CHAPTER 5
"Napakaganda naman ng bayan na 'to!" wika ko habang nakangite at karga-karga ang napaka-cute na rabbit.
"Ang bayang ito ang nakakasakop sa lupang tinitirhan namin ni ama. Ito ang bayan o ang Land Of Fructuous." mahabang wika ni Geometry na nasa tabi ko at nagmamasid din.
"Sa bandang unahan ng malawak na palayang ito ay matatagpuan ang taniman ng iba't ibang mga prutas." pagdudugtong pa niya.
Ako naman ay hindi makapagsalita dahil wala akong masabi sa taglay na ganda ng lugar na nakikita ko ngayon. Mula sa mga pananim, mga bahay, at mga puno'y purong kagandahan lamang ang nakikita ko. Malinis ang bayan at may mga bata ding nagpapalipad ng saranggola malapit sa may palayan.
Ilang saglit pa ng pagtigil namin ay nagsimula na muli kaming maglakad ni Geometry.
Kasalukuyan namin ngayong binabaybay ang straight na daanan na gawa din sa semento. Sa bandang kanan namin ay nakatayo ang mga kabahayan, at sa bandang kaliwa nama'y naroroon ang malawak na palayan. Sa may gilid naman ng daan ay may roong mga iba't ibang halaman na namumulaklak.
Ang mababangong halimuyak ng mga bulaklak ay naaamoy ko dahil dinadala ito ng sariwang hangin.
Habang naglalakad kami ni Geometry ay bahagya naman akong napatingala sa magandang kalangitan. Nakakita ako ng mga kakaibang ibon na may malalapad na pakpak at lumilipad sila ng malaya sa himpapawid. Para bang sila'y nagsasaya.
"Malapit na tayo sa siyudad at kapag naroroon na tayo ay huwag kang hihiwalay sa akin Zafeira." mahinang saad ni Geometry na siyang nagpabalik ng atensyon ko sa dinadaanan namin.
"Uy, tingnan niyo 'yon oh! May napakagandang babae na kasama si kuyang Geometry!" rinig kong sambit ng batang nasa unahan namin. Itinuro niya pa ako sa mga batang kasama niya bago sila tumakbo patungo sa amin.
"Ayts! Naririto nanaman ang mga makukulit na bata!" wika ni Geometry na para bang naiirita.
"Ano kaya ang ginawa ng mga bata kay Geometry, bakit siya naiirita?" T
tanong ko sa aking isipan.
Habang papalapit sa amin ang mga bata na may daladalang mga saranggola ay natutuwa akong pagmasdan sila. Bakas na bakas sa kanilang mga ngite na sila'y masasaya. Namimiss ko tuloy na maging bata at magpalipad din ng saranggola habang tumatakbo sa malawak na damuhan.
"Uy! Kuya Geometry ipakilala mo naman saamin ang magandang binibining kasama mo!" wika ng isang bata na nasa harapan ni Geometry.
"Oo nga, ipakilala mo naman kami kuya!" pagdudugtong naman ng isang batang babae na may roong kulot na buhok at bilugang mga mata.
"Ate, ang kyut naman po ng rabbit niyo!" malambing na saad ng isa pang batang babae na nasa harapan ko.
"Ah, heheh! Oo nga eh! Ang kyut ng rabbit na 'to. Nakuha ko lang siya sa may bundok ng pababa kami dito." nakangite kong tugon aa bata.
Naluhod ako sa harap ng mga bata upang kausapin sila. "Alam niyo mga bata, ang pangalan ko ay Zafeira at ikinagagalak ko kayong makilala. Ano nga pala ang inyong mga pangalan?" pagtatanong ko sakanilang tatlo.
Samantala habang kinakausap ko ang tatlong mga bata ay napapansin ko namang kanina pa tahimik at naiinip si Geometry.
"Ate, ate dumalaw ka sa bahay namin kasi ipapakilala kita sa kuya ko!" masayang turan ng batang lalaki na nagngangalang Kun.
"Mas bagay siya sa kuya ko!" wika naman ng batang babae na si Saysay. Siya ang batang may kulot na buhok at may bilugang mga mata.
"Huwag na kayong umasa. Ipapakasal ko si ateng maganda sa kuya ko!" matapang naman na saad ng isa pang bata na nagngangalang Ira.
"Sabi nang bagay siya sa kuya ko!" galit na wika ng batang si Kun.
Lagot, nagtatalo-talo na sila!
Tumayo na ako at doon naman nagsalita si Geometry.
"Mga bata itigil niyo na 'yan! May pupuntahan kami ni ate Zafeira niyo!"
Ani niya na ikinatigil naman ng pagtatalo nang tatlong bata.
Hay! Mabuti nalang at nandito si Geometry! Kung wala siya dito, malamang na mahirapan akong awatin ang tatlong bata.
"Pasensya na po kayo!" sabay-sabay na wika ng mga bata.
"Oh, siya! Paalam!" pagpapaalam ko naman habang nakangite.
Matapos ang ilang saglit ay muli na kaming naglakad ni Geometry at doon ay kumaway-kaway na sa amin ang tatlong bata.

"Paalam ateeee!" masasaya nilang wika habang tinitingnan kami ni Geometry papalayo.
Geometry POV
Mukhang hindi maganda ang kutob ko ngayon! Ano kaya ang mangyayari? Sana naman ay hindi pagkaguluhan si Zafeira sa siyudad.
Hindi ko naman kasi puwedeng takpan ang mukha niya dahil baka isipin ng mga tao na isa siyang nakalayang bilanggo at nahihiyang makihalubilo.
"Geometry malayo paba tayo sa siyudad?" mahinang tanong ni Zafeira saakin.
"Malapit na tayo! Mga dalawang pong minuto pang lakaran." tugon ko naman sa kaniya.
Tiningnan ko siya habang naglalakad kami at nabu-buwesit ako dahil nakikita ko parin ang pesting rabbit na karga-karga niya.
Hindi ko alam kung tama ang naiisip ko pero, paano kung isang wizard ang rabbit na karga karga ni Zafeira at nagpapanggap lang pala bilang isang cute na rabbit?
Tsk. Pag-naiisip ko ang bagay na 'yon ay parang gusto ko nang sipain papalayo ang rabbit.
Samantala gano'n nalang ang pagkabigla ko ng biglang magising ang rabbit at tinitigan ba naman ako nito ng napakasama. Aba, pinagbabantaan ako ng isang rabbit?
Halata sa mata ng rabbit na ayaw niya din sa akin. Tssss, rabbit na 'to! Pasalamat siya dahil karga siya ni Zafeira dahil kung hindi ay kanina ko pa siya sinipa na parang bola. Paliliparin ko talaga siya ng husto sa ere.
Dahil sa pang-iinis ng rabbit ay binilisan ko ang paglalakad na ipinagtaka naman ni Zafeira.
"Uy, Geometry bakit mo ako iniiwan?" tanong niya saakin.
Hayts! Mas okay na ako ang mauna kaysa makita ko ang mata ng pesting rabbit na 'yon.
Mula pa kasi ng bata pa ako ay ayoko na talaga sa mga rabbit. Naiinis ako kapag nakikita ko sila. Gustong-gusto sila ng mga bata at pati ni Keira. Minsan nakakaselos din kasi inaatupag nalang palagi ni Keira ang rabbit na alaga niya.
Malas ko naman, kasi pati si Zafeira ay gusto rin ng rabbit.
Zafeira POV
Bakit ba parang nagdadabog kung maglakad si Geometry?
Ang bilis-bilis niya at parang napaka bigat pa ng kaniyang mga paa kung maglakad.
"Ayos kalang ba rabbit?" tanong ko naman sa rabbit na kinakarga ko.
Hinaplos haplos ko ang likod ng rabbit at saka siya yinakap habang ako'y naglalakad.
Ang lambot ng balahibo niya at hindi din siya mabaho. Siguro'y may perfume din ang mga rabbit sa mundong 'to.
"Nakaka-aliw talaga!" nakangite kong wika.