Yung kuha niya sa litrato, walang tenga. Nakatagilid siya, dapat may tenga siya dito, at hindi naman ganun kahaba yung buhok niya para matakpan. At kung titignan mo ng malapitan at maigi parang pinutol yung part ng lirato kung nasaan dapat siya may tenga. Hindi ko alam kung anong editor o photoshop tools ginawa dito, pero makikita mo na ang sharp ng edges kung saan yung part na nawala yung tenga ni Sy, parang crop lang.
Kinuha ko yung litrato na hawak ni Sy at tinignan ng mas malapit pa, "Baka naman nagkaroon lang ng problema nung dini-develop at hindi lang napansin." Sabi ko dahil mukhang natatakot na si Sy. Sino naman ang may gawa nito? May tao bang galit kay Sy? Kung meron nga, malamang yung photographer yun, dahil siya lang ang may kayang gumawa niyan dahil siya ang kumuha ng mga litrato kahapon.
"Sa laki ng tenga ko?! Sa tingin mo magkakaroon ng problema kuhanan 'to? Parang hindi nga tugma tong tenga ko sa ulo ko eh."
"Sy, kalma. Mas—"
"Saka tignan mo' to. Hindi ko alam kung nagkataon lang yan. Pero bakit pati itong mga 'to?" Napatingin ako sa mga hawak ni Sy na litrato, yung isang litrato putol naman yung Paa.
Umupo ako sa sofa at kinuha ko yung sobre kung saan lahat nakalagay yung mga litrato.
Lahat ng solo pictures hiniwalay ko, at lahat sila ay may mga nawawalang parte ng katawan sa kuha nila. Parang hindi lang nagkataon, dahil duon sa lahat ng solo lang nawawala yung parte ng katawan nila, pero kapag sa ibang litrato na may kasamang iba maayos naman ang pagkakakuha, walang nawawala.
Tumingin ako kay Sy, "Kilala mo silang lahat?"
Umiling siya, saka tumango. "Ang kilala ko lang dito ay si Carlo at Carmen, co-author ko sila. Twins sila. Tignan mo yung solo pictures nila, si Carlo yung left hand niya yung wala sa picture at si Carmen naman ay yung right hand niya. Itong lalaking naka-shades, parang nakita ko na siya sa T.v. tignan mo tong picture niya wala siyang bibig. Eto namang babaeng isa, nakasabay natin siya sa Bus kahapon, wala naman siyang Paa." sabi ni Sy habang iniisa-isa niya ituro yung mga solo pictures na hiniwalay ko.
Bakit lahat ng solo pictures lang?
"Sandali, Cooper. Ikaw, tignan mo yung solo picture mo, ikaw lang ata walang diperensya sa solo."
Tumingin ako sa litrato na kuha sa akin. Oo nga. Bakit ako lang ang may solo na walang naputol na parte ng katawan? Sa litrato, nakahawak ako sa dibdib ko dahil nagulat ako sa biglaang flash ng camera sa mukha ko, pero walang nawawalang parte ng katawan ko. Tanginang Photograper 'yan.
Kinuha ko yung litrato ko nang may napansin ako sa na kung ano sa bandang likuran. "Sino' to? Tignan mo itong nasa bandang likod ko, may taong naka-hood ng itim. Parang nakatingin din siya sa camera pero hindi makita yung mukha niya dahil medyo blurred." Pinakita ko kay Sy yung Picture
"Hindi lang yan. Pati ito, ito pa." Inisa-isa ni Sy yung mga litrato na may taong nasa likuran nila, at lahat ng may solo picture at may nawawalang parte ng katawan sa litrato ay may nakatayong taong naka hood ng itim sa likuran nila. "Lahat ng solo, may nakatayong tao sa likod nila. Pati sa akin, at yung sayo."
Anong trip ng photograper at ginawa niya 'to? Tangina niya hindi nakakatuwa. Kapag nakita ko talaga siya wawasakin ko' tong mga litrato sa harap niya.
Natuon yung attention namin sa tunog ng cellphone nang may biglang tumawag kay Sy, kinuha niya naman yung cellphone niya at sinagot. "Carmen?....Ano!?.... Asan siya pumunta?.... Hindi, hindi siya naparaan dito, nasa room ako ni Cooper eh.... Nakita?... Mu—multo?.... Sige kumalma ka muna. Pupuntahan ka namin." Napansin ko na nanginginig si Sy na binaba yung phone niya.
"Bakit? Sino yun?"
"Si, Si Carmen tumawag, nawawala daw yung kambal niya na si Carlo. Kanina daw, palagi binabanggit ni Carlo na may mga nakikita siyang parang multo tapos ngayun ngayun lang bigla siyang nawawala" Multo? Nakikita?
"Tara puntahan natin sila."
Kinuha ko yung mga litrato sabay nilagay ko sa envelope at dinala. Nagmadali kaming pumunta sa pintuan, at pagbukas ko ng pinto napasigaw si Sy sa nakita niya na agad ko namang binalik sa pagkasara at tuloy kinandado. May taong duguan sa harap, at halos luwa na yung mata niya. Hindi kami namamalik mata, nakita namin yun, nakita ko din ni Sy.
"Cooper! A—Ano yun!!" Chap Chap Chap. Ano yun? Yung tunog, may naririnig akong tunog. Parang may umiitak ng karne saan galing? Bakit parang nasa loob lang ng kuwarto. Saka yung nakita namin sa harap ng pintuan. Anong bang nangyayari?
Huminga ako ng malalim, saka dahan-dahan lumapit sa pintuan, at tinitigan yung maliit na butas sa pinto. Nilapit ko onti-onti yung mukha ko sa pinto at sinilip dahan dahan yung butas para makita kung nasa labas pa yung nakita namin. Chap Chap Chap
"Shit! Wala na.."
Binuksan ko yung pintuan, wala ng nakaharang na kung ano. Nang makandado ko na yung pintuan, hinawakan ko yung kamay ni Sy at naglakad papunta sa elevator. Sa gitna ng paglalakad namin, nakarinig kami ng mga yapak ng paa sa bandang likuran kaya binilisan pa namin yung paglalakad, nang makarating kami sa elevator pinindot ko ng paulit-ulit yung pindutan.
Nang magbukas, pumasok kami agad pero sa di kalayuan may nakita kaming babae na nakatayo mismo sa harap ng pintuan ng room ko, malayo siya pero kung titignan mo siya parang labas yung bituka niya, napakapit sa akin si Sy nang mariin. Maya maya, biglang lumingon yung babae sa amin at nag simula lumakad papunta sa elevator kung nasaan kami. Agad ko namang pinindot yung pindutan papuntang ground floor para magsara na yung elevator pero parang ayaw. Chap Chap Chap.
Malapit na siya nang mag sara na yung elevator. Nakahinga ako ng maluwag, at pagtalikod ko. "Hoolyy! Shiit!!!"
"Ahhhhhhh!!!"
Parang huminto yung oras nang may makaharap akong isang clown, nakakatakot yung mukha niya, at lalo umakyat yung kilabot ko sa buong katawang nang biglang may mag silabasan na mga dugo sa bibig niya at ngumiti na halos mapunit na yung mga labi niya. Chap Chap Chap. Umatras ako at pumunta kung nasaan si Sy at niyakap siya dahil halos himatayin na siya sa nakikita namin.
Saka biglang namatay yung ilaw, pagbukas, wala na yung clown. Ting.
× × × × ×
Pagbaba namin ng jeep, napansin namin na may pinagkakaguluhan sa bandang harapan ng company kung saan nagtatrabaho si Sy. May mga police at andaming tao ang nakapalibot sa bandang entrance ng building. Napadaan yung paningin ko sa rooftop ng building at duon may naaninang akong hugis ng tao na nakatayo, naka hood siya ng itim. Sandali, wag mong sabihin siya yung tao duon sa litrato?
"Padaan po! Excuse!"
Pilit naming dumaan at sumingit sa dami ng tao nakikiusisa sa kung ano man ang meron duon sa harap ng company. Lahat sila may mga dalang cellphone at nakatutok ang kamera sa tapat ng building kung nasaan yung mga police.
Nang makarating kami sa harap, napatakip ng bibig si Sy sa nakita niya. Nakita ko si Carmen na nakaupo sa sahig na humahagulgol ng iyak, at ang nakakabigla at nakakakilabot ay yung kambal niya na si Carlo, bangkay at patay na. Putol ang kaliwa niyang braso at nakatusok sa dibdib niya, duguan yung ulo niya na halos maglawa na ng dugo sa sahig.
"May nakakitang pong bumagsak nalang bigla siya mula sa taas ng building, at nakatusok na ang braso niya sa dibdib. Hindi pa po namin alam ang dahilan nang nangyari, pero iimbistigahan nalang po ng forensic ang cause of death niya." Paliwanag ng isang police kay Carmen na patuloy ang pahagulgol at pag-iyak. Lumapit naman si Sy at niyakap si Carmen para damayan, habang ako nakatayo lang at nakatingin sa imposibleng pangyayaring nangyari kay Carlo.
Kung paano nawala yung kamay at braso ni Carlo duon sa litrato, ganun din naputol ang braso niya. Nagkataon lang ba ito? Yung tao sa building. Yung mga hindi naming mapaliwanag na nakita namin ni Sy sa aparment. Ano bang nanyayari? Lahat ba ng may solo picture mamamatay, tulad nang pagkamatay ni Carlos? Pero bakit? Anong dahilan. O Mas komplikado pa ito sa mga iniisip ko.
Sinubukan naming balikan ni Sy yung photograper na kumuha sa amin ng mga litrato kahapon, pero wala na siya sa lugar kung saan siya nagtatrabaho. Sinubukan din naming tawagan ng paulit ulit yung numero niya pero ayaw niya sagutin. Nagtatago ba siya? Bakit siya nagtatago May kinalaman ba yung taong yun sa mga kababalaghan na nangyayari sa amin? Anong meron sa Carnival? At duon nagsimula lahat ng mga nangyayari ngayon.
× × × × × ×
Nang magdilim na, bumalik na kami sa Apartment. Tumigil na yung mga kakaibang nakikita namin mula kanina. Minabuti ko munang sa room ko muna matulog si Sy dahil sa mga nangyayari. Hindi ko alam kung anong meron pero ang lakas ng kutob ko na delikado pag mag-isa lang siya.
"Cooper, may nag-post sa internet 2 years ago tungkol sa mga nawawalang parte ng katawan sa larawan. Sabi dito na pag nakuhanan ka ng litrato na may putol o nawawalang bahagi ng katawan mo, ibig sabihin nun ay malapit ka ng mamatay." Sabi ni Sy na nakadungaw sa kama dahil sa lapag ako nakahiga ngayon.
"Hindi totoo yan Sy. Pamanhiin lang yan"
"Pamanhiin? Cooper, multo na yung mga nakita natin kanina, dapat yung mga bagay na yun ay hindi nag-eexist sa mundo pero nakita natin kanina. Sa ngayon wala na sigurong imposibleng manyari kahit pamanhiin na yan"
Tama si Sy, "Ano bang nakalagay diyan?"
"Nakuhanan daw siya nung graduation na nawawala yung mata niya. At makalipas ang ilang araw nung makuha nila yung litrato, may taong tumusok ng barbecue stick sa mga mata niya. Multo daw ang nakita niya pero walang naniniwala. Swerte nalang siya at nakaligtas pa siya sa aksidenteng nanyari, pero nabulag siya pagkatapos. Nabanggit din dito na bago sila mag-graduation, pumunta muna sila sa—Carnival"
"Carnival?"
Ang centro talaga ng mga nangyayaring ito ay ang Carnival. At kung totoo man yung sinabi ni Sy, lahat ng nawawala sa katawan mo ay ang magiging sanhi ng aksidenteng puwedeng mangyari sayo, o pagkamatay mo. Si Sy, tenga, Anong manyayari sa kanya? Walang mayayari hanggat nasa tabi ko siya, hindi ko siya hahayaan na mawala.
"Matulog na tayo. Bukas na natin solusyonan lahat"
Tumango naman siya at ngumiti. "Night..." Hindi ko alam ang mga nangyayari pero aalamin ko lahat ng ito hanggang sa hindi pa ako nakakasigurado na ligtas ang buhay naming dalawa ni Sy.