Umihip ang isang malakas na hangin at sumasama rito ang mahahaba kong buhok.
Muli kong tiningnan ang pangalan niya na nasa harap ko.
Hindi pa ito burado at halatang naalagaan ng maayos.
Limang taon na rin simula nang huli akong pumunta rito.
“Kumusta ka na?” tanong ko kahit na alam kong walang sasagot sa akin. “Kami ni Maxine ay okay lang, malaki na siya at maganda siya tulad mo,” sabi ko at napangiti.
Alam ko na masaya siya at alam ko rin na lagi niyang binabantayan ang kapatid namin.
“Lumaki siya na mabait, Max.”
‘Sayang nga lang at hindi mo na nadaksihan ang paglaki niya.’
Napatingin ako sa kandilang nasa harap ko nang mamatay ito dahil sa hangin kaya naman kinuha kong muli ang posporo sa aking bulsa at sinindihan ito ulit.
“Nagtatanong na rin pala siya tungkol sa’yo.” Tinapon ko ang palito ng posporo nang matapos kong sindihan ulit ang kandila. “Pero ’wag kang mag-alala dahil ipapaliwanag ko sa kaniya nang mabuti ang nangyari para naman hindi siya magtanim ng sama ng loob kay Papa.”
“Dapat ay nagpapahinga ka muna.” Tumingin ako sa katabi ko na kararating lang. “Bugbog sa byahe ang katawan mo kaya dapat ay nagpapahinga ka muna.”
“Gustuhin ko mang gawin ay hindi ako mapakali hanggang hindi ako napupunta rito,” sabi ko.
“Kumusta?” tanong sa akin ni Jade kaya naman tumalikod na ako sa puntod ni Max.
“Ayos naman,” sagot ko kay Jade pero ang mga tingin sa akin ni Jade ay kakaiba. “Ayos nga lang ako.”
“Sabi mo e.” Napakibit-balikat na lamang siya na halata namang hindi kumbinsido sa naging sagot ko sa kaniya.
“Ikaw? May boyfriend ka na ba?” tanong ko sa kaniya.
“Wala sa bukabolaryo ko ang salitang ’yan,” aniya na ikinatawa ko.
‘Bitter is bitter.’
Napagpasyahan naming magkape ni Jade lalo na at pagabi na rin.
“Buti at naisipan mo na ring umuwi,” aniya habang nagda-drive.
“Kailangan e,” sagot ko sa kaniya habang nasa labas ang paningin at pinapanood ang paglubog ng araw sa labas.
Nakikita ko rin na isa-isa na ring nabubuhay ang mga ilaw sa mga posteng madadaanan namin.
Kung dati ay nasasaksihan ko ang ganitong pangyayari kasama sila Icom ngayon ay...
“Anong gagawin mo?” Napatingin ako kay Jade nang bigla siyang magtanong.
“Saan?” tanong ko rin sa kaniya.
“About Dylan’s upcoming wedding,” sabi niya at napataas ang aking kilay.
“Huh? What will I do?” takang tanong ko kay Jade. “That his choice, anong gagawin ko kung ’yon talaga ang gusto niya?” natatawang tanong ko kay Jade.
Ginusto ni Dylan na magpakasal, kaya anong magagawa ko? Wala naman kaming relasyon o kahit na anong koneksyon kaya naman bakit ko pa siya papakialaman kung masaya na siya.
“’Wag mo sanang iisipin na kaya ako umuwi rito para kay Dylan, umuwi ako rito para sa inyo at para sa trabaho,” sabi ko kay Jade.
“I see,” tanging sagot na lang niya sa akin bago iparada ang kotse ko sa parking lot ng isang cafe. “Pero sana magpakatotoo ka naman sa sarili mo, masyado kang peke.” Nauna siyang bumaba kaya naman napailing ako bago sumunod sa kaniya.
Paglabas ko ay agad kong napansin ang pangalan ng cafe na hinintuan namin.
‘Triple J cafe?’
Lihim akong napangiti dahil sa nabasa ko.
May cafe na pala sila?
Sumunod ako kay Jade nang makita ko siyang pumasok na sa loob.
“Maligayang pagdating sa aming cafe de puta!” Napatingin ako sa lalaking sumalubong sa akin. “Nag-transform ka na naman,” aniya bago lumapit sa akin upang makipag-high five.
“Kumusta ka, Jacen?” tanong ko sa kaniya bago maupo sa upuan na hinila niya para sa akin.
“Ito humihinga pa rin naman, ikaw? Mukhang ang laki ng pinagbago mo,” aniya.
“Hindi naman, ako pa rin ’to.” Napatingin ako sa counter nang may magdalita ro’n.
“Jacen, nakita mo ba ’yong— Callista!?” gulat na tawag sa akin ni Ate Jaz kaya naman kumaway ako sa akin. “Ikaw na ba talaga ’yan?” hindi makapaniwalang tanong niya sa akin.
“Kumusta ka na, Ate Jaz?” tanong ko sa kaniya at agad naman siyang lumabas sa counter at lumapit sa akin.
“Hala, ikaw na nga ’yan Cally!” aniya at hinawakan ang kamay ko. “Buti ay bumalik ka na, alam mo bang ilang gabi na umiiyak si Jade nang umalis ka?” Nagulat ako sa sinabi sa akin ni Ate Jaz.
“Wala na, hindi na secret ’yon,” natatawang sabi ni Jacen.
“Kumusta ka na? Ang haba-haba na ulit ng buhon mo at mas lalo kang gumanda,” pambobola sa akin ni Ate Jaz kaya naman ngumiti na lang ako sa kaniya dahil hindi ko alam kung ano ang sasabihin ko. “Ang alaga namin? Kumusta ka siya?” tanong niya kaya naman umayos ako ng upo at sumandal sa sandalan ng inuupuan ko.
“She’s fine, lumaki na nga siya at hindi ko ala kung makikilala pa nila kayo but I’m sure naman na kahit papaano ay may maaalala siya sa inyo.” Tumingin ako kay Jade na may dalang mga kape sa tray. “Minsan ay ipapasyal ko sila sa inyo.”
“Dapat lang,” pabalang na sagot sa akin ni Jade. “Kahit mga tatlo o limang araw, gano’n.” Tumaas ang kilay ko dahil sa sinabi niya.
“Oo naman, may trabaho rin kami kaya naman kahit kailan niyo gustong makasama sila Maxine ay okay lang,” sabi ko bago humigop sa tasa na inilapag ni Jade sa harap ko.
“Kanina ka pa sila nang sila. May kasama na ba si Eve liit?” tanong ni Jacen sa akin kaya naman namilog ang bibig ko nang may maalala ako.
‘Hindi ko pa nga naikuk’wento sa kanila si Charlie.’
“Dude, I have a little brother,” natatawang sabi ko at mas lalo akong natawa dahil sa naging reaksyon nila.
“The hell, Cally!” ani Jacen na napahawak pa sa kaniyang bibig.
“Who is he!?” tanong ni Jade na nakiupo na rin sa lamesa namin.
“Ilang taon na siya?” tanong ni Ate Jaz at kitang-kita ko sa kaniyang mukha ang pagka-excite.
Kinuha ko ang cellphone ko at hinanap ang picture ni Charlie.
Inabot ko kay Jade ang cellphone ko na agad namang kinuha ni Jacen.
“P*tcha... P*tcha... P*tcha,” paulit-ulit na bulong ni Jacen habang tinitingnan ng mabuti ang litato ni Charlie.
“Patingin naman, Kuya.” Si Jadenaman ang may hawak ngayon mg cellphone ko at silang dalawa ni Ate Jaz ang tumitingin. “Ang g’wapo, kaninong anak ’to?” inosenteng tanong sa akin ni Jade bago iabot kay Ate Jaz ang cellphone ko.
“Kumuha siya ni Chase,” komento ni Ate Jaz bago ibalik sa akin ang cellphone ko.
“He’s my brother, Jade. Half brother.”
“You mean may kapatid pa kayo sa labas bukod kay Eve liit?” tanong ni Jade at tumango ako.
Napatingin naman kami kay Jacen nang bigla siyang maglabas ng isang malalim na hininga.
“Si Charlie na ba ’yan!?” gulat na tanong niya sa akin at nakangiti naman akong tumango sa kaniya.
Siya nga pala ang kasama ni Kuya Ezekiel nang mga panahon na nagtataguan kaming mag-aama.
At alam kong siya rin ang kasama ni Kuya Ezekiel na magpalaki kay Charlie.
Nagk’wentuhan, nagkumustahan at nagbiruan kami nila Ate Jaz habang nasa cafe nila ako.
Sinarado na nga nila ng maaga ang cafe nila para makak’wentuhan lang ako at nang mapansin ko na gabi na ay napagpasyahan ko na ring umuwi na.
“Idadaan ko na lang bukas ang mga pasalubong, hindi ko naman kasi inaasahan na mapapasyal ako rito,” sabi ko sa kanila at agad naman akong inakbayan ni Jacen.
“Babae ba ’yan?” tanong sa akin ni Jacen kaya naman mahina ko siyang siniko.
“Hindi ka pa rin talaga nagbabago,” sabi ko sa kaniya habang napapailing.
“Kung alam mo lang. No’ng wala ka ay daan-daang babae ang pinakilala sa amin niyan,” sabi ni Jade kaya naman agad na nagsalubong ang mga kilay ni Jacen.
“At least may ipinakilala, ikaw nga konti na lang ay pagkakamalan ko ng tibo,” pang-aasar naman ni Jacen dito.
“Magsitigil nga kayong dalawa!” saway sa kanila ni Ate Jaz at agad naman silang natigil. “Cally, mag-iingat ka. Minsan ay kami ang papasyal sa bahay niyo,” nakangiting sabi sa akin ni Ate Jaz kaya naman ngumiti ako sa kaniya.
“Sige, basta ay sabihan niyo lang ako.”
“Saan ba kayo tumutuloy ngayon?” tanong ni Jade.
“Sa mansion,” maikling sagot ko sa kaniya bago magsimulang maglakad. “Lumalalim na ang gabi, mauuna na ako sa inyo.”
“Sige, ikumusta mo na lang ako kay Charlie,” bilin sa akin ni Jace kaya naman napatango ako.
Tuluyan akong nagpaalam sa kanila at iniwan sila sa cafe nila dahil magliligpit pa raw sila kaya ito ngayon at nagda-drive na pauwi sa mansion namin.
Ang daming nagbago.
May mga nadagdag at may nabawas kaya naman kinuha ko ang cellphone ko at tinawagan ang number ni Kuya Ezekiel.
“Hello? Nasaan ka na?” bungad niya sa akin at ilang beses pa akong napalunok bago igilid ang sasakyan ko.
“Kuya?” tawag ko sa kaniya.
“Hmm?”
“Naliligaw ako, sunduin mo ako.”