Maxine POV
Sabado ngayon kaya wala kaming pasok, nandito lang ako sa bahay habang nanood ng Netflix pero wala do’n ang focus ko dahil nasa iba ang isip ko.
Dalawang araw na ang nakalipas pero hindi niya pa rin ako kinakausap, marahil ay nagalit siya sa akin ng huli naming pag uusap.
Ilang beses ko na siyang tinatawagan pero walang sumasagot, ilang beses ko na din siyang tinext pero hindi ako nirereplyan.
Dati rati naman laging may message ‘yon sa akin o kaya tinatawagan ako. Kahit nga magkatampuhan o mag away kami pero ngayon wala talaga siyang paramdam.
I miss my Love.
Kinuha ko ang phone ko para subukan siyang tawagan ulit at baka sakaling sumagot na siya dahil wala naman pasok ngayon. Siguro ay naging busy lang talaga siya ng nakaraang araw.
Nakailang ring muna bago may sumagot dito.
"Goodmorning Love," excited na sabi ko
"What's with the call? It's too early." he said in a cold tone.
Agad naman napawi ang ngiti sa mga labi ko sa sinagot niya. Nalungkot naman ako bigla dahil halatang naiinis siya.
"Hindi mo kasi sinasagot mga tawag at text ko, akala ko napano ka na" malungkot na wika ko.
"Look I'm busy these past days that's why. So what is it now? May sasabihin ka ba?”
"Ahm, ano kasi. Ano.” hindi ko alam kung ano ang sasabihin ko.
"Tsk! What is it?”
"Are you free today? I mean di ka na busy o wala kang gagawin? Samahan mo naman akong gumala." sa wakas ay nasabi ko din.
"No, I'm busy marami akong tatapusin ngayon. Wala ka na bang sasabihin? Pagod ako at gusto kung magpahinga Maxine."
Hindi ko naman maiwasan ang hindi masaktan dahil sa sinasabi niya sa akin, hindi naman siya kasi ganito ka cold sa akin eh. Ngayon lang, tapos tinawag niya pa ako sa pangalan ko.
"Gano’n ba? Sige pahinga ka na Love, kumain ka na din ha? Iloveyou and Imissyou! “ saad ko habang pinipigilan ang paghikbi.
"Yeah! I will, don't worry! Be careful."
Pagkatapos namin mag usap ay tuluyang ng nagsilabasan ang luha na kanina ko pa pinipigilan.
Ace POV
Nasa kwarto lang ako at nakahiga, papikit na sana ako para matulog saglit ng marinig kung tumunog ang phone ko at nakita kung tumatawag siya kaya sinagot ko. Ilang araw ko rin kasi siyang hindi kinakausap.
Pagkababa ko ng tawag ay napabuntong hininga na lang ako. Alam kung nasaktan ko siya sa inasta ko at sa pagiging cold ko. Pero sana maisip niya rin ang ginawa niya. Tinitiis ko siya ng ilang araw para hindi kausapin kahit na hindi ko kaya ginawa ko pa rin. Gusto kung matuto siya sa pagkakamali niya. Nasaktan din ako sa inasta at mga sinabi niya no’ng araw na ‘yon.
Sinadya ko talagang hindi sagutin ang I love you at I miss you niya kahit na sobrang namimiss ko na rin siya. Sa totoo lang wala naman talaga akong gagawin at hindi naman din ako pagod. Sadyang kailangan ko lang muna magpalipas ng galit. Ayoko na mas masaktan ko pa siya sa mga masasabi ko pag sinamahan ko siya.
Agad naman akong bumangon para bumaba na at kumain ng agahan. Gusto ko man siyang puntahan o samahan pero pinipigilan ko. Ayoko na mas lalong mag away lang kaming dalawa. Ayokong makitang siyang nasasaktan o umiiyak ng dahil sa akin. Doble ang sakit sa akin no’n pag nagkataon.
Iwinaksi ko sa aking isip ang mukha ng girlfriend ko. Ayoko muna isipin dahil baka di ko pa matiis. Gusto ko lang maisip niya na para sa kanya ang mga sinasabi k. Hindi sa lahat ng oras nandyan ako para mabantayan siya, lalo na hindi kami laging nagkakasama at hindi kami magkaklase.
FASTFORWARD
Mabilis lang lumipas ang araw at ngayon ay may pasok na naman sila, kasalukuyang nakaupo sina Maxine at Sapphire sa cafeteria dahil wala silang klase sa isang subject nila.
"Ilang araw na natin hindi nakikita si Channel ah. Masyadong busy ang babae na ‘yon." bulalas ni Maxine habang kumakain sila.
"Marami sigurong ginagawa kaya gano’n, tapos dean's list pa siya. Akalain mo ‘yon napagsasabay niya lahat." wika ni Sapp.
"Oo nga eh. Nakakaproud siya! I miss her, I miss beshie." ani ni Maxine. Habang tumatagal ay naging mas close siya kay Channel.
"Mga bestieeeeeeee!"napatingin sila kung saan nanggaling ang matinis na boses na ‘yon at nakita nila ang ilang araw ng hindi nila nakakasama.
"Pasensiya na at ngayon lang ulit ako nakasama sa inyo." saad pa nito ng malakapit sa dalawa.
"Waaaaa! Best namiss kita!" masayang wika naman ni Maxine.
"I miss you too best!" sagot ni Channel.
"Pinag uusapan ka nga namin, masyadong kang busy this past days." sabat ni Sapph.
"Marami kasing pinapagawa, kamusta na pala kayo? Tungkol do’n sa nangyari nakaraang araw sorry ha? Di ko man lang kayo na ipagtanggol." naging malungkot ang boses ni Channel.
"Ano ka ba best! Okay lang ‘yon at isa pa okay na okay na kami." pagpapagaan ng loob ni Maxine sa kanya na sinang ayunan naman ni Sapphire.
Wala naman silang ginawa kung hindi ang mag kwentuhan habang kumakain hanggang sa tumunog na ang bell senyales para sa susunod nilang klase.
Sapphire POV
Sa mga nakaraang araw naging close namin ni Max ang mga student council lalong lalo na si Ace, Josh at Ash.
Sa ilang araw na nakakausap at nakakasama namin sila mas nakikilala ko sila. At lahat ng ‘yan ay dahil kay Maxine, kung hindi dahil sa kanya for sure di ko naman magiging kaibigan ang tatlong lalaki na ‘to.
Sa ilang araw na kasama ko sila may napapansin ako kay Ace at Max, parang sobrang close nila. Parang matagal na silang magkakilala. At sa totoo lang I don't trust Channel at all. Simula pa noon hanggang ngayon. Mabait siya sa mata ng iba pero para sa akin ay hindi, may tinatagong kasamaan din ang babaeng ‘yon. Pero ayoko naman maging judgemental, kasi mabait na naman siya sa amin, pero di ko talaga mapigilan mag isip.
Channel loves Ace so much to the point na inaaway niya ang mga lumalapit dito. Kaya nagtataka ako kung bakit naging mag best friend pa silang dalawa ni Maxine, ayoko isipin na may pinaplano na naman si Channel lalo na't mukhang magkakilala tang dalawa, Madalas pa nga silang magkasama at nag uusap pero kung titingnan ko si Channel mukhang okay lang sa kanya at wala siyang pakialam pero duda ako do’n. Sana naman talagang totoo na ang pakikipagkaibigan niya kay Max.