CHAPTER 4
MICOL
"MELODY!" sigaw ni Allen. Mabilis akong tumayo para tutukan ng ilaw ang likurang direksyon ko. Nakita ko ang nakahigang si Melody sa lapag. Mabilis namin siyang nilapitan.
Pinulsuhan kaagad ni Sygnore si Melody. Ilang segundo kaming natahimik habang pabalik-balik nang hawak si Sy sa palapulsuhan ni Melody sa kamay at sa leeg.
"Oh my god! Is she dead? What? Sygnore! Tell me!" nanginginig na sabi ni Sap, puno nang takot ang kanyang boses.
Tumingin sa amin si Sy at dahan-dahan itong napaupo sa tabi ni Melody.
"Patay na ba si loner?" Hindi ko alam kung bakit pero nagawa pang magbiro nang ganoon ni Tyron. Masama tuloy siyang tinignan ni Allen. Mabuti at hindi ito pumatol pa. Umatras lang si Tyron at nagtaas ng dalawang kamay na parang sumusuko.
"She's okay," sabi ni Sy. Sabay-sabay kaming napahinga nang napakaluwag. Inilagay ni Sy sa hita niya ang ulo ni Melody.
"Teka may tubig pala ako sa bag," sabi bigla ni Knight. Hinalungkat niya ang backpack niya at doon, nilabas niya ang isang maliit na bote ng tubig. "Kalahati na nga lang ang laman," dagdag pa niya.
"Sa akin 'yan!" Biglang inagaw ni Tyron ang bote ng tubig.
"What the fuck? Nakita mo nang walang malay yung tao! Pati ba naman sa tubig, gahaman ka?" naiinis na sabi ni Allen.
"Who the fuck cares about that loner? At isa pa, sigurado ba kayo na si loner 'yan?" Muling tinutok ni Tyron ang flashlight sa mukha ni Melody.
"Obviously, Tyron!" inis na sabi ni Sy. "Kitang-kita naman 'di ba?"
"Wait!" pagsingit ni Sap. Tumango siya at tumingin kay Allen. "What if Tyron is right? What if, hindi pala—"
"Sapphire! Pati ba naman ikaw? The fuck!" sabi ni Allen.
"I'm just saying that Tyron has a point! Paano nga kung hindi pala si Melody 'yan? Do you even ask how she got here? And why is she lifelessly lying here?"
Natahimik kami lahat. No one wants to say a word. Maybe, just maybe, Tyron and Sap have a point. Napaisip rin ako kung paano mapupunta si Melody dito. Did she receive messages from that unknown number too? Kaya siya nandito? O nagkataon lang na dito siya pumasok at nahimatay kung saan kami dinala rin ng mga mensaheng iyon? Kung nandito siya, nasaan sila Ma'am? The last time I check, magkakasama sila pati si Kim at Arlana. But why is she alone now?
"If she's not Melody, then who is she? Bakit kamukhang-kamukha niya si Melody?" tanong ko.
"Basta kapag hindi 'yan si loner, bahala kayo! Ayaw ko pa mamatay." Tumalikod si Tyron at umupo sa isang monoblock. Nagkatinginan kami ni Sy.
"Si Melody 'to! I swear!" sabi ni Sy habang turo si Melody na nasa hita niya.
•••
"Melody!"
Nabuhay bigla ang mga dugo namin nang may sumigaw mula sa labas ng Sphera Wheels. Mukang boses iyon ni Arlana. Kaya nagmadali ako at si Allen na tumakbo papunta sa labas, dala ang maliwanag na flashlight ni Tyron.
"Arlana!" sigaw ko. Nakita ko na lumagpas na sila. Mabuti at narinig nila ang sigaw ko. Kasama niya pala si Kim at may isa pang lalaki na hindi familiar sa akin ang mukha. Mabilis silang lumapit sa amin.
"Micol! Mabuti at ligtas kayo." Niyakap ako ni Arlana. "Nakita niyo ba ang iba? Nag-aalala na ako. Nagkahiwalay-hiwalay tayo."
Tumango kami ni Allen. "Kasama namin si Sapphire, Sygnore, Melody, Knight at si Bully," sabi ni Allen. Napangisi ako sa sinabi niya. Mainit talaga ang dugo nilang dalawa ni Tyron sa isa't-isa.
"Si Melody? Oh my god! Mabuti at okay siya! Akala ko kung napano na siya!" sabi ni Kim.
"Pero wala siyang malay," sabi ko. Nakita ko na gumuhit sa mukha nila ang pagkagulat. Kaya niyaya ko na sila papasok sa loob.
"Oh my god! President Arlana! Kim! And..you... who are you?" Mabilis na nagtaka si Sap pagkakita sa kanila. Lumingon kami at hinantay ang sagot nong lalaki. Infairness, gwapo pala siya.
"Ah, Rocky Borja from Section 4. Naligaw lang din ako dito. Mabuti at nakita ko sila Arlana," nakangiti niyang sabi.
"Section 4? Ibig sabihin, nandito rin sila?" tanong ni Sy.
"Hindi ko rin alam. Nahuli kasi ako ng byahe. Dito ko sila dapat tatagpuin. Pagdating ko, wala naman na sila. Si Arlana at Kim na ang nakita ko na paikot-ikot."
"What the fuck is going on here?" Binato bigla ni Tyron yung monoblock na inuupuan niya. "Is this some kind of prank? No service, no lights and no one is coming. Baka naman ikaw ang may gawa nito!?" Bigla niyang hinawakan sa leeg si Rocky. Mabilis namin silang pinaghiwalay.
"Anong pinagsasabi mo, Tyron!? Nakita mong naliligaw na kami tapos ako pagbibintangan mo?"
Nakakatakot yung boses ni Rocky. Halatang na-offend siya sa ginawa ni Tyron. Sino bang hindi mao-offend! Bigla kang sakalin!
"Tumigil ka na nga, Tyron!" Hinatak ni Allen yung kamay ni Tyron at malakas niya itong tinulak paupo sa monoblock. Aambaan sana siya ni Tyron ng suntok pero mabilis na nahigit ito ni Knight.
"Tyron! Subukan mo. Alam mo kung ano ang kaya kong gawin."
For the first time in the history of Green Valley, napatahimik si Tyron! Pero imbis na matawa kami ay natahimik at nagkatinginan lang kami nila Sy at Allen. Kalmado pero may laman ang sinabing iyon ni Knight. Anong ibig niyang sabihin? What is worst about him?
"Guys, gising na si Melody!"
Napalingon kami kay Melody. Bumangon na ito at 'tila parang walang alam sa mga nangyayari. Mabilis siyang nilapitan ni Kim at Arlana. Tinanong siya kung okay lang ba siya at kung paano siya napunta doon.
"May nagtext kay Ma'am, sabi dito daw sa Sphera Wheels magkikita. Iniwan niya ako dito para hanapin kayo lahat," sabi ni Melody.
"Nasaan si Ma'am? Nakita niyo ba?" tanong ni Kim. Umiling kaming lahat.
"Paano ka nawalan ng malay?" tanong ni Sy kay Melody.
"Hindi ko matandaan."
•••
Nagsisilbing liwanag namin ang malaking flashlight ni Tyron. Wala na rin kasing battery ang phone ko kaya hindi ko na magamit ang flashlight. Lahat kami ay walang signal.
Nakaupo kami sa monoblock ng pabilog habang magkakaharap, para kaming nagi-spin the bottle. Dapat sana ay nasa gitna ang flashlight pero hawak lang ito ni Tyron, para daw pag nagkatakbuhan, may ilaw siya.
"Nagugutom na ako," rinig kong sabi ni Melody kay Arlana. Napatingin ako sa wristwatch ko, 7:15 na pala ng gabi. Kaya pala nakakaramdam na rin ako ng gutom.
"May pagkain ka ba sa bag mo?" tanong ni Arlana kay Knight. Umiling si Knight at ipinakita ang laman ng bag niya. Nahagip ng paningin ko na damit ang laman nito.
"Sure ka ba na field trip pupuntahan mo o camping?" tanong bigla ni Sap. Mukhang nakita niya rin ang laman ng bag ni Knight.
Napangiti lang si Knight, sabay tingin sa direksyon ko. Kaya mabilis akong bumaling ng tingin kay Allen na nasa kaliwa ko.
"Dzai!" Pinalo ko siya ng mahina. Napalingon siya sa akin, halatang nagtataka. "Uh, may pagkain ka? Nagugutom na daw si Melody, eh."
Mas lalong gumuhit sa mukha ni Allen ang pagtataka. "Okay ka lang? Wala akong dalang bag 'di ba? Saan ko itatago yung mga pagkain?" natatawang sagot niya sa akin.
Sapilitan rin akong natawa. "Oo nga. I forgot, sorry," sabi ko. Lumingon ako sa direksyon ni Knight, mabuti at 'di na siya nakatingin.
"Hoy! Bagong salta!" biglang sabi ni Tyron habang nakaturo kay Rocky. "Paano ka nahuli ng byahe? Field trip ito 'di ba? Bakit hindi ka nila kasabay? Pinagloloko mo ba kami!?"
Ewan ko ba bakit ang talino ni Tyron ngayon. As far as I can remember, he never listens to our lectures. 'Ni hindi nga gumagawa ng assignments at projects 'yan. How come he suddenly became cautious? Kailangan yata talaga isasabak sa ganito si Tyron para mas magbukas ang kanyang mga senses.
"I took your side awhile ago but you're a plain dumb," maarteng sabi ni Sap kay Tyron. "Malamang nahuli siya dahil late siya. Tell me I'm right, Rocky."
Tumango si Rocky. "Ganoon nga. Wala naman akong intensyon na makigulo sa inyo. Nagkataon lang talaga na kayo ang nakasama ko. Pasensya na kayo."
"Ang bobo niyo! Bahala kayo diyan!" Biglang tumayo si Tyron at dala niya ang flashlight. Kaya tumakbo silang lahat papunta sa kaniya. Except me, Rocky and Knight. Nanatili lang kami sa aming mga upuan.
"If you're going to leave, don't bring the flashlight!" Pinalo-palo ni Sap si Tyron.
"Sa akin 'to! Bobo mo!" Tinulak ni Tyron si Sap. Pero nagpumilit pa rin si Sap hanggang sa natulak na siya ni Tyron. Natumba siya at nadaganan pa siya ng isang kung anong nakabalot ng tela sa gilid.
Mabilis siyang pinuntahan ni Knight. Inalalayan nila Sy at Allen si Sap. Si Rocky rin ay mabilis na romisponde. Tinaas niya ang kung anong dumagan kay Sap.
"Are you fucking nuts!? Paano kung namatay ako 'don?" sigaw ni Sap kay Tyron.
"Sinong may pake, drama queen?!" sagot ni Tyron.
"Guys! Tumigil na kayo! Tignan niyo 'to oh!" sabi ni Kim. Lumapit na rin ako para mas makita ang tinuturo nila.
Ang nasa likod ng tela na dumagan kay Sap ay isang roleta. Lumang-luma na ito dahil sa mga alikabok at natutuklap na rin ang mga pintura nito. Mabilis na inilawan ni Tyron ang mga nakasulat sa anim na parte ng roleta.
Tormme
Ostubi
Sacus
Tormme
Ostubi
Sacus
"What the hell is that?" bulong sa akin ni Allen.
Pinaikot bigla ni Rocky ang roleta. Nagkaroon ng alingawngaw ang ingay mula sa roleta. Matinis na tunog ito, parang kuko na iginuguhit pababa sa isang blackboard. Napatakip kami lahat ng tenga. Mabilis akong lumapit para pigilan ang pag-ikot nito.
"Don't do that again! Baka may mabulabog tayo!" sabi ko. I don't really believe in ghost or any traditional beliefs. Pero ang sabi ni Kuya, kapag magpupunta ako sa bagong lugar, dapat mag-iingat ako at 'wag akong gagawa nang mga bagay na ikakabulabog nila. Baka daw sumama sa akin pauwi.
Babalik na sana ako sa upuan nang biglang magsalita si Rocky.
"What about we play? Palitan natin ang mga nakasulat dito. For sure, bored na bored na kayo."
I am not sure if he is joking.
Umiling kaming lahat. Kahit si Tyron ay hindi pumatol sa alok ni Rocky.
"Pagkain ang hanapin natin, 'wag natin galawin ang mga 'yan." Tinignan ko si Tyron. Inilahad ko rin ang kamay ko para isenyas na hihiramin ko ang flashlight niya.
"Saan ka maghahanap? Sasama ako," tanong niya.
Sinamaan ko siya nang tingin. "Huwag na, baka mas lalo lang akong—"
"Tara na kasi!" Bigla siyang lumakad palapit sa akin. Napaatras ako at napahawak sa kanang braso niya. Inalis ko naman agad ito at iniwasan siya. Humarap ako kay Knight.
"Knight, samahan mo nga ako." Hinatak ko nalang si Knight at mabilis ko rin hinablot ang flashlight na dala ni Kim kanina. Lumabas kami sa Sphera Wheels, isang malamig na hangin ang sumalubong sa amin.
"Wala tayong mapagbibilihan dito, Micaela."
Ilang beses na niyang sinabi 'yan pero hindi ko siya pinapansin. Naglakad lang ako at nagbabaka-sakaling may makita pa akong kaklase namin. Binabalot lang ang buong Sphera Carnival ng dilim mula sa kalangitan. Liwanag lang mula sa flashlight at mula sa buwan ang nagsisilbing ilaw namin.
Nadaanan ko ang Vikings at Roller Coaster. Aamin ako na natatakot ako dahil para kaming nasa isang horror movie na biglang may susulpot sa likuran namin, and anytime those creatures can eat us alive.
I shook my head. "Wild imaginations, Micol," natatawang bulong ko sa sarili.
"Micaela, umikot lang tayo."
Napatigil ako nang marinig ko si Knight. Napatingin ako sa dinaraanan ko at tama si Knight, galing na kami dito sa harap ng Vikings. Pero hindi pa kami dumadaan sa Sphera Wheels. Paano kami makakarating dito nang hindi nadadaanan iyon?
Nakaramdam ako ng kilabot habang iniikot ko ng dahan-dahan ang liwanag mula sa flashlight. Tumapat sa mukha ni Knight ang liwanag. Iniwas niya ang mukha niya rito.
"Bumalik na tayo, Micaela."
"Tsk, tara na nga—"
Natigilan ako. Nanlaki ang mata ko nang ibaba ko ang liwanag mula sa flashlight. Nanlalamig ang buong katawan ko at halos hindi ako makakilos. Gusto kong sumigaw pero hindi ko magawa.
Lumingon si Knight mula sa tinitignan ko. Napaatras siya at sa tingin ko ay nanlamig din siya. Lumingon muli siya sa akin at mabilis na hinawakan ang kamay ko. Doon lang ako naglakas loob na sumigaw.
"Si Ma'am! Si Ma'am!" sigaw ko, napaupo na ako sa lapag. Gumulong ang flashlight sa gilid ko, kaya mas lalo kong nakita ang mukha ni Ma'am.
Nakahandusay si Ma'am sa lapag. Walang buhay. Puno ng dugo ang kaniyang damit. Ang mga mata niya ay tinanggal at ipinasok ito sa bibig niya. Wala rin ang kaniyang tenga, nakapasok rin ito sa kaniyang bibig. May saksak itong mahabang taga sa kaniyang dibdib. Nakita ko rin na nawawala ang kaniyang kanang paa.
"Tara na, Micaela!" Hinatak ako ni Knight patayo. Halos manghina na ang tuhod ko sa nakita ko.
•••
Walang tigil kami sa pagtakbo ni Knight. Halos madapa na ako dahil sa hina ng tuhod ko. It is my fucking first time to see murdered body! I felt my soul leave my body!
Napatigil kami sa pagtakbo ng makita namin ang katawan muli ni Ma'am. Ibig sabihin ay umikot na ulit kami. But this time, natanaw ko na ang Sphera Wheels. Tinignan ko si Knight. Nakatuon lang ang mata niya sa karumaldumal na katawan ni Ma'am. Bahagya siyang naka-ngisi. Hindi ko mabasa ang nasa isip niya. Hindi ko alam kung galit ba siya o natatawa?
"Micol! Micol! Knight! Nasaan kayo?" rinig ko ang boses ni Tyron. Napabaling ako sa Sphera Wheels at nakita ko ang maliwanag na flashlight ni Tyron.
"Guys! Dito kami!" sigaw ko. Ako naman ang humatak kay Knight. Iniwas ko ang tingin ko sa katawan ni Ma'am.
"Holy sh—" Nakita ni Tyron ang katawan ni Ma'am, kaya hinatak ko na siya papasok sa loob.
•••
"Oh my god! I want to go home! We're gonna die here!" Umiyak na si Sap pagkatapos marinig ang nangyari sa amin.
"Paano nangyari na hindi natin nakita ang katawan ni Ma'am?" nag-aalalang tanong ni Arlana kay Kim. "Dumaan tayo kanina doon 'di ba?"
"Sa tingin ko ay kanina pa namatay si Ma'am. Mukhang matigas na ito at medyo may amoy na rin," sabi ko.
"Kailangan na natin makaalis dito! Pero paano?" sabi ni Allen.
Umiling ako. "No. The real questions are how did she die? Who killed her? Why did we end up running in circles? Kung nakita niyo lang kung paano kami paikot-ikot ni Knight kanina, until we found Ma'am's' body. Nakakapagtaka kung paano siya biglang napunta doon. At itong Sphera Wheels na 'to, biglang lumilitaw at nawawala."
"Wait, nakarinig na ako ng ganyang kwento," sabi ni Rocky. "Paikot-ikot lang sila tapos hindi na sila makaalis sa lugar na 'iyon, kaya ang ginawa nila, binaliktad nila ang mga damit nila para makauwi sila."
"Joke ba 'yan? Kasi kung joke 'yan, babanatan kita," sabi ni Tyron.
"Hindi ah! Totoo 'iyon!"
"I agree!" sabi naman ni Kim. "Naalala ko na may nabasa rin akong libro na ganoon."
"Oh, 'di ba? Hindi ako nag jojoke!" payabang na sabi ni Rocky kay Tyron.
"So, babaliktarin lang natin tapos, tapos na? Sana kanina pa ako nagbaliktad!" Akmang huhubarin na ni Sap ang suot niyang shirt nang biglang pumigil si Knight. "Why? Gusto ko na umuwi, Knight! I'll do everything to go home!"
Tumingin si Knight sa akin at sumenyas. Mabuti at mabilis pa rin ang utak ko kahit na nakakita ako ng patay.
Lumapit ako kay Sap at sinabing, 'wag siya mag hubad sa harap ng mga lalaki. Kaya nagpunta kami sa may gilid, kung saan may kurtinang pinangtakip sa roleta. Hawak ko ang isang dulo at si Allen naman sa kabila. Si Sap at Sy ang naunang magbaliktad. Si Kim at Arlana naman ang sumunod. Si Melody naman ang sumunod. Pagkatapos ay hinawakan na ni Knight at Rocky ang magkabilang dulo para sabay na kami ni Allen magbaliktad.
"Effective ba 'to?" tanong ni Allen pagkatapos namin magbaliktad. Nagkibit-balikat lang ako bilang sagot.
I hope it will be effective.
END OF CHAPTER 4