“REALLY?”
Pasimple tumango si Severina at napabuntonghininga na lang.
“You mean, ‘yung guy? Na hindi lang basta guy, kundi instant bodyguard mo?”
“Oo nga, Alexis,” inis niyang sagot dahil naiirita siya sa boses nito. “Masyado ka naman yatang bine-baby ng daddy mo,” sabi naman ni Mayumi habang kumakain, naririnig niya kasi ang bawat pagnguya nito sa kabilang linya.
Tanging boses lamang ni Severina ang maririnig sa kwarto ngayon. Nakahiga siya sa malambot na kama habang nakadikit ang cellphone sa tainga niya. Every night, naggu-group call silang tatlo, nagsasabihan ng kung ano ang mga nangyari sa buong araw nila.
“So, ibig sabihin nito, hindi mo na magagawa ‘yung gusto mo?”
Kaagad siyang napangiwi roon. “No, Mayumi. Gagawin ko pa rin ang gusto ko,” matigas niyang sagot rito. Nag-iba siya ng posisyon dahil medyo sumakit ang leeg niya. “Pero, Sevs, ’di ba, makakasama na natin ‘yan araw-araw? Even sa malls,” narinig niyang sabi ni Alexis. “Kaya nga, eh,” naiinis niyang sagot dito. “Nakakainis siya, promise. Ta’s hanggang ngayon, ang sakit-sakit pa rin ng braso ko dahil sa pagkahila niya sa akin kanina,” pagkukuwento niya.
“Wow, ah? Ako nga rin, eh, ang sakit ng likuran ko sa pagtulak ng taong ‘yun. Naku, ’pag nakita ko talaga ang taong ‘yun, makakatikim siya sa akin,” naiinis na sabi ni Mayumi sa kabilang linya.
“Pa’nong inis, Yums?” teased Alexis dahilan para matawa si Severina.
“By the way, Sevs, ano’ng name? Ang hot niya kasi, kaya try ko siyang i-search sa Facebook para naman ma-add ko, hihi.”
Napairap siya roon.
“Ang landi mo talaga, Alexis. Alam mo ‘yun?” asik ni Mayumi kay Alexis.
“Yums naman, ang sarap kaya ng taong ‘yun.”
“Ano ba ‘yang pinag-uusapan n’yo? Nakakasuka,” pamutol niya sa mga ito. “Basta, ayaw kong maging bodyguard ang taong ‘yun. End of the story.”
“Pero, Sevs, akala ko ba, um-oo ka na sa dad mo?” tanong ni Mayumi.
“Kaya nga, eh labag ‘yun sa kalooban ko, ’no.”
“That’s easy, Sevs.” Bahagyang sumeryoso ang mukha nuya, base sa pananalita ni Alexis, parang may alam itong solusyon sa problema niya. “Bakit, may naiisip ka?” may curious niyang tanong.
“Ako pa? Kung ayaw mo sa taong ‘yun, then get rid of him.”
Kumunot ang noo ni Severina. “Ano? Eh parang ang tigas ng taong ‘yun, eh. Hindi nga nagsasalita.”
“That’s easy,” sabi ulit ni Alexis.
“Alex, binibitin mo naman ako. Tell me what’s on your mind!”
“Alam ko namang stubborn ka. Ang gawin mo, humanap ka ng paraan para umalis ang taong ‘yan sa mansion nin'yo. Make some foolish stuff, like pranks. Mga gano’n?”
Napangisi si Severina roon. That gave her an idea. “Hindi ka naman talaga ganoon kabobo, Alex. Thanks for that. Sige, girls. Good night!” Dali-dali niyang tinapos ang tawag saka kagaad na napabangon. Alexis was right, she needed to get rid of that guy.
Maaga siyang nagising kinabukasan. Matapos lumabas ng kwarto ay tinungo niya ang dining area para kumain.
Nakalulungkot lang at sinabi ng mga maid na maaga pa lang ay umalis na ang daddy niya kaya mag-isa tuloy siyang kumain. Mabilis lang din naman siyang natapos, hindi niya naman kasi inuubos ang pagkain niya. Isang hotdog lang, juice, saka bacon ay ayos na.
Naglakad si Severina papuntang living room ng bahay. Inabot agad sa kaniya ng isa sa mga maid ang mga gamit niya para sa eskwela. “Tell Mang Louie, na aalis na ako,” utos niya sa isang maid na nakatayo sa tapat niya. Tumango ang ito saka naunang lumabas ng mansion para puntahan si Mang Louie, ang personal driver niya.
Lumabas na rin si Severina matapos makapag-ayos-ayos.
Mabilis namang napahinto ang mga paa niya sa paglalakad nang makita ni Severina iyong nakakainis na bodyguard na nakaharang sa tapat niya. Nakatayo ito sa harapan habang sa likuran nito naka-park ang kotse nito.
“Sabi ng dad mo, simula ngayon, ako ang maghahatid sa ‘yo,” sabi nito. Kumurba naman ang ngiti sa labi ni Severina, iyong ngiti niya tuwing nakikita ang mga kalaban sa school. “No way!” madiin niyang sabi rito.
“Pasok na.”
Napairap si Severina nang buksan ni Gunner ang pinto ng sports utility vehicle nito. “Sabi ko, ayaw ko. Are you deaf?” mataray niya tugon dito. Nakita niya si Mang Louie na pinaandar na ang kotse kaya dali-dali siyang lumapit doon.
“I said, pasok na!”
Natigilan si Severina nang marinig ang maawtoridad nitong pagkasabi. Muli niyang hinarap si Gunner. ‘As if na matatakot niya ako. As if na sasakay ako sa kotse niya.’
“Duh?” Inirapan niya lang ito saka siya muling naglakad palapit sa garahe, pero nanlaki na lang ang mga mata ni Severina nang may biglang bumuhat sa kaniya.
“Get off me!” sigaw niya rito habang pilit na umaalis sa pagkabuhat ni Gunner. Hindi ito sumagot, bagkus ay dinala siya nito palapit sa kotse.
“I said bitiwan mo ‘ko!” sigaw niya rito. Kasabay noon ang paglagay ni Gunner sa kaniya sa back seat ng kotse. Galit niya itong tiningnan. “Fuck you!” mura niya rito. Pero parang wala itong narinig, isinara lang nito ang ppinto Nakita niya itong naglakad papunta sa harapan, binuksan ang pinto, at agad nang umupo sa driver’s seat.
Nagkabit-balikat naman si Severina. “Look what you’ve done! Magulo na ang buhok at damit ko!” reklamo niya rito. Tiningnan ni Severina ang sarili. Ang gulo-gulo na ng damit niya. Para siyang ginahasa dahil sumabay na rin sa paggulo ang kaniyang buhok.
Tiningnan niya nang masama si Gunner na ngayon ay nagmamaneho. Napatingin si Severina sa rearview mirror at doon niya nakita ang mga mata nito na nakatuon sa harapan. His eyes . . . they were beautiful.
Ngayon niya lang napansin na magkaiba ang kulay ng mga mata ni Gunner. Kulay asul ang sa kaliwa habang brown naman ang kulay ng sa kanan. Heterochromia yata tawag sa disease na iyon. Ang heterochromia ay isang disease na kung saan magkaiba ang kulay ng mga mata ng isang tao. Based on a study, only three out of every five hundred people have it, so it was not that common.
Dahil sa sobrang inis sa lalaki ay hindi niya napansin na nasa tapat na pala sila ng school. Inis siyang bumaba ng kotse. “Thanks, ah?” sarkastiko niyang sabi rito habang inaayos ang kaniyang damit. May nakakarinig sa mga sinabi niya kaya bahagya lang silang tinignan ng ibang mga estudyante na dumadaan.
Hindi sumahot su Gunner at pinatakbo na nito ang kotse dahilan para mas mainis pa talaga si Severina. ‘Nakakainis talaga siya!’