ISANG madamdaming paalaman ang nangyari sa akin, sa magulang at bunso kong kapatid na si Greco. Inihatid nila ako sa terminal ng bus sa kabayanan. Ngayong araw na kasi ang pagluwas ko ng Maynila. Panay ang mga paalala at bilin sa akin ng aking mahal na ina samantala ang Itay ko naman ay nakatingin lang sa akin. Sa kislap ng mga mata nito at pagtango ng ulo ay naroon ang mensahe sa akin, na sana makiayon sa akin ang kapalaran. Ang kapatid ko naman ay nagsabi na mami-miss ako sa aking pag-alis dito sa aming bayan.
Sumakay na ako ng bus na dala ko ang pag-asa, katatagan at kalakasan ng loob sa destinasyo na aking pupuntahan. Kalakip n’on ang pangako na babalik ako dito sa Amore na bitbit ko ang tagumpay. Pinabaunan din ako ng pera ng aking mga magulang at binigyan din ako ng aking amo. Malungkot na masaya sa aking pag-alis bilang katulong sa kanilang pamilya sina Ma’am Adelfa at Sir Vincent. Mga anim na oras ang aking lalakbayin bago ako makarating sa siyudad na aking paroroonan.
Sa pagdating ko ng Maynila, napagtanto ko na hindi ganoon kadali ang buhay na tatahakin ko doon. Nanuluyan ako sa isang bahay-kasera kasi wala naman kaming kamag-anak dito na pwede ko sanang tuluyan. Isa pa sa naging malaking struggle ko ay ang pagiging fresh graduate ko. Karamihan sa mga kompanyang ina-apply-an ko ay puro may working expreriece ang hinahanap nila. Isang malaking pagtitipid ang aking ginawa para mairaos ko ang buhay ko habang wala pa akong trabaho. Mabilis pang lumipas ang mga araw, na-realize ko na dalawang buwan na akong naghihintay pa rin ng oportunidad.
Kaya isang hapon na hindi ako umalis ng bahay, bigla akong naghina at nanlumo nang mapansin ko na puro barya na lang ang laman ng wallet ko. Nakadama na ako ng anxiety nang maalala ko pa ang mga bayarin na paparating lalo na ang bayad ko sa upa dito sa aking tinutuluyan.
Parang sasakit ang ulo ko na napahiga ako sa aking kama. Napapatulala ako sa mga sandaling iyon at parang gusto ko nang isuko ang aking pangarap. Parang mas nais ko na lang bumalik ng Amore. Napabangon akong muli nang biglang tumunog ang cellphone kong de keypad.
Kinuha ko ang cellphone na nasa gilid ng unan ako saka sinagot ko ang tawag mula sa isang unknown number. “Hello po good morning, sino po sila?”
“Hi Miss Andricia Sentillas,” narinig kong masayang bati sa aking ng boses ng babae sa kabilang linya. “This is Laica of Vitaland Corporation, congratulation on getting the job in our company! When is the possible day that you can start as new marketing staff?”
Nanginig ang aking kamay sa pagkakahawak ko sa aking cellphone. Hindi ako makapaniwala na natanggap na ako sa trabaho. Pilit kong ikinalma ang sarili ko na sinagot ko ang mga tanong sa akin. Walang pagsidlan ang kaligayahang nadarama ko. Sa wakas natupad na rin ang isang bagay na pinakaasam ko. Ito na ang simula ng pag-abot ko sa aking mga pangarap.
Kagaya nga ng aking inaasahan, nagtrabaho ako bilang isang marketing staff sa isa sa malaking developer sa bansa. Nakapagpadala na ako ng pera at paminsan-minsan ay umuuwi ako sa aming bayan sa Amore. Unti-unti ko na ring ipinapaayos ang aming bahay at masaya par sa akin ang aking mga magulang.
Sa aking mundo ay lumawak ang aking mundo dahil na rin sa aking trabaho. Iba’t ibang tao ang aking nakakasalamuha sa araw-araw. Hindi ko rin inaasahan na magiging kaibigan ko sa labas ng trabaho ang aking boss at anak ng may-ari ng kompanya na si Ianah Sebastian.
ISANG weekend, magkakasama kami nina Ianah kasama ang kaibigan niyang si Gabriel sa isang private resort sa Calamba Laguna. Ni-rentahan ni Ianah ang nasabing place para sa private and simple celebration ng birthday nito na kaming mga malalapit lang na kaibigan ang kasama. Sawa na raw ito sa magagarbong party.
“Okay make a wish and blow the candle,” inilapit ko kay Ianah ang hawak kong cake. Kaagad naman siyang tumalima sa sinabi ko. Napapalakpak si Gabby at sumabay ako dito sa pagkanta ng Happy Birthay.
“Thanks for being with me tonight guys, love na love ko kayo,” nangingilid ang luhang sabi ni Ianah sa amin. Ipinatong ko ulit ang cake sa lamesa na puno ng pagkain kahit kami lang ang naroon. “Masaya ako sa special day kong ito dahil kayo ang kasama ko.”
“You’re welcome Ianah, ikaw pa ba? Eh ang lakas mo sa amin ni Gab,” nakangiting kong tugon dito. kapag nasa kagaya nito na nasa labas kami ng trabaho, tinatawag ko siya sa name niya mismo instead of ‘Ma’am’.
“Yeah of course,” segunda ni Gabby. “Teka, hindi ba’t papunta ri dito ang boyfriend mo?”
Tumango ang babae. “On the way na siya,” bumaling siya sa akin. “Mami-meet mo rin mamaya Andri ang specil na lalaki sa buhay ko.”
“Kahit hindi ko pa siya nakikilala ay kita ko naman sa kilos mo kung gaano mo siya kamahal,” sabi ko sa kanya na naroon ang kasiyahaan ko para sa aking kaibigan.
Sa sumunod na sandali, kumain at nag-inuman na kaming tatlo. Masaya kami na kami lang ang magkakasama at no dull moment. Biglang tumayo si Ianah at may susunduin daw ito sa labas. Sa muling pagbalik nito ay may kasama na itong isang mestizo at matangkad na binata.
“S’ya nga pala hon, bale kayo lang naman ang mga bisita ko, si Gabby at ang friend kong si Andricia.” Itinuro pa ako ni Ianah sa kasama nito na bagong dating. “Andri, s’ya nga pala si Symond, my loving boyfriend.”
Nakipagkamay sa akin ang boyfriend ni Ianah sa aming pormal na pagkakilala. May konting recognition akong nakita sa mga mata ni Symond bago ito naupo na katabi si Ianah. Kilalang kilala ko pa rin ang binata hanggang ngayon. He was my first love. School mate ko siya dati noon sa Amore National High School. Pero ang feeling ko dito ay hindi nito nalaman dahil sa isang pangyayari. Huli ko siyang nakita sa aming bayan nitong taon lang, kung saan nanalo ang bunso kong kapatid sa patimpalak ng talumpati. Kaagad din itong umalis noon pagkabigay ng dagdag na cash prize para sa aking kapatid. Sadyang maliit yata ang mundo para sa kanilang dalawa. May munting kirot sa puso niya dahil nobyo ito ng kaibigan niya.
Nagpatuloy ang kasayahan namin ng gabing iyon. Mas pinili kong ilihim na lang ang pinagsamahan namin ni Symond during high school days. Panahon na kalimutan ko na ang isang bahaging iyon ng kahapon. Kilala ko pa naman na may pagka-selosang babae si Ianah lalo na sa ka-relasyon nito. Ini-enjoy ko na lang ang sarili ko sa pakikipagkwentuhan at nakipagsabayan ako sa pag-inom ng alak. Okay lan dahil wala namang pasok sa work kinabukasan.
Dahil mababa ang alcohol tolerance ko, nakadama na ako ng pagkalula at tila umiikot na ang aking paningin. Blurred na ang tingin ko kina Ianah, Gabby at Symond pero pinipilit ko pa ring makipagsabayan sa kanila. Sa huli kong pagtagay hindi ko na namalayan ang sumunod na nangyari. everything went black.
Nagising ako kinabukasan na masakit ang ulo ko. Nanlaki ang mga mata ko sa pagkabigla na mapansin ko sa ilalim ng kumot na wala akong suot na saplot. Saka ko namalayan na nasa banyagang silid ko.
Natutop ko pa ng kamay ko ang aking mga labi sa matinding pagkabigla nang mapansin na may kasiping akong lalaki sa kamang iyon at hubad rin ito. Nakahantad ang malapad nitong dibdib.
“S-Symond…” anas ko sa pangalan ng binata na siyang katabi ko sa buong magdamag. Ang daming tanong ang naglaro sa aking isipan. paano nangyari iyon at bakit pareho kaming walang sout na damit. May nangyari ba sa amin ng boyfriend ni Ianah?
Subalit biglang bumukas ang pinto sa kinaroroonan nilang silid. Sa sumunod na sandali ay naganap ang isang pangyayari na gumimbal sa kanya na babago sa takbo ng buhay niya.