kuwento ng mga tiyahin niyang iyon.
There were four of them-Auntie Mirasol, Auntie Martina, Auntie Theresa and Auntie Lucila. Magkakapatid sina Auntie Mirasol, Martina at Theresa, mga anak ni Lolo Samuel. Ang kapatid na si Lolo Santino ay may apat ding anak, tatlong lalaki at isang babae. Si Auntie Lucila ang panganay at nag-iisang babae, sumunod si Leopoldo na tatay ni Callie, si Leonardo na ama ni Hailee at ang bunso, si Lucero na tatay ni Eury.
Si Auntie Mirasol, nakapag-asawa subalit maagang nabiyuda nang mapatay ng magnanakaw ang asawa. Nagkaanak ang dalawa pero tatlong taon lang ang itinagal ng bata. Na-depress nang husto si Auntie Mirasol. Isang araw, hindi na ito nagising. She died in her sleep. Some say she died of so much sadness. Ang sabi ng iba, pinili ni Auntie Mirasol na matulog na lang at huwag nang magising dahil wala nang buhay na naghihintay rito oras na buksan na naman nito ang mga mata.
Si Auntie Martina, nakapag-asawa subalit kinuha rin kaagad ang mister. Nawala noong kasagsagan ng bagyo sa laot ang asawa. Auntie Martina died three years ago, still hoping that her husband will come home, well and alive. Si Auntie Theresa, maganda, successful, maalindog ngunit hindi makatagpo-tagpo ng lalaking seseryoso rito. Kung hindi mistress, sugar mommy ang nagiging role. Ang huling balita nila, isang batang sexy actor ang karelasyon nito.
And finally, si Auntie Lucila. Apat na beses nang iniwan, dalawang beses na pinagtaksilan at isang beses na hindi sinipot sa simbahan.
At ngayon, sila nang tatlo ang susunod. They were the last direct descendants of Lolo Callisto.
"You now understand why I gave those amulets to you. Ayokong sapitin ninyo ang mga sinapit namin," wika ni Auntie Lucila matapos ang mahaba-habang katahimikan. "It will not only ward you off from Margarita's curse, it will break that curse. Hinaharangan ng sumpang iyon ang maganda ninyong kinabukasan, isang bagay na hindi nakamtan ni Margarita. But now that you're under the Destiny Maker's charm, the path was open and all you have to do is wait for your destiny partner to come and save you."
Napangiwi si Callie. Come and save them? Kagaya ng ginagawa ng mga prinsepe sa prinsesa sa fairy tales?
"A-Ayoko," sabi ni Callie. "Hindi ako uupo na lang dito at maghihintay sa lalaking iyon na iligtas ako. I'm going to save myself from that curse-"
"You're already saved, Callie. Iniligtas kayo ng Destiny Maker."
"No," mariin niyang sabi. "That thing didn't save us. It just made things worst. Okay na, eh, may love life na sana ako pero nilayuan ako ng lalaking gusto ko dahil sa...sa charm ng kuwintas na iyon. 'Tapos ano? Sino ang papalit kay Reeve? Some guy I accidentally kissed inside the locker room. Ni hindi ko alam kung anong klaseng tao na siya."
"Walang kasalanan ang Destiny Makers," mahinahong sabi ni Auntie Lucila. Napahiya si Callie. Totoo naman kasi. Silang tatlo ang nagkamali. "Lahat ba kayo, sa maling lalaki nagamit ang Destiny Makers?"
Halos sabay-sabay silang tumango. Si Eury, nag-blush pa nang kaunti. "I-It's an accident. Ayokong gamitin ang amulet that day but that...that ogre kissed me. I don't want to end up with that guy, Auntie."
"A-Ako rin," si Hailee. "That kiss wasn't mean for him. Atribidong 'yon." Nag-flash ang iritasyon sa mga mata nito.
Na-curious si Callie, gustong muling usisain ang mga pinsan kung sino ang "ogre" at "atribido" na tinutukoy ng dalawa. Kinagat niya ang dila sa huli. Saka na lang niya uli kukulitin ang mga ito. Isa pa, alam niyang magtatanong din ang mga ito. Hindi siya ready na sabihin kung sino ang lalaking nahagkan niya.
"What if this is meant to happen?" si Auntie Lucila. "Paano kung ang mga maling lalaking iyon ang talaga palang nakatakda para sa inyo?"
"No!" malakas na protesta ni Callie, napatayo pa. Nanalaytay ang kilabot sa mga braso niya nang pumasok sa isipan ang imahe ng lalaking hinagkan ten years ago. Ben Brandon. Iyon ang natatandaan niyang pangalan ng lalaki. Maliban sa schoolmate niya ito at member ng soccer team, wala na siyang ibang alam sa lalaki. What could he be by now? Was he even alive? "Hindi ako papayag na makatuluyan ang lalaking iyon. Help us, Auntie. May paraan para maputol ang magic ng Destiny Maker, right?"
"May paraan. Pero kapag ginawa ninyo iyon, kakapit uli sa inyo ang sumpa ni Margarita. It's still around us, my dears."
"Then tulungan n'yo uli kami na protektahan laban sa sumpa ni Margarita. B-Bigyan n'yo uli kami ng amulets." Si Eury, medyo namumutla.
Hindi alam ni Callie kung alin ang mas nakakatakot: ang makatuluyan ang taong hindi niya gusto o ang sapitin ang mga sinapit ng mga babaeng Rosanta.
"Yes, we can make another set but I'm afraid na matagalan. Kailangan ko pang sadyain sa Ireland si Eve, ang gumawa ng amulets. Let's hope na may naitatago pa siyang materials dahil masyadong rare ang mga iyon. Mahirap nang hanapin sa panahon ngayon. " Nag-pause ito, may pagkabahala sa mga mata nang tingnan sila isa-isa. "Sa oras na mawala ang bisa ng amulets, Margarita's curse will touch you again. Kung may lalaki kayong napupusuan ngayon, magiging masaya kayo sa piling nila. You might even marry them. Pero alam ninyo kung saan hahantong iyon."
Sa isang tragic na ending. Gaya ng kinahantungan ng relasyon ng mga babaeng Rosanta. Nanalaytay ang takot sa sistema niya--takot para sa kaniya, sa mga pinsan at kay Reeve. Kung ang lalaki man ang pipiliin niyang makasama. Ano ang puwedeng mangyari dito once naugnay na ito sa kaniya? Will he end up lost like Auntie Martina's husband?
"Kung totoo nga ang sumpa ni Margarita," si Hailee na palakad-lakad na sa harap nila, nakahawak sa baba. "At nasa dugo na namin iyon, ang tadhana namin ay mamatay na sawi, malungkot, nag-iisa. But the Destiny Maker will counter that curse. Gagawa siya ng panibagong tadhana para sa amin. At ang mga lalaking hinagkan namin, hindi naman talaga sila meant for us pero nahila sila papunta sa kapalaran namin dahil sa magic. That's cheating, right? Paano na ang mga babaeng tunay na nakatakda sa kanila? Inagawan namin sila ng happy ending."
"They will still find their happy ending. Hindi sila Rosanta. Walang sumpa na bumabalot sa kanila. Those men you kissed, they were meant for you now."
"At paano sila mahuhulog sa amin? At kami sa kanila? Dahil pa rin sa magic?" tanong ni Callie. "I-ma-manipulate niyon ang damdamin namin, ganoon ba? Ilusyon lang ang pagmamahal na mararamdaman namin para sa isa't isa."
"Hindi pang-habangbuhay ang kapangyarihan ng amulets. Ang tungkulin niya, pag-ugnayin ang buhay ninyo ng mga lalaking pinili ninyo. Yes, they will fall helplessly in love with you dahil iyon ang ididikta ng kapangyarihan sa mga puso nila. Ngunit sa paglipas ng panahon, kasama ang mga lalaking iyon at ang sarili ninyong pamilya, ang ilusyon na damdamin ay mawawala. Unti-unting hihina ang kapangyarihan ng Destiny Maker at maglalaho. Ang matitira na lang, isang kapangyarihan na kailanma'y hindi kukupas. Kapangyarihan na kayang kayong proteksiyonan sa kahit anong uri ng sumpa," makahulugan at madamdaming saad ni Auntie Lucila.
"A-And what is that?" tanong ni Callie, her heart beating eratically. She wanted that kind of magic.
Ngumiti si Auntie Lucila. "True love, my sweeties. It's the magic of true love."
Nagkatinginan silang mag-pi-pinsan. Nakita niyang pasimpleng pinaikot ni Hailee ang mga mata. "At paano kung hindi kami natutunang mahalin ng mga lalaking iyon?"
"That was unlikely to happen. Mabubuti kayo, magaganda, matalino, bukal ang mga puso. Hindi mahihirapan ang sinumang lalaki na mahalin kayo. Ngayon, gusto pa rin ba ninyong maputol ang kapangyarihan ng amulets?"
Marahan silang tumango. Gagawa naman daw sina Auntie Lucila ng panibagong Destiny Maker. At sisiguraduhin na niya sa pagkakataong iyon na sa tamang lalaki niya iyon magagamit.
"Kung iyan ang desisyon ninyo," sabi ni Auntie Lucila. Nasa anyo na nito ang pagkatalo. Isa-isa itong tumingin sa kanila at naramdaman ni Callie ang tensiyon mula sa mga pinsan. "Isa lang ang paraan upang maputol ang kapangyarihan ng Destiny Maker. You have to wear the amulets and kiss those men again."
"What?!" sabay-sabay nilang bulalas na tatlo, laglag ang mga panga.
Nagkukumahog na tumayo si Eury, aligaga. "Mauuna na ako. I have to find that ring." Tinungo nito ang pinto, hindi na nagawang bumeso sa kanila.
"How about you, Hale? Na sa'yo pa ba ang amulet?" Tiningnan niya ang pinsan na namumutla.
"I...I throw it at his face," halos pabulong nitong sabi. "Kailangan ko na ring umalis." At gaya ni Eury, halos liparin nito ang pinto.
Naiwan sina Callie at Auntie Lucila na nakatanga sa pinto. Thankful pa rin siya kahit paano. Kahit kasi pumalpak ang nangyari ten years ago, hindi niya nagawang itapon ang kuwintas.
Inaya niyang lumabas ang tiya para kumain pagkatapos. Gusto rin daw nitong makita ang negosyo nila.
"Auntie?" tanong ni Callie habang lulan sila ng kotse niya. "Kung totoo ang kapangyarihan ng Destiny Maker...bakit hindi n'yo ginamit sa sarili ninyo iyon?"
"I have my own Destiny Maker before. A necklace, like yours. But I gave it away. Sa isang babae na 'tingin ko ay mas kailangan iyon."
"At hindi na kayo nagtangka na magpagawa uli ng para sa inyo?"
Bumuntong-hininga ito, nagkaroon ng lungkot ang boses nang magsalita. "Hindi na. Hindi ko na kailangan dahil...dahil wala na ang lalaking gusto kong paggamitan ng Destiny Maker."
"Y-You mean..."
"He's already up there," anito sabay turo sa labas ng windshield, sa asul na asul na kalangitan.
Namatayan ito ng lalaking minamahal? Binalot ng lungkot at takot ang puso ni Callie. Kasali ba sa sumpa ng mga Rosanta ang kamatayan ng lalaking minahal nito? Will Reeve suffer the same fate?
No. Hindi ako papayag.