Madilim na nang matapos ang practice namin ni Yuan. Sa kanila na rin kami nagdinner. Ginamit namin ang sasakyan nya papunta sa bahay namin para makapag-bihis ako.
Pinaghintay ko na lang sila sa labas dahil ayaw kong malaman nila na may problema sa amin. Naabutan ko si Dad na malalim ang iniisip sa sala, nakaupo sya sa sofa. Nang makita ako ay tumayo sya at akmang lalapit sa akin nang pigilan ko.
"Magpe-perform kami ngayon." Tumakbo ako paakyat sa hagdan at diretsong pumasok sa kwarto ko.
Naninikip na naman ang dibdib ko. Hindi ko kayang magalit kay Dad, pero kailangan. Kailangan nyang maliwanagan at matauhan.
Bumaba rin ako kaagad at hindi na ako nagpaalam. Hindi ko rin nakita si Mommy, siguro nasa lalaki na naman nya. Dumiretso kami sa Beer Garden, tinalakan agad kami ni Elsa nang makita.
"Kayong tatlo lang pe-perform ngayon?" tanong nya habang papunta kami sa backstage.
"Kaming dalawa lang ni Yuan," sagot ko.
"Ganito na muna ang gagawin namin habang naghahanap pa lang ng kapalit ni Jackie," si James na palinga-linga sa paligid, animo'y may hinahanap.
"I see, sige mag-ayos na kayo at kayo na ang susunod sa kanila. Ako na kakausap kay Manager Rod." Humiwalay sa amin si Elsa habang kami ay nag-hahanda na.
Matapos magperform ni Jane ay sumunod na kaagad kami. Hindi kami nagtagal sa pag-aayos sa stage dahil gitara lang naman ang gagamitin namin kasabay ng pagkanta.
Sinimulan na ni Yuan ang pag-strum ng gitara. Hinintay ko ang tiyempo ng pagpasok ko. Kusang gumala ang mga mata ko sa mga taong nasa loob nitong bar. Nagtataka ang kanilang mga mata dahil ngayon lang kami nagperform ng dalawa lang.
Si James naman ay hindi ko mahagilap dahil paglabas namin ng backstage kanina at pagpunta rito sa frontstage ay kasama namin syang lumabas. Ngayon ay hindi ko na mahagilap, siguro nakita na naman nya rito ang ex nyang patuloy nyang hinahabol.
Hindi ko na lang iyon pinansin at nagconcentrate sa pagkanta. Hindi rin mahagilap ng mata ko ang taong gusto kong makita. Siguro busy sya sa girlfriend nya.
Naramdaman ko na naman ang pananakit ng ulo. Ngayon ay mas grabe at lumabo pa ang paningin ko pero pinagpatuloy ko lang ang pag-ngiti at pagkanta ko.

Mariin kong ipinikit ang mata at bahagyang umiling upang bumalik sa normal ang linaw ng paningin. Nagtagumpay naman ako sa muling pagmulat ko. Nakita ko na sa wakas ang gustong makita ng mga mata ko, wala na syang babae na kasama.
Ngumiti ako kahit na may nararamdaman pa ring pagkirot at pananakit ng ulo. Halata rin sa muka ni Koeld ang pagtataka nang makita na kaming dalawa lang ni Yuan ang nagpeperform dalawa. Kunot ang noo nya at salubong ang makakapal ngunit perpektong mga kilay. Kahit anong anggulo yata ang gawin nya ay gwapo pa rin syang tignan.
Naghihintay ako kung magre-request ulit sya ng kanta pero hindi nangyari. Bigo akong bumaba ng stage kasama si Yuan.
"Where's James?" tanong nito sa akin, saka luminga sa paligid.
Nagkibit ako ng balikat bilang sagot. Saktong paglapit sa amin ni Elsa ay ang syang gulat ko dahil lumapit din mismo si Koeld. Mabilis kong in-examine ang kabuuan ng muka nya, wala na ang mga piercings na nakalagay sa tainga at labi nya. Ang tattoo sa kaliwang gilid ng tenga nya ay halatang halata.
"Guys, may gustong sabihin si Koeld," excited na sabi ni Elsa.
Napakurap kurap ako nang itulak nya kaming dalawa papunta sa isang table. Sumunod si Yuan habang nagtitipa ng mensahe. Ewan ko kung para kanino, kung para ba kay Mylles o kay James.
Nauna akong umupo sa kaharap na upuan na uupuan nina Elsa at Koeld. Malapad ang ngiti ni Elsa na animo'y may magandang ibabalita.
Naguguluhan kong tinitigan si Koeld at Elsa. Nagpabaling-baling ang tingin ko sa dalawa.
"Anong meron? Kayo na?" Nagulat ako sa sinabing iyan ni Yuan. Impit syang natawa at tumahimik din bigla nang ibaling ni Koeld ang tingin sa kanya.
Tumaas ang isa nitong kilay saka ibinaling ang tingin sa akin. Napaiwas ako ng tingin dahil pakiramdam ko'y napapasok ako sa mga titig nya.
"Hindi ba ay naghahanap kayo ng kapalit ni Jackie?" si Elsa.
"Yes, may nahanap ka na ba?" tanong ni Yuan habang nagtitipa pa rin ng mensahe.
"Koeld is available– este, si Koeld ang nagkainteres." Malaki ang ngising pinakawalan nya kasabay ng pahapyaw na paghaplos nya sa braso ni Koeld.
Kulang na lang ay magpalpitate ang kilay ko sa nasaksihan.
"Woah! Talaga?" hindi makapaniwalang sabi ni Yuan, at talaga namang nakuha ang buong atensyon nya mula sa pagiging busy sa kaka-type sa cellphone nya.
"Uhm, may experience ka na ba?" nag-aalangang tanong ko at kabado at the same time.
He chuckled sexily. Pakshet! Pati pagtawa nya ng marahan ay nakaka-panindig balahibo. Sobrang gwapo nya kahit sa pag tawa. Sila Elsa at Yuan ay natawa rin sa sinabi ko.
"Bakit?" walang kamuwang-muwang na tanong ko.
"Linawin mo tanong mo pwede?" Bulong sa 'kin ni Yuan. Nakita ko ang galit na rumehistro sa muka ni Koeld, pati ang pag-igting ng panga nya ay malinaw sa paningin ko. Umiwas sya ng tingin at marahan nyang kinamot ang batok.
Kita mo 'to, pati sa pagkakamot ang sexy tignan. Punyetang buhay 'to oo!
Naliwanagan ako sa ibinulong ni Yuan at pakiramdam ko'y umakyat lahat ng dugo sa muka ko. Fvck! I think I'm bright as red now. Oo nga naman pala, maraming ibig sabihin ang salitang experience.
"Ay 'Teh, linawin mo," natatawang sabi ni Elsa.
"Uhh, I-I mean... may experience sa ano, sa pagtugtog ng gitara." Nanginginig ang labi ko sa pagkakasabi nyan. Hindi ko na sya magawang tignan dahil sa kahihiyan kahit feeling ko ay nakatitig sya sa akin habang nakangisi.
"I have, but that's.. hmm, I think when I was 19," malalim at malinaw na sabi ni Koeld.
Nakakadugo pala ng ilong kapag kausap ang lalaking 'to. Englishero naman pala.
"Wow, spokening english!" pang aasar ni Yuan saka tumawa.
Gago talaga neto! Buti na lang at parang wala lang naman iyon kay Koeld. Baka kasi bigla na lang humandusay sa sahig si Yuan na bumubula ng dugo ang bibig.
"Nung 19? So hindi ka na muling nakahawak ng gitara pagtungtong mo ng 20? Ilang taon ka na ba?" curious na tanong ko.
"Uyy, curious," pang aasar ni Yuan.
"Tanga! Syempre need nating malaman age nya, oh sige ikaw na lang magtanong. Ma-issue ka eh," pambabara ko sa kanya.
"25," tipid na sagot nito.
"Ano? Pasok na ba sa panlasa nyo?" Ngiting tanong ni Elsa.
"Bakit mo gustong sumali sa banda?" tanong ko at pilit syang tinitigan sa mata.
"Because I want to," simpleng sabi nya. Halos malaglag ang panga ko dahil sa isinagot nya, 'yun lang?
Wow, great answer! Parang mas lalong sumakit ang ulo ko sa isinagot nya. Tae, parang gustong lumipad ng utak ko.
"Impressive!" panunuya ni Yuan.
Pasimple ko syang siniko dahil sa sinabi nya.
"Do I need to answer that question?" Tumaas ang kaliwang kilay nya.
"Hindi na. Uhh Yuan, tawagan mo na si James," utos ko na ginawa namannagad nya.
Ilang minuto pa ay dumating si James na nakasimangot. Akala mo pinagsakluban ng langit at lupa ang pagmumuka nya.
"Sabog yarn?" pang aasar ni Elsa.
Umupo si James sa tabi ko. Bale nasa gitna ako ni James at Yuan.
"‘Wag kang ano Elsa nandidilim paningin ko," ani James.
"Baka gusto mong marape?" sagot pabalik ni Elsa.
"Anong meron?" tanong ni James sa amin.
"May nagka-interes nang sumali sa banda." Inginuso ko si Koeld. Sinundan ni James iyon ng tingin.
"‘Hindi nga? Tama ka ng sinalihang banda." Feeling close talaga ang isang 'to. Tumayo ulit si James at nakipag kamay kay Koeld.
"So anong plano nyo ngayon nang masabi ko agad kay Manager," tanong ni Elsa.
"Siguro, tuturuan muna namin si Koeld," suhestiyon ko.
"Tutal ikaw naman ang nag-suggest... bakit hindi na lang ikaw ang magturo?" Nag ngising aso si Yuan at James sa akin.
Pakiramdam ko ay pinagpawisan ako ng malagkit, malakas na kumabog na naman ang dibdib ko.
"Anong ako lang? Kasama kayo!" angal ko agad.
"Ay choosy pa si Ate gurl, sige na. Ikaw na ang magturo nahiya ka pa," pansusupalpal pa ni Elsa.
"Ikaw ang walang lovelife dyan kaya ikaw ang magturo, magiging busy kami ni Yuan sa sarili naming lovelife.  Inform nyo na lang kami kung kayo na– este, kung natuto na si Koeld." Kinindatan ako ni James. Si Yuan ay nakangisi lang na parang tanga.
"Huy! Parang gago naman 'tong mga 'to, san ko sya tuturuan? Hindi pwede sa bahay, 'tsaka..." Ngumuso ako nang wala na akong maidagdag.
"‘Tsaka ano? Mapagkakatiwalaan 'yang ganyang muka 'wag kang mag-alala, sa amin nga ni James nagtiwala ka, kay Koeld pa ba?" si Yuan.
"Oo nga naman Mim, makikilala mo rin sya kapag nagtagal ka sa pagtuturo sa kanya, syempre hindi naman pwedeng tahimik kayo 'di ba?" Ngumisi si Elsa.
"I agree!" si James.
Wala na akong nagawa kung hindi ang sumang-ayon na lang din. Wala eh, napagtulungan na ako at nakakahiya naman kay Koeld kung tatanggi ako.