Kabanata 1.
"Puro ka na lang aral. Aral dito, aral d'yan. Hindi ka ba nagsasawa? Pati itong tambayan natin ginagawa mo ng eskwelahan?" Tanong ni Mikaela habang ako nakatuon parin ang atensyon ko sa notebook na nirereview ko.
"May quiz bukas, kung nakalimutan mo," tanging sagot ko pagkatapos ay nag-angat ng tingin kanya.
Napairap ako nang maabutan ko na naman siyang naglalagay ng pulang pulang lipstick sa nguso niya. Wala akong magawa kung hindi ang ibalik na lamang ang tingin sa nirereview ko.
Ganitong klaseng mga kaibigan ang mayroon ako. Mga loko-loko, pasaway in short mga tarantado. Pero ayos lang, kahit na ganoon kasi sila, mga tunay naman.
"Iniisip ko na nga talaga kung bakit kaibigan pa natin 'yang si Mad. Eh, siya na lang yata ang birhen sa ating lahat!" natatawang hirit pa ni Roxy habang inilalapag ang pulutan sa lamesa. Inayos na rin niya ang shot glass, ang pitsel ng juice na gagawin nilang chaser at ang dalawang bote ng long neck na Empi Lights.
Bumuntong hininga ako at tuluyan nang isinara ang notebook ko. Tiningnan ko sila isa isa at sinuri kung ano na namang ginagawa nila.
Dumako ang tingin ko kay Jamila nang kumislap ang lighter niya para sindihan ang nasa bibig niyang yosi. Napailing na lang ako, ganon parin, walang ipinagbago.
"Darating sila Harold at may kasama silang bago. May bago na naman kaming makakainuman pero ikaw hindi ka na naman titikim ng alak!" nakasimangot na sabi ni Mikaela pagkatapos ay ibinaba ang lipstick at salaming hawak niya.
Napabuntong hininga na lang ako. Sila ang mga kaibigan ko sa loob ng tatlong taon. Noong una ay hindi naman sila ganito. Mga matatalino at masisipag din silang mag-aral noon, gaya ko ngunit kinalaunan ay nagkaron ng boyfriend si Jamila na ganito ang ugali. Hanggang sa gumaya na rin pati si Roxy at Mikaela at ngayon, ako na lang nga ang natirang... matino.
"Aysus! hindi ko talaga kayo maintindihan, ang pait pait kaya ng lasa ng alak na 'yan tapos gustong gusto ninyo!" hindi ko na napigilang hindi sumagot.
Umirap pa ako para malaman nilang ayoko talagang uminom. Ang gusto ko lang talaga ay ang maging singer nila sa tambayan namin.
Ang tambayan namin ay isang maliit lang na apartment. Ang may ari nito ay si Jamila. Pinaparentahan ito ng mga magulang niyang laging wala sa bansa kaya nagagawa namin ito sa apartment nila.
Ang loob ng apartment ay may flat screen T.V at D.V.D kaya nandito ako; pampawala kasi ng stress ko ang pagkanta. At saka sa totoo lang, nalalasing din ako sa mga nakakatawang kalokohan nila.
"Puro ka lang kanta, subukan mo lang Madeline, sige na!" hinawakan ni Mikaela ang braso ko at inalog alog ako. Magkatabi kasi kami sa dulo ng mahabang sofa.
Hinawi ko si Mikaela at saka natatawang tumayo. "Bahala nga kayo, i-seset up ko na ang DVD. Kakanta na ako."
Lumapit ako sa T.V at D.V.D at isinet-up ang mga ito para makapag videoke. Kinuha ko na rin ang microphone at song book. Yes naman, ito talaga ang gusto ko.
Abala ako sa pag seset up ng videoke nang makarinig ako ng ingay at tawanan sa likuran ko. Mukhang nariyan na sila.
Nang matapos ako sa pag-set up, tuluyan na akong humarap sa kanila. Naabutan ko roon ang mga dati na nilang kainuman na si Cash at Harold kasama ang dalawang babae. Ang isang babae ay may straight na buhok ngunit halatang pina-rebond lang at ang isa naman ay nakapuyod sa tuktok ng ulo niya ang buhok niya. Sa buhok talaga ako bumabase. Alam kong kay Cash ang isang babaeng naroon ngunit ang isa, alam kong hindi dahil si Harold ay loyal sa crush niyang tomboy. Marahang napatango ako nang may isa pang lalaking pumasok sa apartment. Kulot na kulot ang itim niyang buhok at may maputi siyang balat. Matangkad din siya at mukhang foreigner. Ang gwapo niya pero wala akong pakielam, gwapo rin naman si Cash at Harold.
Nagtama ang paningin namin ni Harold na tutulong sana kay Roxy sa paghahalo ng chaser
"Hi, Mad!" Bati niya at saka lumakad palapit sa akin. Pinabayaan na niyang maghalo ng juice si Roxy.
As usual, inakbayan na naman niya ako at marahas na ibinagsak paupo sa sofa. "Ugh, aray! Ang sakit..." reklamo ko.
"Ang arte mo huh, parang 'di natin ginagawa 'yon lagi." Tumawa siya at inipit pa ang leeg ko sa braso niya.
"Malandi talaga kayong dalawa." Narinig kong sabi ni Mikaela kaya naibaling ko ang paningin ko sa kanya. Lumipat siya sa tabi ni Harold.
"Anong malandi 'don?" Tanong ni Harold kay Mikaela. Inalis ni Harold ang pagkakaakbay sa akin at binalingan si Mikaela.
"Paano, lagi kayong magkatabi. Iisipin ko na nga na kayo na, eh. Ako naman kasi ang landiin mo, Harold."
Natawa kami pareho ni Harold sa sinabi ni Mikaela. Lihim kasing may pagtingin itong si Mikaela kay Harold. Hindi na pala lihim, bulgar na pala.
"Sorry, loyal kasi ang puso ko kay Kasandrea. Eh, si Madeline lang naman ang kaibigan ko na alam kong hindi magkakagusto sa akin." Nginitian ni Harold si Mikaela at ginulo ang buhok nito. Muling ibinaling ni Harold ang paningin sa akin.
"Ano, kakanta ka lang?" Tanong niya na ikinangiti ko. Alam niya na kasing hindi na naman ako iinom kapag hawak hawak ko na ang remote at song book.
"Oo, ayokong uminom." Tipid na sagot ko na inangalan na naman kaagad ni Cash na nasa kabilang sofa.
"Wala, dapat iinom ka rin! madaya ka!" pilyong sabi ni Cash. Alam ko namang nagbibiro lang iyan.
"Bakit hindi ba siya umiinom? Ang K.J naman niyan!"
Nangunot ang noo ko nang biglang sumingit sa pagsasalita iyong lalaking kulot ang buhok.
"Anong pakielam mo?" Naiiritang tanong ko. Ang kapal naman ng mukha niyang sabihan akong K.J!
Nagtaas siya ng dalawang kamay at medyo ngumiti. Pati pagngiti niya, nakakairita!
"Whoa, tapang mo, ah? Halikan kita d'yan eh!"
Naghiyawan ang mga kasama namin. Pumito pa si Cash na mas lalong ikinairita ko.
"As if papayag akong halikan mo ako. Ikaw nga itong mayabang."
Ang tipid na ngiti niya kanina ay mas lumapad na. Halatang natutuwa siyang asarin ako at totoo ngang nakakainis talaga!
"Sayang, ang sarap mo pa naman yatang halikan," sabi niya ng nakangiti parin. Parang mapupunit na nga ang labi niya kangingiti, eh. Nakakapag init ng ulo 'to, ah!
Akmang tatayo na sana ako para sugurin siya pero hinawakan ni Harold ang kamay ko para paupuin ako ulit.
"Oh, mananapak ka na kaagad Madeline? Bakit hindi natin daanin sa pustahan?" Nilingon ko si Harold na ngayon ay may mapaglarong ngiti na sa labi.
Narinig ko ang hiyaw ni Roxy at ang pagpalakpak ni Cash. Nakakaasar!
"Gusto ko 'yang pustahan na 'yan Harold." Sabi ni Mikaela na ngayon ay sinisimulan ng isalin ang alak sa shot glass.
"Anong klaseng pustahan?" kalmadong tanong ni Jamila.
Nagkatinginan si Harold at si Mikaela na ngayon ay magkatabi. Mukhang may plano sila. Mga loko loko talaga.
"Well, kapag nanalo si Shivan, hahalikan ka niya. Torrid gusto namin, ah. Tapos 'pag ikaw ang nanalo, ano bang gusto mong premyo Mad?" Tanong ni Mikaela sa akin. Saglit akong nag isip bago ako nakapagdesisyon.
"Kapag nanalo ako, maghuhubad 'yang kulot na 'yan. Sa harap nating lahat."
Mas lumakas ang hiyawan ng lahat.
"Ano, deal na ba Shivan?" Tanong ni Harold kay Shivan.
Mas lumawak ang ngiti ni kulot.
"Syempre deal. Ang sarap ng premyo ko, eh, makahalik sa virgin."
Nag init ang pisngi ko sa sinabi niya. Bakit ba ganito siya magsalita. Masyadong bastos!
"Shut up!" Sigaw ko sa kanya. Tumigil naman siya pero nakangisi parin.
"Ganito ang gagawin niyo." Panimula ni Harold at saka tumayo. Lumapit siya sa lamesa at kinuha ang isang long neck na Empi Lights. "One on one kayo. Hihiwalay kayo ng tagay. Ang unang malasing, talo."
Shit. Ano? Eh, mukhang talo na ako agad nito, eh!
"Ayoko! Ang daya naman, alam niyong hindi ako umiinom--" hindi ko natapos ang sasabihin ko dahil biglang sumigaw si Harold.
"Halikan mo na, Shivan!" Utos ni Harold na nagpalaki ng mga mata ko.
Tumayo si Shivan mula sa pagkakaupo at naglakad palapit sa akin. Napakurap kurap ako nang umupo siya at pinagpantay ang mga mukha namin.
"Torid ba, Harold?" tanong ni Shivan at naamoy ko agad ang amoy mint na hininga niya. Shit naman...
"Woooh! Mabibinyagan na ang baby namin!" Narinig kong sabi pa ni Mikaela. Mga gatong din eh, kaibigan ko ba 'tong mga 'to?
"Oo torid!" Si Cash ang sumagot. Halata sa boses niya na aliw na aliw siya.
Napalunok ako ng ilang beses nang bumaba ang tingin niya sa labi ko. Nakita ko pang dinilaan niya ang labi niya bago ibinalik ang tingin sa mga mata ko. Napalunok ako dahil doon.
"Hahalikan na kita." Sabi niya na tila nagpapaalam pa. Mas inilapit pa niya ang mukha niya sa akin. Pinagpapawisan na ako at nagdadalawang isip na. Hindi pwedeng ganito!
Nang isang dangkal na lang halos ang layo ng mukha naming dalawa ay natauhan ako. Hinarang ko ang kamay ko sa mukha niya at itinulak ko palayo sa akin.
"Deal! Nakakainis kayo!"
Nag angat ako ng tingin kay Harold. Malapad na ngayon ang ngiti niya.
"Yes, makakatikim na ng alak ang baby natin!" Sigaw naman ni Roxy.
Bakit pakiramdam ko, parang naisahan ako? Parang pinagplanuhan yata nila ito, eh.
Tumayo si Shivan at inabot ang alak na ibinigay sa kanya ni Harold.
"Simulan na natin." Seryosong sabi ni Shivan at inilapag ang alak sa sahig. Umupo siya sa roon at itinuro ang harap niya. "Upo ka na sa sahig, Madeline." Ngiting ngiting sabi niya. Mukhang alam niyang mananalo siya, ah? Pero, hindi. Ayokong magpatalo.
"Kukuha lang ako ng isa pang shot glass at juice." Sabi ni Jamila at saka tumayo para pumunta sa kusina. Bumuntong hininga ako at tumayo para sa sahig na maupo.
"Walang dayaan, Shivan."
Umiling siya tsaka ako kinindatan.
"Yes babe, walang dayaan." Dinilaan niya ang labi niya at hinagod ang buhok niyang gulo gulo gamit ang mga daliri niya.
Inilapag ni Jamila ang isang pitsel ng juice sa tabi ng alak na nakalagay sa harap naming dalawa ni Shivan. Ibinigay naman niya ang shot glass kay Shivan.
"Walang dayaan. We are watching you two." Sabi ni Jamila bago umalis at bumalik doon sa sofa. Grabe talaga, hindi ako makapaniwalang nangyayari ito sa akin ngayon.
Inikot ni Shivan ang takip ng alak at tuluyang binuksan. Nagsalin siya sa shot glass at naunang ininom iyon. Ni hindi manlang ngumiwi. Alam ko ang lasa ng alak na 'yan dahil nakatikim na ako niyan once.
"What? Gwapong gwapo ka ba sa akin?" Mayabang na pagkakasabi niya pagkatapos inumin ang alak. Umirap lang ako at tiningnan ang sinasalinan niyang shot glass kung ganon din kataas ang inilagay niya kanina. Ayokong dayain niya ako.
Ibinigay niya iyon sa akin at madali ko rin iyong nilagok. Ang pait at anghang na humagod sa lalamunan ko ay hindi ko ininda. Umakto akong hindi napapangitan sa lasa ng alak. Kailangan hindi niya manakaw ang unang halik ko.
"Tagay pa." Sabi ko na sanhi para mas lumapad ang ngiti niya.