"WELCOME to Sisteret's Fortress, the place where the lukaret sisters dwell."
Pinaikot niya ang mga mata saka hinablot ang light pink na cartolina kung saan nakasulat ang mga salitang iyon at nakadikit sa pinto ng kuwarto ni Alia—her younger sister. Matanda siya ng isa at kalahating taon kay Alia na isang aspiring romance novelist pero kung umasta sila sa isa't isa ay para silang magkasing edad lang. Alia never called her Ate and she liked it that way. Nabigla siya nang pagbukas ng pinto ay madatnan sa loob sina Lhian at Abby, their two other friends and members of Sisterets Club—iyon ang tawag sa grupo nilang apat na nagsimula noong college days nila, it was Alia's idea. Sisteret: pinagsamang sisters at lukaret.
"Hi, sissy!" bati sa kaniya nina Abby at Lhian na nakasalampak sa malaking kama ni Alia, nasa kandungan ng mga ito ang kani-kaniyang laptop. She waved at them and dived on the bed, cuddling one of Alia's colorful throw pillows.
"Wow, iisa talaga tayo ng ligaw ng bituka, sunod-sunod kayong sumulpot dito kahit hindi naman ako nagpatawag ng meeting," wika ni Alia, naramdaman niya na tumabi ito sa kaniya.
Pinili niyang huwag tumugon. Sumasakit ang ulo niya dahil sa mga naganap nang gabing iyon. First, Kian dumped her and then Jacove the Devil showed up after a long time. Saan ba nagsuot ang hudyo na iyon pagkatapos ng graduation nila? Ang alam niya ay bumalik ito sa London kung saan nakatira ang Mommy nito. Laking ginhawa niya nang malaman na nilisan nito ang bansa and now that he's back, the tightening sensation on the pit of her stomach was back, too. Ganoon ang lagi niyang nararamdaman sa tuwing papasok siya sa University, sa tuwing maiisip niya na magku-krus na naman ang mga landas nila ni Jacove. Pakiramdam niya ay pininagbubuhol-buhol ang small at large intestines niya.
"What's up, sis? You seemed upset." Boses iyon ni Alia. Nag-angat siya ng tingin at nakitang sa kaniya nakatuon ang mga mata ng tatlong kaibigan. Tumihaya siya at tumitig sa kisameng puno ng glow in the dark stickers.
"Kian and I broke up," aniya sa boses na walang gana.
"Again?" Lhian asked. Huminto ito sa pagkalikot ng camera nito. Lhian's a photographer of Xtreme and Dangerous Magazine, isang kilalang sports magazine sa bansa.
"Your Mom will be very pleased," wika ni Abby, pangisi-ngisi ito. Batid ng mga kaibigan kung gaano kalaki ang pagka-disgusto ng mommy niya kay Kian, tiyak niya na ito ang unang magbubunyi kapag nakarating dito ang balita.
"Don't worry, there's still a lot of fish in the ocean," wika ni Alia sabay tapik-tapik sa balikat niya. "Ang mga taong gaya ni Kian ay hindi dapat pinanghihinayangan, guwapo lang siya, that's all."
"You know, sis, puwede kitang i-ganti kay Kian. May practice sila ng motocross bukas at ako ang naka-assign para kumuha ng pictures, puwede kong pakialaman ang bike niya," wika ni Lhian, may kakaibang ningning na naglalaro sa mga mata nito. "In that way ay maigaganti ko na rin si Zyke ko, your ex-boyfriend called him loser last week, you know?" Ang Zyke na tinutukoy ni Lhian ay ang long-time crush nito na isa ring motocross rider gaya ni Kian. Madalas makabanggaan ni Kian si Zyke kahit pa mula sa parehong team ang mga ito.
"Paano mong pakikialaman ang bike niya, aber? Photographer ka, hindi mekaniko," aniya.
"Eh di kukunan ko na lang siya nang kukunan ng pictures habang kumakarera hanggang sa masilaw siya sa flash ng camera ko at mag-crash. BAM! Adios, Kian." Lhian even clapped both of her hands loudly. Nagkatawanan sina Alia at Abby.
"Or, magpapadala ako sa kaniya ng chocolate cake at lalagyan ko ng maraming thumbtacks sa loob," wika naman ni Abby. Abby works as Supervisor at Mom's Café, ang cafeteria na pag-aari ng mommy nila ni Alia, maliban sa pagiging bisor ay magaling din itong mag-bake ng cakes.
"I'll send him some death threats or I'll give him a call at sasabihin ko na ako si Sadako. Takot siya kay Sadako, hindi ba?" humahagikgik na sabi ni Alia.
"No, sa ghost mula sa The Grudge siya takot," aniya pero hindi niya mapigilan ang mapangiti habang nakikini-kinita ang hitsura ni Kian kapag tinotoo nila ang mga kalokohan nilang iyon. It will surely serve him some lesson.
Sa mga sumunod na sandali ay wala silang ibang ginawa kundi pag-trip-an si Kian, panay ang suggest nila kung ano ang magandang gawin dito, panay din ang tawanan nila hanggang sa magutom sila. Lhian ordered four boxes of pizza in different flavors habang siya ay pumunta sa kusina ni Alia para kumuha ng champagne. Alam niyang hindi nawawalan ng champagne sa ref si Alia dahil iyon ang nagsisilbing comforter nito sa tuwing makaka-received ng bad news mula sa publishing companies na pinagpapasahan nito ng manuscripts.
She and her sister were living separately for five years now. May sarili siyang apartment kung saan naroon din ang art studio niya habang si Alia ay sa bahay na iyon tumira. It was owned by their Dad. Nang maghiwalay ang parents nila noong highschool ay mas madalas na naroon si Alia since mas malapit ito sa Daddy nila kung kaya nang mangibang bansa ang kanilang ama ay si Alia ang nagtake-over ng bahay at pinangalanan iyong Sisteret's Fortress since madalas na doon sila tumatambay. Alia loves naming things, kulang na lang pati toilet bowl ay bigyan nito ng pangalan.
Nang bumalik siya sa kuwarto ay pumapailanlang na sa paligid ang kanta ng Backstreet Boys, their favorite boyband ever. Inilapag niya sa bedside table ang bote ng champagne, maya-maya lang ay dumating na ang pizza na in-order nila kaya nagsimula na ang kainan, inuman at walang katapusang tawanan. As she laughed out loud with her friends, naisip niya na masuwerte siya at nagkatagpo-tagpo ang landas nila. Magkakaiba man sila ng personalidad ay magkakatulad sila sa iisang bagay: pare-pareho silang lukaret.