THE NEXT DAY, she went to Jacove's house feeling dizzy due to lack of sleep. Namumugto rin ang mga mata niya kaya nagsuot na lamang siya ng shades, tutal ay mainit naman sa racing track.
Gaya kahapon ay naabutan niya sa Death track si Jacove, ngunit sa pagkakataong iyon ay hindi ito gumagawa ng stunts. He's roving the whole racing track, sending dusts behind him and all over the place. Gusto niyang patigilin ito dahil nalalagyan ng alikabok ang pinipinta niya pero paano? Bingi sa mundo si Jacove kapag nakasakay ito sa motorbike at hindi niya ito kayang kausapin matapos ang eksena kahapon.
She decided to ignore him and focused on her task instead. She's in the middle of outlining the painting of a motorbike when she heard a loud crash behind them. Sabay-sabay silang napalingon sa pinagmulan ng ingay at nagimbal nang makitang si Jacove iyon, nakahilata ito sa lupa, kalahati sa katawan nito ay nadadaganan ng motorsiklo.
"Oh my God," usal niya nang makabawi sa pagkabigla. "Oh my God, Jacove!"
Bago pa man niya mamalayan ay mabilis na siyang tumatakbo papunta sa kinaroroonan nito, kasunod sina Tony at Ric at si Jigz na bigla na lang sumulpot mula sa kung saan. Siya ang unang nakarating kay Jacove, agad niyang itinulak palayo sa katawan nito ang motorsiklo, hindi alintana ang bigat niyon at lumuhod sa tabi nito.
"Jacove," tawag niya sa nagpa-panic na boses. "Jacove, naririnig mo ba ako?" Walang tugon mula dito, hindi rin ito gumagalaw. "Tumawag kayo ng ambulansiya, dali!"
"Nakatawag na ako," wika ni Jigz, kasalukuyan nitong ibinabalik sa breast pocket ang cellphone nito. "This usually happens, don't worry," dagdag nito habang maingat na inaalis ang helmet ni Jacove.
Nang tuluyang matanggal ang helmet ni Jacove ay una niyang dinama ang pulso sa may bandang leeg nito, malakas naman iyong pumipintig. Wala rin siyang nakikitang injury sa ulo nito pero paano kung nagkaroon ito ng hemorrhage? Ipinilig niya ang ulo dahil mas lalo lang siyang kinabahan sa naisip.
"Jacove, wake up. Can you hear me?" tanong niya saka marahang tinapik-tapik ang mga pisngi nito.
"Hindi na yata humihinga," wika ni Tony. Mataman niyang pinagmasdan ang dibdib nito then ibinalik sa mukha nito, hindi niya alam kung ano'ng gagawin. She's a painter, hindi siya medics, or nurse or whatever. If Jacove died without her doing anything...oh God, hindi niya mapapatawad ang sarili. Kahit naman madalas sila nitong magbangayan ay hindi niya maaatim na mamatay ito sa harap niya.
"Ano'ng gagawin natin?" taranta niyang tanong kay Jigz. "Nasaan na ba ang ambulansiya? Bakit ang tagal?"
"Give him an artificial respiration," suhestiyon ni Jigz.
"What?"
"Mouth to mouth, you know?"
"B-Bakit ako?" I-mouth to mouth daw si Jacove? Jesus.
"Alangan ako," anito sabay lingon kina Tony at Ric. "Alangan sila."
Napalunok siya saka tiningnan ang mga labi ni Jacove. Oh God. Her heartbeat gone wilder and wilder, it's as if any second her heart was going to jump out of her chest. No, hindi niya kaya ang ipinapagawa ni Jigz.
"I can't do it," protesta niya, damang-dama niya ang pag-iinit ng mga pisngi niya.
"Ellice, namumutla na si Sir Jacove," puna ni Jigz.
Mariin siyang napapikit. Okay, walang malisya ang gagawin niya. Damn, bakit ba malisya pa ang pinag-iisip niya gayong nasa panganib ang buhay ni Jacove? Ano mang sandali ay maaari itong mamatay.
Before she knew it, she's already leaning forward; her mouth was sealed on Jacove's, her fingers were clasping the front of his suit. The familiar warmth and softness of his mouth brought back the incident that happened seven years ago. Hindi siya makapaniwala na magkalapat na naman ang mga labi nila, although iba ang sitwasyon nila ngayon but still...
Marahan niyang hinipan ang loob ng bibig ni Jacove, sunod-sunod pagkatapos ay iniangat niya ang mukha upang tingnan kung umeepekto ang ginagawa niya. Nothing happened.
"You idiot, wake up. Hindi ka puwedeng mamatay," magkatagis ang mga ngipin na aniya kay Jacove then she pumped his chest hard using his palms. "Don't die, please..." Muli siyang yumukod at hinipan ang loob ng bibig nito, this time ay mas tinagalan niya iyon. Panay naman ang dasal niya sa isipan na magising na si Jacove o na dumating na ang ambulansiya. Bakit ba ang tagal dumating 'non? Gaano ba kalayo ang ospital sa lokasyon nila? Paano kung hindi na magising si Jacove? Paano kung—teka, bakit parang...parang may gumagalaw sa bibig niya?
Her eyes grew wide with horror when she realized what was happening. Jacove's mouth was moving tenderly into hers, his hand was on the back of her head and the other was on her waist. Nang maramdaman niya ang banayad na pagkagat nito sa labi niya ay saka lang siya tuluyang natauhan. God damn it, Jacove's alive and was taking advantage of her! Marahas niya itong itinulak, saka niya lang napagtanto na nakaupo na pala sila.
"You're my savior," nakangiting wika ni Jacove, an amusement was flickering on his eyes. "Come here; let me give you a reward." Hinila siya nitong muli palapit sa katawan nito at akmang hahagkan, napasigaw siya dahil sa magkahalong inis at panic saka nilamukos ang mukha ni Jacove. "Hey—ouch! That's my nose!"
"Bastard!" sigaw niya at marahas na tumayo. Sinipa niya ito sa binti. "Sira ulo ka! I'm going to kill you, I swear to God, I will." Dinampot niya ang helmet, akma niyang ibabato iyon dito pero mabilis itong nakatayo para pigilan siya, tatawa-tawa ito maging ang tatlong lalaking nakapaligid sa kanila.
"Don't, baby. Ayokong umiyak ka kapag namatay ako," wika nito na hindi mapawi-pawi ang ngiti sa mga labi. "Hindi ka puwedeng mamatay, Jacove, don't die please, mamahalin pa kita," he added, imitating her voice.
"Excuse me, wala akong sinabing gano'n! Leche ka talaga!" gigil niyang sabi at marahas na tumalikod sabay lakad-takbo pabalik sa pader kung saan naudlot ang ginagawa niya nang dahil sa ka-dramahan ni Jacove de Luna. Dinig pa niyang nagtawanan ang mga ito.
Pakiramdam niya ay sasabog ang buong mukha niya dahil sa init niyon, nanginginig ang buo niyang katawan dahil sa pinaghalo-halong inis, pagkapahiya at hindi na niya malaman kung anong emosyon pa ang nararamdaman niya. Gusto niyang ihambalos sa lupa si Jacove, pagsi-sipain hanggang sa maubusan ulit ito ng hininga.