Luke’s POV
“Pagkatapos mong basahin iyan, pirmahan mo sa may baba.” Sabi ko kay Summer.
Siya lang naman ang babaeng naglakas-loob na halikan ako during our corporate event. Tapos ang lakas niya pang sabihin na hindi niya ako kilala. For all I know taktika nilang mga babae iyon para isipin kong unique sila.
“For six months lang naman, hindi ba?” tanong niya bigla sa akin.
“Uh-huh. But first of all, kailangan muna nating humarap sa media next week para gawing official ang relationship natin. Then the week after that, magp-propose na ako sa’yo.” Pagpapaliwanag ko.
Tumangu-tango siya. “Okay.”
Actually, noong una ayaw niya pa ngang pumayag. Akala mo naman ang ganda niya, ako na nga itong lugi e.
Matapos niyang pirmahan ang mga papel ay iniabot niya iyon sa akin.
“Okay na.”
“Good. It’s an official deal now, Miss Cortez.” Sabi ko saka ko inilahad ang kanang kamay ko sa kanya.
Inabot niya naman iyon saka kami nag-kamay na dalawa.
“Deal.”
Finally. Makakawala na rin ako mula sa mga kamay ng media. Sa oras na makilala nila ang babaeng ‘to, sigurado akong siya na ang guguluhin nila at hindi na ako.
“Si Denver na ang maghahatid sa’yo sa work mo.”
“Huh? Hindi na, kaya ko namang magpunta ron mag-isa. Hindi mo na ako kailangan pang ipahatid.”
“I know that. But this is for our safety. You can’t face the media until we announce our relationship officially."
Tumangu-tango naman siya. “O-Okay…”
“Denver, ihatid mo na siya.”
“Yes, sir.”
Pagkalabas na pagkalabas nila ng pintuan ng office ko ay kaagad kong tinawagan si dad.
“How was it, Luke?”
“It’s all okay now. I already had a deal with that woman. She’s gullible.”
“That’s good. Just make sure the plan would work or we’re doomed. Kailangan mong siguraduhin na hindi magsasalita ang babaeng iyon.”
“Okay.”
Summer’s POV
“Miss Summer, nandito na po tayo.” Sabi sa akin ng secretary ni Luke na si Denver.
Kaagad naman akong bumaba mula sa kotse.
“Salamat nga pala sa paghatid.”
“Ako rin po ang susundo sa inyo mamaya.”
“H-huh?”
“Iyon po ang utos ni Mr. Forger. Pwedeng may mag-aabang sa inyong media kaya kailangan lang po naming makasigurado na wala munang lalabas na information hangga’t hindi nagiging official ang relationship ninyo ng boss namin.”
Tumango na lamang ako. “Okay.”
Matapos niyon ay pumasok na rin ako sa company building at dumiretso sa office namin. Laking-gulat ko na lamang nang may mga confetti silang inihagis paghakbang ko pa lamang papasok.
“Congratulations, Sum!” sabay-sabay pa nilang sabi sa akin.
Nagtataka naman akong tumingin sa kanilang dalawa. “Congratulations? Para saan?”
“Dahil jowa mo na ang isang Luke Matt Forger!” sabay-sabay pa nilang sigaw.
“Huh?”
Nilakihan naman ako kaagad ng mga mata ni Sherry kaya doon ko naalalang kailangan ko nga palang magpanggap na girlfriend ng mahanging lalaki na ‘yon.
“A-Ah.. hehehe… Thank you sa inyo..”
“Uy, baka naman pwede mong i-kwento sa amin kung saan kayo unang nagkita na dalawa? O kaya naman, i-reto mo nalang kami sa mga pinsan niya!” maharot na sabi ng ka-trabaho ko ring si Pen.
“H-Ha? P-Pasensiya na, marami pa kasi akong gagawin e. Pwedeng next time ko nalang i-kwento sa inyo? May mga final drafts pa kasi akong gagawin sa script ko e.”
Bakas naman ang pagkadismaya sa mga mukha nila dahil sa sinabi kong iyon.
“Ay, sayang naman. Excited pa naman ako.”
“Ako nga rin e.”
“Grabe! Napaka-swerte talaga ni Summer!”
Nagpunta na ako sa puwesto ko saka roon naupo.
Napakabilis talaga ng balita. Hindi ko alam na malalaman kaagad ng mga ka-trabaho ko rito sa office.
Kungsabagay, mga tsismosa nga pala ang mga tao rito.
Pero teka lang, hindi ko pa naman sinasabi kahit kanino na boyfriend ko si Luke a. Kasi ang usapan naming dalawa, wala akong sasabihin na kahit ano hangga’t hindi kami humaharap sa media para gawing official ang relationship kuno namin.
So, paano nila nalaman?
Hindi naman nila malalaman kung walang nagsa—
Doon ako napatingin sa madaldal kong bestfriend na si Sherry na nakangiti lang sa akin.
Sabi ko na nga ba e, ang babaeng ito hindi talaga magagawang itikom ang bibig niya. Ang sabi pa naman sa akin ng mistisong hilaw na 'yon e huwag daw akong magsasabi ng kahit ano sa iba hangga't hindi nagiging official ang fake relationship naming dalawa. E wala na, mukhang mauuna pang magpakalat ng tsismis itong si Sherry kaysa sa mga paparazzi.
Pero hindi nga, may duda pa rin talaga ako sa Luke Forger na iyon. Isipin mo ba naman, hinalikan ko lang naman siya, tapos ang gusto niya pakasalan ko na siya kaagad? As if naman ako palang ang unang babaeng humalik sa kanya e sa pagmumukha niyang iyon mukhang marami na rin siyang niloko at pinaiyak.
Kung wala lang din talaga akong makukuha sa deal na 'to hindi na rin talaga ako papayag e. Mabuti na lamang at magagamit ko rin siya para makapaghiganti kina Dennise at Kyle.