MABILIS na lumipas ang mga araw, linggo, at buwan. Naging masaya kaming dalawa ni John dahil lagi kaming magkasama sa school at sa bahay. Madalas na din kaming sabay gumawa ng mga assignments namin. At dahil siguro inspired kami pareho ay tumaas ang mga grades namin na ikinatuwa syempre ng mga parents namin. Sa totoo lang ay nakakahalata na ang mga parents namin dahil mas lalo kaming naging close na dalawa ni John. Pero since mga bata pa kami ay todo deny lang kami tuwing tinatanong nila kami. 
"Wow congrats mga anak! Ang gagaling nyo naman." bati sa min ni Tita Mel pagkatapos nyang makita ang report card namin ni John.
"Thank you po Tita Mel. Pinagbubuti ko po talaga para hindi po masayang ang pinangpapaaral nyo sa kin." sabay yakap kay tita.
"Ikaw talagang bata ka napakalambing mo na napakabait pa." tinugon nya ang yakap ko sabay halik sa noo ko.
"Mana po ako sa yo tita eh. At pareho po tayong maganda! " 
"Weeh di nga?" pang-aasar ni John.
"Bakit John, hindi ka ba nagagandahan sa min?" tanong ko kay John. Pinagdikit pa namin ni Tita ang mga mukha namin at sabay nagbeautiful eyes. 
Palipat-lipat ang tingin sa min ni John na parang sinusuri ang mga mukha namin ng mommy nya.
"Hay naku tita, hindi na po sya nakapagsalita. Tignan nyo po oh parang naestatwa na. Nasobrahan yata ng paghanga sa magaganda nating mukha." nilagay ko ang kamay ko sa harapan ng mukha nya at ginalaw-galaw ito para mawala sya sa pagkatulala.
"Sige na po tita bababa na po ako, bye po." paalam ko kay tita.
"Wait lang, intayin mo ko." bumalik sa wisyong saad ni John.
"No John, stay here for a while. May sasabihin lang ako sa yo." sabi ni tita kay John.
Kinawayan ko na lang si John hudyat na aalis na ko sa kwarto nila Tita Mel.
"What is it mom?" tanong ni John sa mommy nya.
"John, nasabi mo na ba sa kanya?" tanong ng mommy nya.
"Not yet mom. I don't know how to." biglang nalungkot ang mukha nya.
"But you have to. Mas masasaktan si Jean pag pinatagal mo pa. Kung di mo masabi sa kanya, much better kung ako na lang magsabi." suhestyon ng mommy nya.
"No mom i'll do it. Just give me more time. May ilang months pa naman." nagpaalam na sya sa mommy nya na pupunta na sya sa kwarto nya.
        ____________________________________
LINGGO ng hapon ay nadatnan ko sa garden si John. "Hi!" bati ko sa kanya. "mukhang malalim ata iniisip mo ha." 
"Ha? Hindi naman ineenjoy ko lang ang fresh air." tumayo sya at lumapit sa bandang kaliwang bahagi ng inuupuan nyang bench kung saan madaming nakatanim na mga rosas.
"Para sa yo Jean" inabot ni John sa akin ang isang kulay pulang rosas. 
"Salamat, okey ka lang ba? Para kasing ang lungkot ng mga mata mo eh" puna ko sa kanya.
"Hindi ah bakit naman ako malulungkot eh kasama kita. Alam mo bang ang pinakamasayang araw ko ay ang mga araw na kasama kita. Kung pwede nga lang na pahintuin ang mga araw para mas matagal pa tayo magkasama." kita sa mga mata niya ang lungkot.
"Ano bang sinasabi mo? E lagi naman tayo magkasama ha. Teka, bakit ganyan ka magsalita? Aalis ka ba?" puno ng pagtatakang tanong ko kay John.
"Hay naku, wag mo na nga lang akong pansinin. Maalala ko nga pala, may utang ka pa sa kin ha."
"Ha? Anong utang? Hindi naman ako umuutang sa yo ah" pag-uusisa ko.
"You forgot already?? Well, ipapaalala ko sa yo. Remember nung nag arcade tayo months ago, di ba sabi mo pag nakuha ko yung teddy bear na gusto mo sa claw machine ay ikikiss mo ko?" sabay kindat nya at hila ng kamay ko papunta sa tagong lugar ng garden.
"Baka may makakita sa tin dito" kinakabahan kong sabi sa kanya.
"Don't worry walang pumupunta dito. Natatakpan tayo mg mga halaman oh.". turo nya sa matataas na halaman. "Wag kang kabahan Jean ako bahala sa yo." hinawakan nya ang dalawang kamay ko na syang nagpakalma sa kin.
Sa totoo lang ay sobrang bilis ng tibok ng puso ko. Kinakabahan ako na kinikilig na sobrang excited. Ewan ko ba, bahala na.
"Nahihiya ako e, pikit ka muna. Wag kang didilat hangga't di pa kita nakikiss ha." request ko sa kanya.
"Okey i'm waiting." pinikit nya ang mga mata nya.
Dahan-dahan kong nilapit sa pisngi nya ang nakatulis kong nguso. Pumikit din ako dahil kinakabahan pa din ako. Pag lapat ng nguso ko ay malambot na labi ang naramdaman ko. Bigla akong dumilat at nagulat ako ng magkadikit ang labi naming dalawa ni John. 
"John!!! kainis ka, anong ginawa mo?" inis na tanong ko.
"Ano pa, eh di kiniss ka." hinila nya ko palapit sa kanya at niyakap ng mahigpit. Gumanti din ako ng yakap sa kanya. 
"Jean mahal na mahal kita. Pangako ko sa yo wala akong ibang mamahalin kundi ikaw lang. When we become adults, pakakasalan kita." seryosong sabi nya habang magkayakap kaming dalawa.