ISANG linggo matapos ang graduation namin ay nagpabook si Tita Mel ng reservation sa isang magandang resort for three days and two nights. Super excited na ko kaya pagkasabi pa lang ni nanay sa kin ng tungkol dun ay namili na agad ako ng mga damit na dadalhin. Hindi ako masyadong namroblema sa damit dahil marami pa kong bagong damit na hindi pa nasusuot. Lagi kasi akong binibilhan ni Tita. Sa tuwing may nakikita daw syang cute na damit ay naaalala nya ko kaya bibilhin nya agad. Maliban lang sa swimsuit, luma na ang swimsuit ko at hindi ako sigurado kung kasya pa ba iyon sa kin. 
"Jean anak, pwede bang pumasok?" si tita na sumilip sa pinto ng kwarto. 
"Ay sige po tita pasok po kayo." paanyaya ko sa kanya.
"Jean oh." sabi nya habang inaabot ang isang paper bag. 
"Ano po ito tita? Para sa kin po ba to?" tanong ko habang sinisilip ang loob ng paper bag.
"Oo Jean para sa yo yan, sige tignan mo." 
Inilabas ko sa paper bag ang laman nito. Namangha ako sa aking nakita.
"Wow tita ang ganda naman po nito. Thank you po!" tinabihan ko si tita at niyakap sya bilang pasasalamat.
"Buti naman nagustuhan mo. Isama mo yan sa mga damit na dadalhin mo ha sigurado ako bagay sa yo yan." 
"Thank you po uli tita. Sakto po kasi masikip na yung luma kong swimsuit." 
"Alam ko kaya nga binilhan kita. O sige ituloy mo na yang pag-iimpake mo maiwan na muna kita." 
"Sige po." 
             ______________________________
DUMATING na yung araw na pinakahihintay ko. Maaga akong nagising dahil excited talaga ko. Naligo agad ako at hinanda ang mga dadalhin kong gamit. Pinuntahan ko si John sa kwarto nya para maaga din sya makapagready. 
"John, gising na! Maaga tayo aalis." tulog pa ito nang datnan ko sa kanyang kwarto.
Humikab muna ito bago nagsalita. "Haaayy anong oras na ba?" tanong nya sa kin habang kinukusot-kusot ang mga mata.
"6:30 na kaya tayo ka na dyan at magready ka na." 
"Eh ang aga pa pala e. Bakit ba ang aga mong manggising? Mamaya pa tayo aalis." paliwanag nito.
"Sabi po kasi sa kin ni Tita Mel kahapon 8:00 daw tayo aalis. Kaya bangon na!!" naiinis kong sabi sa kanya.
"Okey okey eto na po babangon na. Hintayin mo na lang ako sa sala maliligo lang ako. O bka gusto mo ko paliguan?" nakangising sabi ni John.
"Aray! Nagbibiro lang naman e." pinalo ko sya ng malakas sa braso.
"Lalabas na ko ha, bilisan mo." tumayo ako at lumabas ng kwarto nya.
             ______________________________
INABOT din ng mahigit dalawang oras ang byahe namin papunta sa resort sa Batangas. Pagpasok pa lang ng gate ng resort ay namangha na kaming lahat dahil sa ganda nito. Inassist kami ng staff ng resort papunta sa tutuluyan naming bahay. May 3 kwarto ang pinareserve ni Tita Mel. Isang kwarto sa kanila, yung isa sa amin nila nanay at tatay, at isang maliit na kwarto para kay ate Juvy. Kumpleto din sa facilities ang resort. May entertainment area kung saan may billiards, videoke room, at outdoor playground. May restaurant din at souvenir store. At syempre may pool area din para sa ayaw maligo sa beach. 
"Kumain na muna tayo bago natin iexplore itong resort. Mahaba din ang binyahe natin kaya sigurado akong gutom na kayo." yaya ni Tita Mel habang nilalabas ang mga baon naming pagkain. 
"Wow ang sasarap naman po nyan." excited kong sabi kay Tita Mel.
"Syempre naman pinaluto ko mga paborito mo Jean." si Tita Mel.
Si Tito Dennis ay nakaupo na din sa dining area. Hindi sya palakibo. Mas madalas lang namin sya marinig magsalita kapag may kausap sya sa cellphone tungkol sa negosyo. Si nanay at tatay ay naglalagay na ng mga pinggan, kutsara, at tinidor sa lamesa. Si Ate Juvy naman ay tinawag si John sa kwarto dahil ayaw pa din kumain nito. 
"Nay, labas po muna ko punta lang po ako sa playground." Sabi ko kay nanay matapos kong kumain. 
"Sige anak, huwag kang lalayo ha. Yayain mo kaya si John para may kasama ka." suhestiyon ni nanay.
"Hindi na po nay, kaya ko naman po mag-isa." 
Dumeretso agad ako sa swing at umupo sa bakanteng upuan. May mangilan-ngilan ding bata ang naglalaro dito pero halos mas bata sa kin. Maya-maya lang ay umalis ang nakaupo sa tabi kong swing. Ngunit may pumalit din agad.
"Can i sit here,?" tanong ng isang batang lalaki na halos kasing-edad ko.
"Ha? Pwede naman." medyo nagulat ako dahil sa likod ko sya nanggaling.
"Hi! I'm Jason. And you are?" pagpapakilala nya sa kin.
"I-im Jean." medyo pautal kong sagot sa kanya.
"Okay lang bang makipagkwentuhan sa yo?" 
"Okey lang naman" 
"Bakit nga pala mag-isa ka dito? Where's your family?" tanong ni Jason.
"Nandun sila sa cottage na nirent namin. Pagod pa daw sa byahe kaya nagpahinga muna." 
"Oh i see. So kakadating nyo lang pala. Well, it's our fifth day here already. So the day after tomorrow balik Manila na kami." kwento nya.
"Oo kanina lang kami dumating, three days two nights lang kami dito. Hindi kasi pwede magtagal dahil sa business nila Tita." 
Madami kaming napagkwentuhan ni Jason tungkol sa school, sa mga hobbies namin, sa family, at kung ano-ano pa. Masaya syang kasama and lagi syang nagjojoke kya tawa ako ng tawa ng...
"Jean! Kanina pa kita hinahanap nandito ka lang pala. Halika na balik na tayo sa cottage." 
"John, si Jas- " hindi pa man ako tapos sa sinasabi ko ay hinila na ko ni John palayo. Wala akong nagawa kundi kumaway na lang kay Jason na nakasunod ng tingin sa amin.