-Maria-
"Ah, haha?" Nahihiya akong napahawak sa kabilang braso ko dahil sa pagpasok ko ng kuwarto ng kapatid niyang si Gelai. Ako na rin talaga ang nahihiya para kay Gian dahil nag-trespass na naman ito sa ibang kuwarto.
Knowing, her sister seemed to be a strict one. Mukhang masungit kaya 'yon. Mabuti na lang at wala siya rito. Nakaistambay ako sa may pinto at inilibot ang paningin sa buong kuwarto.
I was amazed to see that there were lots of flower painted on the bedroom's wall. Masiglang humiga si Gian sa pink na bed ni Gelai saka binuklat ang kinuhang comic book sa sala nila kanina. Feel na feel na naman niya itong kuwarto ng kapatid niya.
"Huwag kang mahiya, wala naman siya! Here!" Gian confidently said while tapping the vacant part of the bed. Umiiling na lang akong tumungo sa isang monobloc chair sa study table ni Gelai at doon umupo.
"Kahit na wala siya, huwag ka naman sana basta-bastang pumapasok," payo ko kay Gian na abala sa pagbabasa ng comic book niya. Mahilig pala siya sa ganiyan?
"Pft, magpasalamat na lang siya dahil dinadala ko siya sa kapitbahay nina Lolo at Lola para lang makipagkita sa kaibigan niya!" wika ni Gian na muling humiga sa pagbabasa.
What Gian meant was Gelai's friend from that huge house yesterday. Malayo nga talaga itong bahay nila Gian mula kina Lolo at Lola kaya nakapagtataka kung paano sila nakakagala hanggang doon.
"Nabanggit nga niya sa akin kahapon 'yong kaibigan niyang nakatira doon sa malaking bahay," wika ko na napahawak sa sariling baba sabay tingin sa kisame na may disenyo rin. "At binanggit din niya 'yong kapatid ng kaibigan niya. Sa tingin ko ay may gusto siya roon."
Gulat kong nilingon si Gian nang halos mapatayo ito sa gulat na marinig ang sinabi ko. He let out a 'pft' and a chuckle as he closed his comic book. "'Yon? Magkakaroon ng crush sa totoong buhay? I don't think so!"
I pouted at Gian who winked at me. He's really weird and he mustn't judge his sister that easily!
"Hindi mo lang alam kung paano niya inilarawan 'yong tinutukoy niyang lalaki kahapon!" I looked and smiled as if I thought about something positive. "Sabi ni Gelai, 'yon daw 'yong tipo ng lalaki na umaakma sa ideals ko."
Biglang nag-init ang katawan ko sa realization na nasabi ko 'yon sa harapan ng kausap ko. Nakakahiya!
Tumayo lang si Gian saka lumapit sa akin. Hindi ko siya tiningnan. "Sino ba? 'Yong kuya ng kaibigan niya? Pft, anong meron doon? Kaya wala siyang gaanong nakakasabayang lalaki dahil mala-old fashioned siya. Hindi na siya 'yong type ng mga babae ngayon, chill!"
Suminghap akong tumayo kaya nagtama ang tingin naming dalawa. "Kilala mo ba siya? Sabi ni Gelai, mahusay raw magluto at mag-bake 'yon!" I was so curious I even told him about that.
Natulala lang si Gian sa pagkabigla dahil sa inasta ko kaya napatikom na ako ng labi. Gian scratched his head and walked all the way to the exit. "Tama ka nga, baka nagustuhan lang ni Gelai 'yong niluluto niyon at hindi 'yong mismong tao. Isa pa, mahusay ring kumanta, pft."
Mabagal na nanlaki ang mga mata ko matapos banggitin ni Gian ang karagdagang impormasyon sa lalaking tinutukoy ni Gelai. Mahilig ding kumanta? Mahusay?
"Bihira na talaga sa mga lalaki ang ganoon!" masigla kong wika kay Gian, tumabi na ako sa kanya. "Classical type of person siya!"
Kinunotan lang ako ni Gian ng kilay. "Eh, bakit parang ang saya-saya mo na?"
"H-Hah?" Kaagad akong nautal sa harapan niya saka ibinaling sa iba't ibang direksyon ang ulo dahil sa hiya. Nadala na talaga ako sa topic namin kaya hindi ko na alam ang nahahalata ni Gian!
"Anyway!" Gian snapped his fingers with a grin. "Back to our purpose. Anong masasabi mo sa kuwarto ni Gelai?" tanong ni Gian at proud na iniangat ang kamay na tila ipinapakita ang kabuuan ng silid.
"Ah." Kinakamot ko pa ang pisngi ko habang nag-iisip ng iko-komento. "Ang tingkad, hindi ko inakalang ganito pala ang gusto mong disenyo ng kubo kaya aayon na ako sa gusto mong wall design."
Tumango-tangong humalukipkip si Gian. "Ah-ha? Ako ang may kagagawan nito sa kuwarto niya!" proud niyang paalala na ikinatawa ko.
"Alam ko! Inasahan ko talaga!" sagot ko sa kanya. Kinuha ko ang natuping drawing sa bulsa ko saka pinili ang bulaklak na ide-design niya sa playhouse.
"Good choice! Maria!" Kumindat pa siyang nag-thumbs up kaya napatango na rin ako saka muling itinupi ang drawing.
Isinara na namin ang pinto ng kuwarto ni Gelai, sinundan ko naman si Gian na tumungo sa kabilang pinto. Pagkabukas niya ay tumambad sa akin ang napaka-cool na silid. Puno ng kulay asul na disenyo ang silid. May mga asul na bola, sasakyan at mga hugis na nakapinta sa pader.
Gian bounced on his bed and tapped it. "Here, sit down!" Umupo naman ako sa tabi niya pero tumayo ito saka tumungo sa isang bookshelf. I was surprised to see his study table, it was filled with different pens, sketch pads and more art materials. Sa tabi nito ay malaking bookshelf na puno ng comic books, manga volumes at marami pang reading stuffs. Hindi ko inakala na sa ganitong klase ng bagay siya mahilig.
Awang ang labi kong namangha sa nilalaman ng kuwarto niya. "Sa mga ganitong bagay ka mahilig?"
Gian shrugged beside me as we stood up in front of his bookshelf. "Well, hindi mo ako mapipigilan."
Ibinalik niya ang hawak niyang comic book sa isang slot saka siya kumuha ng isang manga volume. "Here, ito 'yong crush ni Gelai at dito siya patay na patay!"
Itinuro ni Gian ang isang character sa pahina ng comic book. "Weh? Hindi nga, mahilig din si Gelai nito?"
Proud na napatango si Gian bago ko hinawakan ang comic book nito saka tinitigan ang drawing. "Kaya imposibleng magkakagusto ito sa totoong tao, pft!"
I giggled out of the fact's cuteness. "Inimpluwensiyahan mo kasi siya, hindi ba?" I asked him but Gian shrugged.
"Baka? Sinabi niyang susubukan niyang magbasa kaya nagustuhan niya na rin." May kinuhang sketch pad si Gian sa table nito at ibinalik ko naman sa bookshelf ang kanyang comic book. "Sinubukan ko ring gumuhit kaso lame ang daloy ng kuwento."
I gasped out of disbelief when he said that he made one like it. I took a look on his sketch pad and was surprised to see that he did draw a short story comic!
"I-It's very detailed and awesome!" I complimented while caressing the page. "Ikaw ang una kong nakilalang ganito sa personal!"
Nahihiyang humalakhak si Gian. "AHAHA! Grabe ka mambola!" I shook my head on him. "No, I'm dead serious here."
Huminto katatawa si Gian at matamis akong nginitihan. "Pangalawang tao ka na pumuri nito. Si Gelai ang nauna."
Pinanlakihan ko siya ng mata sabay yakao ng sketchpad nito. Nagulat siya sa ginawa ko, tila nag-aalala nang niyakap ko ang ipinapakita niyang sketchpad.
"H-Hey, anong gagawin mo?!"
Sinubukan kong ilayo sa kanya ang sketch pad hanggang sa sumuko siya. "Babasahin ko ito  bago ko ibabalik sa 'yo!"
"Hah?! No no no! Huwag! Cringey 'yan, inaamin ko na!"
Mas natawa lang ako saka muling niyakap ang sketch pad. "I love reading cringey stuffs!"
He sighed and bowed his head. "'Unti-unti nang nawawala ang imahe ng dignidad ko," tila naiiyak niyang sabi.
"Sisimulan na natin ang design plan! So tuturuan mo akong gumuhit, Gian!" I told him. Nagliwanag ang mukha niya sa akin nang binigyan ko siya ng thumbs up saka kindat.
He gently smiled and nodded. "Sure! Sure!"