Kinaumagahan ay maaga akong nagising dahil sa hindi ako makatulog. Hindi ako komportable sa puwesto ng paghiga ko, kaya naisipan ko na lang na tumayo sa higaan at lumabas sa kuwarto ko.
Nadtanan ko si Mama at Papa na nasa may kusina. Nagluluto ng almusal si Mama, habang si Papa naman ay sumisimsim ng kape habang nagbabasa sa dyaryo.
“Good morning, Ma, Pa,” pagbabati ko at saka ako nagpunta sa may lababo para mag sipilyo at mag hilamos ng mukha.
“Oh, bakit napaaga ka ata ng gising ngayon?” tanong ni Mama habang nagluluto siya. Sumulyap pa siya sa akin at saka ngumiti.
Nagkibit-balikat ako sa kaniya. “Ewan ko, Ma. 'Di kase ako makatulog, eh,” sagot ko sa kaniya at saka nagsimulang mag sipilyo.
“Baka naman ay in love ka na, Ava. Kaya ka nagkakaganiyan,” pagtutukso ni Papa kaya nalunok ko 'yong bula na pinangsipilyo ko.
“Pa naman?! Wala akong oras para riyan, 'no? Pag-aaral lang ang inaatupag ko ngayon,” naiinis na sagot ko.
Lagi kase niya akong tinutukso na baka may nobyo na ako. Eh, wala naman nagkakamaling patulan ako. Bukod sa 'di ako interesado, I also hate men!
Nagpatuloy na lang ako sa pagsisipilyo habang si Papa at Mama naman ay patuloy sa pagkantyaw sa akin.
“Pa, naman. Wala nga akong boyfriend, at saka ayaw ko pa. I hate men nga 'di ba?” sabi ko.
Nagsandok ako ng kanin at kinuha ang niluto ni Mama na hotdog, at ham na ulam namin ngayong almusal.
“Ibig sabihin ba, ayaw mo rin sa 'kin?” tanong ni Papa habang nakataas ng kilay.
Napanganga naman ako sa sinabi niya. “Hindi po! Ang ibig kong sabihin sa ibang tao, na 'di ko kilala. Strangers. I don't like them, kase aalis din sila. So, bakit pa ako mag-aaksaya ng oras na ipakilala ang sarili ko, kung iiwan din ako 'di ba?” sagot ko at nagkibit-balikat.
Natahimik kami habang kumakain nang biglang magtanong si Mama.
“Kumusta naman 'yong grades mo, Ava? Name-maintain mo ba nang maayos 'yan?” biglang tanong ni Mama.
Napatagil naman ako sa pagsubo ng kanin. Naalala ko na naman 'yong ginawa ni Sir Villanueva sa akin, hindi ko na ata 'yon makakalimutan kahit kailan. Kahit ilang tulog, at pagkalimot ko ro'n.
“Hmm.. A-ayos naman po, Ma. W-wala naman nag bago,” naiilang na sabi ko at nagpatuloy sa pagkain.
Tumango naman siya. “Siguraduhin mo lang. At saka, 'wag ka muna magpapa-buntis hangga't hindi ka tapos sa pag-aaral at wala kang maayos na trabaho pagtanda mo. Mahirap ang may anak, lalo na't nasa murang edad ka pa. Dahil ang bata rin ang magdudusa,” ani Mama.
Tumango naman ako. “H-hindi naman po ako mabubuntis. Wala nga po akong boyfriend,” pagbibiro ko na ikinahalakhak ni Papa.
Bigla ko naman naramdaman 'yong pagbaliktad ng sikmura ko katulad nang nangyari kahapon sa eskwelahan.
Mabilis akong tumayo at saka nagsuka sa may lababo namin.
May halong pakit, at sakit ang pagduwal ko. Wala naman akong masyadong nailalabas pero parang gusto ko lahat isuka 'yong laman ng tiyan ko. Hindi ko maipaliwanag.
Agad naman na lumapit si Mama sa akin at hinaplos ang likuran ko.
“Anong nangyari sa'yo, Ava?!” tanong ni Mama habang pinagmamasdan ako sa pagduduwal.
Umiling ako. “W-wala po, Ma..”
Gustong-gusto kong hunagulgol at sabihin ang nangyari noon. Ang pangbababoy na ginawa ni Sir Villanueva sa akin.. Hindi ko alam kung tama ba ang hinala ko nag nagdadalang tao ako, pero paano kung tama nga ang hinala ko? Baka nga maitakwil pa ako ng magulang ko kung mangyayari 'yon.
“Ano?! Anak, sumagot ka. Buntis ka ba?!”
Napatingin naman ako sa kaniya. Mabilis akong umiling.
“Hindi po, Ma. Masama lang ang pakiramdam ko dahil wala pa akong tulog, feeling ko nga po ay lalagnatin na ako. At saka ayaw ko po ng ham na ulam natin,” sagot ko.
Para naman siyang nahinga nang maluwag. “Kailan ba ang huling dalaw mo?” biglamg tanong niya.
Napakagat ako ng labi. Hindi pa ako dinadatnan, halos mag tatatlong linggo na.
“Ah, last week po, Ma. Bakit po?” pagsisinungaling ko at lumunok ako.
Tumango siya. “Wala, naniniguro lang. Magpahinga ka muna saglit, masyado pang maaga para sa klase mo,” aniya at saka pumunta sa may first aid kita para kumuha ng gamot doon. “Inumin mo 'to, nang 'di ka na magkasakit pa. Nagtataka ako, paborito mo naman 'yang almusal tapos hindi mo gusto?”
Napalunok ako nang ilang beses. Kumakapa nang sasabihin kay Mama.
“Medyo maasim po kase. At saka 'di po ako sanay kumain nang ganito kaaga, naninibago po siguro 'yong sikmura ko,” pagpapalusot ko.
“Oo nga naman, darling. Medyo maasim nga itong ulam natin, matagal na siguro 'tong stock sa ref. Mag grocery na lang tayo ulit,” pagsisingit ni Papa.
Napahinga naman ako nang maluwag sa sinabi niya. Ngumiti ako sa kanila at nagpaalam na magpapahinga lang muna sa kuwarto dahil masakit na rin ang pakiramdam ko ngayon.
Sana nga at mali ang hinala ko.
Mga ilang minuto lang ako na nagpahinga. Mabilis akong naligo at nagbihis para sana bumili ng pregnancy test sa may pharmacy, para naman makasiguro ako na hindi nga ako buntis.
Nang matapos ako magbihis at mag-ayos ay lumabas na ako sa kuwarto para magpaalam kina Mama at Papa na aalis na ako. Magsisinungaling na may gagawin na project, kaya aalis ako nang maaga.
“Ma, Pa? Alis na po ako, busy po kase ako ngayon. Marami akong aasikasuhin sa school, bye po,” sabi ko at saka nagbeso sa kanila.
Ayoko man magsinungaling sa mga magulang ko pero this is the right way na naiisip ko. Para hindi sila ma-dissapoint sa akin. Sana nga lang ay nagkakamali lang ako.
Nagpunta ako sa isang pharmacy at pumasok doon. Nakita kong medyo maraming tao kaya naman pinauna ko na sila at 'di ako nakisingit. Bukod sa nahihiya ako, ayaw ko ang mapalapit ako sa mga maraming tao.
Nang wala ng tao ay agad akong tumayo at lumapit sa counter. Nahihiya pa akong sabihin kung ano ang bibilhin ko.
“Ano po iyon, Miss?” tanong ng pharmacist sa akin.
Napakagat ako ng labi. “P-pregnanct test po, isa lang,” nahihiyang sabi ko sa kaniya.
Seryoso naman siyang tumingin sa akin. Na animo'y may ginawa akong masama sa kaniya.
“Mga kabataan nga naman, oh. Aga-aga nagpapabuntis,” aniya habang nanghahalungkat ng pregnancy test.
Gusto ko siyang sagutin. Pero nanahimik na lang ako dahil baka mapaaway ako rito.
Iniabot niya iyon sa akin at mabilis ko naman binayaran ito. Saka na ako lumabas sa pharmacy para sana subukan ito sa may cr mg eskwelahan.
Sana mali ang iniisip ko.. Sana mali ang mga hinala ko. Dahil mas lalomg dadami ang problemang dinadala ko, kung sakali man na nabuntis ako sa panggagahasa ni Sir Villanueva sa akin.