♫ Lemon ♫
"Welcome sa Maria!" salubong samin ni Kellen at Audrey pagpasok na pagpasok namin sa gate ng St. Mary's University.
"Thank you beauties!" sagot naman sa kanila ni Kekang.
"At dahil classmates tayo at first day nyo sa school, magka-cut tayo ng klase!" sabi pa ng mahusay kong pinsan. Nanlaki naman agad ang mga mata ko dahil sa gulat sa sinabi nya. "Joke lang! Grade conscious? Ikaw naman cuz, halos lumuwa ang mata ganun!?"
"Akala ko kasi seryoso ka!"
"No, of course not! Meron tayong library period mamaya after ng lunch, pero instead na mag-library, nagpaalam kami sa adviser natin na itu-tour namin kayo ni Audrey sa school," mahabang paliwanag nya.
"Dalhin mo kami sa maraming boys ha?!" singit naman ni Kekang.
"Oo ba! Sakto may practice ang varsities today. After lunch practice na sila hanggang mamayang 5 PM," excited ding sagot nitong isa.
"Ikaw talaga puro ka kaharutan!" sita ko sa kaibigan ko na agad din naman nyang kinontra.
"Wow! Linis-linisan? Hindi humarot sa France beks?" pagtataas nya ng kilay.
Humarot din naman kasi talaga ako sa France. Pero puro pakilig lang at hindi naman ako nagkaron talaga ng boyfriend.
May mga nanliligaw pero puro friendzoned. Back then, I feel like I’m too young to be in a relationship so I don’t entertain suitors.
"Oh sya, mamaya na kayo mag-okrayan! Akyat na tayo at baka ma-late pa. Mahirap na!" awat samin ni Kellen kaya naman agad na kaming dumiretso sa building namin. Nasa 2nd floor lang ang classrooms namin at mula sa corridor ay tanaw na tanaw ang quadrangle.
"San kayo tumatambay pag walang klase?" tanong ni Kekang sa dalawa naming kasama.
"Sa mangga!" mabilis na sagot sa kanya ni Audrey saka nya tinuro ang mayabong na punong mangga na nasa kanang bahagi ng quadrangle.
Lupa ang bahaging yun na ginagamit daw sa gardening. Pero sa palibot ng puno ng mangga ay may mga bench na nakasilong.
Pagpasok namin sa classroom ay inabutan na namin dun si Kip kasama ang mga kabanda nya. May iilan na rin kaming mga classmates na naka-pwesto na sa kani-kanilang mga silya habang ang iba naman ay nakaumpok malapit sa bintana.
Nagsimula na rin silang magbulungan ng pumasok kami. Wala pa kaming sampung minutong dumarating ng pumasok ang adviser namin.
"Good morning class! I'm Mrs. Rañola and I'll be your adviser for the rest of the school year. I will be arranging you alphabetically, boys and girls. Whoever your seatmate is will be your partner for your projects and for other activities,” paliwanag pa nya na tinanguan naman naming lahat.
"But before we get started, I'd like to call on Mikael Felipe and Leslie Monica Juarez. Can both of you please come forward?" saka sya luminga-linga. Agad din naman kaming tumayo ni Kekang at lumakad papunta sa unahan ng classroom.
"Now, both of them are transfer students. They came all the way from France and they will be resuming their studies here at SMU," patuloy pa ni Mrs. Rañola. "Are you ready for the introduction?" baling nya naman samin na tinanguan din naming dalawa. "Ok, the floor is yours."
Nagsimula si Kekang sa pagpapakilala ng sarili nya. Binanggit nya ang kanyang mga hobbies, mga likes and dislikes, idols, ultimo favorite food and colors. Medyo gusto ko na ngang tumawa dahil para lang syang nagfi-fill up ng slumbook.
Agad naman akong humarap sa klase pagkatapos nya. "Good morning, my name is Leslie Monica Juarez, but you can call me Lemon for short, I prefer that too," saka ako ngumiti.
Nagpapakilala lang ako pero ramdam ko ang kaba sa hindi ko malamang dahilan. Dahil ba may mga kaklase akong nakataas ang kilay sakin?
"We moved to France when I was 8, when my parents got separated. My Mom decided to move back here in the Philippines because she put up her own fashion house. I'm an only daughter and Mikael here is my best friend. But of course, it will be a pleasure to be friends with everyone in this class," pagtatapos ko. Nagpalakpakan ang lahat matapos naming magpakilala habang kami ni Kekang ay pabalik naman na sa upuan namin.
"Hindi naman kagandahan," dinig kong bulong ng isa sa mga kaklase ko. Lumingon ako at kitang kita ko ang pag-irap ng dalagang may mahaba at alon-alon na buhok, maputi ang kanyang balat at bilugan ang mga mata.
She looks like she's 'someone' but since she sounded insecure, she doesn’t count. Ayaw ko talaga sa mga taong halos wala na atang kapintasan pero lampas ulo pa rin ang insecurity sa katawan.
"Unlike other advisers, I don’t like students who are frequently absend and cut classes. Mahal ang binabayad ng mga magulang nyo sa paaralang to kaya dapat lang naman siguro na sulitin nyo. Bayad ng mga magulang nyo ang nagpapasahod sakin kaya tama lang naman sigurong pagtuunan ko ng pansin ang trabaho ko at kayo yun," litanya ng guro namin.
Nagtapos ang homeroom na puno ng mga bilin. Natapos nya rin kaming i-arrange sa kung saan kami dapat maupo at swerte namang si Kevz ang naging seatmate ko.
Nasa unahang row ko lang din naman si Kekang at Audrey at halos katabi lang din namin si Kellen at si Kipler na mag-seatmates din.
"Asar naman!" dinig kong sabi ni Kellen.
"Bakit ayaw mo ba kong katabi?" inis na sita sa kanya ni Kip. "Homme palit nga tayo, ikaw dito!" saka tumawa ng malakas.
"Ano ba Kip, siraulo ka talaga!" pabulong na sabi ni Kellen saka kinurot sa balikat ang kakambal nya.
Hindi naman namin mapigilan ang pagtawa dahil sa pagtatalo ng dalawa. Nang tuluyan ng makaalis si Mrs. Rañola ay agad din namang nagsitayo ang mga kabanda ni Kip at nilapitan sya. Naupo pa nga si Homme sa armchair ng upuan ko at ganun din si Roj sa upuan ni Audrey.
"Pare ano? Magpapa-audition na lang ba tayo?" tanong ni Kevz kay Kip.
"Wala naman tayong choice bro. Wrong timing naman kasi umalis to sila Edge," inis na sabi ni Kip.
Siya kasi ang tumatayong leader ng banda at rhythm guitarist. Si Drew ang drummer, si Roj ang keyboardist, si Homme ang lead guitarist at si Kevz ang bassist. Ang Edge na binanggit nya ay ang dati nilang bokalista pati na ang kambal nitong babae, si Erica.
"Club day sa Friday diba? Dun na lang tayo magpa-audition. Sabihan natin si Sir Punzalan," suhestiyon ni Roj habang tinutukoy ang adviser ng Music Club.
"Ganun na nga lang siguro. Wala ng ibang magagawa eh" pagsang-ayon naman ni Kip na tinanguan pa ng iba nyang mga kabanda. Nagsibalik din naman sila sa kani-kanilang mga upuan ng dumating na ang teacher namin para sa susunod na subject.
Nang mag-ring ang bell para sa lunch break ay dumiretso kami sa canteen nina Kellen. Pero bago pa kami makapasok sa loob ay napaupo ako sa sahig dahil sa lakas ng pagkakabangga sakin.
"Kala mo kung sino makaasta, lampa naman pala," dinig kong sabi ng boses ng babae bago ito tumawa. Nakitawa pa ang mga kasama niya pero nakatalikod sila kaya hindi ko makilala.
Mabilis akong tumayo para makita kung sino yun at nagulat pa ako ng humarap si Tanya. Sya yung classmate namin na narinig ko ring may ibinubulong sa kaibigan nya kanina sa classroom.
"What is your problem?" sita ko sa kanya.
"Wala, baka ikaw gusto mo magkaron?" mataray na sagot nya. Kung pwede lang gamitin ang judo sa mga ganitong eksena, hinagis ko na to kanina pa.
"Sa pagkakaalam ko, wala akong problema at sinisiguro ko rin namang hindi mo gugustuhing magka-problema sakin," nakangiting sagot ko sa kanya. May takot na rumehistro sa mukha nya pero sandali lang yun at napalitan din ng lalong pagkainis.
"Unless gusto mo magkabali-bali ang mga buto mo," singit ni Kekang habang tumatawa.
We both took Judo classes when we were in France. Nag-swimming din kami at gymnastics. Ganun siguro karami ang free time namin noon dun kaya kung ano-anong napapasukan namin.
"Wag nyo kong takutin. Kabago-bago nyo lang dito akala nyo kung sino kayo?" halos pasigaw nang sabi ng dalaga.
"Halloween? Takutan? Hindi ka namin tinatakot Miss. Kaya talaga naming baliin yang mga buto mo," sagot pa ni Kekang sa kanya saka sya tiningnan mula ulo hanggang paa. "Hindi ka na nga maganda uma-attitude ka pa!"
"Bakla!" sigaw naman sa kanya ni Tanya. Mukhang wala na itong maisip na sabihin kaya tumalikod na lang matapos isigaw sa mukha ni Kekang yun.
"Matagal na!" pasigaw ding sagot ng kaibigan ko kahit nakatalikod na sya. Saka naman nagtawanan sina Kellen at Audrey, at hinila na kami papasok ng canteen. "Ano kasing problema nun?" inis na sabi pa ni Kekang habang paupo sa table malapit lang sa entrance ng canteen.
"Naku, ganyan naman si Tanya pag may transferees. Insecure lang yun!" sagot sa kanya ni Audrey.
"Aba dapat lang, sa ganda ba naman nating to? Dapat lang syang ma-insecure at ma-threaten kasi hindi sya umabot sa quota!" saka tumawa ng malakas ang baklang impakta.
Napailing na lang ako. One thing I know about the two of us is that we won't leave each other behind. We always got each other's back. Kahit bugbugan pa yan.
Kaya itong mga ganitong hilatsa ni Tanya? Hindi uubra!