Chapter Six.
List,
Lunes na naman at panibagong linggo muli ang aming haharapin sa school bilang mga mag-aaral sa senior high school. Mas magaan ang pakiramdaman ko ngayon kaysa noong mga nakalipas na linggo dahil na rin siguro kahit papaano ay may mga nakakausap na kami ni Laine ngayon.
Maaga akong hinatid ni Manong driver dahil may usapan kami nila Laine na ipagpatuloy ang research paper namin sa library para raw hindi na kami matambakan.
Nagvibrate ang phone hudyat na mayroon nagtext o chat sa akin. Kaya naman tinignan ko agad kung sino at sakto rin dahil tatanungin ko rin naman sila Laine kung nasa library na sila.
Kenny: Ingat! Umalis ka na raw.
Hindi ko inexpect 'tong message ni Kenny at nakakapagtaka na alam niyang umalis na ko. Nagreply na lang din ako sakanya.
Ako: Yup, Ingat ka din :)
Hindi ko na rin tinext sila Laine dahil nagchat na rin naman sa group chat si Jed na nasa library na siya ng Senior high department. Kaya naman umakyat na ko patungo roon at naabutan ko siya na nagbabasa ng kung ano at nakaupo sa gitnang bahagi ng library.
"Ano yan?" tanong ko nang makalapit at nauupo sa harapan na upuan ni Jed.
I sense a similarity between Jed and me. Noong nagpunta kami sa kanila nitong sabado ay agad kong napansin ang hilig niya sa bagay tulad na lamang ng pagdra-drawing, collections of old objects, mga photography, at maging newspaper ay ang dami kong nakita. Ipinasilip kasi niya ang kwarto sa amin dahil naikwento niya ang hilig sa pagguhit at nasabi rin niya sa akin ang hilig sa history. Katulad kasi ni Jed hilig ko rin ang mga iyon lalo na kung tungkol sa history o bastang kahit anong may kinalaman sa bansa, ngunit hindi tulad ni Jed, hindi ako gaano magaling sa pagkuha ng litrato.
"Something about death penalty," sagot nito sabay sarado sa makapal na libro na mukhang si Hugo Bedau ang author.
"Wow.. Meron n'yan dito?" Inabot niya sa akin ang libro at ako na naman ang nagbuklat noon.
It is unrelated to my dream course, however, I'm pretty interested in those kinds of topics and also everything regarding the past or what we say about history.
"Mahilig ka rin sa mga gan'yang bagay?" tanong ni Jed na nakapalumbaba na at nakatingin sa akin.
Sinara ko ang libro at inilagay sa gitna ng table bago ko nag-angat ng tingin kay Jed atsaka tumango.
"Yup. I'm interested in those kinds of topics."
"Sa history? Mahilig ka rin?"
"Oo. Lalo na sa history. Tuwang tuwa nga ako noong nasa Simbahan tayo ng Quingua."
"Sabi ko na nga ba. Nakikita ko kasing manghang-mangha ka noong habang nagku-kwento yung caretaker." He smiled at me.
Natawa ko sa sinabi ni Jed at umiling na lang.
"May historical movie na showing ngayon. Ayain natin sila Laine, nood tayo sa sabado." Gusto ko ang ideya ni Jed, ang problema ko ay kung papayagan ba ako umalis nila Daddy.
"Sige subukan ko magpaalam." Ito talaga ang problema ko e. Kung sakali mang papayag sila Daddy, malabong hayaan nila akong mag-isa. Baka ipasama pa sakin si Manong driver. Imbes na nagpapahinga na siya tuwing sabado, aalis pa siya dahil sa'kin.
"Dahil interested ka rin sa mga ganitong bagay, ano ang stand mo sa death penalty?" tanong sa akin ni Jed gamit ang mga mapanuring mga mata.
Ang labo ko talaga. Wala ni isa sa pamilya ko ang may hilig sa ganitong bagay. Lahat sila ay busy sa trabaho sa ospital. Oo, buong pamilya ko ay kumuha ng kursong may kinalaman sa medical. Si Daddy ay doctor, si Mommy naman ay medtech, habang ang dalawa kong ate na sila Ate Marie at Ate Riz ay mga nurse naman. Pwede na kami magtayo ng sarili naming hospital.
"Against ako actually. Sa sobrang panget ng justice system ng bansa na'tin, kawawa ang mga mahihirap. You know, sabi nga nila, justice merely serves those who have money. Paano kong mahirap ang nasasakdal tapos false accusation, kawawa naman. We are seriously talking about someone's life at kung hindi maayos ang paghimay ng kaso, kawawa ang napagbintangan lamang tapos napatawan ng kamatayan. Our justice might kill someone who deserves a life," sagot ko kay Jed. Ang dami ko na namang nalalaman, siguro dahil sa kakabasa ko ng kung ano ano.
He nodded and smiled at me.
"Agree. Ayusin muna ang justice system bago nila ibalik ang death penalty. Pero alam mo ba na gusto ko rin naman din 'yon lalo na kung pagkitil ng buhay ang naging sala. Kung buhay ang kinuha dapat buhay rin ang kapalit. Pero ayon nga, our justice system sucks."
"Pwede naman siguro 'yon. What you mean is the punishment must fit to the crime. Well, that's possible naman," pagsang-ayon ko.
"Kaya lang nakakainis kasi 'yong napanuod kong interview about sa death penalty. Sabi roon na sapat na raw ang trenta minutos para mabigyan ng pagkakataon ang bawat panig na magpaliwanag bago magpataw ng kaparusahang kamatayan. Nagtataka 'ko, thirty minutes? Gago ba sila?! hindi sapat 'yon." Medyo galit na ang boses ni Jed nang banggitin ang huling mga salita.
"Napanuod ko rin 'yan. Kilala ko 'yan." excited kong sabi. "Thirty minutes are actually not enough for that kind of matter. Someone's life is at stake for them to say thirty minutes are already enough to know which among the defendants are the one who deserves the punishment and sentenced to death." Nakipag-high five si Jed sa akin bilang pagsang-ayon at medyo napalakas ata ang tunog ng aming ginawa kaya napalingon ang librarian sa amin.
Pareho kaming yumuko ni Jed at ngumisi ng tahimik. Wala pa namang tao. Kami pa nga lang ang narito plus yung librarian sa front desk kaya hindi pa naman nakakaistorbo yung ginawa namin. Pero sige dahil library ito, mananahimik na kami. Please maintain silence nga kasi.
"Pero kahit na maayos ang justice system natin hindi pa rin ako agree sa capital punishment. We have no right to execute someone committed sin, all decisions are unto the Lord. Siya na bahala." dagdag ko pa sa sinabi ko.
Napag-usapan pa namin ni Jed ang iba pang topic na may kinalaman sa death penalty bago dumating sila Laine, Teffy at Ed. Nang dumating ang tatlo ay agad na kaming nagsimula muli sa research tungkol sa Church of Quingua.
Nang malapit na magsimula ang klase ay nagdesisyon na kaming pumunta sa classroom para hindi kami malate pa. Naupo kami ni Laine sa madalas naming puwesto sa hulihang banda ng silid at ipinagpatuloy namin ang mga naka-assigned na task sa amin na para sa research sa subject ni Sir Buds.
Ilang minuto lang ang nakalipas ay dumating na ang adviser namin na siyang unang subject teacher namin araw-araw. Nagdiscuss siya ng panibagong lecture at nagpasagot lamang ng activity bago natapos ang kan'yang oras. Pagkaalis ng adviser namin ay nagpatuloy kami sa paggawa ng aming research habang naghihintay sa aming susunod na subject.
Hindi pa kami nakakahinga sa pa-activity ng adviser namin ay dumating na agad ang subject teacher namin sa EAPP, walang dalang libro at index card lang ang hawak.
"Good Morning HE-11. Wala muna tayong klase ngayon dahil aattend ako ng seminar sa annex. Dahil tapos na rin naman tayo sa unang dalawang chapter ay mag-iiwan ako ng gawain. Nakagrupo na kayo kaya heto at index card n'yo na lang ang dala ko. Lahat ng tatawagin ko by group ay magsama-sama," bungad ni Sir Magtalas.
Eto na nga, parami na ng parami ang gawain namin. Hindi pa tapos sa ibang subject may dadagdag pa.
Naupo si Sir sa table sa harapan at isa-isa na nagtawag ng pangalan. Sa kamalas-malasang pagkakataon ay hindi kami magkagrupo ni Laine at ako lang ata ang babae sa grupo. Nahiwalay kami ni Jed sa kanila nila Teffy at Ed. Okay lang, magkasama pa rin naman kami sa groupings ni Jed.
Pagkatapos kami I-grupo ni Sir Magtalas ay nagsama-sama na ang magkakagrupo. Agad akong nilapitan ni Jed at sumunod sa kaniya yung matangkad naming kaklase, Jay Zyke ata ang pangalan, mukhang kagrupo namin ngayon.
"Group 4?" tanong niya sa amin ni Jed.
I just nodded and smiled. Ganun rin naman ang ginawa niya pero kinausap niya si Jed, siguro ay nahihiya pa.
"Jed, apat tayo diba? Kulang pa tayo isa." Inistorbo ko sa usapan nila ni Jay Zyke.
"Oo. Ayan sa likod mo, Elle. Si Kulas nga pala, same school kami noong junior high kaya magkakilala na kami." Turo ni Jude sa nasa likuran ko.
Napabaling ako sa nasa likuran ko at tumambad sa akin si Mr. Tucio na nakangiti pa habang ang kamay ay nakalahad na.
Ngumiti ako at inabot ang kamay niya pero agaran ding binawi. Ito yung nanghingi ng papel noong nakaraan tapos ay nanghihingi ng number.
"Nicholas Tucio. Hi Miss Gutierrez," sabi nito.
"Just call me, Elle." Hindi ako ngumiti at ibinalik ang tingin sa harapan.
"Ang sungit naman," mapang-asar na sabi ni Kulas sa aking likuran. Hindi ko na lang pinansin at itinuon ko ang sarili sa instruction si Sir Magtalas.
Gagawa raw kami ng Vlog na ang content ay para kaming mga critics. Since sakop ng strand namin ang sa pagkain, kailangan raw ay pupunta kami sa isang restaurant o sa kahit saang kainan at magvideo roon. Matapos sabihin ni Sir ang gagawin ay umalis na ito at hinayaan na kaming mag usap na magkakagrupo para sa aming gagawin.
"Oy ano pala mga pangalan n'yo? Ako si Jay Zyke pero Jyke tawag sa'kin nila Teffy. Si Jed lang kasi kilala ko sa inyo." Nakangiti si Jyke at siya lang ang naglakas ng loob basagin ang katahimikan.
"I'm Elle."
"Kulas na lang."
Tumawa si Jyke at nakipag-apir pa sa amin ni Kulas.
"Oh, mga tropa ko na kayo ah. Elle, dahil ikaw ang leader, tatawagin ka naming Boss." Nakitawa sila Jed at Kulas kay Jyke.
Napailing na lang ako at ngumisi sa kanila. 'Boss' talaga? Mukhang may bago na naman akong idadagdag sa list ng mga friends ko.