"Okay lang yun. At least hindi tayo nag-aaksya ng panahon, so punta tayo sa gilid ng pool. Kumapit ka sa aluminum na hawakan ng pool. Tandaan mo, napaka importante na may control ang paghinga kapag lalangoy ka. May iba't ibang uri ng paglangoy, kagaya ng Breasttroke. Ang paglangoy sa Breasttroke ay nagsasangkot ng sabay na paggalaw ng mga braso at binti, ang mga bisig ay inililipat pasulong at malawak ang pagitan, ang mga binti ay gumagawa ng isang sabay na pagtulak, paggalaw ng katawan sa isang pahalang na eroplano.
Lalo na mahalaga na sanayin ang chesttroke sa likuran, dahil pinapayagan ka ng istilo na manatili sa tubig ng mahabang panahon, maaaring maging mahalaga ito sa pagtulong sa isang nalulunod na tao. Ang pag-crawl at chesttroke ay maaaring gamitin para sa paglangoy sa dibdib at likod."
Napahanga na naman si Andrea sa lawak ng kaalaman ni Franco sa swimming.
"Pangalawa, Ang butterfly. Ang pamamaraan ay binubuo sa sabay-sabay at simetriko na paggalaw ng kanan at kaliwang bahagi ng katawan. Ang mga braso ay sabay na gumawa ng isang malawak na stroke, pagtaas ng katawan sa itaas ng tubig, ang mga binti ay nagsasagawa ng mga simetriko na welga."
"Sige, ikaw ang bahala! Susunod lang ako!" saad ni Andrea.
Ginabayan ni Franco si Andrea para matuto itong lumangoy. Huling itinuro ni Franco ang kanyang signature swimming na Butterfly stroke.
"Ang pangatlo naman ay ang Butterfly stroke na itinuturing na isang bilis ng uri ng paglangoy, syempre ito ang pinaka paborito ko sa lahat. Ang mga kamay ay dapat ibaba sa kahabaan ng mga binti. Pagkatapos ituro ang iyong mga kamay sa tubig at, tulad nito, itulak ang iyong katawan sa pagtalon.
Kailangan mong ipasok ang tubig gamit ang iyong mga kamay pasulong. Tandaan na huminga nang malalim bago gawin ito. Upang pumunta nang malalim hangga't maaari, kailangan mong itulak nang maayos ang iyong mga paa. So, mamili ka kung alin doon ang gusto sa mga iyon, Andrea."
"Sige yung pinaka paborito mo na lang, Franco!"
"Sure ka ba? Yun kasi ang pinakamahirap sa lahat eh!"
"Okay lang naman sa akin, mas may thrill kasi kapag natutuhan mo ang pinakamahirap, the rest is basic na!" Paliwanag ni Andrea.
Tinuro ni Franco ang Butterfly stroke kay Andrea, medyo may kahirapan man pero pinilit niyang matutuhan ito alang-alang kay Franco. Sa sobrang saya nilang dalawa, hindi nila namalayan na gabi na. Dumating ang guard at pinutol ang kanilang kaligayahan.
"Maistorbo lamang po kayo saglit, magsasara na po ang ating resort. Kapag po nag over stay kayo, pwede po kaming mag charge ng 100 pesos per 1 hour."
Nagtinginan sila Andrea at Franco sabay tingin sa kanilang mga orasan.
"Halaka ka, 7 pm na pala ng gabi!" Gulat na sabi ni Franco.
"Oo nga!" Pagsangayon ni Andrea.
"Sige Andrea, bukas naman ulit tayo magtraining!"
"Sure ka ba na hindi ako makakaabala sa training mo?"
"Okay lang naman sa akin. Sa katunayan nga, mas enjoy ako kapag kasama ka! Sige ka, kapag hindi ka pumayag baka mawalan ako ng inspirasyon at matalo sa competition!" Pagbibiro ni Franco.
"Sa hitsura kong ito, sa tingin mo tatanggihan kita? Wag ka mag alala, hanggang kailangan mo ng suporta, nandito lang ako pramis!" Pangako ni Andrea sa kanya.
"Really? How about your work? Baka mas kailangan ka sa office?" Sunod sunod na tanong ni Franco.
"Don't worry ako na ang bahala jan, walang hahadlang sa akin para suportahan ka!"
"Maraming salamat, Andrea! You changed my life!" Nakangiting sabi ni Franco.
Umahon na sila sa pool at nagbanlaw ng kanilang sarili at nagbihis. Naglakad sila papunta sa parking lot at inihatid ni Franco si Andrea sa tapat ng apartment nito.
"So shall see you tomorrow, Andrea!" Pagpapaalam ni Franco.
"Sige! Keep in touch nalang din, Franco! Drive safely." Tugon ni Andrea.
Lumapit si Franco at hinalikan ang pisngi ni Andrea. Namutla na naman si Andrea sa ginawa ng guwapong binata sa kanya.
"Goodbye kiss yan!" Nakangiting sabi ni Franco.
Hindi nakapagsalita si Andrea dahil sa gulat. Tinanggal niya ang kanyang seatbelt at lumabas. Nang makarating siya sa kanyang apartment, nagtext kaagad si Franco.
"Hey, Andrea. Sorry for what I did? Mukhang nagulat ka sa ginawa ko, it's very rude!" Paghingi ng pagpapasensya ni Franco kay Andrea sa text.
Sa isip ni Andrea, mas gusto niya sa sana ay sa lips na lang siya halikan ni Franco. Pero kumpiyansa naman siya na magiging silang dalawa sa bandang huli at matitikman din niya ang matamis nitong labi. Nag reply siya at tinanggap ang sorry ni Franco.
"Okay lang naman sa akin. Medyo nagulat lang din ako sa ginawa mo. Let us move on na lang," text ni Andrea kay Franco.
"Would you like to hang out again, tomorrow?" Tanong ni Franco sa text.
Agad na nagreply dito si Andrea. "Sure, why not!" Sabi niya sa text. "Magpapaalam lang ako sa boss ko kasi tapos na ang leave ko!"
"Sige!"
Tumawag si Andrea sa kanyang Team Leader na si Neil para magpaalam na hindi siya makakapasok.
"Oh, napatawag ka? Kumusta naman ang bakasyon mo?" Bungad na tanong ni Neil.
"Okay naman po, sir Neil, kaso bigla po sumama ang pakiramdam ko eh!" Malungkot na sabi ni Andrea.
"I am so sorry, marami tayong calls na narereceive today, please pumasok ka na bukas, we need agents!" Pakiusap ni Neil.
Hindi pumayag si Andrea alang-alang sa kanila ni Franco. "Pasensya na po kayo sir Neil, hindi po ako makakapasok kasi may sakit po talaga ako!" Pagsisinungaling ni Andrea.
Nagalit naman si Neil sa sinabi ng kanyang pinakamagaling na agent.
"Iha, dapat nag file ka nalang ng resignation letter, wag kang mag-alala, makakahanap din kami kaagad ng mga kapalitan mo!"
Pinanindigan ni Andrea ang kanyang pagsisinungaling. "P-ero sir... May lovenat kasi ako sir, este lagnat!"
Hindi naman naniwala si Neil sa sinabi ng kanyang agent. "Che! Hindi ganyan magsalita ang taong may lagnat! Kilala kita Andrea, alam kong lalaki lang ang dahilan kung bakit ka a-absent sa trabaho!"
Huli pero hindi kulang si Andrea sa kanyang ginawa. Inamin na lamang niya na mayroong lalaki ang nagpapatibok sa kanyang puso.
"Sir, payagan mo naman ako! Parang hindi ka dumaan sa puppy love eh!"
"Ay sus, puppy love ka dyan! Hoy matanda ka na Andrea! Saan mo naman nakilala ang guy?"
"Somewhere down the road!" Pilosopong sagot ni Andrea.
"Aba, nagiging pilosopo ka na. Confirmed! Bad influence si guy!"
"Agad agad? Isa po siyang Athlete at nakilala ko siya doon sa beach!"
"Ay talaga? Kapag nakita ako niyan, baka magdalawang isip siya sayo!" Pagbibiro ni Neil sa kanyang agent.
"So, papayagan niyo po ba akong umabsent? Please po sir, ako kasi ang inspirasyon niya kaya hindi po pwedeng wala ako sa tabi niya during his training. Bibigyan niya po ng karangalan ang Pilipinas pag nagkataon!"
"Basta hindi pwede. Kahit pa siya na ang maging Diyos natin, hindi niya tayo matutulugan sa nakaka stress nating trabaho! Ikaw pa naman ang pinakamagaling kong agent dito tapos a-absent ka para sa lalaki!?" Panenermon ng boss ni Andrea.
"Ang KJ naman ni Sir. Minsan lang naman ako humiling tapos hindi mo pa ako pagbibigyan! Samantalang yung isang Team Leader pinagbigyan mo kaagad!" Matapang na pahayag ni Andrea.
"Sino? Mag name drop ka, day!?" Hamon ni Neil kay Andrea.
Nabahag ang buntot ni Andrea nang maramdam nitong galit na ang kanyang boss.
"Si sir hindi na mabiro, joke lang naman po 'yon eh!"
"Basta, pumasok ka rito bukas because I need you!" Galit na sabi ni Neil pagkatapos ay binabaan niya si Andrea ng telepono.
Nagmatigas si Andrea at hindi ito pumasok sa trabaho. Nagpunta ulit sila sa beach kung saan sila nagkakilala ni Franco. Ganadong ganado si Franco sa kanyang pagpa-praktis dahil kasama nito si Andrea.