ANDRICIA’S POV
Nanlalaki ang mga mata ni Symond na napatingin sa akin pagkabangon niya. Nagising na rin siya dahil sa paggalaw ko sa ibabaw ng kama. Pupungas-pungas pa ang mga mata nito at lumarawan sa mukha nito ang matinding pagkabigla. Hindi ito makapaniwala na napatingin sa sariling katawan sa na walang saplot at maging sa akin. Tanging kumot ang bumabalot sa aming kahubdan.
“A-Andricia, what happened? Tell me?” naguguluhang tanong niya sa akin saka bumuntong-hininga. Sa kislap ng mga mata niya ay naroon ang pagtataka at pangamba.
“H-hindi ko alam, w-wala akong ideya sa,” nanginginig ang sarili kong tinig na tugon ko sa kanya. Totoo ang aking sinabi, wala talaga akong maalala sa iba pang nangyari sa birthday celebration ni Ianah kagabi. Natatandaan ko pa ang aming masayang bonding na may kasamang inuman hanggang sa nalasing ako. Sa pag-ikot ng aking tingin sa paligid ay naipikit ko ang mga mata ko. Hindi ko na alam ang sumunod na mga nangyari.
Bahagyang naningkit ang mga mata niya sa pagkakatingin sa akin hanggang sa tumalim. Wala sa oras na naisuklay niya ang mga kamay niya sariling buhok. Halatang gulong-gulo siya sa mga nangyayari sa amin ngayong umaga. May guilt akong nadarama na hindi ko maipaliwanag. Hindi ko ganap na maunawaan.
Ngunit kapwa kami natigilan ni Symond nang biglang bumukas ang pinto ng silid na aming kinaroroonan. Iniluwa no’n si Ianah na kay tamis pa ng ngiti sa labi nito, habang may dalang tray na may lamang pagkain for breakfast.
“Good morning-” ngunit nagulat si Ianah nang makita silang dalawa ng boyfriend nito na magkatabi sa kama at sa itsura nila. Nabitawan nito ang dalang tray at bumagsak iyon sa sahig. Nanlisik ang mga mata nito.
“Walang hiya kayo! Mga taksil!” galit na sinabi ni Ianah na sinugod ng sampal ang nobyo.
Mabilis na tumayo si Symond para pigilan ang galit na nobya. “Ianah, let me explain! It’s not what you think!”
Ngunit napaupo muli ang binata sa kama at hindi na nasalag ang pananampal at pangangalmot ni Ianah. Hubad kasi ang katawan niya kung kaya hindi maitayo nang ganap ang katawan.
Natigilan pa rin ako sa mga nangyayari. Hindi ako makakilos sa aking pagkakaupo sa kama. Gusto kong umalis pero parang wala akong lakas na gawin iyon. May kabigatan akong nadarama sa aking dibdib at may kasama pang takot. Naiiling ang aking ulo na napapatulala.
Akmang hahagilapin ko sana ang damit ko sa sahig, pero naramdaman ko na may mga kamay na humila mahaba kong buhok. Napadaing ako sa sakit dahil parang napupunit ang aking anit. Sinasabunutan na ako ni Ianah.
Tumaas ang tensyon sa nagaganap na komosyon sa naturang silid. Parang isang eksena sa pelikula ang nagaganap at ako ang kontrabida. Nagkaroon ng sigawan at mainitan pagtatalo. Hindi ako makalaban sa ginagawang pananakit sa akin ni Ianah. Gusto kong depensahan ang aking sarili at makalabas na sa lugar na iyon. Sana nga ay isang panaginip na lang ang lahat.
“Ahas ka Andri! Ahas ka! Hindi ko akalain na magagawa mo sa akin ito!” galit na galit na kastigo sa akin ni Ianah matapos bitawan ang buhok ko. Hindi pa rin siya nakuntento, pinagsasampal pa niya ako. Ginawa kong panangga ang aking kamay habang naiiyak na ako sa mga nangyayari. “Hindi kita mapapatawad!”
Lalong nagwala si Ianah na sinugod muli si Symond. Biglang pumasok sa loob ng silid si Gabby at inawat nito ang nagwawalang dalaga. Sapilitang nailabas ang babae at saka humupa ang tensyon sa paligid.
Naiwan kaming dalawa ni Symond na parehong shocked sa nangyari. Nauna na siyang tumayo saka isinuot ang mga nahagilap na kasuotang. May pagmamadali sa mga kilos niya. isang matalim na tingin ang ipinukol niya sa akin saka lumabas na ng silid na iyon. Nararamdaman ko ang malaking galit niya sa akin.
Umiiyak akong naiwan sa silid na iyon. Hindi ko akalain na mangyayari sa aking buhay iyon. Hindi ko alam kung paano haharapin ang susunod na mga sandali.
NALULUHA ako na minasdan ang aking sariling repleksyon sa harap ng malaking salamin sa loob ng silid na aking inuupahan. Kauuwi ko lang ngayong umaga sa bahay-kasera galing sa Vitaland Corporation. Natapos na ang aking pagiging empleyado ko sa naturang kompanya. Matapos ang nangyari last weekend, pumasok pa rin ako para hanapin si Ianah. Gusto ko siyang makausap at maipaliwanag ang side ko. Ngunit wala siya sa opisina nito at ipinatawag ako ng HR.
Doon ko nalaman na tanggal na ako sa aking trabaho. Natapos na ang pagiging probationary employee ko at hindi ko pinalad na maging regular. Alam ko na may kinalaman si Ianah sa desisyong iyon. Dati na naming napag-uusapan na mari-regular na ako trabaho. Ngunit na magaganap na iyon dahil sa masamang nangyari noong birthday nito. naging mang-aagaw ako ng boyfriend at nakasira pa ng isang relasyon. Isang malaking palaisipan pa rin sa akin ang mga nangyaring iyon.
“Wala talaga akong alam kung paano nangyari iyon,” napapaiyak kong sabi ko sa aking sarili. Wala akong mapiga sa aking memorya kung paano kami nagkatabi ni Symond sa kama at parehong nahubad ang aming kasuotan. Pinakiramdaman ko ang aking sarili lalo na sa kaibuturan ko, pero wala akong maramdamang pagbabago. Walang katiyakan kung nagalaw ba ako ni Symond.
Ang sama naman ng pagkikita namin ng aking first love matapos ang mahabang panahon. Naalala ko tuloy ang malungkot na paghihiwalay namin ng landas noon at ngayon ay nadagdagan pa ng sakit.
Ngunit ang mas nakakatakot na isipin ko, paano ang susunod na mangyayari sa buhay ko? Jobless na ako ngayon at natatakot akong sabihin iyon sa aking mga magulang. Ramdam ko ang pagsigid ng sakit sa ulo ko dulot ng stress na sinabayan pa ng anxiety.
Kailangang magsimula akong muli.
PAWISANG-pawisan ang aking mukha dahil sa matinding init na aking sinasagupa sa araw na ito. Magkakalahating-araw na akong naglalakad dito sa Makati Central Business District, ilang interview sa aking job application ang aking pinuntahan. Ngunit sadyang pinagdadamutan yata ako ng tadhana dahil pawang bigo at hindi ako natanggap. Ayoko na bastang sumuko at nagtitiwala pa rin ako na makakahanap pa rin ako ng trabaho.
Naisipan ko munang sumilong sa isang cart store na nasa gilid ng daan. Nagbili na rin ako ng pagkain at inuming tubig. Isang mumurahing burger ang inorder ko dahil iyon na lang ang kaya ng aking budget. Kailangang tipirin ko ang nalalabing pera sa aking bulsa. Kung hindi ako makakahanap ng trabaho ngayon, siguradong sa kankungan ako pupulutin nito. Mahigpit pa naman an gaming kasera at hindi ito tumatanggap ng excuses para hindi kami makabayad ng upa.
“Miss, naito na po ang order mo,” untag sa aking ng tindera. Hinamig ko ang aking sarili saka binayaran ko ang akin biniling pagkain. binuksan ko kaagad ang bote ng mineral water dahil sa matinding pagkauhaw ko. Kinain ko na rin ang burger na iniisip ko pa rin kung saan ako kasunod na mag-apply. Nanatili akong positibo sa aking buhay kahit na nahihirapan ako. Ayokong bumalik ng Amore nang wala akong napatunayan sa aking sarili.
Mga ala-una ng hapon, ipinagpatuloy ko ang aking paghahanap ng aking trabaho. Napadpad ako sa isang advertsing and marketing company. Lakas loob akong nag-apply doon na baon ang aking working experience sa Vitaland.
“I’m sorry Miss, you’re qualification is not suited on our vacant position. Better luck next time,” sabi sa akin ng HR matapos basahin ang resume kong ipinasa. Malungkot akong napatango at nagpasalamat.
Bagsak ang aking balikat na naglakad ako palabas ng naturang gusali. Ngunit bago ako makasapit sa exit doon, may isang kamay na marahas na humila sa aking braso.
Sa paglingon ko sa kanya, nahintakutan ako nang mamasdan ang galit na galit niyang mukha.