Exxos Pov
Hindi ako makatulog kaya naisipan kong uminom.Hinayaan ko na lamang si Kenya na matulog sa kabilang kwarto.Wala naman kasi akong magawa kung ayaw niya akong makasama.Alam kong ako lang naman ang may gusto sa babae.Mahal na mahal ko si Kenya at mataas ang respito ko sa kanya,pagbaba ko ay napansin ko ang malaking wall clock na nakasabit sa taas ng dingding,alas onse na pala ng gabi.Nagtaka pa akong may nakasinding ilaw pa sa sala at nakita ko si Kenya na nakasandal sa sofa habang nakasindi ang tv.Pero tulog na pala ito ng lapitan ko Kaya agad kong pinatay ang tv.Sinubukan ko naman siyang buhatin para iakyat sa kwarto namin.Pero parang amoy alak ito.
"Kenya,wake-up nakatulog kana dito sa sofa."Wika ko pero hindi man lang ito gumalaw.Halatang tulog na tulog na ito.Ako kaya ang dahilan ng pag-inom niya?Wika ko sa sarili.Ganito ba talaga siya naapektuhan sa pagpakasal sa akin? Ang sabi ni Kent ay hindi umiinom si Kenya kahit na stress ito.Dahan-dahan ko siyang nilapag sa kama at kinumutan.
"Goodnight honey,sleep tight mahal ko."Bulong ko sa may tainga niya at lumabas na din ng kwarto namin.Naisipan kong sa isang kwarto na lamang matulog.
Kenya Pov
Nagising ako sa sinag ng araw na nagmula sa bintana ng kwarto ko.Pero nagtaka ako bakit nandito ako sa master bedroom gayong nakatulog naman ako kagabi sa sala.Agad kong kinapa ang sarili ko at pinakiramdaman ang akin.Pero wala naman kaya agad akong bumangon.Dinala ako ni Exxos dito sa taas at sa master bedroom niya ako pinatulog.
"Good morning!"Bati nito sa akin pero hindi ako kumibo.
"Mag-almusal kana alas nuebe na ng umaga."Dagdag pa nito.
"Wala ka bang lakad ngayon?"Tanong pa nito.Tumayo ako para magbanyo dahil ihing-ihi na ako sabay na din sa morning routine ko pero sa pagtayo ko ay saka naman din tumayo ito kaya nagkabanggaan kami.
"Sorry!"Sabi agad nito.Tiningnan ko lang siya sa mata kaya nagkatitigan kami.Unti-unti nitong nilapit ang mukha niya sa akin.Ang lakas naman ng tibok ng puso ko.Kinabahan ako baka marinig niya kaya itinulak ko siya.
"Sorry.."Dinig kong wika ulit niya.Tuloy-tuloy lang ako sa banyo at hinayaan siyang nakatayo sa gilid ng kama.Tiningnan ko naman ang mukha ko sa salamin.Kenya,matitiis mo ba siya? Siya na yata ang napakaperpektong lalake pero para namang tinuturu-an mo siyang lalayo sayo."Kausap ko sa sarili.Agad akong naghilamos at sinuklay ang mahabang buhok ng maalala ko ang babae na humarang sa amin ni Exxos kahapon sa restaurant.
Agad kong tinawagan si Michael na kaibigan ko din mula noong college.Kakarating lang kasi nito mula sa California.Isa na din itong businessman na sa kanilang pamilya din.Wala pa itong asawa dahil may pagkaselahis ito.Hindi naman nagtagal ang pag dial ko dahil sumagot agad ito.
"Hello...!Sis!!!"Tili nito.
"Hi,pwede ba paki menor naman ng boses mo? Nabibingi ako!
"E paano naexcite ako ng makita ko ang pangalan mo sa screen.Akalain mo,ang kaibigan kong masyadong busy ay naalala ako!
"Tumigil ka nga,paano bumalik kana pala ng bansa hindi mo man lang ako naalala.
"Paano wala kana pala sa mansyon nyo.Ang sabi ni Corine nag-asawa kana daw.Ang daya mo ha,hindi mo man lang ako naalala!"Pagtatampo nito.
"Sorry ha,biglaan din kasi.Ahm...basta mahabang istorya.
"Bakit girl,buntis kana ba? Pinikot ka?
"Hindi ako buntis noh!"
"So,pinikot ka nga?"Huminga nalang ako ng malalim.
"Oy nakakalunod yan ah! Puntahan nga kita,saan ka ngayon?
"Mabuti pa nga puntahan mo ako dito,i text ko ang address sayo.
"Bakit nabuburyo kana ba? Baka maka istorbo ako dyan!
"Sira! Ako lang mag-isa dito.
"Bakit saan ang asawa mo? Kakasal ninyo iniiwan-iwan kana agad?
"Busy din sya sa trabaho niya.Ah basta,punta ka nalang dito para makapagtsikahan tayo!
"Sige-sige. Bye na para makapaghanda na din ako.
"Bye..."Agad akong bumaba para maghanda ng pagkain namin ni Michael.Alam kong paborito nito ang carbonara at lasagna.Para ko na ding kapatid ito,si Michael ang isa sa taga payo ko kapag hindi maganda ang mood ko.Si Corine naman kahit bestfriend ko laging kontra naman ito kaya ang labas silang dalawa ang hindi magkasundo minsan.
Halos dalawang oras din bago naluto ang mga ginawa ko.Nang may nag doorbell na kaya agad naman akong lumabas, nagtaka pa ako na hindi si Michael ang dumating kundi isang may edad ng babae.
"Good afternoon maam ako pala si Yaya Heidee.."Pakilala nito na nakangiti ng maalala ko ang sinabi ni Exxos kahapon.
"Ay oho,good afternoon din po. Naku! ang init,pasok po kayo!"Sabi ko at agad ko namang binuksan ang gate..
"Naku maam,ang ganda nyo naman palang babae.Kaya pala!"Wika nito na siyang ikina kunot ng noo ko.
"Naku! hindi naman po.Umupo po muna kayo ikukuha ko ho kayo ng tubig."Sabi ko pero ngumiti lang ito.
"Naku! maam huwag na ho kayo mag-abala pa."
"Huwag nyo na ho akong i ma maam po.Lakas pong maka- principal po eh!"Seryoso kong sabi at tumawa naman ito.
"Alam mo iha,ang swerte ng alaga ko sayo."Sabi nito.
"Tawagin mo na din akong yaya iha,hmm?Alam mo ba mula ng mawala si maam Erin na ina ni Exxos.Halos ako na ang nag-aalaga sa batang iyon!
"Ganun po ba? Akala ko ho nasa ibang bansa lang ang mommy niya.
"Naku,grade 6 lang siya noon ng mawala ang mama niya.Ang daddy naman niya palaging wala dahil sa negosyo nila at sa position nito bilang isang general kaya halos hindi na umuuwe ng bahay.
"Ganun po ba?"Sagot ko na lamang at nakaramdam naman ako ng awa kay Exxos.Hindi ko naman ramdam kung ano ang feeling niya dahil ako ay lumaki na kasama ang mga magulang. Masya ang pamilya namin na puno ng pagmamahal.
"Ahm ano oras kaya makauwe ang alaga ko?"Biglang tanong nito.
"Hindi ko rin po alam yaya eh..Mag meryenda muna kayo at makapagpahinga na din ho.
"Ay naku ano ka bang bata ka ok lang ako.Isa pa hinatid naman ako ni Mando dito,family driver ng mga Fuentebella.
"Bakit hindi po dumaan muna para makapag meryenda po?
"May inutos pa daw si sr.Alex sa kanya.Alam mo na busy din iyon sa Amerika.Kaya lahat ng bills ay kami din ang pinapabayad.Si Exxos naman halos wala ng oras din iyon,alam mo iha.Laking pasalamat ko na nakapag-asawa na iyon at nakalimutan na ang babaeng matagal na niyang hinihintay.Mahal na mahal niya ang babaeng iyon pero binaliwala siya."Sabi ni yaya na parang naluluha pa.Ang ibig sabihin hindi ako ang first love niya kundi ang babaeng sinasabi ni yaya.Hindi kaya nagpakasal lang siya sa akin para makalimutan niya ang babaeng iyon?"Bulong ko sa aking isipan.
"Ahm halika po yaya magmeryenda na tayong dalawa."Pag anyaya ko sa matanda.Hindi naman ito katandaan siguro nasa 56 or 57 pa lang ang edad nito.Agad akong naghanda at sinaluhan ko sa pagkain si yaya Heidee,minsan nahuhuli ko itong nakatingin sa akin.Kaya nakaramdam naman ako ng pagkailang dahil parang pinag-aralan ako ng ginang.
"Kumain lang po kayo ha,mamaya po pala may bisita ako.Kaibigan ko po na kakarating lang galing States.
"Ahm,bakit mo pinapaalam sa akin?"Wika nito dahil baka may masabi ito.
"Opo,dahil part na ho kayo ng pamilya."Sabi ko at ngumiti ito.
"Alam mo iha,mabuti kang bata.Ang swerte ng alaga ko na ikaw ang napangasawa niya."Sabi nito kaya ngumiti nalang ako.Nang may nag door bell at nakita ko agad si Michael.
"Ahm..Ya nandyan na po ang kaibigan ko.Halika po ipakilala kita.
"Naku,huwag na iha at magliligpit nalang ako dito.
"Naku! Huwag po,ako na ang bahala dito.
"Ganito nalang iha dalhan ko nalang kayo ng pagkain sa viranda at ako ay maghuhugas dito.
"A,sige po.Kayo ang bahala,pero after po ya ha,magpahinga muna kayo.
"Sige iha,salamat ng marami."Sagot nito kaya ngumiti naman ako.Pinagbuksan ko na si Michael ng pinto at tili naman ito ng tili.
"Sis! Ang ganda talaga ng kaibigan ko! Walang kupas!"Sabi nito.
"Ikaw talaga,pasok kana nga.."
"Wala ba talaga ang aaawa mo dito?Sayang para sana makilala ko din..
"E di dito kana matulog para pagdating niya mamaya ay makilala mo na.
"Talaga? Sure,like ko mag overnight dito.Ganda ng bahay mo sis.Ang simple lang pero napaka-modern!
"Ahm...Regalo ng father in law ko.
"Wow! Sana all may father in law na ganito.
"Sira! Halika kana at kumain ka muna!"Wika ko sabay hawak sa kamay niya ng may nagsalita sa likuran namin.
"Talagang may hawak kamay kayo?"Napatingin naman ako sa nagsalita.
"Ow...Sino siya girl?"Wika ni Michael na tunog bakla.Tiningnan ko naman si Exxos kung ano ang reaksyon niya.
"Siya pala si Exxos,asawa ko."Pakilala ko kay Michael at napatingin naman sa akin si Exxos.
"Ow hi! Naku,swerte pala ng kaibigan ko..!Si Michael ulit na parang nagpapacute pa.
"Tss.. halika na nga! Baka ano pa ang masabi mo sa asawa ko!"Wika ko at hinila na ito papasok sa kusina.
Exxos Pov
Tiningnan ko lang si Kenya at ang kaibigan niya.Gustong tumalon ng puso ko ng marinig ko ang sinabi niyang asawa.Noong una nagselos ako pagkapasok ko dahil hinawakan niya ang kamay ng lalake.Ngunit gusto kong mangiti ng magsalita ito sabay kampas pa ng kamay na nagpipilantik.Lalakeng lalake kasi ito kung titingnan,matangkad at pwedeng pang magazine ang katawan,pero ng makita ako iyon na.Doon ko nalaman na pusong babae ito.Hindi ko na sila ginambala pa at umakyat na ako sa kwarto ng makita ko si yaya Heidee kaya nilapitan ko agad ito at niyakap.Agad naman ako nitong tiningnan sabay sabing "Inlove ka nga iho."Napangiti naman ako.Parang ina ko na din si yaya dahil halos ito na ang nagpalaki sa akin.Gusto ko man sabihin sa kanyang oo inlove ako pero saka na,saka na kung magtagal kami ni Kenya.
Itutuloy....